18-րդ միջոցառման շրջանակներում 12.200 տնտեսվարողի շահառու հանդիսանալու ծանուցում է ուղարկվել․ Մկրտչյան

ՀՀ Կառավարության կորոնավիրուսի տնտեսական հետեւանքների չեզոքացման 18-րդ միջոցառման շրջանակներում մայիսի 26-ի դրությամբ շահառու հանդիսանալու ծանուցում է ուղարկվել 12 հազար 200 հարկ վճարող տնտեսվարողի։ «Հայկական ժամանակ»-ի հետ զրույցում միջոցառման մասին խոսելիս տեղեկացրեց ՀՀ պետական եկամուտների կոմիտեի հարկային վարչարարության կազմակերպման, դիտարկման եւ հսկողության վարչության պետի տեղակալ Լուսինե Մկրտչյանը։

Նշենք, որ 18-րդ միջոցառման նպատակն է միանվագ դրամաշնորհի տեսքով օժանդակել այն հարկ վճարողներին, որոնք 2020թ. փետրվար, մարտ եւ ապրիլ ամիսներին պահպանել են աշխատատեղերը (ունեցել են 2-100 աշխատող) եւ վերջիններիս գծով հաշվարկված եկամուտների ֆոնդը:

Միջոցառման շահառու են այն տնտեսվարողները, որոնց 2020 թվականի ապրիլ ամսվա աշխատակիցների թիվը գերազանցում է (կամ հավասար է) 2020թ. փետրվար եւ մարտ ամիսների համար հայտարարագրված աշխատակիցների թվին եւ որոնց 2020թ. ապրիլ ամսվա աշխատակիցների գծով հաշվարկված եկամուտների մեծությունը գերազանցում է (կամ հավասար է) 2020թ. փետրվար եւ մարտ ամիսներին հաշվարկված եկամուտների մեծության 95 տոկոսը։

Մինչեւ 5 աշխատակից ունեցող տնտեսվարողների պարագայում տնտեսվարողին տրամադրվող աջակցության չափը որոշելու համար 2020թ. մարտ ամսվա համար հաշվարկված եկամուտների հանրագումարը բաժանվում է աշխատակիցների թվին։

5 եւ ավելի աշխատակից ունեցող տնտեսվարողների պարագայում տնտեսվարողին տրամադրվող աջակցության չափը որոշելու համար՝

ա) հաշվարկվում է տնտեսվարողի 2020թ. մարտի ամսական միջին հաշվարկված եկամուտների չափը, այսինքն՝ 2020-ի մարտ ամսվա համար հաշվարկված եկամուտների հանրագումարը՝ բաժանած աշխատակիցների թվին.

բ) հաշվարկվում է աշխատակիցների ընդհանուր թվի մեկ հինգերորդ մասը, այսինքն՝ աշխատակիցների ընդհանուր թիվը բաժանվում է 5-ի կլորացումով դեպի ներքեւ։

Հետեւաբար, ինչքան շատ են ընկերության աշխատակիցների թիվը եւ աշխատավարձային ֆոնդը, այդքան ավելի շատ օժանդակություն է ստանում ընկերությունը։

Մկրտչյանը մեր զրույցում ասաց, որ արդեն շուրջ 8200 շահառու տնտեսվարող դիմում է ներկայացրել՝ օժանդակություն ստանալու համար. «Բոլոր դիմումները դիտարկվել են, կազմվել են վճարման հանձնարարականներ եւ ուղարկվել գանձապետարան՝ փոխանցելու նպատակով»:

Հարցին՝ որքա՞ն գումար է նախատեսված հատկացնել, նա պատասխանեց. «Ընդհանուր միջոցառման համար մինչեւ 3 մլրդ դրամ է նախատեսված։ Այս պահին աջակցություն է տրամադրվել 1 մլրդ 500 մլն դրամի չափով»։

Անդրադառնալով հարցին, թե արդյոք հնարավո՞ր է, որ շահառու ընկերությունը չհայտնվի ցանկում կամ հակառակը, Մկրտչյանն ասաց. «Ո՛չ, նմանատիպ խնդիր դեռ չի առաջացել։ Խնդիր առաջանում է միայն այն դեպքում, երբ տնտեսվարողն իր դիմումում սխալ է նշում բանկային հաշվեհամարը. կա՛մ հաշվեհամարը փակ է լինում, կա՛մ իրեն չի պատկանում տվյալ հաշվեհամարը, կա՛մ նիշերն է շփոթում, այսինքն՝ խնդիրները միայն տեխնիկական են լինում»։

Հարցին՝ լինո՞ւմ են դեպքեր, երբ տնտեսվարողը չի համապատասխանում, սակայն փորձում է ինչ-որ կերպ օգտվել առիթից, նա պատասխանեց. «Այո՛, իհարկե, լինում են։ Մենք կատարում ենք նաեւ վերլուծություն եւ դրա արդյունքում ենք հարկ վճարողներին ուղարկում ծանուցումներ»։

Մկրտչյանի խոսքով՝ դիմումների ներկայացման վերջնաժամկետը հունիսի 10-ն է։ Դիտարկմանը, թե կարելի է ասել, որ այս միջոցառումը 5-րդ միջոցառման շարունակությունն է, քանի որ 2 դեպքում էլ կայուն աշխատատեղերի պահպանմանն են միտված միջոցառումները, Մկրտչյանն արձագանքեց. «Մոտավորապես՝ այո՛, բայց մի քիչ փոփոխություններով։ Միջոցառման նպատակն է օժանդակել այն տնտեսվարողներին, որոնք պահպանել են աշխատատեղերը եւ հաշվարկված եկամուտների մեծությունը»։

Նա նշեց, որ 5-րդ միջոցառման ժամանակ դիտարկվում էր հունվար, փետրվար եւ մարտ ամիսների հաշվարկները, իսկ 18-րդ միջոցառմամբ՝ փետրվար, մարտ եւ ապրիլ ամսվա հաշվարկները. «Մի փոքր փոփոխություն է եղել հաշվարկման մեթոդաբանության մեջ։ 18-րդ միջոցառման ժամանակ հաշվարկվող եկամուտների մեծության մեջ չեն ներառվում նպաստները։ Փորձը ցույց տվեց, որ 5-րդ միջոցառման ժամանակ դժգոհությունը շատ էր, որ նպաստները ներառվում են հաշվարկված եկամուտների մեջ։ Ֆիզիկական անձանց՝ ֆիզարձակուրդում գտնվող աշխատակիցը, երբ նպաստ էր ստանում, այդ նպաստը հաշվարկվում էր մեծության մեջ, եւ հաջորդ ամիս, երբ այդ նպաստը չէր ստանում, եկամուտների մեծությունը նվազում էին, ու արդյունքում տնտեսվարողը օժանդակություն չէր ստանում։ Դա է պատճառը, որ այս միջոցառման ժամանակ մեթոդաբանությունը փոխվել է»։ Մկրտչյանն ասաց, որ  ամենամեծ օժանդակությունը 1 տնտեսվարողի հաշվով կազմել է 10 մլն դրամ. «ՏՏ ոլորտի ներկայացուցիչ ընկերության է տրամադրվել, որն ունի բարձր աշխատավարձային ֆոնդ»։

ՀԺ-ն զրուցել է նաեւ 18-րդ միջոցառման շահառու 2 ընկերության հետ։

Ալկոհոլային խմիչքների մանրամեծածախ առեւտրով զբաղվող «Արբրեն» ՍՊԸ ֆինանսական գծով տնօրեն Գեորգի Կոսյանը մեր զրույցում ասաց, որ դիմելու կարգը շատ հեշտ եւ պարզեցված է։

Նրա խոսքով՝ իրենց ընկերությանը տրամադրվել է 5 մլն 961 հազար դրամի չափով օժանդակություն. «Մեր աշխատավարձային ֆոնդը 36 մլն դրամից մի փոքր ավելի է։ Ունենք 68 աշխատակից»։

Հարցին՝ ընկերությունն այս օրերին խնդիրների առաջ կանգնե՞լ էր, Կոսյանը պատասխանեց. «Բնականաբար, խնդիրներ եղել են։ Ինքներդ եք պատկերացնում, որ ալկոհոլային խմիչքների առեւտուրը շատ է նվազել։ Ճգնաժամով պայմանավորված՝ եթե առաջին անհրաժեշտության ապրանքների վաճառքը անկում չի գրանցել, ապա խմիչքի ոլորտում ապրիլ ամսին շուրջ 70-ից 80 տոկոս անկում է գրանցվել վաճառքի»։

Ընկերության ֆինանսական գծով տնօրենն ընդգծեց՝ այս գումարը էական նշանակություն ունի իրենց համար. «Մեր հիմնարկի որդեգրած քաղաքականությունը եղել է այն, որ աշխատողները չպետք է տուժեն, եւ աշխատավարձային ֆոնդը 100 տոկոսով պահպանվել է։ Ճիշտ է, օգնությունը 50 տոկոս չէ, բայց էլի փոքր չէ եւ հաստատ տեղին է»։

Հրուշակեղենի արտադրությամբ զբաղվող ռուսական «ԿԴՎ ԱՐՄՆ» ընկերության հայաստանյան մասնաճյուղը եւս միջոցառման շահառուների թվում է։ Ընկերության գլխավոր հաշվապահ Լուսինե Գրիգորյանը ՀԺ-ին հայտնեց, որ միջոցառմանը դիմելը իրենց համար հեշտ էր. ծանուցում են ստացել, եւ մնում էր ընդամենը դիմում գրել։

Հարցին՝ ի՞նչ չափով օժանդակություն են ստացել, նա պատասխանեց. «7 մլն դրամի չափով օժանդակություն ենք ստացել։ Մեր աշխատավարձային ֆոնդն էլ գրեթե 30 մլն դրամ է»։

Գրիգորյանը նշեց, որ ընկերությունն ունի մոտ 80 աշխատակից։

Տպել
3746 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում