Երևան
23 °C
Արցախյան երկրորդ պատերազմից հետո առաջին անգամ երեկ Հայաստան են այցելել ԵԱՀԿ Մինսկի խմբի ամերիկացի եւ ֆրանսիացի համանախագահները, ԵԱՀԿ գործող նախագահի անձնական ներկայացուցիչը: Ռուս համանախագահ Իգոր Պոպովը, ինչպես Բաքու այցի ընթացքում, Երեւանում էլ պատվիրակության կազմում չի եղել:
Կարեւորելով համանախագահների այցը տարածաշրջան՝ նրանց հետ հանդիպմանը ՀՀ վարչապետ Նիկոլ Փաշինյանը անհրաժեշտ է համարել ՄԽ համանախագահության ձեւաչափում բանակցությունների վերականգնումը՝ ԼՂ հիմնախնդրի համապարփակ կարգավորման նպատակով: Վարչապետը որպես առաջնահերթություն ընդգծել է Արցախի կարգավիճակի հստակեցումը՝ հաշվի առնելով արցախցիների ինքնորոշման իրավունքի իրացման սկզբունքի կարեւորությունը, Արցախի՝ Ադրբեջանի կողմից գրավված տարածքների դեօկուպացիան, արցախահայության՝ սեփական բնակավայրեր անվտանգ վերադարձի համար պայմանների ապահովումը, կրոնական ու մշակութային ժառանգության պահպանումը:
Կառավարության ղեկավարը դատապարտելի է համարել Ադրբեջանի կողմից եռակողմ հայտարարությամբ ստանձնած պարտավորությունների խախտումը, ինչի դրսեւորումն է համարել արցախա-ադրբեջանական շփման գծում դեկտեմբերի 11-ին եւ 12-ին տեղի ունեցած սադրիչ գործողությունները:
Երեկ ավելի վաղ՝ ուղիղ եթերում դիմելով ժողովրդին՝ Փաշինյանը հայտարարել էր, որ ադրբեջանական գործողություններն ունեն բացահայտ սադրիչ բնույթ, բայց այն ուղղված է նաեւ Արցախում ռուս խաղաղապահների ներկայության արժեզրկմանը։
Համանախագահների, ԵԱՀԿ գործող նախագահի անձնական ներկայացուցչի, ինչպես նաեւ Ռուսաստանի դեսպանության գործերի ժամանակավոր հավատարմատար Ալեքսեյ Սինեգուբովի հետ երեկ հանդիպել է նաեւ Հայաստանի արտգործնախարար Արա Այվազյանը:
Անդրադառնալով Ադրբեջանի ռազմաքաղաքական ղեկավարության կողմից տարբեր մակարդակներով հնչեցվող հայտարարություններում շարունակաբար արտացոլվող ատելության եւ հայատյաց խոսքին` Այվազյանը շեշտել է, որ դրանցով եւս մեկ անգամ ապացուցվում է Ադրբեջանի անկարողությունը՝ կառուցողաբար ներգրավվելու խաղաղ գործընթացին եւ հրաժարվելու ուժի եւ ուժի սպառնալիքի դիրքերից հանդես գալու քաղաքականությունից:
Հայաստանի արտգործնախարարության լրատվության եւ հանրային դիվանագիտության վարչության փոխանցմամբ՝ հանդիպման մասնակիցներին անդրադարձել են ԵԱՀԿ Մինսկի խմբի համանախագահության շրջանակներում խաղաղ գործընթացի վերսկսման հարցերի շրջանակին:
Հիշեցնենք, որ նախօրեին համանախագահները նաեւ Բաքու էին այցելել, որտեղ եւ արժանացել էին կոշտ ընդունելության: Ադրբեջանի նախագահ Իլհամ Ալիեւը, ընդունելով նրանց, հայտարարել էր, թե այդ այցը համանախագահների նախաձեռնությամբ է, ինքը նրանց չի հրավիրել Բաքու: Ալիեւը նաեւ նրանց «երեսով էր տվել », թե 28 տարում Ղարաբաղի հարցը չլուծեցին, բայց ինքը ռազմական գործողություններով լուծեց:
Ընդգծենք՝ Բաքու այցի ընթացքում եւս ռուս համանախագահ Իգոր Պոպովը պատվիրակության կազմում չէր: Բաքվում նրան փոխարինում էր Ադրբեջանում Ռուսաստանի դեսպան Միխայիլ Բոչարնիկովը, իսկ Երեւանում՝ Ռուսաստանի դեսպանության գործերի ժամանակավոր հավատարմատար Ալեքսեյ Սինեգուբովը։
Արձանագրենք նաեւ, որ երեկ չեղարկվեց համանախագահների հանդիպումը Արցախի նախագահ Արայիկ Հարությունյանի հետ:
Արցախի նախագահի մամուլի խոսնակ Վահրամ Պողոսյանը հայտարարեց, թե հանդիպումը չեղարկվել է հայկական կողմի նախաձեռնությամբ, իսկ պատճառն այն է, որ ռուս համանախագահը տարածաշրջանային այցին չի մասնակցում:
Քաղաքագետ Ստեփան Գրիգորյանը ՀԺ-ի խնդրանքով մեկնաբանել է ԱՀ նախագահի հանդիպման չեղարկման նպատակահարմարությունը, ինչպես նաեւ անդրադարձել այլ հարցերի:
- Պարոն Գրիգորյան, ըստ ձեզ ո՞րն էր Արայիկ Հարությունյանի եւ համանախագահների հանդիպման չեղարկման պատճառը:
- Նախ ուզում եմ ասել, որ միգուցե ճիշտ էր չհանդիպելը, քանի որ «գետնի վրա», կոնկրետ Արցախում ամբողջությամբ պրոցեսը կառավարում է Ռուսաստանը՝ ավելի ճիշտ ռուս խաղաղապահները: Իրենք են լուծում կոնկրետ հարցեր՝ այդ թվում կապված շփման գծի հետ: Ի՞նչ իմաստ ուներ Արայիկ Հարությունյանի հանդիպելը համանախագահների հետ, եթե իրենք այդպես ակտիվ գործողությունների ներգրավված չեն: Ես չեմ պատկերացնում՝ ի՞նչ էին խոսելու:
- Օրինակ, Արցախի հետագա կարգավիճակի հարցը, ինչը եւ քննարկեց ՀՀ իշխանությունը:
- Հայաստանի իշխանությունը միջազգային հանրության կողմից ճանաչված հակամարտության կողմ է եւ ի պաշտոնե պետք է բարձրացնի կարգավիճակի հարցը: Դա շատ նորմալ է: Ինչ վերաբերում է նախկինում Արցախի իշխանությունների հանդիպումներին՝ ապա այդ հանդիպումները շատ տեղին էին, քանի որ մենք պայքարում էինք, որ Արցախի սուբյեկտայնությունը ավելի բարձր լինի: Դժբախտաբար այս պատերազմից եւ ստորագրված եռակողմ համաձայնությունից հետո բուն Արցախը բաժանված է երկու մասի: Եվ այդ տեսանկյունից իմ կարծիքով նույնիսկ անհասկանալի կլիներ, եթե Արայիկ Հարությունյանը խոսեր կարգավիճակի մասին: Այս պարագայում չեմ բացառում, որ ճիշտ էր չհանդիպելը, քանի որ լուծումներ տալիս են խաղաղապահները: Հիմա, ինչ վերաբերում է այցելությանը. պարզ է, որ մեզ համար շատ կարեւոր է համանախագահներից երկուսի՝ Ֆրանսիայի եւ Միացյալ Նահանգների ներկայացուցիչների այցը, նրանց հետ պետք է քննարկենք բոլոր հարցերը՝ այդ թվում կարգավիճակի հարց, հրադադարի առանձին խախտումներ, ագրեսիվ քաղաքականություն Ադրբեջանի կողմից, մեր պատմական ժառանգության այն հատվածի հարց, որը մնաց Ադրբեջանի վերահսկողության տակ: Այսինքն կան հարցեր, որոնք Հայաստանի մակարդակի հարցեր են, եւ Հայաստանը պետք է քննարկի:
- Իսկ Ֆրանսիացի եւ ամերիկացի համանախագահների հետ այդ հարցերի քննարկումը որքանո՞վ արդյունավետ կարող է լինել, դուք նշեցիք՝ Ղարաբաղում հարցերը լուծում են խաղաղապահները:
- Ինչքան հասկացա՝ Ռուսաստանը հակված չի կարգավիճակի հարցը լուծել: Ռուսաստանը մասամբ դուրս բերեց Ղարաբաղի հարցի լուծումը Մինսկի խմբից դեպի ռուս-թուրքական ալյանս: Աղդամի շրջանում կառուցվում է ռուս-թուրքական մոնիտորինգային կենտրոն, որը հետեւելու է, որ Ղարաբաղում զինանադարի խախտումներ չլինեն: Դա ի՞նչ է նշանակում. դա նշանակում է, որ Ռուսաստանը այդ կոնֆլիկտի ֆորմատը տեղափոխում է դեպի ռուս-թուրքական: Պարզ է, որ այստեղ մեր շահերից է բխում, որ վերակենդանանան, վերականգնվեն բանակցությունները Մինսկի խմբի շրջանակներում եւ Ֆրանսիան ու Միացյալ Նահանգները մասնակցեն այդ գործընթացին՝ հենց կարգավիճակի հարցով: Եթե Ռուսաստանը շարունակեր կարգավիճակի հարցով քննարկումը՝ ես հարցականի տակ կդնեի Մինսկի խմբի ամերիկացի ու ֆրանսիացի համանախագահների հետ հանդիպման կարեւորությունը: Բայց քանի որ Ռուսաստանը ոչ մի կարգավիճակի մասին չի խոսում (անվտանգության մասին եղել է խոսք, հայկական զորքերի դուրսբերման մասին խոսք եղել է, փախստականների մասին խոսք եղել է, խաղաղապահների խնդիր եղել է, բայց ոչ մի խոսք չի եղել կարգավիճակի մասին), հիմա մենք պետք է ասենք` չէ, Ռուսաստան, մենք ձեզ հարգում ենք, ձեզ հետ աշխատում ենք, բայց հարցը նրանում է, որ կան Մադրիդյան սկզբունքներ, որտեղ խոսվում էր կարգավիճակի մասին:
- Պարոն Գրիգորյան, շաբաթ օրը նույն համանախագահները Ադրբեջանում էին: Ի՞նչ էր նշանակում Ադրբեջանի ղեկավարի կոշտ արձագանքը:
- Այո, Ալիեւը շատ կոշտ էր, ասեց, որ Մինսկի խումբը էֆեկտիվ չի աշխատել, 28 տարում ոչ մի բանի չհասավ, բայց ինքը ռազմական գործողություններով լուծեց հարցը: Դե նա մոռացավ ասել, որ Թուրքիան իրեն լայնամասշտաբ աջակցություն տվեց, վարձկանները օգնեցին, բայց մենք հո հասկանում ենք՝ ոնց իրենք կարողացան ինչ-որ բանի հասնել: Բայց այս ամենում աշխարհն էլ մեղավոր է՝ մասամբ Ռուսաստանը, մասամբ միջազգային հանրությունը, որ Ադրբեջանը սկսեց պատերազմ, բայց միջազգային հանրությունը ոչ մի սանկցիա չկիրառեց: Դե պարզ է, լկտիանում են նրանք այս ամենի արդյունքում: Նրանց ձեռք չի տալիս կարգավիճակի խնդիր քննարկել, պատմամշակութային արժեքների հարց քննարկել, իսկ համանախագահները, պարզ է՝ հենց այդ հարցերն էին եկել քննարկելու առաջին հերթին, բայց հավանաբար բացասական պատասխան ստացան Ալիեւից:
- Համանախագահների տարածաշրջան այցի ընթացքում Ադրբեջանը նոր սադրանք ձեռնարկեց Արցախում՝ հարձակվելով հայկական կողմի վերահսկողության տակ մնացած գյուղերի վրա: Ինչո՞վ է սա, ըստ ձեզ պայմանավորված:
- Ակնհայտ է, որ Ալիեւը դրանով ցույց տվեց համանախագահներին, որ ուժային լուծումները ինքը գերադասում է բանակցություններից: Դրանով ինքը ուզում էր ասել՝ Արցախի տարածքների մի մասը մենք ուժով վերցրեցինք, հիմա եթե ինչ-որ բան մեզ դուր չգա՝ մենք կշարունակենք: Դա համանախագահներին էր ուղղված եւ հենց այն ժամին էր, երբ Ալիեւի հետ էին հանդիպում:
- Սա կարելի՞ է գնահատել որպես ապտակ Ռուսաստանին, ռուս խաղաղապահներին:
- Չէ, ես չէի ասի ապտակ: Դա մեսիջ էր Ֆրանսիային ու ԱՄՆ-ին, բայց նաեւ Ռուսաստանին: Ռուսաստանին ապտակ կլիներ, եթե խաղաղապահները այնտեղ լինեին, բայց խաղաղապահներ այդ հատվածում չեն եղել փաստորեն: Հատուկ էր ընտրված տեղը, որ Ռուսաստանի հետ չընդհարվեն:
Վանաձոր և Ագարակ քաղաքների որոշ հասցեներում վթարային ջրանջատում է
Եթե դեմ են ՌԴ սահմանապահ ծառայությունը, թող բաց ասեն, Հայաստանն առանց մեր համաձայնության չի կարող խաչմերուկ լինել. Ալիև
Քուվեյթը ողջունել է հայ-ադրբեջանական սահմանի սահմանազատման գործընթացը
36 ժամով կդադարեցվի Քանաքեռ-Զեյթուն վարչական շրջանի գազամատակարարումը
Մեր իրականության մեջ համարվում է լավություն, երբ երեխային ավելի բարձր գնահատական է նշանակվում, քան գիտելիքն է. վարչապետ
Մեթոդական առումով սխալ է, որ ասում ենք կրիպտոարժույթ, կողքը կամ թմրանյութ է, կամ կաշառք, կամ փողերի լվացում. վարչապետ
Քաշքշել են միմյանց, հարվածել, այնուհետ 16-ամյա պատանիները դանակահարվել են
Գորիսում արյան փոխներարկման կայան կստեղծվի
2 օրում ՀՀ ավտոճանապարհներին վթարների հետևանքով զոհվել է 1, վնասվածք ստացել՝ 24 մարդ
Գրականության և պատմության քննությունները միավորվել են․ ինչպես են նոր չափորոշիչներով դրանք հանձնվելու (տեսանյութ)
ՀՀ-ում կան տասնյակ ընկերություններ, որոնք կանխիկ շրջանառության արդյունքում կարողանում են ձևակերպել կրիպտոակտիվ. Սարգսյան
Բողոքի ակցիայի մասնակից կինը ոստիկանի հասցեին հնչեցրել է սեռական բնույթի հայհոյանք, ոտքերով ու ձեռքերով հարվածել նրան
ՀՀ շրջանավարտները դպրոցի ավարտական քննությունների միավորները կօգտագործեն բուհ ընդունվելու համար․ նախարարը մանրամասնում է
Սահմանին կատարվողը ցույց է տալիս, որ մենք առանց միջնորդների կարող ենք համաձայնության գալ. Ալիև
Հայտնի են զորակոչի և զորացրման օրերը
Դեսպան Փոլադյանն Ալժիրի ԱԳ նախարարին է ներկայացրել Հայաստանի և Ադրբեջանի միջև ընթացող խաղաղության գործընթացը
Ընտանիքի հասցեին վիրավորանք են հնչեցնում նրանք, ովքեր ոչ քննադատության փաստարկ ունեն, ոչ էլ դաստիարակություն. Իոաննիսյան
Երևան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ
Երևանում հայտնաբերվել են կողաշրջված մոպեդներ. 22-ամյա մոպեդավարը հիվանդանոցում մահացել է
Հայտնի է «Երևանի մարաթոն» ամենամյա վազքի մրցման անցկացման ժամկետը
Համեղ ու առողջ․ «Բիգ Լայֆ» ընկերության «Նարինե» արտադրանքն ու սպասվող նոր պրոդուկտը
Հայոց ցեղասպանության ժխտման և անպատժելիության մթնոլորտը հանգեցրել են աշխարհում նոր ոճրագործությունների. Շվեդիայի դեսպան
ՄՔԴ դատախազ Օկամպոն ելույթ է ունեցել Ֆրանկֆուրտի Սուրբ Պողոս եկեղեցում Ցեղասպանությանը նվիրված երեկոյին
Քննարկվել է ՀՀ-Չեխիա ռազմատեխնիկական համագործակցությունը, պայմանավորվածություն է ձեռք բերվել
Երևանի և 8 մարզի բազմաթիվ հասցեներում 2-6 ժամ լույս չի լինի
Մենք սգում ենք նրանց համար, ովքեր սպանվեցին Հայոց ցեղասպանության ժամանակ․ Սամանթա Փաուեր
ԱԺԲ-ի անդամները փորձել են անհնազանդության ակցիաներ անել. բերման է ենթարկվել 96 ցուցարար
Ընդդեմ «Օտարերկրյա գործակալների մասին» օրենքի Թբիլիսիում հերթական ցույցն է ընթանում
«Մարտական եղբայրության» անդամ Արման Պետրոսյանը կալանավորվել է
Որ որոշների լպիրշությունը կհասնի Ծիծեռնակաբերդում մանկահասակ երեխային ահաբեկել, վիրավորելուն՝ նորություն էր․ Ալեքսանյան
Ողջունում ենք Հայաստանի և Ադրբեջանի միջև սահմանի սահմանազատման գործընթացի սկիզբը․ Պետդեպարտամենտ
Չնայած սարսափներին, որոնց բախվում է հայ ժողովուրդը, տոկունության կամքը չի կոտրվել, ես միշտ կկանգնեմ ձեր կողքին․ Ադամ Շիֆ
Ողջունում ենք ՀՀ-Ադրբեջան սահմանային սյան տեղադրումն ու գործընթացի ուշագրավ զարգացումները․ Էստոնիայի ԱԳՆ
Կլիշեներից պետք է հրաժարվել, բայց ոչ՝ պատմական իրականությունից. Քոչինյանը՝ Էրդողանի հայտարարության մասին
Եվրոպական դատարանը երբեք չի վճռել, որ Հայաստանն օկուպացրել է Լեռնային Ղարաբաղը․ Եղիշե Կիրակոսյան
Հիշում ենք և պահանջում․ Կանադայի ԱԳ նախարարը գրառումն ավարտել է հայերենով
ՄԻՊ-ը բրիտանական ԶԼՄ-ների ներկայացուցիչների հետ խոսել է մարդու իրավունքների հետ կապված խնդիրների և Տավուշի այցի մասին
Կարասինը պաշտոնական նամակ է հղել ՀՀ ԱԺ-ին՝ Ալեն Սիմոնյանի հայտարարությունների հետ կապված
ԱԺԲ-ի անդամները փորձել են անհնազանդություն անել. կան բերման ենթարկվածներ
Զգացմունքներն ու զայրույթն են համակել են ինձ այսօր․ Բուայեն հարգանքի տուրք է մատուցել Ցեղասպանության զոհերի հիշատակին
© 2024 Հայկական ժամանակ