Պետական համակարգի օրգանիզմը քայքայող «կորոնավիրուսներին» տնական արաղով դիզինֆեկցիա ենք անելու․ Նիկոլ Փաշինյան

Հույս ունեմ, որ շատ անհանգստացած չեք երեկ Հայաստանում արձանագրված կորոնավիրուսի հետ կապված։ Այս մասին այսօր Մալիշկայում քաղաքացիների հետ հանդիպման ժամանակ ասաց ՀՀ վարչապետ Նիկոլ Փաշինյանը։ Նա հորդորեց լինել զգոն, բայց միեւնույն ժամանակ՝ չչափազանցնել։

«Մենք բնականոն ընթացքով առայժմ շարունակում ենք քարոզչությունը, որ պահին հանկարծ կտեսնենք, որ դա պատեհ չէ, տեղում կդադարեցնենք, բայց քանի դեռ չենք դադարեցրել, ուրեմն համարում ենք, որ այս պահի դրությամբ որեւէ այլ գործողություն անելու կարիք չկա»,- ասաց վարչապետը։

Խոսելով ՍԴ-ի հանրաքվեի մասին՝ Փաշինյանը շեշտեց, որ իր համար ամենակարեւորը երկրում համերաշխության մթնոլորտի հաստատումն է։

Ըստ նրա՝ ՍԴ-ն գտնվում է նախորդ իշխանության հսկողության եւ վերահսկողության տակ, եւ սա է ամբողջ խնդիրը․ «Խնդիրը ոչ թե այն է, որ ՍԴ-ն մեր վերահսկողության ներքո չէ, այլ որ գտնվում է ուրիշի հսկողության տակ»։

«Ինձ հարցնում են՝ համոզվա՞ծ եք, որ «Այո»-ն կհաղթի, ես ասում եմ, որ համոզված եմ, որ կապահովենք ժողովրդի ազատ քվեարկելու իրավունքը։ Ես համոզված եմ, որ 2 ձեռքերս կկտրեմ, բայց մի մարդու ձայնի վրա չեմ բռնանա»,- ասաց վարչապետը՝ հավելելով, որ նա չի կարող վստահ լինել, որ «Այո»-ն կհաղթի, որովհետեւ այդկերպ կասկածի տակ կդնի ժողովրդի ազատությունը։

«Հիմա արվում է ամեն բան, որ, ինչպես Սերժ Սարգսյանն էր ասում, Հայաստանը չկարողանա հաղթահարել գաղջ մթնոլորտը»,- ասաց վարչապետը՝ հավելելով, որ Ագարակից մինչեւ Մալիշկա քարոզարշավի ընթացքում պարզ դարձավ, որ ժողովուրդը անվերադարձ հաղթահարել է գաղջ մթնոլորտը:

Մեջբերելով մի սփյուռքահայ կնոջ նամակը՝ Փաշինյանը պատմեց, որ անձնագրերի եւ վիզաների վարչությունում այդ կնոջն անընդհատ տարել-բերել էին, ինչից հետո էլ մի աշխատակից ասել էր՝ ինչի՞ ես եկել էստեղ, Նիկոլը ձեզ խաբել ա։

«Կորոնավիրուսը չի վտանգավոր, կորոնավիրուսը նրանք են իսկական, որ մինչեւ հիմա մեր պետական համակարգի օրգանիզմը քայքայում են։ Այդ «կորոնավիրուսները» հատիկ-հատիկ պինցետով հանելու ենք, տնական արաղով դիզինֆեկցիա անենք»,- ասաց Փաշինյանը։

Նա պնդեց նաեւ, որ երկար տարիներ Հայաստանում ով ինչ արել է, բացատրել է իր ընտանիքով, երեխաներով։ «Որ հարցրել են՝ ինչո՞ւ ես այդ վատ բանն անում, ասել է՝ դե, ինչ անենք, երեխա ենք պահում, օջախի տեր ենք, պիտի հաց հասցնենք տուն»,- ասաց վարչապետը՝ կոչ անելով բոլորին փոխել ընտանիքի մասին պատկերացումը։ «Եթե այն ժամանակ ընտանիք ասելով 5 հոգի նկատի ունեինք, հիմա եկեք ընդլայնենք դա. ժողովուրդն է մեր ընտանիքը։ Ապրիլի 5-ին գնանք ընտրության՝ ասելով, որ Հայաստանն իմ օջախն է՝ ձեզնից յուրաքանչյուրի, «մեր», «իմ» տերմինները շատ կարեւոր են, ինձ դուր չի գալիս, հոգնակիով ասել, որովհետեւ այդպես կոնկրետությունից զրկվում է, բայց որ հիմա ասում եմ Հայաստանն իմ օջախն է, «ոչիստները» կասեն՝ ա՜, Հյուսիսային Կորեայի «մոմենտն ա» ուրեմն»,- կատակեց վարչապետը։

Տպել
318 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան