Փետրվարին կուսակցությունների հիմնադրման բում է սպասվում. որոշները փոքր-ինչ տարօրինակ անուններ ու նպատակներ ունեն

Առաջիկա ամսվա ընթացքում կուսակցությունների հիմնադրման բում է սպասվում: Արդարադատության նախարարության Ազդարար պաշտոնական հայտարարությունների կայքում այս պահին 8 կուսակցության հիմնադիր համագումարի վերաբերյալ տեղեկություն կա: Բոլորի հիմնադիր համագումարներն էլ նախատեսվում են հունվարի վերջին կամ փետրվարին:

Հայաստանում գործող 79 կուսակցություններին եւս 8-ի միանալը ինչով կփոխի քաղաքական դաշտը՝ ցույց կտա ժամանակը:

Այս պահին արձանագրենք, որ ընտրված անունների մասով բավական հետաքրքիր պատկեր է՝ «Արդար Հայաստան», «Իմ Հայաստան», «Իրավական պետություն», «Միացյալ քրիստոնյա Հայաստան», «Օրրան», «Բարոյական արժեքներ», «Կայունություն», «Ժողովրդավարական համախմբում»:

Ինչո՞ւ է ստեղծվում, օրինակ, «Բարոյական արժեքներ» կուսակցությունը, որի հիմնադիր համագումարի օր է նշանակված փետրվարի 15-ը: Կուսակցության հիմնադիրներից Արմեն Մելիքսեթյանը մեզ հետ զրույցում ասաց, որ կուսակցության հիմնադրումը պայմանավորված է երկրում ստեղծված իրավիճակով:

«Մենք ինքներս հեղափոխության ջատագովներից ենք եղել, այժմ տեսնում ենք, որ ինչ-որ մի քանի ճամբարների բաժանված շարժումներ են գնում եւ մենք նպատակ ունենք մեր տեսակետները, մեր տեսլականը տեղ հասցնելու, քանի որ զգում ենք, որ մեր ձայնը տեղ չի հասնում: Կան ժողովրդական մեծ մասսաներ, որոնք նույն ձեւով են մտածում: Սպասողական վիճակը բոլորիս տանում է դեպի կործանման, էս թավիշը, էս կադրային ոչ ճիշտ քաղաքականությունը, եւ նման հարցեր»,- ասաց Մելիքսեթյանը:

Նա չբացառեց, որ հետ կկանգնեն կուսակցության հիմնադրման որոշումից. «Ճիշտն ասած, տարիուկես է՝ գաղափարը կա կուսակցության ստեղծման, բայց անընդհատ սպասողական վիճակում ենք: Հայտարարությունը տվել ենք, բայց նույնիսկ հիմա սպասողական վիճակում ենք. եթե իշխանության կողմից կտրուկ քայլեր կլինեն, եթե կտեսնենք, որ էն նպատակները, որին մենք ձգտում ենք, որը ժողովուրդն է ուզում, կգնան էդ քայլերին, կտրուկ քայլեր կանեն, միգուցե նույնիսկ չստեղծենք էլ կուսակցություն»,- ընդգծեց նա:

Հարցին, թե ինչ նկատի ունի կտրուկ քայլեր ասելով՝ նոր ստեղծվող կուսակցության ներկայացուցիչն ասաց. «Ազատվել էս հներից, ազատվել էս կեղտերից, ազատվել էս թալանչիներից, դատական համակարգը հիմնովին բարեփոխել, առաջխաղացում ապահովել: Սենց անընդհատ տեղում դոփելով, ներսից սաբոտաժ անելով… պատերազմը դրա վառ ապացույցն էր, որ 30 տարվա նրանց արածները բերեց հասցրեց էս վիճակին ու հլը մինչեւ էսօր մենք թավիշ ենք խաղում, չգիտեմ ինչի»:

Խոսելով կուսակցության անվան մասին՝ մեր բանախոսը անմիջապես հիշեց օրերս պատգամավորական մանդատ ստացած, սակայն Իմ քայլը լքած Աննա Գրիգորյանին. «Երեկ չէ առաջին օրվա էն աղջիկը, որ ցուցակով անցավ պատգամավոր… այ դրա համար ենք էս անունը ընտրել, որ մարդիկ ունենան բարոյական արժեքներ, որ չվերցնեն մանդատը ու նույն րոպեին դուրս գան, որ ունենան մարդկային կերպար, սկզբունքներ, ոչ թե գլխարկը որ կողմ պետք է՝ էդ կողմ շուռ տան»:

Ո՞րն է երաշխիքը, որ ձեր հիմնած կուսակցությունում բոլորն այդպիսին կլինեն՝ հետաքրքրվեցինք. «Դրա համար մենք անցել ենք ինչ-որ ճանապարհ մեկս մյուսի հետ, մեկս մյուսին գիտենք եւ հավանականությունը քիչ է էդ ձեր ասածի: Իսկ եթե կլինեն այդպիսինները՝ մեծամասնությունը քանի որ այդպես չի մտածում՝ կենթարկի պարսավանքի: Հասարակությունն է այդպիսին, որ անբարոյականությունը տեղ ունի: Երեկվա Սյունիքի դեպքերն էլ  են դա ցույց տալիս (նկատի ունի ԲՀԿ-ականների մուտքը Սյունիք արգելելն ու սյունեցիների հայտարարությունները-խմբ.), որ առանց կարմրելու թալանչին կանգնում է ժողովրդի առաջ ու խոսում օգնությունից, մարդիկ կանգնում՝ ասում են՝ էդ օգնությունը մեզնից գողացածից է, մենք այդպիսի օգնություն չենք ուզում: Իսկ նրանք նույնիսկ չեն կարմրում»:

Փետրվարի 13-ին էլ հիմնադրվելու է «Միացյալ քրիստոնյա Հայաստան» կուսակցությունը: Հիմնադիրներից է Ավտոներկրողների միության նախագահ Տիգրան Հովհաննիսյանը, որը 44-օրյա պատերազմին մասնակցել է «Հայդուկ» ջոկատի հետ: Ասաց, որ կուսակցությունը հիմնադրում են տարբեր ջոկատների կամավորականներով, ավտոներկրողներով, վարորդներով, տարբեր ՀԿ-ների ղեկավարներով:

Կուսակցությունը նախագահ չի ունենալու, ըստ Հովհաննիսյանի, ստեղծվելու է խորհուրդ, որը կղեկավարի «Միացյալ քրիստոնյա Հայաստանը»:

Ավելի հետաքրքիր էր Հովհաննիսյանի բացատրոթյունը՝ ընտրված անվան հետ կապված.

«Էլ հույս չկա մարդկանց հավատալու, ամեն ինչ ասված է էս երկրում: Ավելի շատ ուզում ենք եկեղեցին ուժեղանա մարդկանց կյանքում: Մենք աշխատելու ենք էս ազգը բերել հավատքի, մեկ էլ ուզում ենք ռազմականացնել հասարակությանը: Ուզում ենք, որ զինվորականները կառավարեն: Գյուղապետեր, մարզպետներ, թաղապետեր, անգամ կառավարության անդամներ, բոլորը զինվորականներ լինեն եւ ամբողջ ազգը հավատքի գնա ու զինվի: Մենք քննադատող կուսակցություն չենք լինելու, ասեմ ձեզ: Ոչ իշխանություն, ոչ ընդդիմություն, չեզոք դիրք ենք գրավելու»,- ընդգծեց Հովհաննիսյանը:

Կուսակցություն հիմնադրելու հայտ է ներկայացրել նաեւ «Օրրանը»: Համագումարը նախատեսվում է փետրվարի 26-ին: Կուսակցության հիմնադիրներից Վիգեն Դավթյանն ասաց, որ նոր անունով կուսակցություն չէին հիմնի, եթե երջանկահիշատակ Մանուկ Գասպարյանի «Ժողովրդավարական ուղի» կուսակցության լիցենզիան նրա որդիները տային իրենց: Դավթյանը եղել է այդ կուսակցութան երիտթեւի անդամ եւ «Ժողովրդավարական ուղին» է համարում միակ մաքուր մնացած կուսակցությունը:

«Արտահերթ խորհրդարանական ընտրությունները չեմ բացառում, հետեւաբար ես չեմ կարող գնալ կանգնել Պողոս Պետրոսյանի կողքը, որի կողքը կանգնել է Շարմազանովը, որի կողքը կանգնել է Աշոտյանը, որի կողքը կանգնել է Վանեցյանը: Շղթայաբար կկապեն, մեզ էլ կնետեն պատմության աղբարկղը: Մենք մասնակցելու ենք արտահերթ ընտրություններին, բայց միայնակ»,- ասաց Դավթյանը՝ դրանով բացատրելով կուսակցության ստեղծման անհրաժեշտությունը:

Մենք փորձեցինք զրուցել նաեւ հիմնադրվող մյուս կուսակցությունների ներկայացուցիչների հետ. «Կայունության» նախաձեռնող խմբի անդամ Ֆիրդուս Զաքարյանը հայտնեց, որ համագումարը նախատեսված է փետրվարի 20-ին: Շեշտեց՝ միայն համագումարից հետո կխոսեն:

«Արդար Հայաստան» կուսակցության հիմնադիրը համանուն հասարակական նախաձեռնության անդամներն են: Փաստաբան Նորայր Նորիկյանը հայտնեց, որ կուսակցության համագումարը հավանաբար տեղի կունենա փետրվարի 20-ին:

«Իմ Հայաստանի» հիմնադիրը Նարեկ Սամսոնյանն է, համագումարի օր է նշանակվել հունվարի 30-ը: «Իրավական պետություն» կուսակցությունը  եւս հունվարի 30-ին է համագումար անելու: Հիմնադիր համագումարի ներկայացուցիչը Վարդան Քալանթարյանն է: Մեզ չհաջողվեց խոսել միայն «Ժողովրդավարական համախմբում» կուսակցության ներկայացուցչի հետ:

Ինչո՞վ է պայմանավորված կուսակցաշինական այսպիսի բումը: Մեր այս հարցին ի պատասխան քաղաքագետ Մովսես Հարությունյանն ասաց, որ նոր կուսակցությունների ստեղծման բումը կարելի է պայմանավորել իշխանության կողմից հայտարարված արտահերթ ընտրությունների անցկացման հանգամանքով։

«Գիտակցելով, որ հասարակության շրջանում ընդդիմադիր քաղաքական ուժերի նկատմամբ առկա է վստահության պակաս՝ քաղաքականապես ակտիվ անձինք որոշում են զբաղվել քաղաքական գործունեությամբ եւ լրացնել դաշտում առկա բացը։ Կարծում եմ՝ նորմալ քաղաքական գործընթաց է ստեղծված պայմաններում։ Իհարկե, չպետք է բացառենք նաեւ այն, որ նոր կուսակցությունների անվան տակ կարող են քողարկվել հանրության կողմից մերժված ուժերը, որոնք անվանափոխման տարբերակով կփորձեն մաքրազերծել իրենց նախկինում ձեռքբերած արատավոր անունը»,- ասաց Հարությունյանը՝ այս առիթով հիշելով «Օրինաց երկիր» կուսակցությունը, որը անվանափոխվեց «Հայկական վերածնունդի», ինչը սակայն անարդյունավետ եղավ, եւ կուսակցությունը նորից վերադարձավ նախկին անվանմանը։

Ամեն դեպքում, ըստ քաղաքագետի, տարօրինակ է, որ Հայաստանի նման փոքր երկրում առկա մեծաթիվ կուսակցություններին ավելանում են եւս մի քանիսը։ «Հուսանք, որ նրանք չեն մնա միայն որպես թղթի վրա առկա մարդ-կուսակցություններ եւ հանդես կգան հանրությանը հուզող իրական օրակարգերի գեներացմամբ»,- եզրափակեց նա։

Հիշեցնենք, որ Ամանորից առաջ վարչապետը քաղաքական ուժերին հրավիրել է խորհրդակցությունների՝ 2021-ին արտահերթ ընտրություններ անցկացնելու վերաբերյալ: Դեռեւս, սակայն, չի հաջողվել գալ խորհրդարանական ընդդիմադիր ուժերի հետ գալ կոնսենսուսի, որ վարչապետի հրաժարականից հետո նրանք վարչապետի թեկնածու չեն առաջադրելու: Ինչպես հայտնի է՝ միայն նոր թեկնածուի չառաջադրման եւ չընտրվելու պարագայում է ցրվելու խորհրդարանը եւ տեղի ունենան արտահերթ ընտրություններ:

Տպել
1907 դիտում

Պոլիտեխնիկական համալսարանը դեռ ռեկտոր չունի. շուրջ 10 ժամ տեւած մրցույթում այդպես էլ ոչ ոք չընտրվեց

Գործող նախարարը՝ նախկինում իր բիզնեսի նկատմամբ ճնշումների մասին. ինչ է փոխվել հիմա (տեսանյութ)

Պատերազմում մեկ ոտքից զրկված զինծառայողը հենակներով մասնակցում էր վարչապետի հրավիրած հանրահավաքին, հետո էլ՝ երթին

ՀՀ զինված ուժերը նոր հայտարարություն է տարածել

Բրիտանական ֆիլմերը ստացել են մրցանակների 40 տոկոսը. արտասովոր պայմաններում ընթացել է «Ոսկե գլոբուս»-ը

Հանրապետության հրապարակի հանրահավաքն ու երթը լուսանկարներով

«Ժողովուրդն անհաղթահարելի ուժ է». վարչապետի ելույթը Հանրապետության հրապարակում հանրահավաքի ժամանակ

Դավիթաշենի թիվ 20 պոլիկլինիկայի մոտակաքում 2 մեքենա է բախվել․ տուժածի վիճակը բժիշկները գնահատել են ծանր

Դիլիջանի ոլորանները փակ են կցորդիչով տրանսպորտային միջոցների համար

Խաչքարը վնասած տղամարդը տվել է խոստովանական բացատրություն․ ոստիկանություն

Եթե կարող եք, ներեցեք մեզ. վարչապետը հուզվեց հանրահավաքի ժամանակ (տեսանյութ)

ՀՀ տարածքում կան փակ ավտոճանապարհներ․ 6 մարզերում ձյուն է տեղում

Մեր սիրտը նույնպես ցավում է այն ցավով, ինչ ձեր սիրտը. Փաշինյանն անդրադարձավ գերեվարվածներին ու անհետ կորածներին

Բջջային հավելվածի միջոցով ՌԴ մուտքի ներկայումս գործող կարգը երկարաձգվել է

Ընդդիմության հանրահավաքն ավարտվեց ՀՀ նախագահի նստավայրի դիմաց

Մարտահրավեր եմ նետում. եկեք գնանք ընտրության, տեսնենք ում հրաժարականն է պահանջում ժողովուրդը. Փաշինյան

Բավրա-Նինոծմինդա վերաբացված անցակետի հայկական կողմում սպասարկման որակը կտրուկ փոխվել է դեպի լավը

2020-ի մարտի 1-ին Հայաստանում գրանցվեց COVID-19-ի առաջին դեպքը

ԿԳՄՍՆ աշխատակիցներին աշխատանքից ազատելու սպառնալիքով հանրահավաքի մասնակցության պարտադրանք չի եղել. ԿԳՄՍՆ

Հույս ունեմ՝ նախագահը կկայացնի պետության շահերից բխող որոշում. վարչապետը՝ կիսանախագահականի անցնելու հնարավորության մասին

ԱՀ ԱԳՆ-ի կոչը միջազգային հանրությանը․ իրավունքի կոպիտ խախտում է ռազմագերու կարգավիճակ տրամադրելուց Բաքվի հրաժարումը

Ստորագրությունների պրոցեսը սկսել է Օնիկ Գասպարյանը՝ Սերժ Սարգսյանի դրդմամբ. այ դա է դավաճանությունը. վարչապետ

Մարտի 2-ին գումարվող ԱԺ հերթական նիստերի օրակարգի նախագծում 19 հարց է ընդգրկված

Լեռնային Ղարաբաղի կարգավիճակի հարցը կարող է լուծվել բացառապես խաղաղ ճանապարհով. Լիտվայում ՀՀ դեսպանություն

Մարտի 1-ի գործը, իմ գնահատմամբ, բացահայտված է. Նիկոլ Փաշինյանն ասաց՝ ինչու է մեղադրվող կողմը ձգձգում դատավարությունը

Ստուգումներ են անցկացվել խաղաղապահ առաքելությամբ Աֆղանստանում գտնվող հայկական զորախմբի մշտական տեղակայման վայրում

Որքան էլ տարօրինակ թվա՝ մեր սխալների պատճառներից մեկը սիրված լինելն է եղել. վարչապետը ներողություն խնդրեց ժողովրդից

Հակառակորդի ԶՈՒ էական շարժ չի արձանագրվել. ՀՀ պաշտպանության նախարարն այցելել է 5-րդ զորամիավորում

Նախարարության աշխատակիցներին հանրահավաքի մասնակցության որևէ ցուցում երբևէ չեմ տվել. Ժաննա Անդրեասյան

Հրդեհ Երևանում. դեպքի վայր է մեկնել վեց մարտական հաշվարկ

Համագործակցություն կյանքի շտրիխ կոդավորման միջազգային կոնսորցիումի հետ․ նախատեսվում է աշխատանքները սկսել մարտից

Մեկնարկել են Հ-8 և Մ-5 ավտոճանապարհների 9 վտանգավոր կետերի անվտանգության և ենթակառուցվածքների բարելավման միջոցառումները

Բաղրամյան պողոտայում մեկնարկել է ընդդիմության հանրահավաքը

Հրապարակում մեկնարկում է վարչապետի հրավիրած հանրահավաքը. ուղիղ

Խստորեն հորդորում ենք լրատվամիջոցներին փորձեր չկատարել ՊԵԿ-ին ներքաշել քաղաքական գործընթացներում. ՊԵԿ

Արտակարգ իրավիճակների նախարարը սպայական կոչումներ է հանձնել

Հայ-ադրբեջանական շփման գծում միջադեպեր չեն արձանագրվել, օպերատիվ իրավիճակը կայուն է

Վահան Քերոբյանը և Ժոնաթան Լաքոտը համագործակցության պատրաստակամություն են հայտնել

Պատարագ եկեղեցում եւ հարգանքի տուրք Մարտի 1-ի զոհերի հիշատակին (լուսանկարներ)

Առաջատարը չկարողացավ հաղթել «Վանին», «Փյունիկը» ուժեղ գտնվեց «Շիրակից»