Երևան
21 °C
Այսօր՝ մարտի 12-ին, կիրագործվի պատերազմում զոհված Գոռ Հակոբյանի անկատար մնացած երազանքը: Երեւանի նկարիչների միությունում հերոսի նկարների ցուցահանդեսն է լինելու: Գոռը նկարչությամբ է զբաղվել 5-րդ դասարանից:
Նրա եղբայրը՝ Գեւորգ Հակոբյանը, «Հայկական ժամանակի» հետ զրույցում ասաց, որ որոշել է իրականացնել եղբոր երազանքը. բոլոր ծանոթներից հավաքել, ժամանակավոր վերցրել են այն նկարները, որոնք Գոռն էր նվիրել: «Ցուցահանդեսը ավարտվի՝ ամեն մեկի նվերը նորից իրեն կվերադարձնենք»,- ասաց Գեւորգը:
Գոռ Հակոբյանի աշխատանքների ցուցահանդեսը կբացվի մարտի 12-ին՝ ժամը 19:00-ին: Այն բաց կլինի նաեւ մարտի 13-ին՝ ամբողջ օրը:
Գեւորգը պատմեց, որ եղբայրը մանկուց սիրում էր նկարել, հատուկ ոճ չուներ, կարծում է՝ նկարելու տաղանդը իրենց հորից էր ժառանգել: Մանկավարժությամբ զբաղվող հայրն էլ նախկինում սիրողական նկարներ ու քանդակներ է միշտ արել:
«Հիշում եմ՝ փոքր էինք, երբ մեր գյուղ եկավ մի ուսուցիչ, որը հետո դարձավ նաեւ Գոռի ուսուցիչը: Տեսնելով եղբորս նկարները՝ շատ էր հավանել, միշտ ասում էր, որ նա լավ նկարիչ կարող է դառնալ: Հետո երբ եկավ մասնագիտություն ընտրելու ժամանակը, Գոռն ընտրեց նկարչությունը: Ծնողներս մեզ չեն ուղղորդել մասնագիտության ընտրության հարցում: Վանաձորի Մանկավարժական ինստիտուտի կերպարվեստ եւ գծագրություն բաժինը Գոռը կարմիր դիպլոմով ավարտեց»,- ասաց Գեւորգը:
Գոռ Հակոբյանը ժամկետային ծառայությունն ավարտելուց հետո ծառայում էր ԱԱԾ սահմանապահ զորքերում, 2014 թվականից հայ-վրացական սահմանն էր հսկում: Նկարչությունն էլ համատեղում էր աշխատանքի հետ: Գեւորգի խոսքով՝ եղբոր՝ արվեստագետի նուրբ ճաշակի ու խաղաղ բնավորության մեջ միախառնված էին քաջությունն ու անձնվեր հայրենասիրությունը:
28-ամյա Գոռը զոհվել է նոյեմբերի 7-ին, ԱԹՍ-ի հարվածից: Երբ լսել են ԱԹՍ-ի ձայնը, Գոռը պայթյունից մի քանի մետր այն կողմ է եղել: Հարվածի պահին մարտական ընկերները վստահ են եղել, որ Գոռը ողջ է, բայց երբ մոտեցել են, տեսել են, որ նա պառկած է մարտական ընկերոջ վրա: «Մարմնով փակած է եղել ընկերոջը: Այդ տղան 2 տարեկան երեխա ուներ... չգիտեմ: Փորձել է ընկերոջ կյանքը փրկել՝ մտածելով, որ նա արդեն ընտանիք ունի, երեխա պիտի մեծացնի...: Երկուսն էլ զոհվել էին»,- պատմեց Գեւորգը:
Ասում է՝ Գոռի ամենաչսիրած թեման ամուսնությունն էր: «Ընտանիքի անդամներից, հարազատներից ու ընկերներից ցանկացած մեկը, որը փորձում էր եղբորս մոտ այդ թեման բացել՝ ասելով, թե արդեն մեծ է ու ժամանակն է ընտանիք ունենալու մասին մտածի՝ բոլորին մեր լոռվա բարբառով ասում էր՝ Էսօր ուշ է, էգուց»,- ժպիտով հիշում է Գեւորգը ու հավելում՝ հիմա Գոռին ճանաչողները հենց լսում են այդ արտահայտությունը, լուռ ժպտում են:
Եղբոր խոսքով՝ անկախ իրավիճակից՝ Գոռը ամեն ինչ սիրում էր կատակի վերածել: Շատ էր սիրում մեջբերել հայկական կինոյից խոսքեր, անգիր գիտեր հայտնի հայկական ֆիլմերի բոլոր հումորային դրվագները ու գրեթե նույն ձայնով ու տոնայնությամբ նմանակում էր: «Ցանկացած պարագայում, նեղ իրավիճակից հումորով էր դուրս գալիս, ամեն մի արտահայտության պատասխանն իր մոտ կար: Մեր բարբառով իրեն ասում էին՝ բառը ջեբը դրած է»,- հիշում է եղբայրը:
Գոռ Հակոբյանի աճյունն ամփոփված է Լոռու մարզի Ջիլիզայում: Այնտեղ, որտեղ անցել են հերոսի մանկության ու պատանեկության տարիները:
Գոռի եղբայրը՝ Գեւորգը, եւս պայմանագրային զինծառայող է, 2010 թվականից ծառայության մեջ է: Նշեց, որ մարտական գործողություններին չի մասնակցել, քանի որ զբաղված է եղել զինվորական անձնակազմի պատրաստությունով.
«Պատերազմի ժամանակ իրար հետ գրեթե չենք խոսել, խոսում էինք լավագույն դեպքում օրվա մեջ մեկ անգամ: Ասում էր՝ ամեն ինչ լավ է, նորմալ է, հաղթելու ենք ու գանք: Կա՛մ մորս հետ էր խոսում, կա՛մ կնոջս, բայց միշտ էլ կապի մեջ էինք»:
Լուսանկարում՝ ձախից Գեւորգը, աջից՝ Գոռ Հակոբյանը
Գեւորգը նաեւ նկատեց՝ Գոռը ծառայության, մարտական գործողությունների մասին ոչինչ երբեւէ չի պատմել, պատերազմի մասին էլ չեն հասցրել խոսել:
Գեւորգն ինքն էլ չի ցանկանում պատերազմի մասին խոսել կամ գնահատականներ տալ: «Ամեն արժող-չարժող խոսում է մի բանի մասին, որի մասին գրեթե պատկերացում չունի, ուղղակի մի օր չգիտեմ ինչպես՝ հայտնվել է պատերազմի դաշտում, տեսել է ինչ-որ մանր բաներ, բայց հորինում ու պատմում են այնպիսի բաներ, որ այնտեղ եղած ոչ ոք դրանց մասին չգիտի: Իսկապես չգիտեմ, թե որտեղից են այդ մտքերն առաջանում նրանց մեջ, բայց պատմում են էնպիսի բաներ, որը ուղղակի հնարավոր չէ: Դրա համար ես չեմ խոսել այդ մասին ու չեմ էլ խոսելու»,- ասաց նա:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ