Ըստ Արսեն Ջուլֆալակյանի՝ Թամրազյանը ձախողել է սպորտի ոլորտը. ինքը հուսով է՝ ԿԳՄՍ նախարարի հետ հանդիպում կլինի ԱԺ-ում

ՀՀ ԱԺ պատգամավոր, օլիմպիական փոխչեմպիոն, աշխարհի ու Եվրոպայի չեմպիոն հունահռոմեական ոճի ըմբիշ Արսեն Ջուլֆալակյանը թերություններ է տեսնում ԿԳՄՍՆ-ում սպորտի ոլորտը համակարգող Գրիշա Թամրազյանի աշխատանքում: Երեկ՝ մայիսի 25-ին, ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստում հանդիպում է տեղի ունեցել Թամրազյանի հետ, սակայն թեման հիմնականում վերաբերել է ԲՈԿ նախագահ Սմբատ Գոգյանի հրաժարականին ու նրա հայտարարություններին, եւ այդ պատճառով Ջուլֆալակյանի մոտ բաց հարցեր են մնացել: ՀԺ-ի հետ զրույցում նա հույս հայտնեց, որ կլինի եւս մեկ հանդիպում, որին ներկա կլինի նաեւ ԿԳՄՍ նախարար Արայիկ Հարությունյանը, եւ ինքը կկարողանա նրան ներակայացնել սպորտի խնդիրները:

«Թե ինչ խնդիրներ կան մարզաշխարհում առհասարակ, ոչ թե COVID-ով պայմանավորված այլ ընդհանրապես (կան համակարգային լրջագույն խնդիրներ, որոնց ուղղությամբ առնվազն վերջին 6 ամսվա ընթացքում լուրջ տեղաշարժ չեմ տեսել), չեմ ուզենա հարցազրույցով բարձրաձայնել, քանի որ կարծում եմ՝ առաջիկա օրերին կլինի եւս մեկ քննարկում՝ հուսամ՝ արդեն նախարարի մասնակցությամբ, եւ ուզում եմ հենց տեղում բարձրաձայնել այդ հարցերը: Այս պահին առնվազն 15 շատ կարեւոր կետ եմ առանձնացրել, որոնք ուզում եմ ուղղել հենց պարոն նախարարին, որպեսզի նախարարի մոտ հստակ լինի, թե ինչ կետերով է փոխնախարարը ձախողել իր աշխատանքը»,- ասաց Ջուլֆալակյանը:

Թեեւ երեկվա նիստը նվիրված է եղել Գոգյանի ու Թամրազյանի շուրջ բարձրացած աղմուկին, սպորտի մասին խոսակցություն եղել է: Ինչպես Ջուլֆալակյանն է նշում, Թամրազյանն ասել է, որ մարզաշխարհում կորոնավիրուսով պայմանավորված խնդիրները գրեթե ամբողջությամբ լուծված են: Ջուլֆալակյանը հայտարարությանն արձագանքել է՝ ասելով, որ ընդամենը օրեր առաջ, մի շարք մարզադպրոցների տնօրեններ այլ կարծիք են հայտնել:

«Հակադարձեցի, որ դեռեւս ուրբաթ օրը քննարկում է եղել մարզադպրոցների տնօրենների եւ մարզաշխարհի ներկայացուցիչների մասնակցությամբ, որի ընթացքում նրանք COVID-ով պայմանավորված բազմաթիվ հարցեր են բարձրացրել, եւ նշեցի, որ ձեր կարգավորումները կամ սխալ են եւ տեղին չեն, կամ էլ դուք չեք տիրապետում իրավիճակին՝ դատելով Ձեր հայտարարությունից»,- ասաց Ջուլֆալակյանը՝ նշելով, որ բարձրաձայնված խնդիրներն արդեն ուղարկել է պարետատուն, ԿԳՄՍՆ, Երեւանի քաղաքապետարան եւ պատրաստ է մասնագետների հետ աշխատել լուծման տարբերակների վրա:

Պատգամավորի խոսքով՝ Թամրազյանը նաեւ շեշտել է, որ ինքը միշտ թափանցիկ է աշխատել ու հասանելի է եղել: Այդ պնդման վերաբերյալ Ջուլֆալակյանը եւս դիտարկում է ունեցել: Ասել է, որ լրատվամիջոցների բազմաթիվ ներկայացուցիչներից հակառակի մասին է լսել:

«Նշել եմ, որ մոտ 1 տարի է՝ մի քիչ ավելի, մի քիչ պակաս, ոչ մի մամուլի ասուլիս չի տվել փոխնախարարի կարգավիճակում, ինչը բացաձակ հակառակի մասին է խոսում՝ ոչ թե հաշվետվողականության, այլ 0 հաշվետվողականության: Նշել եմ, որ բազմաթիվ սպորտային լրագրողներ առնվազն, բայց վստահ եմ՝ նաեւ ոչ սպորտային լրագրողներ ակնկալում են տարբեր հարցերի պատասխաններ ստանալ նրանից, ինչը դեռ չկա, եւ դա շատ բացասական է: Անհատների հետ աշխատանքը եւս բացասական եմ համարում, քանի որ կան խնդիրներ, որոնք համակարգային լուծումներ են պահանջում, ոչ թե անհատական: Երբ անհատական մոտեցում ես դրսեւորում, նշանակում է՝ դու առաջնորդվում ես անձնական ինչ-ինչ շահերով, այսինքն՝ կոպիտ ասած, ճաշակի հարց է դառնում՝ ում խնդիրը լուծել, ումը ոչ»,- ասաց նա:

Ջուլֆալակյանը նշում է, որ Թամրազյանը նաեւ ընդգծել է փաստը, որ վերջին օրերին մի քանի անվանի մարզիկներ իրենց աջակցությունն են հայտնել իրեն: Այդ մարզիկների թվում էին օլիմպիական չեմպիոն, աշխարհի եռակի, Եվրոպայի հնգակի չեմպիոն, հունահռոմեական ոճի ըմբիշ Արթուր Ալեքսանյանը (97կգ), Եվրոպայի չեմպիոն Գեւորգ Ղարիբյանը (60կգ), Եվրոպայի առաջնության 3-րդ մրցանակակիր Կարապետ Չալյանը (77կգ), աշխարհի, Եվրոպայի չեմպիոն ծանրորդ Սիմոն Մարտիրոսյանը (109կգ), որը սպասում է իր օլիմպիական ոսկին ստանալուն: Ջուլֆալակյանը կարծում է, որ անհասկանալի է՝ ինչու են մարզիկները նրան պաշտպանում, քանի որ մեղադրանքները սպորտին չեն վերաբերում:

«Անտրամաբանական համարեցի աջակցության կապը: Հարցս հետեւյալ էր, թե… փառք ու պատիվ նրանց, բայց ի՞նչ կապ ունեն մարզիկները հնչեցված մեղադրանքների հետ, որ Ձեզ աջակցություն են հայտնում: Որպեսզի ավելի պարզ լինի նրան, որովհետեւ 2 անգամ նույն հարցն ուղղեուց հետո անընդհատ խուսափում էր պատասխանել, նշում էր, որ սպոնտան է եղել մարզիկների կողմից նման աջակցությունը, ինքը տեղյակ չի եղել, չի կազմակերպել, ալեգորիկ տարբերակով ասացի, որ դա նույնն է, թե ունես ջրում կռվելու զենք եւ այն օգտագործում ես ե՛ւ ցամաքում, ե՛ւ օդում, պարզ է, որ արդյունավետ չի լինի»,- պատմեց պատգամավորը:

Ջուլֆալակյանը նաեւ պարզաբանեց, թե ինչու է նիստը փակ եղել; Ի սկզբանե հայտարարություն է եղել, որ նիստը բաց է լինելու, սակայն անակնկալ կերպով ձեւաչափը փոխվել է: Պատգամավորը նշեց, որ դա կապված է Արայիկ Հարությունյանի՝ երեկ արված հայտարարության հետ: Վերջինս ուղիղ եթերով անդրադարձել էր Գոգյանի հայտարարությանը, ըստ որի, ՀՊՏՀ ռեկտորի պաշտոնակատար Դիանա Գալոյանը, որի դոկտորական աշխատանքում առկա են ակնհայտ թարգմանություններ եւ արտագրություններ, պաշտոնն առ այսօր զբաղեցնում է Թամրազյանի հովանավորությամբ։ Հարությունյանը նշել էր, որ ուղիղ եթերով հաղորդում է տալիս հանցագործության մասին:

«Նախարարն ուղիղ եթերով հայտարարությամբ հանդես եկավ, որ հանցագործության մասին հայտարարությամբ դիմում է քննչական մարմիններին, ու որպեսզի փոխնախարարն իրեն կաշկանդված չզգա… կարծում եմ՝ դա էր նիստը դռնփակ անցկացնելու պատճառը»,- ասաց Ջուլֆալակյանը:

Պատգամավորը նաեւ նշեց, որ Թամրազյանի հրաժարականի մասին նիստի ընթացքում չի խոսվել: Չի քննարկվել նաեւ, թե դեռ որքան ժամանակ է նա մնալու սպորտի գծով փոխնախարարի պաշտոնակատար: Նա այդ պարտականությունները ստանձնել է նախորդ փոխնախարարի՝ Գեւորգ Լոռեցյանի կալանավորումից ու հեռացումից հետո:

Տպել
2291 դիտում

Արմեն Սարգսյանը կհանդիպի խորհրդարանական խմբակցությունների ղեկավարների և ներկայացուցիչների հետ

Դատախազությունն ուսումնասիրում է ԳՇ-ի երեկ տարածած հայտարարությունը. Գոռ Աբրահամյան

Իրաքում գտնվող ՀՀ ԱԳ փոխնախարարը հանդիպումներ է ունեցել Իրաքյան Քուրդիստանի բարձրաստիճան պաշտոնյաների հետ

Բժշկության և տնտեսագիտության ոլորտներում ունենք համագործակցության փորձ. ԿԳՄՍ նախարարն ընդունել է Շրի Լանկայի դեսպանին

Ստիպված եմ կայացնել բեկումնային որոշում և հեռանալ հարազատ երկրից. Լևոն Արոնյան

Հանդիպել են Հայաստանի ու Արցախի ԱԳ նախարարները

ՀՀ ԶՈՒ գլխավոր շտաբի 4 բարձրաստիճան պաշտոնյա չի միացել հայտարարությանը. ովքեր են նրանք

Արմեն Սարգսյանը նախատեսում է հանդիպել ԶՈՒ գլխավոր շտաբի պետ Օնիկ Գասպարյանի հետ

ԳՇ-ի հայտարարության մեջ քաղաքական դաշտից ուղղորդում կար. Ռազմիկ Պետրոսյան

Հունվարին Հայաստանի տնտեսական ակտիվության ցուցանիշը նվազել է 7.5 տոկոսով

ԱԺ խորհրդի նիստը, որը նախատեսված էր ժամը 11:00-ին, չի կայացել. Էդմոն Մարուքյան

Պատգամավոր Հակոբ Ասլանյանը հարձակման է ենթարկվել

Ընդդիմադիրները գիշերը անցկացրել են Բաղրամյան պողոտայում

Երևանում կասեցվել է ալրային հրուշակեղենի արտադրությունը

ԳԱԱ նախագահը ԿԳՄՍ նախարարությանը առաջարկ է ներկայացրել ակադեմիայի հետագա կարգավիճակի վերաբերյալ

Հովհաննես Վիրաբյանը նշանակվել է Արգենտինայում ՀՀ արտակարգ և լիազոր դեսպան

Հաստատվել է կորոնավիրուսային հիվանդության 283 նոր դեպք. կան մահվան դեպքեր

ԱՄՆ Պետդեպարտամենտը ուշադիր հետևում է Հայաստանում իրավիճակի զարգացմանը. Փրայս

Նախիջևանի հետ ՀՀ սահմանային հատվածում Ադրբեջանի կողմից սադրանքների մասին լուրը չի համապատասխանում իրականությանը. ՊՆ

Շիրակի ու Սյունիքի մարզերում մերկասառույց է. Սեպասարում՝ բուք. ՀՀ-ում կան փակ ճանապարհներ

ԱԻՆ-ի՝ Երևանում սպասվող ուսումնավարժանքը հետաձգվում է

Ստեփանակերտ-Գորիս-Երևան միջպետական մայրուղու Սյունիքի հատվածում մերկասառույց է

Տարբեր շրջաններից հայտնաբերված ու չպայթած զինամթերք է ոչնչացվելու. ԱԻՊԾ-ը հայտնում է՝ որ համայնքներում

Ֆրանսիայի քաղաքացիներին հորդորում ենք հեռու մնալ հավաքներից. ՀՀ-ում Ֆրանսիայի դեսպանատան հայտարարությունը

Երեւանում ու 6 մարզում այսօր էլեկտրաէներգիայի մինչեւ 6-ժամյա անջատումներ կլինեն

Հրդեհ է բռնկվել «Ավան Պլազա» հյուրանոցի երկրորդ հարկի շոգեբաղնիքում. կա տուժած

ՊՆ-ի բյուջեի, բարձրացված աշխատավարձերի ու ձեռքբերումների մասին. ՀՀ վարչապետը 2 փաստ է ընդգծում

Պոլիտեխնիկական համալսարանում ռեկտոր կընտրեն. թեկնածուներից մեկը խնդիր է տեսնում, խորհրդի քարտուղարը՝ պարզաբանում

Հայաստանի գերագոյն շահերը պէտք է ամէն բանէ վեր մնան. Արամ Ա կաթողիկոս

Արայիկ Հարությունյանը հանդիպել է և՛ Նիկոլ Փաշինյանի, և՛ Օնիկ Գասպարյանի հետ. «Արցախպրես»

Հայաստանը կրկին միջազգային մամուլի ու կառույցների ուշադրության կենտրոնում էր

Երեւանի 99 համարի երթուղին նոր ավտոբուսներով կսպասարկվի մարտի 1-ից

Փարիզում ցուցադրվել է Վան Գոգի նկարը, որը գրեթե ոչ ոք չի տեսել

Զինծառայողները ցուցաբերել են բարձր պատրաստվածություն․ գրանցել են գերազանց արդյունքներ

Հրդեհ է բռնկվել «Ավան Պլազա» հյուրանոցում. հայտարարվել է հրդեհի բարդության «1 ԲԻՍ» կանչ

Բնակարանային գողություն Աշտարակի Շահազիզի փողոցում. կա ձերբակալված (տեսանյութ)

Կա’նգ առեք, մենք այն վիճակում չենք, որ կարողանանք թույլ տալ բաժանել մեր ժողովրդին. Սամվել Բաբայան

Հանրապետության հրապարակի հանրահավաքը՝ լուսանկարներով

Ըստ ամենայնի, «Իսկանդեր»-ի հետ կապված Նիկոլ Փաշինյանին մոլորության մեջ են գցել. ՌԴ ՊՆ

36-ամյա տղամարդու ավտոտնակում ապօրինի զենք-զինամթերք է հայտնաբերվել (տեսանյութ)