Ես ափսոսում եմ, որ մենք էդ շարժման մեջ էինք. էլ ՀԱԿ չկա, Լեւոն Տեր-Պետրոսյանը թաղեց. ՀԺԿ քարտուղար

Հարցազրույց «Հայաստանի ժողովրդական կուսակցության» (ՀԺԿ) քարտուղար Գրիգոր Հարությունյանի հետ.

- Պարոն Հարությունյան, ներքաղաքական կյանքում բավական հետաքրքիր զարգացումներ են տեղի ունենում: Ձեր կուսակցությունը ՀԱԿ դաշինքի կազմում մեծ ճանապարհ է անցել առաջին նախագահի հետ: Ծանո՞թ եք Լեւոն Տեր-Պետրոսյանի վերջին նախաձեռնություններին՝ Ռոբերտ Քոչարյանի եւ Սերժ Սարգսյանի հետ դաշինք կազմելու վերաբերյալ, ինչպե՞ս եք հասկացել այդ հայտարարությունները: Ինչո՞ւ եմ հարցնում, որովհետեւ ՀԱԿ ներկայացուցիչները բոլորին ասում են, որ սխալ են հասկացել առաջին նախագահի քայլը, տողատակերը չեն կարդացել:

- Ի՞նչ տողատակեր, հիմա արդեն պարզ խոսելու ժամանակն է: Ինձ համար ցավալի է, որ մենք այդպիսի փաստի առաջ ենք կանգնել, չէի սպասում. ո՞նց կարելի է հանցագործների հետ ինչ-որ ճանապարհ գնալ:

- Ասում է՝ «փաշինյանական հանցավոր եւ ազգակործան վարչախմբի վերարտադրման վտանգի կանխման եւ նորանոր աղետներից խուսափելու միակ միջոցն այս պահին հանրապետության երեք նախկին նախագահների դաշինքը կլիներ»: 

- Բայց ինչի՞ ազգակործան, ես դա չեմ ընդունում, ի՞նչն է ազգակործան, երկիրը կործանել են, տվել Նիկոլին, հիմա նոր հույս է առաջացել ժողովրդի մոտ, որ մի բան պիտի փոխվի, ուզում են հե՞տ բերել նախկիններին: Ամեն ինչ պիտի արվի, որ հանցագործները հետ չգան:

- Տեր-Պետրոսյանի հայտարարությունից տպավորություն եք ստացել, որ հանցագործներին ուզում է հե՞տ բերել:

- Ես ենթադրություններ կարող եմ անել՝ ենթադրություն, որ իրենք միասին են եղել այս ընթացքում: Ի՞նչ է, մենք էլ խաբվե՞լ ենք, հետը գնացե՞լ:

- Այդպիսի տպավորությո՞ւն եք ստացել:

- Հա, բա ո՞նց կարելի է Քոչարյանին էսօր պաշտպանել: Քոչարյանի ամբողջ քաղաքականությունը թրքամետ քաղաքականություն է եղել էս տարիների ընթացքում, ամեն ինչ արել է ի վնաս Հայաստանի եւ հայ ժողովրդի: Ինքը Ղարաբաղին դուրս թողեց բանակցություններից, իրենք ոչինչ չարեցին Ղարաբաղը ուժեղացնելու համար, իրենք ոչինչ չարեցին, որ էդ թալանածը գոնե դնեին, առաջնագծում ամրություններ ստեղծեին, որ ռմբակոծության ժամանակ էդ էրեխեքը չզոհվեին: Չէ, ինչի մասին է խոսքը, էսօր ով դուրս գա Քոչարյան Ռոբերտին պաշտպանի, նա ազգի դավաճան է: Մի քանի թափթփուկ էլ մեզ մոտ կան՝ Ագարակում, Մեղրիում, իրենց բոլորին պիտի լուրջ գնահատական տրվի: Ես էսօր Փաշինյանին մեղադրում եմ նրանում, որ հեղափոխությունից հետո քաղաքական գնահատական չտվեց ՀՀԿ-ին, Քոչարյանին: Ասում է վենդետա, ի՞նչ վենդետա, դա վենդետա չէր լինի, հանցագործներին դնում են իրենց տեղը: Ժողովուրդն իր գնահատականը տվել էր, մնում էր «Իմ քայլը» հայ ժողովրդի տված քաղաքական գնահատականը վերածեր իրավական գնահատականի:

- Տեր-Պետրոսյանը հայտարարեց, որ մայիսի 1-ին հանդիպել է Սերժ Սարգսյանի հետ՝ նրան առաջարկելով գոնե ՀՀԿ-ՀԱԿ ձեւաչափով գնալ ընտրությունների: Համացանցում կատակներ են անում, որ շուտով նաեւ ՔՊ-ին է առաջարկ անելու...

- Չեմ հասկանում էդ մարդուն, կորոնավիրուսը ազդեցություն է ունեցել վրան, ինչ է արել: Չեմ հաս-կա-նում: Եվ ափսոսում եմ, որ մենք էդ շարժման մեջ էինք, էդքան մարդ հավատացել էր, Մարտյան դեպքերը եղավ, էդքան մարդ իրենց կյանքը վտանգի տակ էին դրել. լրիվ անհասկանալի պահեր են:

- Ձեր կուսակցությունը ընտրություններին մասնակցելո՞ւ է:

- Դեռ որոշում չկա:

- Հնարավո՞ր է ՀԱԿ-ի ցուցակով գնաք, թե՞ արդեն կարելի է բացառել:

- Բացառվում է: ՀԱԿ-ը վերջացավ, էլ ՀԱԿ չկա, Լեւոն Տեր-Պետրոսյանը թաղեց: Մեկը մենք, ՀԱԿ-ի հետ գործ չունենք:

- Դուք դա կուսակցության անունի՞ց եք ասում:

 - Ես էսօր իմ անունից եմ ասում, բայց համոզված եմ, որ մեր կուսակցականների 90 տոկոսն էդ կարծիքին է: Որովհետեւ ես Մարտի 1-ը չեմ կարող մոռանալ, ես վերջին մարդկանցից եմ եղել, որ էդ հրապարակից գնացել եմ:

- Իսկ ո՞վ է ուզում մոռանալ:

- Դե էդ հայտարարությունը վիրավորանք էր 10 զոհերին, հարյուրավոր վիրավորներին, վիրավորանք էր էդ մարդկանց նկատմամբ: Հոկտեմբերի 27-ը ես չեմ կարող մոռանալ եւ ոչ էլ ՀԺԿ-ն կարող է մոռանալ:

- Ձեր կուսակցության ղեկավարի՝ Ստեփան Դեմիրճյանի հետ խոսե՞լ եք:

- Բացառվում է, որ Դեմիրճյանը մոռանա Հոկտեմբերի 27-ը եւ պաշտպանի մի հանցագործ խմբի: Միանշանակ մենք դատապարտում ենք ու դատապարտել ենք այս նախաձեռնությունը: Եվ մեզ համար լրիվ անընդունելի է խուլիգանների միասնությունը: Լեւոն Տեր-Պետրոսյանի ասածը լրիվ անհասկանալի բան է մեր կուսակցության համար:

- Կան կարծիքներ, որ հունիսի 20-ին պայքարը գնալու է Նիկոլ Փաշինյանի եւ Ռոբերտ Քոչարյանի միջեւ: Հատկապես որ սյունեցի եք, որտեղ, ըստ որոշ գնահատականների, Քոչարյանն ամենամեծ շանսերն ունի, համամի՞տ եք այդ կարծիքի հետ:

- Քոչարյանը զրո է, նրա անունը ժողովուրդը լսում է՝ հերիք է: Քոչարյանը ո՞նց կարող է շանս ունենալ: Ինչի մեր ազգի հիշողությունն այդքան կա՞րճ է:

- Բայց նրան միացել է Վահե Հակոբյանը, որը Սյունիքում ...

- Հեքիաթ է, հե-քիաթ, Սյունիքում ոչ մի բան չունի: Ես հիմա Սյունիքում եմ, չէ՞, 10 տոկոս եթե ձայն հավաքեն Սյունիքում՝ պիտի գոհ լինեն: ժողովուրդը ո՞նց Քոչարյանին կընդունի: Կամ Վահե Հակոբյանը ի՞նչ է, բա էս ժողովուրդը չի՞ տեսնում, որ էդպիսի խուլիգանություններով, էդպիսի բաներով...ո՞նց կարող են դրա հետեւից գնալ: Մենակ մի ձեւ ունեն՝ Քաջարանի կոմբինատը: Էստեղ պիտի շատ լուրջ հսկողություն դրվի իրավապահների կողմից, որ էդ մաֆիոզներին կանխեն: Հիմա ես ունեմ ինֆորմացիա, որ իրենք չեն երեւում, փորձում են զանգել, համոզել, փող բաժանել: Պարզապես պիտի լավ ուժային միջոցներ օգտագործեն, որ ընտրությունները չկեղծեն, վերջ: Փաշինյանին ժողովուրդը շատ լավ հասկանում է, ընդունում է:

- Բայց Սյունիքի մարզ այցի ժամանակ ցույց տվեցին, որ այդպես չէ:

- Այցի ժամանակ ի՞նչ էր, բա հանցագործները պատրաստվել են, մի 20-30 հոգի, կազմակերպել էին, էդ խուլիգանությունը արեցին: Ժողովուրդը չէր իմանում, որ Փաշինյանը գալու է, բայց էդ 20-30 հոգին գիտեին: Մեկը ես՝ Մեղրիում էի, չգիտեի: Փաշինյանը եկավ, մեքենայի վրա տվեցին: Ես դա էլ չեմ ընդունում, որ ոստիկանները ոչինչ չարեցին, պիտի հավաքեին տանեին դրանց: Չուզեցան, որ սրվի վիճակը, մտածեցին՝ հեսա ժողովուրդը դուրս ա գալու, դրանց պաշտպանի: Նման բան չկա, բոլորը դատապարտում էին:

 - Կա՞ն կանխատեսումներ՝ որ ուժերին կտեսնենք խորհրդարանում: Ինչպե՞ս եք գնահատում Սերժ Սարգսյանի ու Արթուր Վանեցյանի դաշինքի շանսերը:

- Ոչ մի շանս էլ չունեն, նախկինները ոչ մի շանս չունեն ժողովրդի մոտ: Եթե կարողանան չթողնել ընտրակեղծիք լինի, ոչ մի բան էլ չի լինելու:

- Իսկ խորհրդարանական ընդդիմությու՞նը:

-ԲՀԿ-ն եթե ինչ-որ մի շանս ուներ, իրենց կազմակերպած հարսանիքից հետո կարող են մոռանալ դրա մասին: Ժողովուրդը շատ վատ է ընդունել էս իրավիճակում ուղիղ մեկ ժամ հրավառությունը: Ես չեմ հասկանում՝ ո՞նց են մտածում, ի՞նչ ձեւով են պատկերացնում: «Լուսավոր Հայաստանն» էլ, չեմ կարծում, թե շանսեր ունի, որովհետեւ եթե ինչ-որ մի դրական բան էլ անում են, էն մի քանի հոգին վարկաբեկում են: Անցած ընտրություններին ասում էին, թե իբր Փաշինյանի հետ միասին են, դա իրենց օգնեց:

- Նոր ուժեր կա՞ն, որոնց կուզենայիք տեսնել խորհրդարանում:

- Կան, բայց շանսերը քիչ են: Նորայր Նորիկյանը, օրինակ, լավ տպավորություն է թողնում, Արամ Սարգսյանին էլ կուզենայի, որ լիներ խորհրդարանում: Բայց այստեղ հարցն այն է, որ նրանց էլեկտորատը Փաշինյանի էլեկտորատն է, հներինը չէ: Նրանց ձայները Փաշինյանի ձայներից է գնալու:

- Կարծիք կա, որ նրանց էլեկտորատը Փաշինյանից հիասթափվածներինն է:

- Դա էլ կարող է լինել, ինչ կա որ: Բա 5-6 հեռուստաալիք առավոտից երեկո ուտում են ժողովրդի ուղեղները, հիասթափվածներ էլ կան: Հեղափոխությունը իր օրենքներն ունի, պետք չէր աչքաթող անել: Բայց որ իրականում այդքանից հետո ամենամեծ շանսերը Նիկոլ Փաշինյանն ունի, դա հաստատ է: Իրավապահ մարմինները պետք է շատ լավ աշխատեն, ուրիշ խնդիր չկա: Ձայնը կա, ամեն ինչ կա, պարզապես պիտի ամեն ինչ արվի, որ փող չբաժանեն:

- Պատերազմի պարտությունից հետո ճի՞շտ եք համարում Փաշինյանի մնալը որպես իշխանություն:

- Փաշինյանը չի պարտվել, պարտվել են նախկին իշխանությունները, որ ժողովրդին հասցրեցին այս վիճակին: Փաշինյանն ի՞նչ է արել: Կարող է ինչ-որ բացթողումներ ունեցել են, բայց այս պարտությունը ամբողջությամբ Փաշինյանին վերագրել սխալ է: Մանավանդ էս վերջին թվերը, փաստերը որ ներկայացրեց, ամեն ինչ ցույց էր տալիս: Պարզ է, որ ինքն էր իշխանության տվյալ պահին, բայց եթե երկիրը բերել եք, հասցրել էդ վիճակին, որ Ադրբեջանը 1-ը 10-ի հարաբերակցությամբ ուժեղացել է, էլ ի՞նչ էիք սպասում: Բացի դրանից, առաջին շաբաթը մենք շատ լավ ենք եղել, Ադրբեջանը լուրջ կորուստներ է ունեցել: Հետո Թուրքիան մտավ խաղի մեջ եւ մեր դաշնակիցներն էլ ոչինչ չարեցին, որ կանխեին, աշխարհաքաղաքական լուրջ խնդիրներ կային: Այսինքն մեզնից կախված չէր: Այնպես որ, նորից եմ կրկնում, շատ լուրջ ուշադրություն պետք է դարձվի կեղծիքներին: Փորձեր են կատարելու զորքի վրա ազդեցություն ունենալ: Պիտի շատ լուրջ ուշադրություն դարձնեն զորամասերում, որ նախկինները այնտեղ ոչինչ չկարողանան անել: Հերիք է թավիշ անեն: Շատ խիստ պետք է լինել:

Տպել
8625 դիտում

Գոռ Կարապետյանը՝ պատանիների ձյուդոյի Եվրոպայի առաջնության արծաթե մեդալակիր

Շոյգուն ժամանել է Ուկրաինայի՝ ռուսական զորքի վերահսկողության տակ գտնվող տարածք

Գեղարքունիքի մարզում բախվել են «Ուազ»-ն ու «Վազ 21099»-ը. վիրավորներից մեկը ժամեր անց շտապօգնության մեքենայում մահացել է

Չորրորդ իշխանությունը պետք է պատասխանատվության իր բաժինը գիտակցի. Արման Բաբաջանյանը դիմել է վարչապետի աշխատակազմին

Արարատ Միրզոյանը վաղը կմեկնի Աթենք

Բայդենն ու Շոլցը հավատարիմ են Ուկրաինային ռազմական աջակցություն ցուցաբերելուն. Սպիտակ տուն

Ստեփանակերտում խստացված ռեժիմով ծառայություն է անցկացվել․ ԱՀ ՆԳՆ

Հրդեհ Արևաբույր գյուղի տներից մեկին հարակից անասնագոմում

G7-ի երկրները արգելք կսահմանեն ՌԴ-ից ոսկու ներմուծման վրա. Բայդեն

Կարկտահարություն Մարտակերտի վերին ենթաշրջանում. կարկուտի շերտը հասել է 5սմ-ի

Բասկետբոլի SADA CUP. Հայաստանի հավաքականը հաղթեց ԱՄՆ-ին

Արևմուտքը մնում է համախմբված և միասնական. Գերմանիայում մեկնարկում է G7-ի գագաթնաժողովը

Հրդեհ է բռնկվել Կապան քաղաքի շենքերից մեկի նկուղային հարկում

Սպասվում է կարճատև անձրև. առաջիկա օրերի եղանակային կանխատեսումը

Բայդենը զենքի շրջանառության վերահսկողությունը խստացնելու մասին օրենք է ստորագրել

28-ամյա վարորդը Ջրվեժում 20 մետր բարձրությունից ընկել է և հայտնվել ձորակում

«Եվրատեսիլ-2023»-ը չի անցկացվելու Ուկրաինայում

Լուսագյուղ-Երասխահուն հատվածում երթևեկությունը դեռևս իրականացվում է մեկ գոտիով

23-ամյա երիտասարդը Ցեղասպանության թանգարանի բարձրությունից ցած է նետվել. նրա հեռախոսում հայտնաբերվել է հաղորդագրություն

Ստեփանակերտում վարորդը «ՎԱԶ-2121»-ով վրաերթի է ենթարկել 60-ամյա բնակչուհուն

Շրջակա միջավայրի նախարարի տեղակալը մասնակցել է քննարկման՝ ուղղված Սևանա լճի հարակից տարածքների զբոսաշրջային պոտենցիալին

Մարդու իրավունքների պաշտպանի ուղերձը խոշտանգման զոհերի աջակցության միջազգային օրվա առթիվ

Սկսվում է ընդունելության լրացուցիչ փուլի հայտագրումը․ ովքեր կարող են մասնակցել

Մոսկվայում հարյուրավոր մարդիկ վերջին հրաժեշտն են տալիս Յուրի Շատունովին (տեսանյութ)

«Կոռուպցիա 2․ Հատուցում» ֆիլմում Հիսուսի կերպարը ծաղրելու համար ԱՄՆ-ում ծեծել են դերասան Սոս Կարապետյանին (տեսանյութ)

3 օրում փրկարարները բռնել են 7 սահնօձ, 1 գյուրզա և շահմար

Ստացի՛ր քո եռագույն շապիկն ու միացի՛ր. ՀՀ պետական խորհրդանշանների օրվան նվիրված տոնական քայլերթը՝ հուլիսի 5-ին

Արաբկիրում կազմակերպվել է մեծ շաբաթօրյակ (լուսանկարներ)

27-ամյա վարորդը ավտոմեքենայով բախվել է գովազդային վահանակին, ապա կայանված «Մազդա»-ին, վերջինս էլ՝ «Հոնդա»-ին

ՌԱԿ-ն իր պատմությամբ ու անցած ճանապարհով ապացուցել է կենսունակությունը. ՀՀ վարչապետ (տեսանյութ)

Կայծակի հարվածը Արագածի լանջերին. Գագիկ Սուրենյանը տեսանյութ է հրապարակել

Վարչապետը առցանց ասուլիս կտա. հայտնի են օրն ու ժամը

Մուշավան գյուղի մոտակայքում տեղի է ունեցել ՃՏՊ՝ ավտոմեքենան շրջվել է

Հնարավո՞ր է՝ մեր հեռախոսահամարները հրապարակվեն, գուցե գեղեցիկ աղջիկները տեսնեն ու զանգեն. «Ջերմուկյան էսքիզներ»

Ինչպես ենք կարողանում վնասել այն, ինչը ստեղծելու խնդիր ունենք․ Անդրեասյանը՝ դպրոցներից մեկում կատարված գողության մասին

ՀՀ ԱԳՆ-ն մեկնաբանել է Փաշինյան-Պուտին հանդիպման 2022թ․ ապրիլի 19-ի համատեղ հայտարարության 24-րդ կետը

Հայաստանն ու Լիտվան պատրաստվում են միջկառավարական հանձնաժողովի նիստին

Էջմիածնի բնակիչը երթուղայինում բջջային հեռախոս է գողացել

ԵՏՄ անդամ Հայաստանը պատրաստ է աջակցել հայկական շուկա մտնելու ցանկություն ունեցող ավստրիական ընկերություններին․ Սիմոնյան

Ինչ եղանակ սպասել առաջիկա օրերին