ԱԺ-ում Հրայր Թովմասյանի արտագնա այցերի շուրջ քննարկումներ են սկսվել․ Արման Բաբաջանյան

ԱԺ անկախ պատգամավոր Արման Բաբաջանյանը ՍԴ նախագահի պաշտոնը զբաղեցնող Հրայր Թովմասյանի արտերկրյա հանդիպումների շուրջ քննարկումներ է սկսել, որոնց մասնակցելու են նաեւ ԱԺ պետական-իրավական հարցերի մշտական հանձնաժողովի իր գործընկերները։ «Հայկական ժամանակի» հետ զրույցում ասաց պատգամավորը՝ հավելելով՝ առաջիկայում նաեւ հայտարարությամբ հանդես կգան։ 

Հիշեցնենք, որ Հրայր Թովմասյանի վերաբերյալ վարչապետ Փաշինյանի հայտարարություններից հետո ԱԺ փոխնախագահ Ալեն Սիմոնյանը, ապա պատգամավոր Արման Բաբաջանյանը մեկը մյուսի հետեւից՝ մտահոգություն հայտնեցին, որ Թովմասյանը 6-7 անգամ արտասահման է մեկնում, սակայն միայն երկու այցերն են գրանցվում՝ որպես գործուղում։

Ալեն Սիմոնյանը ենթադրում է, որ մնացյալ հանդիպումները քաղաքական բնույթի են։ Նա դրանց մեջ վտանգներ է տեսնում, կարծում է՝ իրավապահներն անպայման պետք է զբաղվեն այս խնդրով․

«Երբ բարձրաստիճան պաշտոնյան զբաղվում է քաղաքականությամբ՝ պատսպարվելով ՍԴ դատավորի շորի տակ, օտար երկրներ է այցելում, գալիս, հայտարարություններ անում ՀՀ իշխանությունների դեմ, պետք է հասկանանք՝ այցերն ու այդ հայտարարություններն իրար հետ ինչ կապ ունեն»,- «Հայկական ժամանակի» հետ զրույցում ասաց Սիմոնյանը։

ԱԺ փոխնախագահի խոսքով՝ հնարավոր է՝ Թովմասյանը մեկնում է մեր նկատմամբ ոչ բարիդրացիական վերաբերմունք ունեցող մի երկիր, ասենք՝ Թուրքիա, կամ թեկուզ բարիդրացիական հարաբերություններ ունեցող, բայց իր շահերը հետապնդող երկիր, բայց այդ հաճախակի այցերից հետո ներսում հարվածում է ՀՀ իշխանություններին։ Ուրեմն, փոխխոսնակի համոզմամբ, պետք է շատ լուրջ հետեւել, իր խոսքով, քաղաքական բովանդակություն ունեցող այդ հանդիպումներին․

«Մենք խոսում ենք գործող դատավորի մասին, որը քաղաքականությամբ է զբաղվում։ Մենք պետք է միանշանակ տարանջատենք, որ էստեղ խոսքը քաղաքական այցերի մասին է, ՀՀԿ ներկայացուցիչ Հրայր Թովմասյանի մասին է, ոչ թե՝ ՍԴ դատավոր։ Պետք է իրերն իրենց անունով կոչենք»։

Իսկ, ահա, Արման Բաբաջանյանն ասաց, որ պետք է մեխանիզմներ գտնել առհասարակ ՍԴ նախագահի այցերի, օտարերկրյա դեսպանների հետ հանդիպումների, արտերկիր նրա անձնական ուղեւորությունների վերաբերյալ տեղեկություններ ունենալու համար․

«Պետությունը պետք է տեղեկություններ ունենա, որովհետեւ ռիսկեր կան, որ, օրինակ, մեզ անհայտ մնացած նրա ուղեւորությունների ժամանակ կարող են օտարերկրյա ազդեցություններ լինել, որոնք էլ կարող են էապես սասանել մեր երկրի սահմանադրական անվտանգությունը։ Մինչեւ հիմա մենք պատասխան չունենք, թե ամռանն ինչ էր քննարկում Հրայր Թովմասյանը ՌԴ դեսպանի հետ»,- ասաց պատգամավորը։ Նշենք, որ նախորդ տարվա հունիսի 19-ին Սահմանադրական դատարանի նախագահ Հրայր Թովմասյանը հանդիպել էր ՀՀ-ում Ռուսաստանի Դաշնության արտակարգ եւ լիազոր դեսպան Սերգեյ Կոպիրկինին՝ վերջինիս նախաձեռնությամբ:

Բաբաջանյանի համոզմամբ՝ պետք է մեխանիզմներ ներդնել, որպեսզի կառավարությունը, ԱԳՆ-ն անպայման այդպիսի հանդիպումների ժամանակ ներկայացուցիչ ունենան․

«Մենք այդ հանդիպումների բովանդակությունը պետք է հասկանանք, որովհետեւ չգիտենք նաեւ, թե ինչու պետք է ՌԴ դեսպանին պետք լիներ մեր երկրի ՍԴ նախագահի հետ հանդիպել»։

Մեր զրույցում պատգամավորն ասաց, որ օրենսդիրը պարտավոր է բարձրացնել այս հարցերը, որովհետեւ դրանք մեծապես վերաբերում են մեր երկրի ինքնիշխանությանը, որի ամենակարեւոր երաշխավորող ինստիտուտներից մեկը հենց ՍԴ-ն է։ Բաբաջանյանը կարծում է՝ սպասվող քննարկումները կտանեն ճիշտ ուղղությամբ, որպեսզի կարողանան ճիշտ գործիքներ ներդնել, եւ դա, նրա պնդմամբ, երբեւէ չպիտի պայմանավորված լինի կոնկրետ որեւէ անձով։

Ինչ վերաբերում է Ալեն Սիմոնյանի հայտարարությանը, որ իրավապահները պետք է զբաղվեն այս հարցով, Բաբաջանյանն ասաց՝ հասկանում է փոխխոսնակի հայտարարության մոտիվը, խորքային պատճառները։ Նա, սակայն, կարծում է, որ մինչ իրավապահների գործողությունները՝ իրենք, որպես ԱԺ, կարող են փորձել Թովմասյանին հրավիրել խորհրդարան՝ պարզաբանումներ տալու։ Պատգամավորի խոսքով՝ վերոնշյալ մեխանիզմներում պետք է գործառույթ ունենա նաեւ ԱԱԾ-ն, որովհետեւ այն կասկածները, որոնք ինքը հայտնում է, պիտի նաեւ ԱԱԾ-ի ուշադրության առարկան լինեն․

«Եվ մենք չպիտի տեսադաշտից ՍԴ որեւէ անդամի բաց թողնենք, որովհետեւ չգիտենք՝ արտերկրում կամ նույնիսկ Հայաստանում արտաքին բազմաթիվ շահեր հետապնդող քանի տարբեր կենտրոններ կան, որոնք հնարավոր է՝ փորձեն ազդեցության այնպիսի պատուհաններ փնտրել, որոնք կարող են հատվել ՍԴ-ի հետ, ինչն անթույլատրելի է»,- եզրափակեց ԱԺ անկախ պատգամավոր Արման Բաբաջանյանը։

Տպել
4013 դիտում

«Ես Աստված եմ... ես սպանելու եմ մեծ քանակությամբ բիոաղբ». Կազանի դպրոցի հրաձիգի գրառումն ու ողբերգությունը

Իսրայելը հրթիռակոծվում է. հարյուրավոր հրթիռներ՝ Թել-Ավիվի ուղղությամբ. թիրախավորվել է օդանավակայանը (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի

Անկախության 30-ամյա հոբելյանին ընդառաջ՝ Հայաստանի պատմության թանգարանը կազմակերպում է հանրապետական գիտաժողով

Ընդունելության քննություններին մասնակցելու հայտ է ներկայացրել 13360 դիմորդ․ երկրորդ փուլի հայտագրումը՝ հուլիսի 19-26-ին

Վերաբնակեցման նպատակով Արցախ է տեղափոխվել 54 ընտանիք

Ջրային մարզաձևերի Եվրոպայի առաջնությունում հանդես կգան Հայաստանի 9 ներկայացուցիչներ

Արտակ Ապիտոնյանը և ՖԽՎ պատվիրակությունը անդրադարձել են գերիների անվտանգ հայրենադարձմանը

Նիկոլ Փաշինյանը հաստատել է Հայ-լեհական ռազմատեխնիկական համագործակցության հանձնաժողովի հայկական կողմի նոր կազմը

Պաղեստինաիսրայելական լարվածությունը պահպանվում է, հրթիռակոծությունը չի դադարում

Վստրեչի Ապերը 2 միլիոն դրամ գրավով ազատ է արձակվել. դատախազությունը բողոք է ներկայացրել

Գիլոյանը Սոֆիայում քննարկել է Տոկիոյի Օլիմպիական խաղերի մրցավարական կազմում Հայաստանից ներկայացուցիչ ունենալու հարցը

Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկարներ)

Արսեն Զախարյանն ընդգրկվել է Ռուսաստանի հավաքականի ընդլայնված ցուցակում

Ծեծկռտուքի դեպքով ձերբակալվել են Կենտրոնի փոխթաղապետն ու գլխավոր մասնագետը

Բաղրամյան պողոտայից բերման ենթարկված Աչաջուրի բնակչի մոտ կանեփի նմանվող զանգված է հայտնաբերվել (տեսանյութ)

Գիտակրթական ոլորտում հայ-ռուսական համագործակցությունը մեծ ներուժ ունի. Արմեն Սարգսյանն այցելել է Լոմոնոսովի համալսարան

Վրաստանի վարչապետ Իրակլի Ղարիբաշվիլին Հայաստանում կհանդիպի Նիկոլ Փաշինյանի հետ. օրակարգը հայտնի է

Ուկրաինական Ռադան դավաճանության մեղադրանքներ է առաջադրել պատգամավորներ Վիկտոր Մեդվեդչուկի և Տարաս Կոզակի դեմ

Արման Թաթոյանը ցավակցել է ՌԴ ՄԻ դաշնային հանձնակատարին՝ Կազանում տեղի ունեցած ողբերգական դեպքի հետ կապված

Հատկապես ծանր է գիտակցումը, որ հրեշավոր հարձակումը կատարվել է դպրոցում. Արմեն Գրիգորյանը ցավակցական հեռագիր է հղել

ՀՀ նախագահ Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին Կազանի ողբերգության կապակցությամբ

Ամենայն հայոց կաթողիկոսն իր ցավակցություններն է հղել Կազանի ողբերգության կապակցությամբ

Առցանց ապառիկ գնումներ ՎՏԲ-Հայաստան Բանկի և «ԻԴԵԱԼ համակարգ»-ի միջոցով

Թուրքիայում հակաիսրայելական ցույցերով խախտվել են հակահամաճարակային սահմանափակումները

Արցախի ՄԻՊ-ը մասնակցել է Եվրոպական խորհրդարանի պատգամավորների կողմից կազմակերպված առցանց համաժողովին

Իրավիճակը սահմանին կայուն մարտավարական է

Ադրբեջանը փորձում է գերիների վերադարձի պարտավորության չկատարումն արդարացնել անհիմն մեկնաբանություններով. Մանե Գևորգյան

Հունիսին Իրանում կանցկացվեն նախագահի ընտրություններ

Համակարգիչս կոտրեցին, 15 հոգով խփում էին. Կենտրոնի թաղապետարանի ծեծված աշխատակիցը մանրամասներ է հայտնում

Ալիեւը մոռանում է, որ Արցախն Ադրբեջանի տարածք չէ․ Արտակ Բեգլարյանի արձագանքը

Խորապես ցնցված եմ տեղի ունեցած ողբերգության լուրից․ Նիկոլ Փաշինյանը ցավակցական հեռագիր է հղել Վլադիմիր Պուտինին