Երևան
14 °C
Տեղի է ունեցել ՀՀ կրթության, գիտության, մշակույթի և սպորտի նախարարին կից հասարակական խորհրդի հերթական նիստը, որը վարել է ԿԳՄՍ նախարարի տեղակալ Արթուր Մարտիրոսյանը: Նիստի օրակարգում ներառված էր «ՀՀ երիտասարդական պետական քաղաքականության 2021-2025 թթ. ռազմավարության» նախագծի քննարկման հարցը: Այս մասին հայտնում են ԿԳՄՍՆ-ից։
Փոխնախարարը ներկաներին նախ ներկայացրել է նախագծի մշակման նախապատմությունը՝ ընդգծելով, որ ՀՀ երիտասարդական պետական քաղաքականության ռազմավարության մշակումը նախատեսված էր Կառավարության գործողությունների ծրագրով: Մինչ այդ ոլորտը կարգավորվել է ՀՀ կառավարության՝ 2014 թվականին ընդունած արձանագրային որոշմամբ, որը, ըստ Արթուր Մարտիրոսյանի, կրում էր հռչակագրային բնույթ և չուներ հստակ թիրախներ, ցուցիչներ և գործողությունների պլան։
«Կառավարության նոր մոտեցմամբ՝ ցանկացած ոլորտի ռազմավարություն պետք է ուղեկցվի մի քանի տարվա համար նախատեսված գործողությունների պլանով, ունենա հստակ չափելի արդյունքներ և ֆինանսական գնահատական: Այս փաստաթուղթը համապատասխանում է վերոնշյալ բոլոր պահանջներին։ Բացի դրանից՝ Կառավարության մեկ այլ մոտեցմամբ՝ ռազմավարությունը մշակելիս անհրաժեշտ է լինել առավելագույնս մասնակցային: Այդ նպատակով ՀՀ երիտասարդական պետական քաղաքականության ռազմավարությունը մշակելու համար կազմվել է աշխատանքային խումբ, որի կազմում ներգրավված են եղել ԿԳՄՍ և գործընկեր նախարարությունների, ինչպես նաև բաց, թափանցիկ և ժողովրդավարական սկզբունքներով ընտրված երիտասարդական կառույցների ու քաղաքացիական հասարակության ներկայացուցիչներ»,- փաստել է փոխնախարարը՝ արդյունավետ աշխատանքի համար շնորհակալություն հայտնելով աշխատանքային խմբում ընդգրկված բոլոր կողմերին: Ըստ Արթուր Մարտիրոսյանի՝ նախագծի մշակման գործընթացում եղել է նաև միջազգային փորձագիտական աջակցություն, այն քննարկվել է զարգացման գործընկերների հետ։
Նրա խոսքով՝ մինչև հանրային քննարկման դրվելը նախագծի շուրջ քննարկումներ են տեղի ունեցել երիտասարդական տարբեր խմբերի հետ, որպեսզի հաշվի առնվեն նաև կոնկրետ խմբերի շահերը, և թիրախային մոտեցում դրսևորվի դրանցից յուրաքանչյուրի նկատմամբ, օրինակ՝ սահմանամերձ համայնքների, գյուղաբնակ և քաղաքաբնակ երիտասարդների, հայրենադարձների և այլն։
Արթուր Մարտիրոսյանի հավաստմամբ՝ նախագծի մշակման ողջ գործընթացում չի եղել որևէ քաղաքական կաշկանդվածություն, ինչի մասին կվկայեն նաև աշխատանքային խմբի անդամները. միակ նպատակը եղել է ուղենշային այնպիսի փաստաթուղթ ունենալը, որն առաջիկա մի քանի տարիների կտրվածքով կկարգավորի երիտասարդական ոլորտը: Ռազմավարության միջոցառումների պլանի արդյունավետ իրականացման նպատակով նախատեսվում է զարգացնել ԿԳՄՍՆ երիտասարդական քաղաքականության, լրացուցիչ և շարունակական կրթության վարչության կարողությունները, ստեղծել երիտասարդական քաղաքականության փորձագիտական կենտրոն, նախարարին կից երիտասարդական խորհուրդ, ինչպես նաև երիտասարդական ՀԿ-ների ինքնակազմակերպման արդյունքում ձևավորված կառույց:
«ՀՀ երիտասարդական պետական քաղաքականության 2021-2025 թթ. ռազմավարության» նախագիծը և միջոցառումների ծրագիրը ներկայացրել է ԿԳՄՍՆ երիտասարդական քաղաքականության, լրացուցիչ և շարունակական կրթության վարչության պետ Գոհար Մամիկոնյանը: Նրա խոսքով՝ ռազմավարության հիմնական տեսլականն է՝ ունենալ այնպիսի միջավայր, որտեղ երիտասարդներն ունեն առավելագույն հնարավորություններ, այն է՝ հանդես գալ որպես ակտիվ և պատասխանատու քաղաքացի, ինքնադրսևորվել, աշխատաշուկայում մրցունակությունը պահպանել, շարունակաբար զարգանալ և ստեղծագործել, իրացնել իրենց իրավունքները, կայանալ որպես երջանիկ անհատ և քաղաքացի, ինչպես նաև ներդնել իրենց ներուժը` ի շահ համայնքի, պետության զարգացման ու հզորացման:
Որպես ռազմավարության հիմնական նպատակ՝ Գոհար Մամիկոնյանը մատնանշել է ոլորտի համակարգումն ու զարգացումը: Այդ համատեքստում, ըստ զեկուցողի, նախատեսվում է ոլորտի բոլոր դերակատարների հետ արդյունավետ համագործակցությամբ կայացնել փաստահեն որոշումներ՝ ծրագրերի համադրման և առավելագույն ազդեցության ապահովման համար: Նրա խոսքով՝ անհրաժեշտ է խթանել նաև ոլորտի զարգացումը և ներդնել սոցիալական նորարարության մոդելներ՝ ուղղված երիտասարդներին մատուցվող ծառայությունների որակի և ազդեցության բարձրացմանը, ինչպես նաև ապահովել սակավ հնարավորություններ ունեցող երիտասարդների առավելագույն ներառումը ռազմավարության բոլոր գործողություններում:
Որպես հաջորդ կարևոր նպատակ՝ ԿԳՄՍՆ երիտասարդական քաղաքականության, լրացուցիչ և շարունակական կրթության վարչության պետը մատնանշել է երիտասարդի՝ ակտիվ քաղաքացի լինելու փաստը: Այդ նպատակով նախատեսվում է զարգացնել երիտասարդների կարողությունները՝ որպես հասարակության հայրենաճանաչ, իրավագիտակից, պահանջատեր և պատասխանատու անդամ:
Բանախոսը նշել է նաև աշխատաշուկայում երիտասարդների մասնակցության խթանումը ֆորմալ և ոչ ֆորմալ զբաղվածության միջոցով, աջակցությունը նրանց ձեռնարկատիրական կարողությունների զարգացմանը, նորարարության, մշակույթի և գիտության ոլորտներում երիտասարդների ակտիվ ներգրավումը, ինչպես նաև առողջ ապրելակերպի մշակույթի տարածումը: Նախատեսվում է խթանել նաև երիտասարդական աշխատանքի և կամավորության համակարգային զարգացումը: Միջազգային համագործակցության համատեքստում, Գոհար Մամիկոնյանի հավաստմամբ, նախատեսվում է զարգացնել կապերը եվրասիական և եվրոպական տարածաշրջաններում ինտեգրացիոն գործընթացների և ՀՀ անդամակցությամբ միջազգային միջպետական կազմակերպությունների շրջանակում, ինչպես նաև խթանել երկխոսությունը ՀՀ, Արցախի և սփյուռքի երիտասարդական կառույցների միջև:
Զեկուցումից հետո նախարարին կից հասարակական խորհրդի անդամները հանդես են եկել ելույթներով՝ ներկայացնելով իրենց առաջարկություններն ու դիտողությունները: Նրանք նաև մի շարք հարցեր են ուղղել բանախոսներին, որոնք հիմնականում վերաբերել են տարածքային համաչափ զարգացման տեսանկյունից երիտասարդների որակյալ կրթության ապահովման, միջոցառումների ծրագրի գործիքակազմի և դրա կիրառման, շահառուների տարիքային խմբի, երիտասարդական ՀԿ-ներին դրամաշնորհների տրամադրման մեխանիզմների, ռազմավարության նպատակների իրականացման հիմնական խթանի ապահովման, ազգային փոքրամասնությունների երիտասարդների ներգրավման և այլ հարցերի:
ԿԳՄՍ նախարարի տեղակալ Արթուր Մարտիրոսյանը, արդյունավետ և շահագրգիռ քննարկման համար շնորհակալություն հայտնելով խորհրդի անդամներին, նշել է, որ հնչած առաջարկությունները կքննարկվեն և, ըստ անհրաժեշտության, կներառվեն նախագծում:
Նիստի ավարտին հասարակական խորհուրդն ընդունել է որոշում՝ «ՀՀ երիտասարդական պետական քաղաքականության 2021-2025 թթ. ռազմավարության» նախագծին և միջոցառումների ծրագրին հավանություն տալու մասին:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ