Մսի բացօթյա առևտուր՝ հակահիգիենիկ պայմաններում, առանց ՀԴՄ-ի ու փաստաթղթերի. ահազանգերն իրավիճակ չեն փոխում

Ամանորի նախօրեին Հայաստանի Հանրապետության ողջ տարածքում արձանագրվել է բացօթյա աշխույժ առևտուր: Բակերում, փողոցներում, մեքենաների բեռնախցիկների մեջ ու ծալովի սեղանների վրա վաճառվում էր անհայտ ծագման սնունդ: Ոչ սառնարանային պայմաններում, բացօթյա, առանց փաստաթղթերի վաճառվող մսեղիքի օգտագործման հետեւանքով հնարավոր վտանգների մասին պետական մարմինները բազմիցս զգուշացրել են: Սակայն, ըստ Սննդամթերքի անվտանգության տեսչական մարմնի տեղեկատվության և հանրային կապերի բաժնի պետ Անուշ Հարությունյանի՝ այս ոլորտում ևս գործում է հայտնի տնտեսագիտական ճշմարտությունը՝ քանի դեռ կա պահանջարկ, առաջարկ լինելու է:

«Հայկական ժամանակի» հետ զրույցում Երևանի բնակիչ Աննա Հարությունյանը պատմեց, որ իրենց բակում Ամանորից առաջ ամեն օր բացօթյա միս է վաճառվել: Ակնհայտ աղտոտ լաթերի վրա դրված խոզի բդերը օրեր շարունակ եղել են իրենց փողոցում՝ բնականաբար, առանց վաղեմության ժամկետի, անվտանգության մասին որևէ փաստաթղթի, վաճառքն էլ իրականացվել է առանց ՀԴՄ կտրոնների: Մեզ հետ զրույցում Հարությունյանը նշեց, որ օրեր շարունակ լուսանկարել և ահազանգել է խնդրի մասին, ցույց տվեց Սննդամթերքի անվտանգության տեսչական մարմնին իր ուղարկած հաղորդագրություններն ու ստացած պատասխանները: Փողոցում իրավիճակը, սակայն, որևէ փոփոխություն չի կրել՝ հաջորդող օրերին էլ բդերը վաճառվել են նույն տեղում՝ սարսափելի հակահիգիենիկ պայմաններում:

«Մենք լիազորություններ չունենք արգելել վաճառքը կամ տուգանք սահմանել ոչ իրավաբանական անձի նկատմամբ, իսկ փողոցում վաճառք իրականացնողները ոչ անհատ ձեռնարկատեր են, ոչ էլ որևէ այլ ձևով են գրանցված»,- ՀԺ-ին ասաց Անուշ Հարությունյանը: Խանութների կամ գրանցված վաճառքի կետերի նկատմամբ տեսչական մարմինը ստուգումներ կարող է իրականացնել, սակայն փողոցային առևտուրը բացառապես ոստիկանության և տեղական ինքնակառավարման մարմինների վերահսկողության տիրութում է:

«Էջմիածին տանող ճանապարհին իրավիճակն այնպիսին էր, որ առանց ոստիկանության ուղղակի հնարավոր չէր որևէ լուծում տալ: Որոշ տեղերում մեր տեսուչներն իրենց ուժերով կարողացան կասեցնել մսի ապօրինի վաճառքը, սակայն պիտի նշեմ, որ եթե վաճառողներն այնքան գրագետ լինեին, որ իմանային, որ մենք նման իրավասություն չունենք, կարող էին և չենթարկվել հեռանալու պահանջներին ու շարունակել իրենց վաճառքը: Բայց, պիտի կրկնեմ, դա միայն այդ պահի լուծում է: Մեր տեսուչները չեն կարող օրուգիշեր հսկել, որ նման պայմաններում ապօրինի վաճառք չիրականացվի: Խնդրի լուծումը բնակչի գիտակցության բարձրացումն է: Մի քանի դրամ խնայելու համար գնում են այդպիսի պայմաններում վաճառվող միս: Պիտի հասկանան, որ ոչ միայն պիտի չվտանգեն իրենց ու իրենց մտերիմների առողջությունը՝ գնելով նման սննդամթերք, այլև՝ նման իրավիճակ տեսնելով՝ պիտի համապատասխան մարմիններին ահազանգեն»,- ասաց Անուշ Հարությունյանը:

Ի պատասխան այն դիտարկմանը, որ մեզ հետ զրույցում քաղաքացին ապացույցներ է ներկայացրել, որ պարբերաբար նկարներ է ուղարկել, ահազանգել, սակայն առևտուրը նույն աշխուժությամբ շարունակվել է, Անուշ Հարությունյանը հիշեցրեց, որ տեսչությունն իրավասու չէ վերահսկել այն գործունեությունը, որն իրավական որևէ շրջագծի մեջ չէ, հարկ է դիմել ոստիկանություն, ՏԻՄ մարմիններ:

Այն դիտարկմանը, որ խուսափելով ոստիկանության հետ փաստաթղթային քաշքշուկից՝ քաղաքացիները նախընտրում են ահազանգել տեսչական մարմին՝ Անուշ Հարությունյանն արձագանքեց. «Մենք ունենք համագործակցություն նաև ոստիկանության հետ, և ինքներս էլ փոխանցում ենք քաղաքացիների ահազանգերը: Սակայն խնդիրը կլուծվի, երբ մեր հանրությունը չօգտվի, չգնի այդ կետերից»:

Աննա Հարությունյանը մեզ հետ զրույցում ներկայացրեց նաև իր ահազանգերին ի պատասխան ստացված հինգ վայրկյանանոց տեսանյութը, որում երևում է՝ ինչպես է մեկը սեղանից վերցնում խոզի երկու բուդ ու կադրից դուրս գալիս:

«Հաջորդ վայրկյանին նա կարող է վերադառնալ ու դրանք դնել սեղանին, եւ տաս րոպե անց վաճառել դրանք: Ես՝ որպես քաղաքացի, ուզում եմ օրինական պետություն կառուցելու ճանապարհին իմ ներդրումն ունենալ, բայց, փաստացի, օրեր շարունակ արածս նկարները, հաղորդագրությունները ոչ մի արդյունք չտվեցին»,- նշեց նա:

Տպել
1459 դիտում

Հուլիսի 8-ին կիրականացվեն «Ձյունիկ սառնարան»-ի շենքի պայթեցման աշխատանքներ. փակ կլինեն փողոցներ

Առանց դիմակների ու առանց սոցիալական հեռավորության կյանք․ պատվաստանյութ կլինի

Երեւանի 3 դպրոցներ կառուցվում ու բարեկարգվում են. աշխատանքները կավարտվեն մինչեւ տարեվերջ

ԿԳՄՍ նախարարն Արցախում է. նախագահի հետ միասին քննարկել են կրթության ոլորտին առնչվող հարցեր

Մարտի 16-ից մինչեւ արտակարգ դրության ավարտը վավերականության ժամկետը լրացած անձնագրերը կհամարվեն վավեր

Ռ. Քոչարյանին ազատ արձակելուց հետո դատավոր Արսեն Նիկողոսյանին սպառնալու փաստով նյութեր են նախապատրաստվում

ԱԻՆ ջրափրկարարները վերսկսել են արդեն 11 օր կորած քաղաքացու ստորջրյա որոնողական աշխատանքները

Պետք է զգույշ լինենք, եթե վարակվել ու լավացել ենք, 100% երաշխիք չէ, որ երկրորդ անգամ չենք վարակվի․ Արսեն Թորոսյան

Նախագահի պասիվ դերակատարումը կասկածների առիթ է տալիս. Արման Բաբաջանյան

Մեկնարկում է Հայաստանում աշնանացան ցորենի արտադրության խթանման պետական աջակցության ծրագիրը

3 արջերը շարունակում են տանջվել Սիսիանի Resort MJA հանգստյան գոտում․ «Daily mail» (լուսանկարներ)

«Միասին երեխաների համար» խորագրով բարեգործական համերգի շրջանակում հավաքվել է 4,6 միլիոն դրամ

Սահմանադրական դատարանի նիստը չկայացավ քվորումի բացակայության պատճառով

Սոցփաթեթների գումարները տնօրինելու համար առաջարկվում է պարտադիր չհամարել բուժզննում անցնելը

Վերաքննիչ դատարանում սկսվել է Գագիկ Ծառուկյանի խափանման միջոցի վերաբերյալ բողոքների քննությունը

Ստեփանակերտում կորոնավիրուս է հաստատվել 1 քաղաքացու մոտ. պացիենտներից մեկի վիճակը ծանր է

Հաստատվել է կորոնավիրուսի 349 նոր դեպք, գրանցվել՝ 12 մահ, կա 605 առողջացած

Քիմ Քարդաշյանն իր միլիոնավոր հետեւորդներին կոչ է արել օգնել հայկական փոքր բիզնեսին

Սպիտակ Տան մամուլի խոսնակն իր խոսքում արտաբերել է «Հայոց ցեղասպանություն» եզրույթը (տեսանյութ)

Մարտի 1-ի իրավահաջորդները միջնորդություն են ներկայացրել ՍԴ՝ Քոչարյանի գործի քննությանը մասնակցելու անհնարինության մասին