Մեր երազանքն էր միշտ ապրել Հայաստանում. «իԳործ» ծրագրով Հայաստան վերադարձած և պաշտոն ստացած գործարարի պատմությունը

Հայաստանն ունի շատ մեծ պոտենցիալ, ու մենք միասին պետք է այդ պոտենցիալն օգտագործենք: «Հայկական ժամանակ»-ի հետ զրույցում նման տեսակետ հայտնեց օրեր առաջ ՀՀ էկոնոմիկայի նախարարության Նորամուծության եւ ձեռներեցության ազգային կենտրոնի (ՆՁԱԿ) տնօրեն նշանակված, սփյուռքից Հայաստան հայրենադարձված Հայկ Մարգարյանը:

Նա իր ընտանիքի՝ կնոջ եւ 2 երեխաների հետ Հայաստան է տեղափոխվել հեղափոխությունից հետո՝ 2020 թվականի սեպտեմբերին, Սփյուռքի գործերի գլխավոր հանձնակատարի գրասենյակի «իԳործ» ծրագրով, որի շրջանակում 6 ամիս աշխատել է էկոնոմիկայի նախարարությունում։ Նկատելով Հայկի կարողությունները՝ նախարար Վահան Քերոբյանը նրան առաջարկել է Նորամուծության եւ ձեռներեցության ազգային կենտրոնի տնօրենի պաշտոնը, ինչին եւ համաձայնել է։

Մարգարյանը 3 տարեկանից ընտանիքի հետ լքել է Հայաստանը: Սովորել է Մոսկվայի պետական համալսարանում՝ տնտեսագիտություն եւ ԱՄՆ-ում՝ մենեջմենթ: Ապրել եւ աշխատել է տարբեր երկրներում՝ Կանադայում, ԱՄՆ-ում, Ռուսաստանում:

«Ընտանիքս ինձ հետ միասին որոշում է կայացրել գալ Հայաստան: Մեր երազանքն էր միշտ ապրել Հայաստանում, ես շատ մեծ ցանկություն ունեի մի բանով օգտակար լինել: Շատ կարեւոր է, որ իմ երեխաները, ընտանիքը ապրեն Հայաստանում»,- մեր զրույցում պատմեց նա:

Մինչ Հայաստան վերադառնալը նա աշխատել է Կանադայում՝ Տորոնտո քաղաքում, տարբեր բիզնես ծրագրեր է իրականացրել եւ որոշել էր անպայման այդ բիզնես ծրագրերը տեղափոխել Հայաստան. «Բայց ստացա առաջարկ էկոնոմիկայի նախարարությունից «իԳործ» ծրագրի միջոցով, շատ ուրախացա եւ որոշեցի պարտադիր վերադառնալ ընտանիքով: Այդ ծրագրի շրջանակներում 54 մասնագետներ 17 երկրներից տարբեր կառույցներում են աշխատում»:

Մարգարյանը 36 տարեկան է: Նրա կարծիքով՝ Հայաստանն ունի շատ մեծ պոտենցիալ:

«Հիմա շատ լավ ժամանակ է մեր ծրագրերն ու առաջարկությունները Հայաստանում իրականացնելու համար: Ես վստահ եմ, որ այս հնարավորությունը, որ բացվել է Հայաստանում, քիչ երկրներում կա: Հիմա, ինչպես դուք տեսնում եք, իմ եւ այդ ծրագրով եկած եւս 53 մասնագետների օրինակով մեր ձայնը լսվում է»:

Նրա կարծիքով՝ այս մասնագետների 30 տոկոսը մշտական կմնա Հայաստանում եւ կիրականացնեն իրենց գաղափարները:

«Հայաստանում բիզնես սկսելը երեւի ամենահեշտ պրոցեսներից մեկն է, բայց բիզնես սկսելը մի հարց է, շարունակելը՝ բոլորովին այլ: Մեր կենտրոնը հիմա պետք է ներկայացնի, թե մեր պետությունը այլ երկրների օրինակով ինչ պետք է անի բիզնեսի հետ միասին, որ բիզնեսներն ավելի հեշտ առաջ շարժվեն Հայաստանում»,- ասաց ՆՁԱԿ տնօրենը:

Մարգարյանն ընդգծեց՝ երբ գործարարը նոր է բիզնես սկսում, նրա համար շատ կարեւոր է, որ պետությունն օգնի իրեն բիզնեսն առաջ տանելու հարցում, հատկապես՝ առաջին տարում: Իսկ հետո, երբ բիզնեսը զարգանա, արդեն կարելի է հարցնել, թե նա ինչով կարող է պետությանը օգտակար լինել: Մարգարյանի կարծիքով՝ հեղափոխությունից հետո հեշտացվել են բիզնես պրոցեսները. «Մենք բոլորս, հատկապես սփյուռքի հայերը, տեսնում են, որ կոռուպցիոն հատկանիշները շատ են քչացել: Դա մեծ արգելք էր բիզնեսի համար: Բացի այդ՝ հիմա շատ ավելի հեշտ է պետական մարմինների հետ համագործակցելը»: 

ՆՁԱԿ տնօրենն ընդգծեց՝ այս ծրագրի միջոցով շատ կայացած մասնագետներ եկել են Հայաստան, որոնց միակ նպատակը պետությանն օգտակար լինելն է, եւ, ըստ նրա, այս հնարավորությունը պետք է օգտագործել:

ԽՍՀՄ ժամանակներից Նորամուծության եւ ձեռներեցության ազգային կենտրոնը զբաղվում էր տեխնիկական գրադարանների հետ կապված հարցերով, բայց հիմա, նորանշանակ տնօրենի խոսքով, արդեն պետք է առաջ տանեն նորարարությունների, տեխնոլոգիաների ուղղությունը:

«Այդ բոլորը կապված են ներդրումների եւ բիզնեսի հետ: Մեր նպատակն է այս գրասենյակները զարգացնել: Պայմանագիր պետք է կնքենք այլ պետությունների հետ, որոնք փորձ ունեն այս առումով եւ կարող են փորձով օգնել մեր երկրին»,- ասաց նա:

Հայկ Մարգարյանի խոսքով՝ ինչպես ցույց է տալիս աշխարհի պրակտիկան, պետությունը պետք է մի փոքր օգնի ներդրողներին, որ իրենք հասկանան, թե որ ոլորտների մեջ նրանք կարող են ներդրում կատարել եւ թե վերջում ինչ կարող են ստանալ:

«Մենք առաջարկեցինք այդ հնարավորությունը տալ, որ Հայաստանում լինի ներդրումների պորտալ, որ տարբեր բիզնեսմենների՝ տարբեր երկրներից, ասենք, թե որտեղ կարող են օգտագործել իրենց հնարավորությունները»,- ասաց նա:

ՆՁԱԿ տնօրենի կարծիքով՝ պորտալից բացի՝ շատ կարեւոր է բիզնեսին հնարավորություն տալ, օրինակ՝ զեղչով հողատարածք տրամադրել, որպեսզի, օրինակ, 5 տարվա մեջ իրենց ծրագրերն իրականացնեն:

Հարցին՝ կորոնավիրուսի եւ պատերազմի հետեւանքներից հետո ինչպե՞ս է տնտեսությունը վերականգնվելու, Մարգարյանը պատասխանեց՝ շատ կարեւոր է հիմա շեշտը դնել նորարարությունների եւ տեխնոլոգիաների վրա: «Եթե հենց հիմա սկսենք կենտրոնանալ դրա վրա, մենք շատ շուտ կկայունանանք եւ կհասնենք մեր տնտեսական նպատակներին: Բայց դրա համար ներդրումներ են պետք: Հայերի միտքն աշխատում է, եւ մենք պարտավոր ենք օգտագործել Հայաստանի համար ոչ միայն դրսի, այլեւ ներսի հայերի պոտենցիալը»,- ասաց նա:

ՆՁԱԿ-ն շուտով կներկայացնի իր ռազմավարությունը, ժամանակը քիչ է: «Մենք կանչում ենք բոլոր ստարտափներին մեր կենտրոն, տալիս ենք նրանց հնարավորություն, որ կարողանան գեներացնել իրենց աշխատանքը պետության հետ: Մեր երիտասարդ հայրենակիցները մեծ ցանկություն ունեն նոր բիզնեսներ բացել, առաջին խումբը շուտով արդեն կգա, եւ մենք իրենց հնարավորություն կտանք»,- նշեց Մարգարյանը:

Նա ընդգծեց՝ ով ունի ցանկություն եւ մտածում է, որ իր ցանկությունը նոր է, կարող է իր առաջարկությունը ներկայացնել իրենց կենտրոն, կգնահատեն եւ միասին կաշխատեն, կմտնեն շուկա. «Դա լավ կլինի մեր երկրի, մեր կենտրոնի եւ այդ մարդկանց համար»:

Տպել
3005 դիտում

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի