Քրեական ենթամշակույթի դեմ պայքարը նախապատրաստական փուլից անցել է իրականացման փուլ. 10 անձի մեղադրանք է առաջադրվել

Քրեական ենթամշակույթին առնչվող արարքները քրեականացնող՝ ՀՀ քրեական օրենսգրքում փոփոխություններ և լրացումներ կատարելու մասին ՀՀ օրենքը 2020թ. փետրվարի 22-ին ուժի մեջ մտնելու պահից սկսած՝ ՀՀ գլխավոր դատախազությունը լայնածավալ գործունեություն է իրականացրել հանրային բարձր վտանգավորություն ներկայացնող այդ արարքների դեմ քրեաիրավական պայքարը հնարավորինս բարձր արդյունավետությամբ իրականացնելու նախադրյալներ ստեղծելու նպատակով: 

Մասնավորապես՝ օրենսդրական փոփոխություններն ուժի մեջ մտնելուց անմիջապես հետո ՀՀ գլխավոր դատախազը հրավիրել է խորհրդակցություն՝ ՀՀ արդարադատության նախարարի, ՀՀ Ազգային անվտանգության ծառայության տնօրենի, ՀՀ Ոստիկանապետի, ՀՀ քննչական կոմիտեի նախագահի, ՀՀ ԱՆ քրեակատարողական ծառայության պետի և իրավապահ մյուս մարմինների այլ ներկայացուցիչների մասնակցությամբ: Մանրամասն քննարկման արդյունքում նախանշվել են  հիմնական անելիքները կազմակերպված հանցավորության առավել վտանգավոր այս դրսևորումների նախականխման, բացահայտման, նման գործերով քննությունների որակի ապահովման, մեղավոր անձանց պատասխանատվության ենթարկելու միջոցների կիրառման ուղղություններով, ինչպես նաև  հանցագործության նման դեպքերով քննության տարբեր փուլերում օպերատիվ-հետախուզական միջոցառումներ իրականացնող և նախաքննական մարմինների համագործակցության եղանակները, դատավարության մասնակիցների նկատմամբ արդյունավետ պաշտպանության միջոցների շրջանակին վերաբերող խնդիրները: 

ՀՀ դատախազության լրատվական ծառայությունից հայտնում են, որ քրեական ենթամշակույթին առնչվող հանցագործությունների գործերով քննությունների նկատմամբ դատախազական հսկողության և դատարանում մեղադրանքի պաշտպանության արդյունվետության բարձրացման նպատակով ՀՀ գլխավոր դատախազի հանձնարարությամբ ՀՀ գլխավոր դատախազության հասարակական անվտանգության դեմ ուղղված հանցագործությունների գործերով վարչության երկու դատախազ մասնագիտացվել է կոնկրետ այս ոլորտում: 

Հաշվի առնելով այն հանգամանքը, որ Հայաստանում այս հանցատեսակների առումով դեռևս չի ձևավորվել իրավական պրակտիկա՝ այդ հանցագործությունների դեմ պայքարում հնարավոր թերացումներից և բացթողումներից խուսափելու նպատակով խնդիր է դրվել՝ ուսումնասիրել հետխորհրդային երկրների, մասնավորապես, Վրաստանի Հանրապետության փորձը՝  նկատի ունեալով նաև, որ հետխորհրդային պետություններից առաջինը Վրաստանում են քրեականացվել քրեական ենթամշակույթին առնչվող արարքները: 

Այդ նպատակով հարևան պետության հետ արդյունավետ համագործակցության շրջանակներում կազմակերպվել է ՀՀ գլխավոր դատախազի տեղակալի ղեկավարած պատվիրակության՝ ոլորտում մասնագիտացած դատախազների, իրավապահ մյուս կառույցների աշխատակցիների ներգրավվածությամբ այցը Վրաստանի Հանրապետություն, որտեղ, Վրաստանին առնչվող գործով ՄԻԵԴ իրավական դիրքորոշումների լույսի ներքո վրաց գործընկերների հետ համատեղ քննարկումներում հնարավորինս դետալային ուսումնասիրվել են հանցագործության այդ դեպքերով իրականացված քննություններին, դատախազական հսկողությանը, մեղադրանքի պաշտպանությանն առնչվող պրակտիկ խնդիրները, իրավակիրառական գործիքակազմերը: 

Բացի վերոնշյալից, քրեական ենթամշակույթին առնչվող հանցավոր արարքներով իրավակիրառ պրակտիկայի միասնականության, նաև հանրային իրազեկման ապահովման նպատակով ՀՀ դատախազության կողմից պատրաստվել է «Քրեական ենթամշակույթին առնչվող արարքների քրեաիրավական բնութագիրը» վերտառությամբ գիտագործնական մեկնաբանությունը, որը երաշխավորվել է տպագրության ՀՀ արդարադատության ակադեմիայի գիտական խորհրդի կողմից և ուղարկվել շահառու բոլոր գերատեսչություններին: Այդ ուղեցույց-մեկնաբանությունները հրապարակվել են նաև ՀՀ արդարադատության ակադեմիայի պաշտոնական կայքում, որին կարելի է ծանոթանալ http://justiceacademy.am/#1954 հղումով: Նշված թեմայով ՀՀ արդարադատության ակադեմիայի ուսումնական ծրագրով նաև նախատեսվել է առանձին դասընթաց: 

Այս նախապատրաստական աշխատանքների հենքի վրա օպերատիվ-հետախուզական միջոցառումներ իրականացնող, նախաքննության մարմինների և դատախազության կողմից սկսվել են քրեական ենթամշակույթին առնչվող արարքների դեմ, ինչպես նաև այն կրող անձանց կամ խմբավորումների կողմից հնարավոր հակազդեցության փորձերը կանխարգելելու և չեզոքացնելու ուղղությամբ համակարգված և բարձր համագործակցությամբ իրականացվող լայնածավալ միջոցառումներ: Արդյունքում բացահայտել են քրեական աստիճանակարգության բարձրագույն կարգավիճակ ունեցող անձանց կողմից քրեական ենթամշակույթ կրող խմբավորում ղեկավարելու, քրեական ենթամշակույթ կրող խմբավորմանը մասնակցելու, դրա կողմից հետապնդվող նպատակների իրականացմանը ներգրավված լինելու, քրեական աստիճանակարգության բարձրագույն կարգավիճակ ունեցող անձանց դիմելու հանցավոր սխեմաներ: 

ՀՀ քրեական օրենգրքի համապատասխան հոդվածներով հարուցվել է թվով 5 քրեական գործ, որոնցից 3-ը միացվել է մեկ վարույթում: Քրեական բոլոր գործերը քննվում են ՀՀ քննչական կոմիտեի ՀԿԳ քննության գլխավոր վարչությունում: 

Այս քրեական գործերից մեկով «օրենքով գողի»՝ քրեական աստիճանակարգության բարձրագույն կարգավիճակ ունեցող մեկ անձի մեղադրանք է առաջադրվել քրեական ենթամշակույթ կրող խմբավորում ղեկավարելու, «քրեական հեղինակության»՝ քրեական աստիճանակարգության բարձրագույն կարգավիճակ ունեցող մեկ անձի՝ քրեական ենթամշակույթ կրող խմբավորմանը մասնակցելու, երեք անձի՝ քրեական աստիճանակարգության բարձրագույն կարգավիճակ ունեցող անձանց դիմելու, հինգ անձի՝ քրեական ենթամշակույթ կրող խմբավորման կողմից հետապնդվող  նպատակների իրականացմանը ներգրավված լինելու համար: 

Քրեական հետապնդման ենթարկված նշված 10 անձանցից 6-ի նկատմամբ որպես խափանման միջոց է կիրառվել կալանավորումը: 

Ձեռնարկվում են ակտիվ միջոցառումներ՝ ինչպես նշված գործերով հանցագործությունների հանգամանքներն ամբողջությամբ բացահայտելու, այնպես էլ քրեական ենթամշակույթի հետ կապված հանցավոր այլ սխեմաների հայտնաբերման, դրանցում ներգրավված անձանց հանցավոր գործունեությունը պարզելու և խափանելու ուղղությամբ: 

Քրեական ենթամշակույթի դեմ անզիջում և հետևողական պայքարը, այդ հասարակական չարիքն արմատախիլ անելը շարունակում է մնալ ՀՀ դատախազության, իրավապահ մյուս մարմինների բացարձակ առաջնահերություններից: Այս համատեքստում հանրությանը պարբերաբար կներկայացվեն նշված ուղղությամբ քրեական հետապնդման մարմինների կողմից իրականացված աշխատանքների արդյունքները: 

Միաժամանակ, ՀՀ դատախազությունն ակնկալում է հասարակության աջակցությունն այս երևույթների դեմ համակողմանի պայքարում:    

«Հայկական Ժամանակ»-ը Telegram-ում
Տպել
1734 դիտում

Մեկնարկել է ԱԳ նախարար Արարատ Միրզոյանի պաշտոնական այցը Նորվեգիա. լուսանկարներ

Կարսում ընթանում են «Ձմեռ-2025» թուրքական զորավարժությունները. 18 երկրի զինվորական է մասնակցում

Կարող եք անգամ դաշնակցական գործիչներից մեկին նկարել, միևնույն է՝ անձնագիր ու սոցքարտ ստանալու եք. Չախոյան

Ալկոհոլի տակ է ասել, ազգայնացնել պետք չէ. Սարո Լալայանի որդին՝ հոր անձնագրի հետ կապված աղմուկի մասին

Բեռնատարը մկրատաձև դիրք է ընդունել՝ երկկողմանի փակելով ճանապարհը. 15 բեռնատար է դուրս բերվել

Ռուսաստանի ՆԳՆ-ն հրապարակել է օտարերկրացիների՝ երկիր մուտքի նորացված պարտադիր պայմանները

ՀՀ ԶՈւ կազմավորման 33-րդ տարեդարձին նվիրված պաշտոնական ընդունելություն Թբիլիսիում

ՀՀ ավտոճանապարհներին ոստիկաններն ու փրկարարներն ուժեղացված ծառայություն են իրականացնում. լուսանկարներ

Երևանի և 7 մարզի բազմաթիվ հասցեներ կհոսանքազրկվեն

Տանձավեր գյուղի վերջնամասում 6 մեքենայի բախման հետևանքով 150 տրանսպորտային միջոց խցանվել է

Նորավան-Լծեն-Տաթև ճանապարհը բոլոր տրանսպորտային միջոցների համար փակ է

Ռեժիմը խուճապի մեջ է, բոյկոտիստը 3 օր է՝ չկա, հօդս է ցնդել մի պարզ պատճառով՝ շոու էր. Չախոյան

ՊՆ Վազգեն Սարգսյանի անվան ռազմական ակադեմիայում տեղի է ունեցել գիտագործնական կոնֆերանս. լուսանկարներ

Նիկոլ Փաշինյանն ու Heritage հիմնադրամի ներկայացուցիչները տարածաշրջանային հարցերի շուրջ մտքեր են փոխանակել

Խոշոր ավտովթար Հյուսիս-հարավ ճանապարհին. կան տուժածներ

ՀՀ տարածքում կան մի շարք փակ և դժվարանցանելի ավտոճանապարհներ. որոշ հատվածներում բուք է, մառախուղ

Սպիտակ տանը հանդիպել են Նիկոլ Փաշինյանն ու ԱՄՆ փոխնախագահը

Ոչ մեկը քաղաքացու բանկային գաղտնիքի մեջ ներխուժել չի կարող, որևէ պետական մարմին այդ իրավունքը չունի. Թունյան

Իրանի ԳՇ պետի տեղակալը վերահաստատել է ՀՀ տարածքային ամբողջականության վերաբերյալ Թեհրանի դիրքորոշումը

Պարեկային ծառայության գլխավոր վարչությունն այսուհետ կգործի նոր հասցեում. որտեղ կսպասարկվեն քաղաքացիները

ՆԳՆ փրկարար ծառայության ստորաբաժանումներն անցել են ուժեղացված ծառայության. տեսանյութ

Մեղրիի փոխանակման ծրագրի մութ կողմերը. ինչ կապ կա դրա ու «Հոկտեմբերի 27»-ի միջև. տեսանյութ

Միջազգային հանրապետական ինստիտուտը կշարունակի աջակցել ՀՀ բարեփոխումների օրակարգին. Թվինինգը՝ Նիկոլ Փաշինյանին

Կայացել է Եվրոպայի մինչև 21 տարեկանների 2027 թվականի առաջնության որակավորման փուլի վիճակահանությունը

ՆԳՆ-ն հերքել է անձնագրի ստորագրությունում Արարատ լեռան պատճառով քաղաքացուն սոցքարտ չտրամադրելու հրապարակումը

Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ. ինչ է քննարկվել

Թուրքիայի և Ռուսաստանի արտգործնախարարները հեռախոսազրույց են ունեցել

Կարսում մեկնարկել է «Ձմեռ-2025» թուրքական զորավարժությունը

Ընդդիմությունը գարնանային «հյուրախաղերի» է դուրս եկել. ինչու են նրանք միայն առավոտվա ժամերին հայտնվում

Ովքեր և երբ ելույթ կունենան «Դեպի Եվրատեսիլ» նախագծում. անուններ

Ձյունն ու բուքը շարունակվում են. կան փակ և դժվարանցանելի ճանապարհներ

Արաքսի վրա 2-րդ կամրջի կառուցումն անհրաժեշտություն է, նախագծին Իրանն ու Հայաստանը կողմ են. Սոբհանի

ՄԻՊ ներկայացուցիչները մեկնել են Սյունիք՝ տեղում ԶՊՄԿ-ում ստեղծված իրավիճակին ծանոթանալու համար

Երևան-Գյումրի ճանապարհին մեքենաներ են բախվել. կան զոհեր և տուժածներ

Ինչպես է պատկերացնում Աննա Հակոբյանը կյանքը՝ վարչապետի թոշակի անցնելուց հետո. լուսանկարներ

Հայաստանի պաշտպանական հնարավորությունները պետք չէ թերագնահատել. Իրանի դեսպան

Մոսկվան Բաքվում «Ռուսական տան» հետ կապված հարցի վերաբերյալ դրական լուծում է ակնկալում. Զախարովա

Ցանկացած ճանապարհի, որն իր մեջ կներառի միջանցքի տրամաբանություն, Իրանը դեմ է. Մեհդի Սոբհանի

Երասխի տներից մեկում պայթյուն է եղել. տուժածները տեղափոխվել են բժշկական կենտրոն

«Զանգեզուրի միջանցք» ասվածի հարցում մենք որևէ մեկի հետ գործարքի չենք գնա, մենք կատակ չենք անում. Իրանի դեսպան