«Էդ պատերին ծեփել, ասֆալտին փռել, դրան դեմ եմ, չեմ սիրում էդ խոսքերը, մանավանդ եթե վարչապետն է ասում». Վարդան Ղուկասյան

«Էդ պատերին ծեփել, ասֆալտին փռել, դրան միանշանակ դեմ եմ, ընդհանրապես չեմ սիրում էդ խոսքերը, նամանավանդ եթե վարչապետն է ասում: Բայց ինչ մնում է, ովքեր որ հանցագործություն են կատարում, ովքեր որ թալանել են երկիրը, թող պատասխան տան, դրան սպասում ենք բոլորս, ժողովուրդն սպասում է». լրագրողների հետ ճեպազրույցում այսպիսի կարծիք արտահայտեց ԲՀԿ խմբակցության պատգամավոր Վարդան Ղուկասյանը:

Խոսելով ոստիկանների կողմից «Վստրեչի Ապեր» անունով հայտնի Արամ Վարդանյանի տանն իրականացված գործողությունների մասին՝ Ղուկասյանն ասաց, թե միանշանակ դեմ է առանց մեղադրանք առաջադրելու մարդկանց տուն մտնելուն՝ նամանավանդ օրենքը շրջանցելով, մարդկանց վախեցնելով:

«Եթե մարդը հանցանք է կատարել, թող դատեն, բայց եթե չեն կարողնում ապացուցել, ընկել են մարդկանց հետեւից, ես միշտ դեմ եմ եղել էդպիսի ոտնձգություններին»,- հավելեց նա:

Ղուկասյանն ասաց նաեւ, թե ընդհանուր առմամբ գոհ չէ իրավապահ համակարգի աշխատանքից:

Հարց ուղղվեց նաեւ վարչապետի կողմից Վրաստանում հնչեցված այն արտահայտության մասին, թե նույնիսկ Հիսուսն է սխալվել կադրեր ընտրելիս:

«Պետք է եկեղեցին բացատրական աշխատանքներ տանի, եւ Տիրոջ հետ համեմատականներ չեմ ուզում, որ ոչ ոք տանի»,- պատասխանեց նա:

Հարցին, թե վարչապետն ունի՞ խորհրդի կարիք, Ղուկասյանն ասաց, որ հոգեւորից բոլորին էլ կարելի է խորհուրդներ տալ, որովհետեւ դա խորհուրդ խորին է:

Հարց հնչեց նաեւ դատական բարեփոխումների եւ մասնավորապես դատավորների տարիքային շեմը 25 տարեկանն սահմանելու դրույթի մասին:

«25 տարեկանն ինչքան էլ ուզում է խելացի լինի, կարմիր դիպլոմով ավարտած լինի, որտեղ ավարտած լինի, բայց պիտի մի քիչ կյանքի ապրելու փորձ ունենա, միանշանակ կողմ եմ, որ մի քիչ տարիքը շատ կարեւոր է, որովհետեւ մարդկանց ճակատագրերի հետ է կապված դատավորների որոշումները»,- նկատեց պատգամավորը:

Անդրադառնալով պետական համակարգում դավաճանների առկայության մասին վարչապետի հայտարարությանը՝ Վարդան Ղուկասյանն ասաց՝ եթե դավաճան կա, վարչապետի մեկ ստորագրությամբ պետք է կա՛մ բանտում հայտնվի, կա՛մ ազատվի աշխատանքից:  «Եվ էսօր եթե ասում ենք եւ հստակ գործողություն չենք իրականացնում, դա էլ էդպես լավ չի հնչում: Մանավանդ դավաճան անունը դա ազգի դավաճանի մասին է խոսքը: Նմանատիպ մարդկանց գնդակահարել են կամ ցմահ են պատժել, չէ՞, օրենքով ինչ-որ հասանելի է: Եթե էդպիսի մարդիկ կան, պետք է պատժել»,- ընդգծեց նա:

Վարդան Ղուկասյանը չշրջանցեց նաեւ կոռուպցիայի դեմ պայքարի թեմայով իրեն ուղղված հարցը եւ այսպիսի կարծիք արտահայտեց.

«Կոռուպցիայի մասին, որ էդպես շատ են խոսում, ես ընդհանրապես չեմ գտնում, որ դպրոցի տնօրենին, մանկապարտեզի վարիչին, երաժշտական դպրոցի տնօրենին ու էդպիսի մարդկանց… գիշեր-ցերեկ հարյուրների, հարազատների հասնող մարդկանց պատժում են: Իսկական կոռուպցիոներներին, որոնք այս երկիրն ամբողջությամբ օֆշորներում գրանցել թալանում են…Հիմա որ դուրս գաք փողոց, հոգեկան հիվանդանոց մտնեք, ասեք՝ ո՞վ է էս երկիրը թալանել, ձեզ մի քանի անուն կասեն: Թողել են գել ու գազանին, ընկել են բանի հետեւից: Հիմա անպայման ուզում եք Ղուկասյան Վարդանից իմանանք: Բոլորն էլ լավ գիտեն: Փողոցում որ պտտվես, կասեն՝ ով է էսօրվա կոռուպցիոները, որ երկիրն էս վիճակին են հասցրել: Ամբողջ ընդերքը տեսեք՝ ում ձեռքին է, ստրատեգիական նշանակություն ունեցող, ամենաշահութաբեր կառույցների տերերը ովքեր են, դրանց չեմ ասում՝ բանտարկել: Վերցնեն, դարձնեն պետական սեփականություն, երկրի բյուջեն 3-4 անգամ ավելացնեն, մարդկանց վարդի պես պահեն, ուրիշ բան չկա անելու»:

Տպել
1086 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն