Կճոյանը մանրամասն ցուցմունք է տվել. նա առաջադրված մեղադրանքը շինծու է որակում

Հայ Առաքելական եկեղեցու Արարատյան հայրապետական թեմի առաջնորդական փոխանորդ Նավասարդ արքեպիսկոպոս Կճոյանը օֆշորային սկանդալի գործով օրեր առաջ իրեն առաջադրված մեղադրանքում մեղավոր չի ճանաչում՝ այն որակելով անհիմն եւ շինծու:

«Հայկական ժամանակ»-ի հետ զրույցում այս մասին ասաց նրա պաշտպան Հովիկ Արսենյանը՝ հավելելով, որ դրա վերաբերյալ Կճոյանը տվել է մանրամասն, բազմակողմանի ցուցմունք:

Հիշեցնենք՝ Ազգային անվտանգության ծառայությունը երեկ հայտարարեց, որ Հայ Առաքելական եկեղեցու թեմերից մեկի առաջնորդական փոխանորդը 2010 թ.-ին իր հետ քավոր-սանիկական հարաբերությունների մեջ գտնվող անձի հետ (խոսքը Աշոտ Սուքիասյանի մասին է, -խմբ.) խարդախությամբ՝ իբրեւ Աֆրիկայի մայրցամաքում իրեն պատկանող ադամանդի հանքավայրերում 12 միլիոն ԱՄՆ դոլար գումարի չափով ներդրում կատարելու համար, շահագրգռել է ՀՀ ձեռնարկատերերից մեկին (խոսքը Փայլակ Հայրապետյանի մասին է,-խմբ.) ձեռք բերել նրան եւ նրա մերձավորներին պատկանող մի շարք անշարժ գույքերի նկատմամբ իրավունք, գրավադրել դրանք բանկերից մեկում, ինչի արդյունքում ստացել եւ անարգել տնօրինել է 9 միլիոն ԱՄՆ դոլար և 361.500.000 ՀՀ դրամ գումարի չափով վարկային միջոցների: Ըստ ԱԱԾ-ի՝ հանցավոր եղանակով ստացված եկամուտներն օրինականացնելու համար օգտագործվել է հանցավոր խմբի անդամների կողմից նախապես՝ 2010 թ. գարնանը, օֆշորային գոտում հիմնադրված ընկերությունը, որի 33 տոկոս բաժնեմասը պատկանել է եկեղեցու հիշյալ սպասավորին:

Աշոտ Սուքիասյանն այս գործի անջատված մասով մեղավոր էր ճանաչվել եւ դատապարտվել 16 տարվա ազատազրկման. ամիսներ առաջ, սակայն, Վերաքննիչ դատարանի որոշմամբ նա մասնակի արդարացվել էր:

Այս գործով տուժող Փայլակ Հայրապետյանի եւ Նավասարդ Կճոյանի մասով շարունակվող գործը ամիսներ առաջ Քննչական կոմիտեում վերաբացվել է: Ըստ Կճոյանի պաշտպանի՝ որպես նոր ի հայտ եկած հանգամանք՝ ներկայացվել է այն ձեռագրաբանական փորձաքննությունը, ըստ որի՝ այդ ընկերության ստեղծման փաստաթղթերում, որին, ըստ վարույթն իրականացնող մարմնի, փոխանցվել են գումարները, առկա է հենց Հայրապետյանի եւ Կճոյանի ստորագրությունը, ինչը, սակայն, պաշտպանի խոսքով, որեւէ էական նշանակություն չունի:

Նոր ընթացք ստացած գործի մասին Նավասարդ արքեպիսկոպոս Կճոյանի պաշտպան Հովիկ Արսենյանի հետ մեր հարցազրույցը՝ ստորեւ.

- Պարո՛ն Արսենյան, ձեզ հայտնի՞ է՝ ինչպես է այս գործը փոխանցվել ԱԱԾ-ին:

- ԱԱԾ-ին կամ Դատախազությանը հարցրեք, թե ինչն է պատճառը, որ ՔԿ-ում քննվող գործը վերցվել եւ տրվել է ԱԱԾ քննչական դեպարտամենտին: Ինձ հայտնի չէ, ամեն դեպքում, Փայլակ Հայրապետյանի՝ ձեզ տված հարցազրույցից հասկանալի էր, որ դա տեղի է ունեցել այս 6 ամիսների ընթացքում: Հարցը նրանում է, թե ինչպես են Կճոյանին մեղադրանք առաջադրել հոդվածներով, որոնցով Աշոտ Սուքիասյանը ճանաչվել է անպարտ, իսկ դրա դեմ տարված վճռաբեկ բողոքով դեռեւս որոշում չկա: Դա նշանակում է, որ իրավապահ մարմիններին արդեն հայտնի է Վճռաբեկ դատարանի սպասվելիք որոշումը, այն է՝ կբավարարվի դատախազության բողոքը: Չեմ կարծում, թե մենք այսքան տարիներ պայքարել ենք նախորդ իշխանությունների դեմ եւ անընդհատ ասել, որ պետք է հասնենք նրան, որ արդարադատությունը իսկապես աշխատի, որպեսզի այսօր տեսնենք այս իրավիճակը:

- Աշոտ Սուքիասյանի արդարացումը ի՞նչ կապ ունի Կճոյանի մեղադրանքի հետ, եթե այս դեպքում որպես նոր երեւան եկած հանգամանք այդ ստորագրություններն են դիտում:

- Կապը այնքանով է, որ եթե գործով չկա խարդախություն, փողերի լվացում, այդ ո՞նց են Կճոյանին նման մեղադրանք առաջադրում:

- Բայց Վերաքննիչի այդ որոշումը կոնկրետ Սուքիասյանի մասով չէ՞:

- Գրվում է՝ նախնական համաձայնությամբ, էլ ի՞նչ մասով, ամբողջ գործի մեջ կա՛մ խարդախություն եւ փողերի լվացում կա, կա՛մ չկա:

- Հիմա ընկերության հիմնադրման համար ստորագրելու հանգամանքը Կճոյանը չի՞ հերքում:

- Ո՛չ, չի հերքում, բայց դա իրավունք չի վերապահում որեւէ քննչական մարմնի նոր երեւան եկած հանգամանք համարել եւ առանց վկայի լրացուցիչ հարցաքննության միանգամից մեղադրանք առաջադրել, թե նախնական համաձայնությամբ հափշտակել է 12 միլիոն դոլար գումար:

- Այսինքն՝ նրան կանչել են անմիջապես մեղադրանք առաջադրելո՞ւ:

- Այո՛, սա է ամբողջ խնդիրը: Եվ ես ուղղակի պաշտոնապես հայտարարում եմ՝ գործով անցնող Աշոտ Սուքիասյան կլինի, Փայլակ Հայրապետյան կլինի, թե այլ անձինք, ինչպես որ գրված է, գեթ մեկին թող բերեն կամ մատնացույց անեն մի փաստական տվյալ, ապացույց, որ Կճոյանին առաջարկվել է կամ տրվել այս ամբողջ գումարից գեթ մեկ ցենտ: Նման բան գոյություն չունի:

- Այդ այլ անձինք ովքե՞ր են, անուններ նշվո՞ւմ են:

- Չէ՛, ոչ մի անուն գոյություն չունի: Ես մեղադրանքի ծավալից դուրս իրավունք չունեմ խոսելու, քանի որ պարտավորվել եմ նախաքննության գաղտնիք չհրապարակել, ես ընդամենը այդ կեղծ կամ շինծու ամբաստանության մասին եմ խոսում, եւ եթե ԱԱԾ-ն դա էլ չհրապարակեր, բնականաբար, ես էլ մեկնաբանություն չէի տա:

- ՀՀ նախկին վարչապետ Տիգրան Սարգսյանի մասին հիշատակում չկա՞:

- Ո՛չ, չկա: Տեսնո՞ւմ եք՝ ինչքան տարօրինակ բաներ գոյություն ունեն:

- Պարո՛ն Արսենյան, ԱԱԾ հաղորդագրության մեջ նշվում է, որ ձեռք է բերել ավելի քան 11 միլիոն դրամի անշարժ գույքեր, որոնք գրավադրվել են բանկերից մեկում: Ի՞նչ անշարժ գույքերի մասին է խոսքը:

- Դա արդեն Փայլակ Հայրապետյանին հարցրեք, նրա գույքն է:

- Եթե Նավասարդ Կճոյանը չի ընդունում, որ դրանք միտված են եղել հանքարդյունաբերության գործին, ըստ նրա՝ ի՞նչ նպատակով է անհրաժեշտ եղել այդ գումարը, թե՞ նա առհասարակ չի ընդունում, որ գումար է վերցրել:

- Գործով չկա եւ չի էլ կարող լինել ապացույց, որ մեկ ցենտ գումար հայտնվել է սրբազանի մոտ:

- Այդ պարագայում ի՞նչ է դրված նրա մեղադրանքի հիմքում:

- Դրել են, էլի՝ պահի իրավիճակից ելնելով, ես չգիտեմ՝ ում սիրտը շահելով կամ ինչ նպատակ հետապնդելով: Ինձ համար անհասկանալի ու զարմանալի է:

- Նրա դեմ ցուցմունք կա՞:

- Ի՞նչ ցուցմունք, ո՞ւմ կողմից: Իրական կյանքում Փայլակ Հայրապետյանն իմ պաշտպանյալի հետ այս գործընթացների ո՛չ սկզբում, ո՛չ ընթացքում առնչություն, ընդհանուր զրույց, պայմանավորվածություն չի ունեցել:

- Առերեսո՞ւմ էլ չի եղել ձեր պաշտպանյալի եւ Փայլակ Հայրապետյանի կամ Աշոտ Սուքիասյանի մասնակցությամբ:

- Չէ՛, չի եղել, որեւէ քննչական գործողություն չի կատարվել:

- Հիմա ձեռագրաբանական փորձաքննության եզրակացություն կա՞ գործի նյութերում:

- Կարծեմ տուժող պարոն Հայրապետյանը արդեն իսկ ասել է այդ մասին: Բայց դա ի՞նչ է նշանակում. ես ու դուք ստեղծել ենք մի ՍՊԸ՝ 50/50 բաժնեմասերով: Դա դեռեւս չի նշանակում, չէ՞, որ ուղղված է գույք հափշտակելուն կամ փողերի լվացմանը: Դրան արդեն թող տնօրենը պատասխանի՝ Աշոտ Սուքիասյանը: Բոլոր դեպքերում, իմ պաշտպանյալը երբեւիցե չի հետաքրքրվել, թե ինչպիտի ֆինանսական գործառույթներ է իրականցրել Աշոտ Սուքիասյանը, եւ այդ գումարը որտեղ կամ ում մոտ է հայտնվել:

- Ըստ ձեզ՝ նա մասնակցություն է ունեցել միայն ՍՊԸ-ի ստեղծմա՞նը եւ ֆինանսական եկամուտներ չի՞ ունեցել:

- Այո՛, բացարձակապես չի ունեցել:

- Հաղորդագրության մեջ նշվող օֆշորային ընկերությունները Կիպրոսի «HELLENIC BANK PUBLIK COMPANY»-ի մի քանի ընկերություննե՞րն են: Այդ մասին «Հետք»-ն էր գրել ժամանակին:

- Դա արդեն թող հարցնեն Աշոտ Սուքիասյանին, իմ պաշտպանյալը որեւէ կապ չունի դրանց հետ:

- Նշվում է նաեւ, որ 2013 թվականին՝ հանցագործության բացահայտումից հետո, Կճոյանը համոզել է Աշոտ Սուքիասյանին ստանձնել ողջ պատասխանատվությունը եւ ոչնչացնել իր մասնակցության վերաբերյալ ապացույցները:

- Դա տարատեսակ մեկնաբանությունների տեղիք է տվել, եւ ես չեմ պատկերացնում, թե ԱԱԾ-ն ինչպես է հաղորդագրության մեջ, այսպես ասած, օպերատիվ տվյալ ներդրել: Ամբողջ խնդիրը նրանում է, որ երբ այդ գործի հետ կապված մամուլով աղմուկ էր բարձրացել դեռ այն ժամանակ, սրբազանը Աշոտ Սուքիասյանին ասել է՝ թե ինչեր ես արել, քո գործն է, բայց պետք է ասես, որ նույնիսկ այդ ստորագրությունն իմը չէ, որովհետեւ դու խայտառակ ես արել իմ արժանապատվությունը, եւ իմ կամ Տիգրան Սարգսյանի անունը հանիրավի շոշափվում է քո կատարած խարդախությունների մեջ: Այդ նպատակն է հետապնդել, համոզելու խնդիր չի եղել: Բայց եթե անգամ ասում է՝ դա իմ ստորագրությունը չէ, դա ի՞նչ հետեւանք է առաջ բերում, դա հո չի՞ նշանակում, որ այն 12 միլիոն դոլարը միասին են «կերել»: Կարող են ընդամենը վարկած առաջ քաշել, բայց ոչ նման եզրահանգման գալ:

- Իսկ այդ ի՞նչ ապացույցներ են, որ, ըստ ԱԱԾ-ի, համոզել է կեղծել կամ ոչնչացնել:

- Միայն այդ ստորագրություններն են, այլ խնդիր գոյություն չունի: Բայց այսօր իմ պաշտպանյալը ցուցմունք է տվել, որ իսկապես ստորագրել է այդ ընկերության հիմնադրման համար, մասնաբաժիններից մեկի տերն էլ ինքն է: Ընդ որում, ես չեմ կարող ասել, թե ընկերության ստեղծումն ինչ նպատակ է հետապնդել եւ թե դրա արդյունավետ աշխատանքի դեպքում ինչ պետք է կառուցվեր, բայց շատ բարի նպատակ է եղել, ես պարզապես չեմ կարող մանրամասնել:

- Այդ նպատակը չի՞ իրագործվել:

- Ո՛չ, որովհետեւ սրբազանը ժամանակի ընթացքում միշտ հարցրել է Աշոտ Սուքիասյանին, թե երբ են սկսելու շինության կառուցումը, նա էլ ասել է՝ համբերիր:

- Պարո՛ն Արսենյան, բողոքարկելո՞ւ եք արդյոք մեղադրանք առաջադրելու կամ խափանման միջոց ընտրելու որոշումները:

- Այս պահին հարցաքննությունների փուլում ենք, հետո նպատակահարմարությանը կնայենք, կորոշենք:

Տպել
3624 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում