«Վարչապետի հետ նույն շարքում․ Armenian Geographic-ի պատմության մեջ բացառիկ օր էր»․ արշավախմբի ղեկավարի հուզիչ գրառումը

Ինչպես տեղեկացրել ենք՝ ՀՀ վարչապետ Նիկոլ Փաշինյանը երեկ մի արշավախմբի հետ բարձրացել էր Արտանիշի գագաթ։ Արշավախմբի ղեկավարը, որը ֆեյսբուք սոցցանցում գրանցված է Տիգրան Վարագ անունով, իր էջում հետաքրքիր մանրամասներ է հայտնել արշավից․

«Ամեն արշավ սկսվում է հրահանգավորումից, որի ամենակարևոր կետը, ամենամեծ խնդրանքս ու պահաջս է քայլել շարքով։ Շարքով քայլելն անվտանգ է, բոլորը քայլում են մի տեմպով, խումբը դառնում է մի օրգանիզմ։ Շարքով քայլելը հեշտ է։ Շարքը խոսում է խմբի կարգապահության մասին։

Ամեն հրահանգավորումից առաջ ես պատրաստ եմ այն հարցին թե բա խի՞ ենք շարքով քայլում։ Ամեն արշավին գտնվում է մեկը, ով անպայման քայլում է շարքից դուրս։ Միշտ կա մեկը, ում պետք է անընդհատ հիշեցնել մտնել շարք, ում պետք է բացատրել, որ անկախ քո տարիքից, փորձից ու դիրքից դու էս խմբի մասնիկ ես ու պարտավոր ես պահել խմբի կանոնները»,- գրել է արշավախմբի ղեկավարը՝ հավելելով, որ արշավների ընթացքում հաճախ է արտաբերել այն միտքը, որ մեր երկիրը էն ժամանակ երկիր կդառնա, երբ բոլորս կսովորենք արշավի ընթացքում քայլել մի շարքով։

Դա, ըստ Տիգրան Վարագի, կնշանակի կարգապահ հասարակություն ունենալ։

«Մեկնարկի կետում կանգնած պետք է հրահանգավորեի ու սկսեինք վերելքը։ Շրջակա միջավայրի նախարար Էրիկ Գրիգորյանին հարցրեցի՝ բա ու՞ր են ձերոնք, քանի որ իմ տվյալներով նրա հետ պետք է լինեին իր ընկերները։ Էրիկը խորհրդավոր ժպիտով ասեց՝ հենա, գալիս են։ Հեռվում երևաց 4 նույնանման մեքենայից կազմված շարասյուն, որոնցից դիմացինի վրա կարմիր-կապույտ լույսեր էին վառվում-հանգում։ Ժպտալով Էրիկին ասեցի՝ էս կարո՞ղ ա վարչապետն ա գալիս»,- շարունակել է պատմել Վարագը։

Ու թեեւ նրա պնդմամբ՝ իր ասածի մեջ ոչ մի լրջություն չի եղել, քանի որ տեղյակ չի եղել ոչնչից, մեքենաներից մեկից հենց վարչապետն է իջել․

«Մեքենաները կանգնեցին, վարչապետը իջավ։ Ինչպես միշտ ժպիտը դեմքին, ձեռքը պարզեց սկսեց բարևել արշավի մասնակիցներին։

Անկեղծ ասած մի պահ պապանձվեցի, մտքումս հրահանգավորումն էր ֆռում։ Ինքս իմ հետ ընկա հարցուպատասխանների մեջ։ Բա որ շարքով չքայլի, ոնց եմ մտցնելու շարք, դե լավ վարչապետ ա, չնայած ինչ տարբերություն, ով ուզում ա ըլնի, բա ուրիշին ոնց ես ասում մտի շարք, մարդ ա էլի ինչ տարբերություն, բայց դե վարչապետն ա է, վերջ, ես իմ գործն եմ անում, կանոնները բոլորի համար են։

Սկսեցի հրահանգավորումը։ Էն պահին, երբ ասեցի ինձնից առաջ ոչ ոք չի անցնում, վերջից գալու է Հրաչուհին, Հրաչուհուց հետ չընկնեք։ Վարչապետը սկսեց փնտրել Հրաչուհուն, նույնիսկ առաջ եկավ թեքվեց, որպեսզի տեսնի ում մասին է խոսքը, ումից հետ չի կարելի մնալ։ Ձեռքով ցույց տվեցի, գլխով արեց։ Սկսեցինք քայլել։

Վարչապետը մտավ շարք ինչպես բոլորը։ Ինձնից հետո երևի 7-8-րդն էր։ Առաջին 5 րոպեյից հետո սիրտս ընկավ տեղը։ Վարչապետին նկատողություն անելու անհրաժեշտություն չի լինելու։ Նիկոլը քայլում էր շարքով։ Ժպտալով մտածեցի դե սրանից հետո թող մեկը դուրս գա արշավների ժամանակ շարքից, ասելու եմ տո դու քանի գլխանի ես, սկի Նիկոլն ա մեր հետ շարքով քայլել։Ճ

Ընթացքում հենց նկատում էի վարչապետի շնչառությունը դժվարանում է հարցնում էի արդյո՞ք կանգնել, հանգստանալու անհրաժեշտություն կա։ Ասում էր՝ դու ասա, ոնց ասես, դու ես խմբի ղեկավարը»,- արշավի մանրամասները հայտնել է խմբի ղեկավարը, ապա շարունակել․

«Որոշել էի գագաթին նկարվենք, պատկերացնում էի ոնց կարձագանքի արշավային համայնքը։ Մտածում էի ոնց կուրախանան մերոնք, բայց նաև վախում էի մի քանի հոգի նախանձից ինֆարկտ կտանի։ Մեկ էլ պահի տակ մտքովս անցավ․ բա որ չհասնի գագաթ։ Հետո էլ պտտվեցի նայեցի քայլքին, հասկացա որ չէ, հաստատ կհասնի, բայց ամեն դեպքում որոշեցի հիմա նկարվենք, զգացի որ չեմ համբերի մինչև գագաթ։

Նկարվեցինք, գնաց ֆեյսբուք։ Հետո վարչապետը լայվ մտավ։ Ու տեղի ունեցավ փոքրիկ հեղափոխություն մեր բնագավառում ու անսովորը դարձավ սովորական։

Շարունակում էինք քայլել, վարչապետը հանգիստ քայլում էր շարքի մեջ։ Թիկնապահները շարքից դուրս էին գալիս հետ ու առաջ էին ընկնում։ Դա իմ համար էական չէր։ Իրենք ծառայության մեջ էին։

Հասանք գագաթ։ Խորհրդակցելով խմբի հետ Նիկոլը լայվ մտավ և Արտանիշի գագաթից իր խաղաղության ուղերձը հղեց տարածաշրջանին։

Գագաթից իջնելիս ինչպես միշտ շարքը խախտվեց։ Իջնելուց շարք պահելը ցանկալի է, բայց ոչ պարտադիր։ Սարի կեսին Նիկոլն ասեց, բայց ինչի՞ էլ շարքով չենք քայլում, շարքով ավելի հեշտ էր։

Անսովորը դարձավ սովորական։ Նախքան սա ոչ մի իշխանության ժամանակ երկրի առաջին դեմքը չէր բարձրացել սար որևէ խմբի հետ։ Մեզ համար մեծ պատիվ էր, որ հենց մեզ հետ որոշեց գալ վարչապետը։ Armenian Geographic -ի պատմության մեջ իհարկե սա բացառիկ օր էր։

Ողջ գրառումս պտտվում էր շարքով քայլելու շուրջ։ Շարքը կարգապահություն ա։ Շարքով քայլող վարչապետը մեզնից մեկն ա, որովհետև ինքը կտրված չի իրականությունից, Նիկոլը արշավի ընթացքում որոշումներ չէր կայացնում ու հրահանգներ չէր տալիս, որովհետև հասկանում էր, որ եթե միացել ա պրոֆեսիոնալ խմբի, ուրեմն պետք ա ենթարկվի խմբի կանոններին։

Վարչապետը չմոռացավ գովազդեր արշավային տուրիզմը։ Կոչ արեց մարդկանց ապրել առողջ, բարձրանալ սարեր, ճանաչել հայրենիքը։ Գնալիս բոլորին հաջող արեց, շնորհակալություն հայտնեց արշավի համար ու գնաց, մի 5 քայլից կանգ առավ հայացքով փնտրեց ինձ (ասինքն խմբի ղեկավարին։Ճ) ու ձեռով արեց, ասեց Տիկ, հաջող:

Չգիտեմ որքանով ստացվեց ներկայացնել մեր երեկվա արշավը, բայց երեկ չգրեցի, որովհետև մի քիչ հուզված էի։

Շնորհակալություն Էրիկ Գրիգորյանին։ Ձեր ներկայությամբ ու խորհուրդներով փոխեցիք շատերի պատկերացումները։

Հիմա ես ունեմ այն հարցի պատասխանը, թե որն է եղել իմ կյանքի ամենամեծ անակնկալը»։

 

Տպել
7231 դիտում

Տիգրան Ավինյանն այսօր եղել է Սև լճում

Բանակցությունները կշարունակվեն վաղը.ադրբեջանական կողմին կրկին առաջարկվել է առանց նախապայմանի վերադառնալ ելման դիրքեր.ՊՆ

Հայաստանի՝ ՀԱՊԿ-ին դիմելը Բաքուն որակել է որպես սահմանային իրավիճակի քաղաքականացում

Պետությունն աջակցում է ամուսին չունեցող կանանց մայրանալ. նախկինում նրանք ասոցացվում էին անառակի հետ, այսօր պատկերը այլ է

ՀԱԹ Բ2 թաղամասի բարձրահարկի հրդեհը մարվել է

Արա Այվազյանը հեռախոսազրույցներ է ունեցել ՀԱՊԿ ԱԳ նախարարների խորհրդի նախագահի և Ստանիսլավ Զասի հետ

Օրը 2 անգամ ջուրը նմուշառվում է. ՄԻՊ փաստահավաք աշխատանքների արդյունքները Վերին Շորժայում և հարակից սարատեղիներում

Ճանաչողական այցով Գյումրիում է դեսպան Ջոն Պատրիկ Գալագերին

ՀՀ-ում ստեղծված իրավիճակը ՀԱՊԿ-ի համար աննախադեպ փորձություն է և իմիջային հարց, որպես միջազգային անվտանգային կառույց. ԱԽ

Կկայանա Երվանդ Երկանյանի Թիվ 7 սիմֆոնիայի պրեմիերան. Սիմֆոնիկը հրավիրում է համերգի

Ասկերանի Իվանյան համայնքում ճաշարան է հրդեհվել

30-ամյա հետախուզվողը բերման է ենթարկվել

Իտալացի սենատորը հորդորել է ԱԳ նախարարին արձագանքել ՀՀ պետական սահմանն ադրբեջանցիների կողմից խախտելու փաստին.«Արմենպրես»

«Ակունքից՝ տիեզերք». ժողովրդական արվեստների թանգարանը կներկայանա նոր ցուցանմուշներով

Հայաստանը կլիմայի փոփոխության հետևանքների նկատմամբ խիստ խոցելի երկիր է (տեսանյութ)

Արա Այվազյանն ու Քուբադ Թալաբանին տարածաշրջանային և միջազգային օրակարգային հրատապ հարցեր են քննարկել

Թանգարանային գիշեր. հրավիրում է Հայաստանի բնության պետական թանգարանը

Վահան Քերոբյանը Դիլիջանում մասնակցում է «Հայաստանը՝ որպես արդի արդյունաբերական և գիտահեն պետություն» ֆորումին

Հայաստանի նկատմամբ ադրբեջանական սադրանքը պետք է դադարեցվի զորքերի անհապաղ դուրսբերմամբ. իտալացի պատգամավոր.«Արմենպրես»

Վահան Քերոբյանը Գյումրիում մասնակցեց «Դիստրիկտ» էկոթաղամասի հիմնադրման մեկնարկին

Հրդեհ Երևանի ՀԱԹ Բ2 թաղամասում. հայտարարվել է հրդեհի բարդության «1 ԲԻՍ» կանչ

Շրջանների զգալի մասում սպասվում է կարճատև անձրև և ամպրոպ, առանձին հատվածներում՝ նաև կարկուտ

ՀՀԿ-ն և «Հայրենիքը» հուշագիր են ստորագրել. Սերժ Սարգսյանը նորաստեղծ դաշինքի ցուցակում չի լինի

Սյունիքում երեկ կատարվածի փաստով հարուցված քր. գործով կա 1 ձերբակալված, հարցաքննվել են մի շարք անձինք. Քննչական կոմիտե

Սպանության մեղադրանքով հետախուզվողները հայտնաբերվել են Պռոշյան գյուղում (տեսանյութ)

Արցախում ընթացքի մեջ է կորոնավիրուսի դեմ պատվաստման գործընթացը

Մհեր Գրիգորյանն Իրաքյան Քուրդիստանի փոխվարչապետին է ներկայացրել ԵԱՏՄ շուկայի բիզնես գործունեության առավելությունները

Ատոմակայանի աշխատանքը կանգնեցվեց. այն չի աշխատի 141 օր

Պատերազմից հետո 38-ամյա քաղաքացին յուրացրել է ՊՆ-ին պատկանող «ՈՒԱԶ»-ը

Մինչև 1 տարեկան երեխաների համար ՀՀ մուտք գործելիս ՊՇՌ թեստավորման պահանջը հանվել է

Հայաստանի Հանրապետությունը վճռական է բոլոր միջոցները ձեռնարկել՝ ապահովելու իր տարածքային ամբողջականությունը. ԱԳՆ

Մենք խաղաղ էինք մեր լեռների պես, Դուք հողմերի պես խուժեցիք վայրագ. Ջոնաթան Լաքոթը հայերենով Շիրազ է հրապարակել

Մեղրի-Քաջարան ճանապարհահատվածը դարձել է միակողմանի անցանելի. իրականացվում է մաքրման աշխատանք

«Ի սեր հայ ու հայկականի». Գյումրիում անցկացվեց «Շիրակի էսքիզներ» հանրապետական պարային մրցույթ-փառատոնը (լուսանկարներ)

Սևանի ՃՈ անշարժ պահակակետի հարակից տարածքում հետախուզվող է հայտնաբերվել

Արցախում կորոնավիրուսի 4 նոր դեպք է հաստատվել. ստացիոնար բուժում է ստանում 30 վարակակիր

Սյունիքում երեկվա ակցիայի մասնակից 8 անձ է բերման ենթարկվել. կա ձերբակալված

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)