Մեծ փոփոխություններ են ակնկալվում ՀՀ իրավական համակարգում, դա դյուրին գործ չէ, բայց հաջողություն ենք ցանկանում․ Մերկել

Աշխատանքային այցով Գերմանիայում գտնվող ՀՀ վարչապետ Նիկոլ Փաշինյանը հանդիպեց Գերմանիայի կանցլեր Անգելա Մերկելի հետ: Երկու երկրների ղեկավարները հանդես եկան ԶԼՄ-ների համար հայտարարությամբ:  

Անգելա Մերկելը հայտարարեց, որ մեծապես ուրախ է եւս մեկ անգամ ողջունել Նիկոլ Փաշինյանին Բեռլինում։

«Հայաստանում ընտրություններ են տեղի ունեցել, ներկայումս մեծ փոփոխություններ են տեղի ունենում, մեծ փոփոխություններ են ակնկալվում նաեւ իրավական համակարգում, համոզված ենք նաեւ, որ դա այնքան էլ դյուրին գործընթաց չէ, բայց մենք ցանկանում ենք ձեզ ամենայն հաջողություն այդ քայլերում։ Ինչպես արդեն ասացի՝ մեր հարաբերություններն արդեն  ինտենսիվացել են եւ կարող եմ ասել, որ երբ Հայաստանում էի, եղա «Թումո» կենտրոնում, շատ ոգեւորված էր, եւ արդեն աշնանը մենք Բեռլինում կբացենք մեր «Թումո» կենտրոնը»,- իր խոսքում շեշտեց Գերմանիայի կանցլերը։

Նա նաեւ խոսեց նախորդ տարվա հոկտեմբերին Շտուտգարտում տեղի ունեցած տնտեսական ֆորումի մասին՝ ընդգծելով, որ այն նոր էջ է բացել հայ-գերմանական հարաբերություններում։ Մերկելը շնորհակալություն հայտնեց նաեւ Աֆղանստանում Հայաստանի խաղաղապահների առաքելության համար։

Նկատելով, որ դեռ երկար աշխատանք կա անելու՝ Գերմանիայի կանցլերը տեղեկացրեց, որ այսօր Փաշինյանի հետ քննարկելիք ամենակարեւոր հարցը Հայաստան-Ադրբեջան հարաբերություններում առաջընաց ունենալն է։

Այնուհետեւ հայտարարությամբ հանդես եկավ Նիկոլ Փաշինյանը։ ՀՀ վարչապետը նշեց, որ իր պաշտոնավարումից ի վեր Մերկելի հետ հանդիպում է արդեն երրորդ անգամ։ Սա, ըստ Փաշինյանի, ինքնին խոսուն փաստ է, ինչը վկայում է Հայաստանի ու Գերմանիայի հարաբերությունների բարձր մակարդակի մասին: «Գերմանիան Հայաստանի մտերիմ բարեկամն ու գործնկերն է, և մենք զգում ենք այդ բարեկամության ուժը թե՛ զգացական, թե՛ գործնական առումներով։ Գերմանիան այն հզոր կամուրջներից մեկն է, որը կապում է Հայաստանը Եվրոպական Միության, եվրոպական քաղաքակրթության և մշակույթի հետ: Այսօր վստահությամբ կարող եմ արձանագրել, որ մեր բարեկամությունը հիմնված է ընդհանուր արժեքների վրա: Դրանք միավորում են մեր երկու երկրները և հուսալի հենք  ծառայում ամենատարբեր ոլորտներում համագործակցություն ծավալելու համար: Ուրախ եմ արձանագրել, որ մենք այսօր կապված ենք նաև փոխշահավետ համագործակցությամբ ու գործնական ծրագրերով։ Պատրաստ ենք անել հնարավորը այն առավել ամրապնդելու և առաջ մղելու համար»,- ասաց ՀՀ վարչապետը:

Փաշինյանը խոսեց նաեւ այն մասին, թե Հայաստանում տեղի ունեցող բարեփոխումների հարցում ինչ մեծ նշանակություն ունւ Գերմանիայի ցուցաբերած աջակցությունը։

«Մեր հանդիպմանը զգալի հատված նվիրելու ենք տնտեսական օրակարգին, որը վերջին մեկ ու կես տարվա ընթացքում զգալի առաջընթաց է ապրել: Այս համատեքստում կարևորում ենք հայ-գերմանական միջկառավարական հանձնաժողովի հերթական նիստի անցկացումը: Ուրախ եմ, որ փետրվարի վերջին նախատեսվում է գերմանացի գործարարների պատվիրակության այցը Հայաստան, իսկ հոկտեմբերին՝ «Գերմանական տնտեսական միության» կողմից «Հայաստան-Գերմանիա տնտեսական ֆորում 2020» համաժողովի անցկացումը: Մենք մեծապես շահագրգռված ենք գերմանական ընկերությունների մուտքով Հայաստան: Ուրախությամբ պետք է փաստեմ, որ անցած տարվա մեր հանդիպումից հետո, տիկին կանցլեր, շոշափելի առաջընթաց ունենք գրեթե բոլոր պայմանավորվածությունների շուրջ: Անչափ ուրախալի է, որ KfW բանկի հետ ստորագրվել է Բեռլինում մեր կողմից տեխնոլոգիաների ուսուցման ԹՈՒՄՈ կենտրոն հիմնելու վերաբերյալ համաձայնագիր: Մեզ համար մեծ պատիվ է Գերմանիայի նման տեխնոլոգիական հսկա հանդիսացող երկրին մեր առաջավոր փորձի փոխանցումը»,- շարունակեց ՀՀ վարչապետը:

Այնուհետեւ խոսելով կրթական եւ մշակութային համագործակցության մասին՝ Փաշինյանը հայտարարեց, որ մենք շահագրգռված ենք Հայաստանում գերմաներեն լեզվի եւ մշակույթի հետագա տարածմամբ ու լիահույս ենք, որ 2017 թ. դեկտեմբերին Երևանում բացված Գյոթեի անվան կենտրոնը մոտ ապագայում կվերածվի լիարժեք ինստիտուտի: Ամփոփելով խոսքը՝ ՀՀ վարչապետը արձանագրեց, որ այսօր հայ-գերմանական հարաբերությունները գտնվում են երբևէ ամենաբարձր մակարդակի վրա։

Տպել
718 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր