Լևոն Տեր-Պետրոսյանն ընտրություններին մասնակցելով Ռոբերտ Քոչարյանի ջրաղացին է ջուր լցնում. Վիգեն Խաչատրյան

Կիրակի՝ մայիսի 16-ին, ՀԱԿ համագումարին Լեւոն Տեր-Պետրոսյանը հայտարարեց, որ եթե վարչությունը որոշի մասնակցել ընտրություններին, ապա Կոնգրեսի ցուցակը գլխավորելու պարտավորությունը ջարդվելու է իր գլխին։ Նշենք, որ վարչության նոր կազմը հաստատվել է  համագումարի օրը: Վարչության ցուցակը գլխավորում է Վանո Սիրադեղյանը: 

Նա նաեւ անդրադարձավ հարցին, թե ինչ խնդիրների լուծման ակնկալիքներ ունի առաջիկա ընտրություններից։

«Նախեւառաջ, թույլ չտալ Նիկոլ Փաշինյանի իշխանության վերարտադրությունը, ինչն, ի դեպ, հարյուր տոկոսով լուծելի էր երեք նախագահների դաշինքի կայացման պարագայում։ Երկրորդ՝ բացառել Ռոբերտ Քոչարյանի հաղթանակը, ինչը եւս լուծվում էր նույն պարագայում։ Եվ ես իրեն անկեղծորեն ասել եմ, որ նույնքան կատաղի ստիպված եմ պայքարել ոչ միայն Փաշինյանի, այլեւ իր դեմ։ Փաշինյանի կամ Քոչարյանի հաղթանակի պարագայում արժանանալու ենք ողջ աշխարհի ծաղրուծանակին»,- մասնավորապես ասել էր Տեր-Պետրոսյանը։

Քաղաքագետ Վիգեն Խաչատրյանը ՀԺ-ի հետ զրույցում կարծիք հայտնեց, որ Լեւոն Տեր-Պետրոսյանի գլխավորությամբ ՀԱԿ-ի՝ խորհրդարանական ընտրություններին մասնակցելը ընտրությունների ընթացքի ու ելքի վրա ոչ մի արտառոց ազդեցություն չի ունենալու:

Քաղաքագետի խոսքով՝ Լեւոն Տեր-Պետրոսյանն ընտրություններին մասնակցելով. Ռոբերտ Քոչարյանի ջրաղացին է ջուր լցնում.

««Քաղաքացիական պայմանագիր» կուսակցության ձայների մի մասը ՀԱԿ-ին է գնալու: Ակամա Կոնգրեսն օգնում է Ռոբերտ Քոչարյանին: ՀԱԿ-ի համակիրները այսպես, թե այնպես, ՀՅԴ-Քոչարյան դաշինքին չէին ընտրելու: ՀԱԿ-ը եթե չմասնակցեր ընտրություններին, ձայների մեծ մասը ՔՊ-ին էր գնալու»:

Հարցին՝ ՀԱԿ-ի՝ ընտրություններին մասնակցելու փաստը ո՞ր քաղաքական ուժերի խաղաքարտերն է խառնելու, քաղաքագետը նկատեց, որ գրեթե ոչ ոքի.

«Ես ենթադրում եմ, որ ՀԱԿ-ը լուրջ հավակնություններ չունի խորհրդարանում հայտնվելու: Այն պահվածքը, որը որդեգրել է Տեր-Պետրոսյանը, ըստ էության, բացառում է նրա խորհրդարան մտնելու հնարավորությունը: Երբ նա հավասար նժարի վրա է դնում Քոչարյանին եւ Փաշինյանին, նրանից ընտրողների լայն թվով շերտ հիասթափվում է: Անզուսպ քննադատությունը վերածվեց անզուսպ փնովման, որը որեւէ քաղաքական գործչի պատիվ չի բերում: Ընտրությունների հարցում, կարծում եմ՝ ՀԱԿ-ը դատապարտված է անհաջողության, եւ դա կապված է նրանց՝ Նիկոլ Փաշինյանին անզուսպ քննադատելով: Դա իրենց վերջնականորեն զրկում է խորհրդարանում հայտնվելուց»:

Խոսելով Լեւոն Տեր-Պետրոսյանի՝ Սերժ Սարգսյանի եւ Ռոբերտ Քոչարյանի հետ միասին խորհրդարանական ընտրություններին մասնակցելու մասին, Վիգեն Խաչատրյանը նշեց, որ Լեւոն Տեր-Պետրոսյանն արեց այդ հայտարարությունը, շատ լավ իմանալով, որ մերժվելու է.

«Նա վստահ էր, որ մերժում է ստանալու: Դա սեփական PR-ի անհաջող փորձ էր: Եվ ընդհանրապես, հիմա նոր եւ հին քաղաքական սերունդների պայքար է գնում: Ի դեմս «Քաղաքացիական պայմանագրի»՝ Հայաստանում տեղի ունեցավ քաղաքական սերնդափոխություն: Նոր քաղաքական սերունդը փորձում է արդարացնել ժողովրդի վստահությունը, իսկ հին քաղաքական սերունդը ժողովրդին դիտարկում էր որպես օբյեկտ: Այն շերտերը, որոնք ներկայացնում են նոր քաղաքական սերունդը, փորձում են հասարակությանը համոզել, թե իրենք ինչ են ուզում անել, ինչպես են անելու, իսկ հին մտածողությամբ մարդիկ դիմում են մանիպուլյացիաների, կեղծիքների եւ այլ հնարքների, քանի որ նրանց համար իշխանությունն ինքնանպատակ է՝ սեփական բարեկեցությունը կառուցելու համար»:

Անդրադառնալով՝ Վանո Սիրադեղյանին ՀԱԿ վարչության անդամ ընտրելու փաստին, Խաչատրյանը նկատեց, որ ՀԱԿ-ի այդ քայլն այդքան էլ գեղեցիկ չէ.

«Այսպես թե այնպես Վանո Սիրադեղյանի համակիրները ՀԱԿ-ում են, դա նոր բան չի բերելու իրենց»:

Հարցին, եթե պատկերացնենք ՀԱԿ-ին խորհրդարանում, ապա ի՞նչ ակնկալիքներ կարելի է ունենալ Կոնգրեսից՝ որպես խորհրդարանական ուժ, Վիգրեն Խաչատրյանը նկատեց. «ՀԱԿ-ը խորհրդարանում չի լինելու, եւ ես չեմ կարող ենթադրություններ անել, թե ինչպիսի խորհրդարանական ուժ կլինեն նրանք»:

Խոսելով Տեր-Պետրոսյանի հայտարարության մասին, որտեղ նշվում է, որ ինքը հրաժարական տվեց բացառապես քաղաքացիական պատերազմից խուսափելու համար, որին պատրաստվում էին գնալ Ռոբերտ Քոչարյանը եւ Վազգեն Սարգսյանը, քաղաքագետը նկատեց՝ առաջին նախագահն անկեղծ չէ.

«Այդ փուլում Լեւոն Տեր-Պետրոսյանը զգալիորեն զրկվեց հասարակության հենարանից: Ինչպե՞ս եղավ, որ քաղաքական մեծամասնությունը մի գիշերվա ընթացքում լքեց Տեր-Պետրոսյանին: Ո՞վ էր ձեւավորել այդ քաղաքական մեծամասնությունը եւ ինչո՞ւ էին այդ մարդիկ հայտնվել խորհրդարանում, որոնք էլ դիմեցին առնետավազքի: Այս հարցերի պատասխանը Լեւոն Տեր-Պետրոսյանը չի տալիս: Ըստ էության, Տեր-Պետրոսյանը չուներ հասարակական լայն աջակցություն: Նրան մնում էր գեղեցիկ հեռանալ՝ խաղաղասերի կերպարով: Դա վճռականություն չէր ուղղված խաղաղության հասնելուն: Պետրոսյանը չի կարողանում հաղթահարել իր անսխալական կերպարը եւ ընդունել իր կոպիտ վրիպումներն ու սխալները: Այն բոլոր այլանդակությունները, որոնք Ռոբերտ Քոչարյանը զարգացրեց իր կառավարման ժամանակ, սկսվել են դեռ Տեր-Պետրոսյանի օրոք: Իհարկե, իր ժամանակ այլանդակության այդքան մեծ մասշտաբ չի եղել, բայց ժամանակին այդ այլանդակության վրա աչք է փակվել, որի արդյունքում Քոչարյանը հայտնվեց իշխանության գլխին եւ տեղի ունեցավ պալատական հեղաշրջում: Սա չխոստովանել՝ նշանակում է թույլ տալ պատմության կրկնություն: Ու հիմա Լեւոն Տեր-Պետրոսյանը փորձում է Քոչարյանի հանցավոր իշխանությունը համեմատել Նիկոլ Փաշինյանի իշխանության հետ, դա անկեղծ ու ճիշտ չէ»:

Անդրադառնալով Լեւոն Տեր-Պետրոսյանի՝ «Փաշինյանի կամ Քոչարյանի հաղթանակի պարագայում արժանանալու ենք ողջ աշխարհի ծաղրուծանակին» դիրքորոշմանը, քաղաքագետն այն որակեց սխալ քաղաքական վերլուծություն: Ըստ նրա, այս երեք տարիների ընթացքը ցույց է տալիս, որ Նիկոլ Փաշինյանն իր քաղաքական թիմով գնալով հմտանում եւ փորձ է հավաքում: «Տեր-Պետրոսյանը խոսում էր, որ պատրաստ է ընտրություններին գնալ Ռոբերտ Քոչարյանի եւ Սերժ Սարգսյանի հետ միասին, բայց նա այդ առաջարկը պետք է աներ Նիկոլ Փաշինյանին: Ակնհայտ է՝ խորհրդարանական ընտրություններում հաղթանակից հետո, Նիկոլ Փաշինյանը լայնորեն կընդգրկի բոլոր կարող ուժերին՝ խնդիրների լուծման գործընթացներում: Դեռ ավելին, այս երեք տարիների ընթացքում Փաշինյանը դրանով էլ զբաղված է եղել, իհարկե, ոչ բավարար չափով:

Եթե ուշադիր լինենք, երբ նա եկավ իշխանության, կադրային ջարդ տեղի չունեցավ եւ շատ հին կադրեր մնացին իրենց տեղում:  Ազգային համաձայնության կառավարման մթնոլորտը հենց Նիկոլ Փաշինյանը կարող է ստեղծել, մնացածը «թայֆաբազություն» են անելու՝ ձեւավորելով «թայֆաներ», մի բան, որը Փաշինյանի իշխանությունը երբեք չի անի»,- եզրափակեց Վիգեն Խաչատրյանը:

2018-ի խորհրդարանական արտահերթ ընտրություններին ՀԱԿ-ը չէր մասնակցում: Իսկ այս ընտրություններին մասնակցելու իր վերջնական որոշման մասին կհայտնի այսօր:

Նշենք, որ կուսակցությունները եւ դաշինքները գրանցման համար փաստաթղթերը ԿԸՀ պետք է ներկայացնեն մինչեւ մայիսի 26-ը՝ ժամը 18:00-ն:

Կուսակցությունների ու դաշինքների ցուցակները պետք է գրանցվեն մայիսի 26- 30-ը: 

Անյուտա Աթանեսյան

Տպել
4653 դիտում

Ծովագյուղ-Շորժա-Վարդենիս ավտոճանապարհին մահվան ելքով ավտովթար է տեղի ունեցել

ՊԵԿ-ի և Իրանի մաքսային ծառայության պատվիրակությունները քննարկել են օրակարգային մի շարք հարցեր

Նոր շինծու գործ, Ադրբեջանը միջազգային հետախուզում է հայտարարել 3 հայ գործարարների նկատմամբ. «Արմենպրես»

Այսօր «Մաթեմատիկա» առարկայից միասնական քննության օրն է

Չդիմե´նք քայլերի, որոնք կարող են տանել անդառնալի կորուստների. ընտրություններին ընդառաջ ԵԿՄ-ն հայտարարություն է տարածել

Սուրենավանում տեղի ունեցած վթարից տուժած 14-ամյա տղայի առողջական վիճակում կա քիչ, բայց դրական տեղաշարժ. Գ. Դերձյան

Կորոնավիրուսով վարակվելու 86 նոր դեպք է հաստատվել. օրվա թվերը՝ ամփոփ

Այսօր քարոզարշավի վերջին օրն է. վաղը քաղաքական ուժերը պետք է լռություն պահպանեն

Երևանի Ալիխանյան փողոցում հրդեհ է բռնկվել ավտոմեքենայում. վարորդը հոսպիտալացվել է

Վարչական դատարանը մերժել է ՔՊ-ի գրանցումը չեղյալ համարելու պահանջով հայցը

Արթուր Դավթյանի ղեկավարած պատվիրակությունը կմասնակցի եվրոպական երկրների դատախազությունների համաժողովին

Գորիսի մշակույթի կենտրոնի տնօրենը ձերբակալվել է. աշխատակցին թույլ չէր տվել մասնակցել քարոզարշավին

Հրդեհ՝ Վայքի մարզադպրոցում. կրակը հանգցնելու համար մեկնել է 4 խումբ ու 1 լրացուցիչ ջրատար

Երեկ կայացել է նաև ԲՀԿ-ի ամփոփիչ հանրահավաքը. հայտնի է մասնակիցների թիվը

Վթար Մարգարա-Վանաձոր ճանապարհին․ այրվող մեքենայից դուրս է բերվել վարորդի դին. կա 3 տուժած

Հայտնի է «Քաղաքացիական պայմանագիր» կուսակցության ամփոփիչ հանրահավաքի մասնակիցների թիվը

Բա իհարկե, նրանք էլ ունեին այսպիսի տպավորիչ ցուցանիշներ, միայն թե իրենց անձնական եկամուտների մասին. Արարատ Միրզոյան

Մենք պետք է հույսեր կապենք մեր բանակի հետ. քաղաքական ուժերը՝ ՀՀ-ի անվտանգային հարցերի լուծման ուղիների մասին

Քաղաքական ուժերի մի մասը կողմ է ազգային համաձայնության կառավարության ձևավորմանը. որ ուժերը միմյանց հետ կհամագործակցեն

«Հասել է ՀՀ քաղաքացու ճշմարտության պահը․․․ ընտրակաշառք բաժանողները ձերբակալվում են հենց այս րոպեներին ու կալանավորվում»

Ինձ համար անհասկանալի է, որ ընդդիմությունը զոհերի և գերիների թվերն ուռճացնում է․ Փաշինյանը տվյալներ հայտնեց

Եթե ասում են՝ իմ մի հայտարարությամբ պատերազմ սկսվեց, Արցախը ճանաչելու արդյունքում պատերազմ չի՞ սկսվի. Նիկոլ Փաշինյան

Կասկած չկա, մեր գերեվարված եղբայրները շուտով վերադառնալու են․ Փաշինյանը 4 կետ ներկայացրեց՝ ապագայի տեսլականի վերաբերյալ

Այս անգամ դուք սխալվելու իրավունք չունեք. Լևոն Տեր-Պետրոսյանը տեսաուղերձ է հղել (տեսանյութ)

ՀՀ-ում քաղաքացիական բախումներ չեն լինելու, որովհետև ժողովուրդը հստակ մեծամասնություն է ձևավորելու․ Փաշինյան

Բայդենը գոհ է, Պուտինի համար՝ միևնույն է. ինչ է գրել միջազգային մամուլը հայտնի հանդիպման մասին ու ինչ կարծիքներ կան

Հայ աթլետները կփորձեն օլիմպիական վարկանիշ լրացնել Կիպրոսում

Ոստիկանության ծառայողը վնասազերծել է ավտովթարից հետո քաղաքացու ծոծրակին ատրճանակ պահած 28-ամյա ԱՄՆ քաղաքացուն․ Shamshyan

Հայ մարզիչը համալրեց Մոսկվայի ԲԿՄԱ-ի մարզչական շտաբը

Քարոզարշավ մուտք գործեցինք հյուծված, անեծքներից ու հայհոյանքներից խոցոտված, ժողովուրդը մեզ ուժ ու հույս տվեց․ Փաշինյան

Կարմիրգյուղի դպրոցում 3 դասասենյակներ կկրեն Արցախյան 44-օրյա պատերազմում զոհված հերոսների անուններ

Ինչու Քոչարյանն իր թեկնածությունը չի առաջադրել Արցախում․ Արամ Սարգսյանի՝ բանավեճին հնչեցրած հարցը մնաց անպատասխան

Գերմանիայի հայ համայնքը պատգամավորներին կոչ է անում ճնշումներ գործադրել Ադրբեջանի դեմ՝ ռազմագերիներին ազատ արձակելու համ

Նիկոլ Փաշինյանի հրավիրած համապետական հանրահավաքը՝ լուսանկարներով

Խորհրդարանական արտահերթ ընտրությունների նախընտրական բանավեճի մեկնարկը տրվեց․ ովքեր են հրաժարվել մասնակցել բանավեճին

Ո՞վ է հայկական «Գելափը», հավատա՞լ արդյոք նրա հարցումներին. Civilnet

Արարատի մարզում կկառուցվի «Երեխաների քաղաք»

ՔՊ-ի հանրահավաքն ավարտվեց. մեկնարկել է բազմամարդ երթ՝ Երևանի կենտրոնական փողոցներով (տեսանյութ)

Վեճի էր բռնվել անցորդների հետ ու երկուսին էլ դանակահարել. հարուցվել է քրեական գործ (տեսանյութ)

«Հույս ունեմ այնտեղ տեսնել մեր մասին ամենաակտիվ հոխորտացողներին»․ Փաշինյանը հանրահավաքից հետո կգնա հեռուստաբանավեճի