Սա առավելագույն երաշխիքն է, որ կարող է ներկայացվել կալանքը փոխելու համար. պաշտպանը՝ անձնական երաշխավորության մասին

Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի եւ մյուսների գործով դատական նիստին պաշտպանական կողմը ներկայացրեց Քոչարյանին անձնական երաշխավորությամբ ազատ արձակելու միջնորդությունը:

Նիստի մեկնարկին նախագահող դատավոր Աննա Դանիբեկյանը տեղեկացրեց, որ պաշտպանության կողմը այս ընթացքում ներկայացրել է Քոչարյանի խափանման միջոցի վերաբերյալ մի շարք միջնորդություններ, եւ հետաքրքրվեց, թե ինչ հաջորդականությամբ են նախընտրում քննարկել դրանք: Կողմերի դիրքորոշումը լսելուց հետո դատարանը որոշեց նախ լսել անձնական երաշխավորության միջնորդությունը՝ հաշվի առնելով, որ երաշխավորություն ներկայացնող անձինք ներկայացել են դատարան:

Հիշեցնենք՝ Ռոբերտ Քոչարյանի համար երաշխավորելու են Հայաստանի Հանրապետության նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը, Արցախի Հանրապետության նախկին վարչապետ Անուշավան Դանիելյանը:

Ներկայացնելով իր միջնորդությունը՝ պաշտպան Հայկ Ալումյանն ասաց, որ 2018 թվականի օգոստոսի 13-ից մինչ սեպտեմբերի 4-ը Քոչարյանի նկատմամբ առհասարակ որեւէ խափանման միջոց ընտրված չի եղել, իսկ սեպտեմբերի 4-ից մինչ դեկտեմբերի 7-ը ընտրված է եղել երկրից չհեռանալու մասին ստորագրություն. «Թեեւ այս ժամանակահատվածում կիրառված չի եղել այնպիսի խափանման միջոց, որը նախատեսված էր՝ կանխելու գործի քննությանը խոչընդոտելու ռիսկը, այնուհանդերձ, չկան տվյալներ, որոնք կվկայեն, որ գտնվելով ազատության մեջ՝ պարոն Քոչարյանը փորձել է անօրինական ազդեցություն գործադրել»:

Ալումյանը հիշեցրեց, որ Արցախի երկու նախագահների անձնական երաշխավորությամբ Քոչարյանը մեկ անգամ արդեն ազատ արձակվել է: Դա տեղի է ունեցել մայիսի 18-ից մինչ հունիս 25-ն ընկած ժամանակահատվածում, երբ նրա նկատմամբ ընտրված է եղել անձնական երաշխավորություն խափանման միջոցը, որի ընթացքում եւս, ըստ Ալումյանի, Քոչարյանի կողմից չի եղել որեւէ միջամտություն:

Ալումյանը շեշտեց, որ այս միջնորդության լուծման համար կարեւոր փաստ է նաեւ այն, որ այս ընթացքում Ռոբերտ Քոչարյանի առողջական վիճակում վատթարացում է գրանցվել: Թե ինչ ախտորոշումներ են արձանագրվել, Ալումյանը չհրապարակեց՝ խնդրելով, որ հրապարակելու անհրաժեշտության դեպքում դատարանը դա անի դռնփակ կարգով. «Վերջին անգամ պարոն Քոչարյանի խափանման միջոցի հարցը քննարկվել է նախորդ տարվա նոյեմբեր ամսին, այս միջնորդությունը գրելու օրվա դրությամբ անցել է շուրջ 4 ամիս, իսկ այսօրվա դրությամբ՝ 6 ամսից ավելի, որի ընթացքում դատարանը պարտավոր էր իր նախաձեռնությամբ քննարման առարկա դարձնել կալանքի տակ պահելու նպատակահարմարությունը, ինչի մասին վկայում են նաեւ Եվրոպական դատարանի մի շարք որոշումներ»: Ըստ Ալումյանի՝ պաշտպանական կողմը ունի խափանման միջոցի նպատակահարմարությունը պարբերական ստուգման իրավունք, եւ եթե դատարանը դա չի անում իր նախաձեռնութամբ, իրենք իրավունք ունեն սեփական նախաձեռնությամբ բարձրացնել այդ հարցը. «Տվյալ դեպքում դատական քննությունը ընթանում է ձգձգումներով, ընդ որում, ես սա գրել եմ մարտի 16-ի դրությամբ՝ չիմանալով հետագա ձգձգումների մասին, որի պայմաններում նրան կալանքի տակ պահելը չի կարող որեւէ կերպ արդարացված համարել»:

Ալումյանն ընդգծեց, որ դատաքննության ողջ ժամանակահատվածում տեղի է ունեցել ընդամենը 22 դատական նիստ, որոնցից միայն մեկի դեպքում է, որ դատական նիստը տեղի չի ունեցել պաշտպանների չներկայանալու պատճառով. «Մինչդեռ Եվրոպական դատարանը ասում է, որ իշխանությունները անձին կարող են կալանքի տակ պահել առնվազն քննության սկզբնական փուլում, որպեսզի թույլ չտան խոչընդոտներ ստեղծել քննության համար, հատկապես եթե խոսքը բարդ գործի մասին է, սակայն անգամ դա բավարար չէ անձին կալանքի տակ պահելը արդարացնելու համար, որովհետեւ սովորաբար ժամկետի ընթացքում այդ վտանգը նվազում է»: Ալումյանի խոսքով՝ տվյալ դեպքում նախաքննությունը վաղուց ավարտված է, եւ ստուգումները, որքանով անհրաժեշտ էին մեղադրանքի կողմին, եւս ավարտված են, ինչից, ըստ նրա, հետեւում է, որ Քոչարյանին կալանքի տակ թողնելը հակասում է Եվրոպական դատարանի դիրքորոշմանը:

Ալումյանը նշեց, որ Արցախի եւ Հայաստանի նախկին վարչապետների անձնական երաշխավորությունը այն առավելագույն երաշխիքն է, որ կարող  է ներկայացվել դատարան կալանավորումը այլ խափանման միջոցով փոխարինելու համար:

Տպել
899 դիտում

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ՝ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել

Ադրբեջանը շարունակում է հրադադարի խախտման փորձերը. Արարատ Միրզոյանը հեռախոսազրույց է ունեցել Գեորգի Ծերեթելիի հետ

Ախուրյանի ոստիկանները խուզարկությամբ մարիխուանա և կռփազենք են հայտանաբերել (տեսանյութ)

Սեյրան Օհանյանի պաշտպաններից մեկի մոտ կորոնավիրուս է հաստատվել, մյուսը թեստ է հանձնել. նիստը կհետաձգվի

Հանրային հեռուստաընկերությունում COVID-19-ով վարակման դեպք կա․ մեկնաբանները եթեր կմտնեն դիմակով

Կոչ եմ անում, խնդրում և հորդորում եմ. առաջիկա ազատ օրերին հավաքույթներ չկազմակերպել. վարչապետ (տեսանյութ)

Արցախի նախագահ Արայիկ Հարությունյանը համագործակցության հուշագիր է ստորագրել Սամվել Բաբայանի հետ

Դիլիջանի թունելի լուսավորությունն ամբողջությամբ վերականգնվել է