Ակնհայտ է, որ մենք չենք կարող ուղղակի 1 տարի փակված ռեժիմով ապրել․ վարչապետ

Երեկ հաշվի առնելով մեր նոր պայմանավորվածությունը, որ հնարավորություն կա զբոսանքի դուրս գալու՝ ընտանիքիս հետ դուրս էի եկել զբոսնելու, եւ բավականին շատ մարդ կար։ Այս մասին այսօր ՀՀ Կառավարության նիստում ասաց վարչապետ Նիկոլ Փաշինյանը։

«Ասեմ՝ շատ դժվար է լինելու, որովհետեւ, ըստ էության, մենք մի քանի պարտադիր պայման ենք ասում՝ վարակից խուսափելու համար, բայց ակնհայտորեն այդ պայմանները չեն պահվում։ Եթե, այնուամենայնիվ, չկարողանանք մեր քաղաքացիներին վարքագծային որոշակի կանոնների մասին ոչ միայն իրազեկել, այլեւ քաջալերել եւ հասնել նրան, որ նրանք դա պահեն, ապա մենք իրականում խնդիրներ ենք ունենալու։ Ես քայլում էի, եւ մարդիկ, նույնիսկ խմբերով կանգնած, զրուցում էին իրար հետ»,- նշեց Նիկոլ Փաշինյանը։

Վարչապետն ընդգծեց՝ եթե այդտեղ վարակված 1 մարդ լիներ, ակնհայտորեն այդ 10-15 հոգին վարակվելու էին. «Հետեւաբար պետք է հասկանալ, թե ինչու ենք մենք գնում նման քայլերի։ Երբ սահմանափակումը մտցնում էինք, բոլորի հույսն այն էր, որ 1 ամիս, 2 ամիս՝ վարակը կհաղթահարվի, բայց հիմա սահմանափակումների ռեժիմից դուրս գալու մասին խոսում ենք նրա համար՝ ոչ թե, որ վարակը հաղթահարված է, այլ նրա համար, որ կարծում եմ՝ առնվազն մինչեւ մյուս տարվա մարտը մենք ունենալու ենք դեպքեր։ Ակնհայտ է, որ մենք չենք կարող ուղղակի 1 տարի փակված ռեժիմով ապրել։ Ոչ միայն մենք, այլեւ ոչ մի երկիր չի կարող։ Ես կարծում եմ՝ շատ կարեւոր է, որ վարքագծային առումով ադապտացիա տեղի ունենա, որպեսզի մենք նոր պրոբլեմներ չունենանք։ Էլ փակված հնարավոր չէ շարունակել։ Կամ լավ, եթե հնարավոր է 10 օր, մոտիվացիա չկա։ Եթե իմանանք, որ եւս 1 ամիս փակվենք, վարակը չի լինելու այլեւս, ամբողջ ռեսուրսները կկենտրոնացնենք եւ այդպես կանենք, բայց, վստահաբար, մենք գիտենք, որ այդ 1 ամսում ոչինչ տեղի չի ունենալու, որ մեզ թույլ տա վերադառնալ նախկին կյանքին»։

Նիկոլ Փաշինյանն ասաց, որ առաջիկա 1 տարում Հայաստանում եւ աշխարհում, քանի դեռ պատվաստանյութ չի հայտնաբերվել, բոլորի ամենամեծ մարտահրավերն է ապրել բնականոն սոցիալ-տնտեսական կյանքով։

Արձագանքելով վարչապետին՝ փոխվարչապետ, պարետ Տիգրան Ավինյանն ասաց. «Միանշանակ, պարո՛ն վարչապետ։ Մի կարեւոր արձանագրում. եթե մենք տեսնենք, որ այս մեղմացումների քաղաքականությունը բերում է վտանգավոր հետեւանքների, եւ վարակի տարածման տեմպն աճում է այն աստիճանի, որ մտավախություն ունենանք՝ առողջապահության համակարգը կարող է չհասցնել սպասարկել հիվանդներին, ապա միանշանակ ամենակոշտ ռեժիմի կարող ենք վերադառնալ։ Շատ կարեւոր է, որ այն կանոնները, որոնք հաստատվում են, խստորեն պահպանեն տնտեսվարողները։ Եթե որեւէ մեկը վարակվեց որեւէ մի տնտեսվարողի մոտ, ավտոմատ կերպով այդ տնտեսվարողի գործունեությունը դադարեցվելու է։ Պետք է նաեւ այս հանգամանքը հաշվի առնել. սա բոլորի շահերից է բխում։ Պետք չէ լինել անվախ, պետք է լինել զգուշավոր եւ պահել բոլոր կանոնները»։

Վարչապետն այստեղ մի կարեւոր նրբություն պարզաբանեց. «Ըստ էության՝ մենք այս ընթացքում բժշկական հսկողության տակ ենք պահել մարդկանց, որոնք, ըստ էության, չեն բուժվում։ Այո՛, նրանց մոտ ախտորոշվել է կորոնավիրուս, բայց նրանք ո՛չ ջերմություն ունեն, ո՛չ թոքաբորբ ունեն, երբեմն նույնիսկ ոչ էլ հազում են։ Հետեւաբար այս նոր պայմաններում քաղաքականության փոփոխություն պետք է լինի, որ բուժհաստատություններում պետք է գտնվեն այն մարդիկ, որոնք ունեն բժշկական օգնության կարիք։ Երբ մենք առանց սիմպտոմի հիվանդին թողնենք գնա տուն, իր անհատական կարգապահությունից շատ բան է կախված լինելու։ Եթե ինքը տնից դուրս եկավ, կարանտինային ռեժիմը չպահեց, ապա վարակը, բնականաբար, տարածվելու է»։

Նիկոլ Փաշինյանն ընդգծեց՝ նոր քաղաքականության պայմաններում կարողանալու են սպասարկել մոտավորապես 1500 ծանր դեպք, իհարկե, հաշվի առնելով, թե նրանցից քանիսը թոքերի օդափոխման սարքի կարիք կունենան։

«Մենք պետք է շարունանկենք այս տրամաբանությունը զարգացնել, հակառակ դեպքում, եթե այս պայմաններում այնքան հիվանդ կա, ինչքան փաստացի առօրյա կյանքում, այդ մարդկանց պահելն անիմաստ է։ Կարծում եմ՝ շատ կարեւոր է արձանագրել, որ սկսած առաջին դեպքի արձանագրումից մինչեւ օրս՝ հանրությունը կառավարությունից ունեցել է 100 տոկոսով լիարժեք տեղեկատվություն բոլոր փաստերի վերաբերյալ կորոնոավիրուսի հետ կապված»,- ասաց վարչապետը։

Տպել
2594 դիտում

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն

Գործիքակազմում ունենք ծայրահեղ միջոցներ՝ վերադարձ սահմանափակումներին, պարետային ժամի հաստատում. Տիգրան Ավինյան