Տանը սպասող քաղաքացի արդեն մի քանի օր է՝ չունենք․ ամենօրյա վիճակագրությունը բացասական միտում ցույց չի տալիս․ Թորոսյան

Մեր տրիաժ կենտրոն հայտնած եւ տանը սպասող քաղաքացի արդեն մի քանի օր է՝ չունենք։ Ամենօրյա վիճակագրությունը բացասական միտում ցույց չի տալիս։ ՀՀ Կառավարության այսօրվա նիստում այս մասին հայտարարեց առողջապահության նախարար Արսեն Թորոսյանը՝ արձագանքելով վարչապետի այն հարցին, թե ինչպիսին է առողջապահական համակարգի ծանրաբեռնվածությունն այս պահին։

«Շատ փոքր թիվ ունենք այն քաղաքացիների, որոնց մոտ հաստատվել է կորոնավիրուսը, եւ նրանք պետք է տեղափոխվեն կորոնավիրուսով զբաղվող հիվանդանոցներ, նրանց թիվը առավոտյան ժամը 09։00-ի դրությամբ 13 է։ Համակարգի ծանրաբեռնվածությունը, իհարկե, մնում է լարված այնքանով, որ այս նոր մարտահրավերը դեռ մեծ ռիսկ է պարունակում բոլորիս համար։ Մենք պետք է շարունակենք բոլոր ծավալված հիվանդանոցների ինտենսիվ աշխատանքը եւ նաեւ շարունակենք ծավալումը: Դեռ նոր ծավալումներ լինելու են մոտակա թե՛ շաբաթներին, թե՛ ամիսներին։ Եթե 2 բառով ասեմ, վիճակը մնում է կայուն, բայց՝ ծանր, այսինքն՝ բացասական միտում չկա, բայց նաեւ էական դրական միտում էլ չկա»,- հայտարարեց Թորոսյանը։  

Վարչապետ Նիկոլ Փաշինյանն էլ արձանագրեց, որ վերջին շրջանում ծավալվել են Սպիտակում, Մարտունիում։ Առաջիկայում սպասում են վերակենդանացման նոր բաժանմունքների բացում Էրեբունի բժշկական կենտրոնում, «Սուրբ Գրիգոր Լուսավորիչ» բժշկական կենտրոնում։

Արձագանքելով Թորոսյանն ասաց. «Պարո՛ն վարչապետ, Սպիտակը ամբողջությամբ արդեն ծավալված է, եւ 120 մահճակալը գրեթե ամբողջությամբ զբաղված է։ Մարտունու բժշկական կենտրոնի ծավալումը գրեթե վերջնական է, մի քանի տեխնիկական հարց կար, մոտ օրերս վերջնական տեղի կունենա։ Վերակենդանացման բաժանմունքների առումով մենք ունենք 3 սպասվող՝ «Սուրբ Գրիգոր Լուսավորիչ», Միքայելյան վիրաբուժության եւ Էրեբունի բժշկական կենտրոնում։ Ես Էրեբունի բժշկական կենտրոնի վերակենդանացման բաժանմունք եմ երեկ այցելել, այն գրեթե պատրաստ է։ 1 շաբաթից կծավալվի ամբողջությամբ, դա թույլ կտա ընդհանուր պրոֆիլի բոլոր պացիենտներին տեղափոխել այդ նոր բացվող, բայց հարաբերականորեն ավելի փոքր վերակենդանացման բաժանմունք՝ մոտ 25 մահճակալանոց եւ գործող այս պահին մոտ 50 մահճակալանոց վերակենդանացման բաժանմունքն ամբողջությամբ տրամադրել կորոնավիրուսային հիվանդությանը»։

Նախարարի խոսքով՝ «Սուրբ Գրիգոր Լուսավորիչ» եւ Միքայելյան վիրաբուժության ինստիտուտի ծավալումը հավանաբար շատ արագ չի լինի, որովհետեւ լայնածավալ շինարարական աշխատանքներ են ընթանում, եւ դրանք զրոյից են ստեղծվում։

«Մեր նախնական թիրախային ժամկետները օգոստոսի կես, մինչեւ սեպտեմբեր է։ Եվ եթե ենթադրենք, որ նաեւ ամբողջ աշխարհում ակնկալվում է, այդ թվում՝ դեպքերի աշնանային աճ, ապա դա շատ տեղին կլինի՝ ի սպասում այդ աճի»,- նշեց Թորոսյանը:

Վարչապետը հայտարարեց, որ այս ընթացքում ծավալել են ռեկորդային թվով թթվածնային կոնցենտրատով մահճակալներ. 1488 այդպիսի մահճակալ կա, ինչը շատ կարեւոր է կորոնավիրուսի բուժման համար. «Նաեւ, այո՛, վերակենդանացման բաժանմունքների ստեղծումը նույնպես շատ կարեւոր է, որովհետեւ, ցավոք սրտի, աշխարհի միտումներն այնպիսին են, որ դեռեւս չկա որեւէ տվյալ, որ այս համաճարակը գնում է անկման։ Իհարկե, մենք Հայաստանում պիտի առավելագույնն անենք՝ դա իրականացնելու համար, բայց պետք է նաեւ հասկանանք, որ աշխարհից կտրված չենք»։

Նիկոլ Փաշինյանը նաեւ արձագանքեց Կառավարության նախորդ նիստից հետո ծավալված այն քննարկումներին, թե ինչպես է ստացվում, որ պատվաստանյութ չկա, բայց ՀՀ Կառավարությունն ու առողջապահության նախարարությունը բանակցում են պատվաստանյութ ձեռք բերելու համար։

«Ուզում եմ պարզաբանել՝ քանի որ ամբողջ աշխարհը սպասում է պատվաստանյութի, մարդիկ գոյություն չունեցող, սակայն սպասվող պատվաստանյութի ձեռքբերման համար հերթ են կանգնում, ու, ըստ էության, հիմա կան երկրներ, որոնք, ըստ էության, արդեն իրականացրել են գնում, այսինքն՝ գումար են փոխանցել եւ ահռելի քանակությամբ այդ ապագա պատվաստանյութը ձեռք բերել։ Դա նաեւ մտավախություններ է առաջացնում, որ պատվաստանյութի ստեղծման պահից խմբաքանակներն ամբողջությամբ կհայտնվեն մի քանի երկրների տրամադրության տակ, եւ մեխանիզմներ են մտածվում, թե ինչ անել, որպեսզի դա տեղի չունենա»,- ասաց վարչապետը։

Իր հերթին Արսեն Թորոսյանն ասաց, որ իրականում բազմաթիվ պատվաստանյութեր կան. «Խոսքը վերջնական հաստատում ստանալու մասին է, ավելին ասեմ՝ ընկերություններ կան, որ արդեն տասնյակ հազարներով դրանք արտադրել են։ Այստեղ խոսքը միայն հաստատում ստանալուց հետո արագ բաշխման մասին է, ոչ թե այդ ապրանքների լինել կամ չլինելու»։

Տպել
2018 դիտում

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ` նշանակվել է ՊԵԿ նախագահի առաջին տեղակալ

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ