ԱԺ պատգամավորներն ու Արայիկ Հարությունյանը համաձայնության չեկան նախագծի շուրջ

Այսօր ԱԺ-ում «Կրթության մասին» ՀՀ օրենքում փոփոխություն եւ լրացում կատարելու մասին օրինագծերի փաթեթի շուրջ պատգամավորներն ու ԿԳՄՍ նախարարն ունեին անհամաձայնություն:

«Իմ քայլը» խմբակցության պատգամավոր Մխիթար Հայրապետյանը ներկայացրեց, որ այսօր միայն անվճար հիմունքներով սովորող աշակերտները կարող են սովորել միջին մասնագիտական եւ նախնական կրթական հաստատություններում: Այս օրինագծով տրվում է հնարավորություն, որ ուսանողները նաեւ վճարովի հիմունքներով սովորեն այս հաստատություններում:

«Քանի որ պետական միջոցները եւ ռեսուրսները բավարար չեն, բոլոր ցանկացողներին հնարավորություն չի տրվում սովորել նախնական եւ միջին մասնագիտական հաստատություններում: Վերջին 1 տարվա ընթացքում ստացել ենք բազմաթիվ մտահոգություններ, որ  երեխաները հնարավորություն չեն ստացել սովորելու քոլեջներում միայն այն պատճառով, որ պարզապես պետպատվերով տեղեր հատկացված չեն եղել կամ սահմանափակ են եղել»,- ասաց Հայրապետյանը:

«Իմ քայլը» խմբակցության պատգամավոր Վիկտոր Ենգիբարյանը հարցրեց, թե կարո՞ղ են արդյոք մասնավոր ընկերությունները ստեղծել միջին մասնագիտական կրթական հաստատություն:

«Մենք տարբեր ընկերությունների կոչ ենք արել համագործակցել միջին մասնագիտական կրթական հաստատությունների հետ: Շատ հաճախ կրթական հաստատությունները չեն ապահովում համապատասխան մակարդակը, որովհետեւ չունեն բավարար միջոցներ: Այս օրինագծով քոլեջներն ու ուսումնարանները կկարողանան սեփական միջոցները գեներացնել, աշխատակիցներին հավելավճարներ կտան, որովհետեւ այսօր ամենախոցելի ուսուցիչները հենց ուսումնարաններում եւ քոլեջներում են դասավանդում: Այսպես էլ կբարձրանա կրթության որակը»,- ասաց Հայրապետյանը:

ԿԳՄՍ նախարար Արայիկ Հարությունյանը նախագծի հենց առաջին քննարկումներից դեմ էր արտահայտվել այս օրինագծին: «Իհարկե, բարդ է համոզել գործընկերներին դեմ քվեարկել այս նախագծին, երբ 3 խմբակցություններ են ներկայացրել նախագիծը, բայց փորձեմ: Նշվեց, որ սույն նախագծով այս ինստիտուտն ամրանում է, մենք կարծում ենք, որ այդպես չէ: Վերջին մեկուկես տարվա ընթացքում փորձել ենք ոլորտը ազատել բալաստային տեղերից: Իսկ այդ տեղերն առաջանում են այն պարզ պատճառով, որ ավանդաբար որոշակի մասնագիտությունների նկատմամբ ՀՀ-ում եղել է հետաքրքրություն, եւ իներցիայով մինչեւ հիմա կա պահանջարկ: Անցած տարի ունեցել ենք 1500 դիմորդ, որոնք չեն ընդունվել միջին մասնագիտական եւ նախնական մասնագիտական կրթական հաստատություններ»,- ասաց նախարարը՝ հավելելով, որ մոտ 1000 տեղ չի բաշխվել, հիմնական պահանջն էլ եղել է Այ ԹԻ, բժշկության ու հաշվապահության ոլորտներին:

«Բոլոր ուսումնասիրությունները ցույց են տալիս, պարոն Թորոսյանն էլ ասում է, որ 0 տեղ թողնենք բժշկությանը, որովհետեւ ոլորտը հագեցած է: Բուժքույրերի ու հաշվապահների համար գերատեսչություններն ասում են, որ տեղեր չհատկացնենք, որովհետեւ շուկան դեֆորմացվում է»,- ասաց Հարությունյանը՝ հավելելով, որ չեն պատրաստվում տեղեր հատկացնել բժշկությանն ու հաշվապահությունը:

Նա նշեց, որ արդեն 2500 տեղ տվել են ԱՅ ԹԻ ոլորտին, եւ անցած տարի արդեն 3000 տեղ ավելացրել են այս ոլորտների համար, ուստի օրինագիծը ավելացնելու է այն մասնագիտությունների տեղերը, որոնց պահանջարկն արդեն չկա:

Տպել
888 դիտում

Տավուշում կորոնավիրուսով հիվանդ մարդ չկա. ո՞վ է գոհ այս վիճակից

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին