Եթե արտակարգ դրությունը ոչ թե երկարաձգվի, այլ լրանա, եւ 1 րոպե հետո նորն ընդունենք, ի՞նչ տարբերություն․ Արարատ Միրզոյան

Օրենքով մենք սպառել ենք Հանրապետության ամբողջ տարածքով մեկ 30-օրյա ժամկետը, սակայն դուք երկարացման նախաձեռնությամբ եք հանդես եկել։ Եթե այս 30 օրը լրանա, կարո՞ղ եք էլի 30 օրով երկարաձգել։

Մենք մարդկանց ասում ենք՝ մնացեք տանը եւ առհասարակ հնարավորության դեպքում մի գնացեք որեւէ տեղ, նույնսիկ՝ աշխատանքի։ Այս մասին այսօր ԱԺ-ում արտակարգ դրության ռեժիմի երարաձգման քննարկման ժամանակ ասաց ՀՀ փոխվարչապետ, պարետ Տիգրան Ավինյանը՝ ի պատասխան «Լուսավոր Հայաստան» խմբակցության պատգամավոր Էդմոն Մարուքյանի հարցին։ Մարուքյանը հայտարարեց, որ զանգել է մի շարք եվրոպական երկրներ, որտեղ ամենախիստ սահմանափակումներ են մտցված,  իմացել են, որ մետրոն գործում է։ Դիմելով Ավինյանին՝ Մարուքյանը հարցրեց, թե արդյոք նպատակահարմար չէ մետրոյի աշխատանքի վերանայումն ու ասաց, որ տաքսիի մեջ ավելի հեշտ է վարակվել, քան մետրոյում՝ սոցիալական հեռավորությունը պահելով։

«Կարեւոր գործունեության տեսակներ, որոնք կենսական նշանակություն ունեն, մենք չենք կարող ուղղակի բաց չպահել»,- ասաց Ավինյանը՝ հավելելով, որ, այնուամենայնիվ, մարդիկ, որոնք գնում են աշխատանքի, պետք է վարակի տարածման հնարավորության մասին իրազեկված լինեն։ Ինչ վերաբերում է տրանսպորտին, ապա Ավինյանի կարծիքով նման պնդումը շատ վիճարկելի է։ «Հանրային տրանսպորտում շատ անձինք միաժամանակ նույն նեղ տարածության մեջ են, օգտվում են բռնակներից մետրոյում, եւ առհասարակ մինչեւ հիմա վերջնական վերլուծություն չկա, թե վարակի տարածման աղբյուրները որոնք են, բայց երկրների փորձից ելնելով՝ վարակի տարածման ամենահավանական աղբյուրները եղել են բենզալցակայններն այն դեպքում, եթե անձինք են իրենց ձեռքով լցնում բենզինը»,- ասաց Ավինյանը։

Մարուքյանը նաեւ հարցրեց, թե պարետատունն ինչ իրավական ձեւով է աշխատանքն իրականացնում, եւ արդյոք պարետն իրավունք ունի նորմատիվ իրավական ակտեր ընդունելու։

«Պարետի որոշումների վերաբերյալ ընդհանուր առմամբ արտակարգ դրության վերաբերյալ օրենքը բավականին խնդրահարույց եւ շատ նեղ, եւ մենք որոշակի օրնեսդրական նախաձեռնությամբ ենք հանդես գալու։ Բոլոր այն հարցերը, որոնք առկա մնացել են եւ լուծված չեն, այդ փաթեթով փորձելու ենք ամբողջական լուծել, որովհետեւ ինչպես առողջապահական համակարգի առումով, նաեւ իրավական առումով ոչ միայն Հայաստանը, նաեւ աշխարհի տարբեր երկրներ պատրաստ չեն եղել նման իրավիճակի»,- պատասխանեց փոխվարչապետը։

Մարուքյանը բարձրաձայնեց նաեւ այն փաստը, որ արդեն սպառվել է Հանրապետության ամբողջ տարածքով մեկ արտակարգ դրության ռեժիմի 30-օրյա ժամկետը։ «Դուք երկարացման նախաձեռնությամբ եք հանդես եկել, եւ եթե այս 30 օրը լրանա, կարո՞ղ եք էլի 30 օրով երկարաձգել»,- հարցրեց Մարուքյանը։

«Կարծում եմ՝ ձեր մեկնաբանությունը մի փոքր նեղ է այն առումով, որ ստացվում է՝ թույլ չի տալիս երկարաձգել ռեժիմը, եւ ընդհանուր առմամբ եթե արտակարգ իրավիճակով պայմանավորված արտակարգ դրության ռեժիմը դեռեւս չի կարողացել լուծել այն խնդիրը, որի համար հայտարարված է եղել, կարծում եմ՝ տրամաբանական մեկնաբանություն է, որ 30 օորով հնարավորություն է տրվում Կառավարությանը երկարաձգել»,- ասաց Ավինյանը։ Նրա պնդմամբ՝ այլ պարագայում կստացվեր, որ կառավարությունը վաղը պետք է արտակարգ դրության որոշմամբ հանդես գար, եւ այդ ժամանակ երկարաձգման ինստիտուտի գոյությունը հարցականի տակ կմնար։ Նա շեշտեց նաեւ, որ թե՛ Արդարադատության նախարարությունը, եւ թե՛ վարչապետի աշխատակազմը համակարծիք են այս մեկնաբանությանը։

Հարցին ի պատասխան՝ Ավինյանն ասաց նաեւ, որ Կառավարությունը կարող է անընդհատ երկարաձգել արտակարգ դրությունը։ «Տեխնիկան կարեւոր չէ այստեղ՝ դա երկարաձգմամբ է արվում, թե նոր արտակարգ դրություն հայտարարելով, որովհետեւ եթե դեռեւս խնդիրը չի լուծվել, շատ տրամաբանական է, որ պետք է երկարաձգվի։ Կարող եք առաջարկել վերացնել բոլոր սահմափակումները»,- ասաց Ավինյանը, ինչից հետո էլ ԱԺ նախագահ Արարատ Միրզոյանն ասաց, որ մի մասն արդեն առաջարկել են։

«Գուցե հեգնական տպավորություն թողնի, բայց եթե արտակարգ դրությունը ոչ թե երկարաձգվի, այլ լրանա, եւ 1 րոպե հետո նորն ընդունենք, ի՞նչ տարբերություն, ո՞ւմ ենք ինչ խաբելու»,- ասաց Միրզոյանը՝ հավելելով, որ եթե կա անհրաժեշտություն, ապա պետք է երկարաձգվի։

Տպել
2125 դիտում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ

ՏՄՊՊՀ-ն դիմակների շրջանառության ոլորտում վարույթ է հարուցել

Ըստ Արսեն Ջուլֆալակյանի՝ Թամարզյանը ձախողել է սպորտի ոլորտը. ինքը հուսով է՝ ԿԳՄՍ նախարարի հետ հանդիպում կլինի ԱԺ-ում

Լոռիում մինչ օրս կորոնավիրուսով վարակվել է 70 քաղաքացի. 54-ը առողջացել ու դուրս է գրվել. մարզպետ

Փոխադարձ վիրավորանքներ, միմյանց հերթ չտալով հուզված ու պաթետիկ ելույթներ. ԵԿՄ-ին տարածք տալու նախագիծն ընդունվեց

ԱԻՆ 8 աշխատակցի մոտ կորոնավիրուս է հաստատված, մեկուսացված է 46-ը (տեսանյութ)

ՀՀ տարածքում ավտոճանապարհները հիմնականում անցանելի են. Քարի լիճ տանող ավտոճանապարհին տեղ-տեղ առկա է մերկասառույց

Դավթաշենի նախադպրոցական ուսումնական հաստատություններում վերահսկողական աշխատանքներ են իրականացվել

Ոստիկանությունը շարունակում է արտակարգ ռեժիմով ծառայությունը (տեսանյութ)

Հանրային տրանսպորտի նկատմամբ վերահսկողական խիստ միջոցառումներ են իրականացվել Երեւանի Դավթաշեն վարչական շրջանում

Կորոնավիրուսի 2-րդ ալիքի հետ գործ ունենք. կխստացվեն վարչական լծակները, կիրականացվեն «ռեյդեր». Նիկոլ Փաշինյան (տեսանյութ)