Դատական նիստերը տապալելու դասական օրինակ էին նաեւ պաշտպանների այսօրվա ելույթները. Քոչարյանի գործով դատախազ

Երեւանի ընդհանուր իրավասության դատարանում դատավոր Աննա Դանիբեկյանի նախագահությամբ այսօր կայացած դատական նիստին Երեւան քաղաքի դատախազ Գեւորգ Բաղդասարյանը անդրադարձավ Ռոբերտ Քոչարյանի եւ մյուսների պաշտպանների հակափաստարկներին՝ իր միջնորդության վերաբերյալ:

Միջնորդությունը, հիշեցնենք, վերաբերում էր գործով բոլոր ամբաստանյալների պաշտպանների գործողություններում իրավունքի չարաշահում ճանաչելուն, դատական նիստի նախապատրաստական ենթափուլը սահմանափակելուն եւ դատաքննության անցնելու հնարավորություն տալուն: Պաշտպանական կողմը ծավալուն հակափաստակներ ներկայացրեց դրա վերաբերյալ՝ պնդելով, որ այն անհիմն է, անօրինական եւ նպատակ ունի սահմանափակել պաշտպանական կողմի իրավունքը:

Անդրադառնալով մասնավորապես Ռոբերտ Քոչարյանի պաշտպան Հովհաննես Խուդոյանի այն հայտարարությանը, թե ինքը իր միջնորդության մեջ նշել է, որ այս փուլում չի կարող քննարկել գործի վարույթը կարճելու եւ քրեական հետապնդումը դադարեցնելու միջնորդությունը՝ դատախազ Գեւորգ Բաղդասարյանն ասաց, որ բառացի մեջբերում է այն, ինչ նշված է իր միջնորդության մեջ՝ ցույց տալու համար, որ պաշտպանի այդ պնդումը իրականության հետ աղերս չունի. «Քանի որ ինչպես հասկացա, բոլորը շատ լավ տարբերում են ճշմարտությունը դրա հակառակից եւ կենցաղային բոլոր գնահատականներից տեղյակ են, ընդամենը կշեշտեմ այն, ինչ որ գրված է այստեղ․ դատարան ներկայացված քրեական գործի վարույթը կարճելու եւ քրեական հետապնդումը դադարեցնելու միջնորդությունները, որոնք ծանրաբեռնել են մի քանի դատական նիստեր, բազմաթիվ փաստարկներով շրջանցել են դատական քննության այս ենթափուլի էությունը՝ դատարանի քննարկմանը ներկայացնելով այնպիսի հարցեր, որոնք այդ փուլում տրամաբանությունից դուրս են, արդյունքում, կողմերը փոխանակվել են իրավամեկնաբություն ենթադրող փաստարկներով, որոնք պետք է ներկայացնեին դատական վիճաբանության փուլում»,- մեջբերեց դատախազը՝ հարց հնչեցնելով՝ իր ասածի կապակցությամբ այդպիսի հակափաստարկ ներկայացնելը ճշմարտությո՞ւն է թե՞ դրա հակառակը. «Այստեղ որտե՞ղ էր գրված, որ դատարանը չէր կարող նման որոշում կայացնել կամ կողմը չէր կարող նման միջնորդություն ներկայացնել, ես ասում եմ, որ թեեւ այս փուլում այդպիսի միջնորդություններ կարող էին ներկայացնել, բայց այդ միջնորդությունները իրենց բովանդակությամբ շեշտադրված էին նիստերը տապալելուն»: Ըստ դատախազի՝ դրա վկայությունն է նաեւ դատարանի որոշումը, որով արձանագրվեց, որ այս փուլում այդ միջնորդությունը քննարկվել չի կարող. «Եւ մի միջնորդություն, որը, ակնհայտ էր, եւ պաշտպանության կողմն էլ գիտեր, որ այս փուլում չի կարող քննարկվել, չպիտի ներկայացվեր»,- ասաց նա:

Գեւորգ Բաղդասարյանի կարծիքով՝ տապալելու դասական օրինակ է նաեւ այսօրվա նիստում շատ պաշտպանների ելույթները. «Ես շատ ադեկվատ արձագանք եմ համարում, օրինակ, պաշտպան Էրիկ Ալեքսանյանի արձագանքը. միգուցե մտածեն տարբերակված մոտեցում է, բայց նրա հակափաստարկները ամբողջովին իմ միջնորդության մասին էին, իսկ ի՞նչ արեց, օրինակ, պաշտպան Կարեն Մեժլումյանը․ նա բավականին երկար պայքարեց, որ քրեական գործի վարույթը կասեցնելու իր միջնորդությունը ներկայացնի, դա չհաջողվեց, հասավ նրան, որ իր ելույթը պետք է սահմանափակվի, եւ այդ տասը րոպեն որոշեց լցնել հենց իր միջնորդությամբ․սա իրավունքը չարաշահելու դասական օրինակ է, համենայն դեպս, այնպիսի, որ ես Կարեն Մեժլումյանի առարկության վերաբերյալ սրանից ավելի ասելիք չունեմ»:

Անդրադառնալով Ռոբերտ Քոչարյանի պաշտպան Հայկ Ալումյանի ելույթին՝ դատախազն ասաց, որ իր միջնորդությանը պատասխանելիս Ալումյանը ներկայացրեց ամբողջ պրոցեսում իր ներկայացրած միջնորդությունների կոնսպեկտը, ինչը եւս, ըստ նրա, իրավունքի չարաշահում. «Հայկ Ալումյանը հերթով ներկայացրեց, թե որ դեպքում ինչ միջնորդություն է ներկայացրել, որի մեջ ինչ փաստարկ է եղել, այդ բոլորը գիտենք, դրա հիման վրա ենք մեր միջնորդությունը ներկայացրել, ընդ որում, մի բան եմ ֆիքսել․ ներկայացնելու համար, թե գործը ինչպես մակագրվեց Ձեզ, Ալումյանը ներկայացրեց դատավոր Դավիթ Գրիգորյանի վերաբերյալ քրեական գործի ողջ պատմությունը, թե ինչպես մեղադրանք առաջադրվեց նրան, որ օրը... Սա է իրավունքի չարաշահումը»,- ասաց դատախազը:

Գեւորգ Բաղդասարյանը պնդեց, որ իրենց միջնորդությունը ուղղված չի եղել եւ չէ իրավունքի սահմանափակման, իրավունքը իրացնելուն խոչընդոտելուն. «Եվ դրա վկայությունը այսքան ժամանակ տեղի ունեցած դատական նիստերն են, այդ նիստերում տեղի ունեցած քննարկումները, այն, որ մենք անընդհատ խոսել ենք իրավունքի չարաշահման մասին, բայց այս միջնորդությունը չենք ներկայացրել իրավունքի սահմանափակման համար, որովհետեւ դեռ այն ժամանակ մենք տեսել ենք, որ այդ չարաշահումը կա, բայց ճիշտ նշվեց, դա ունի ողջամտության սահմաններ, եւ դրա մասին անընդհատ բարձրաձայնելով՝ մենք հասել ենք այնտեղ, որտեղ այդ ողջամտության սահմանն արդեն անցնում է»,- ասաց Բաղդասարյանը՝ հավելելով, որ պաշտպանական կողմն իրացրել է իր իրավունքները եւ իրենք երբեք որեւէ կերպ չենք խոչընդոտել դրան:

Տպել
647 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները