Մրցունակ եմ Քոչարյանի, Փաշինյանի հետ. Անդրիաս Ղուկասյանը՝ Ֆրանսիայի հետ պայմանագիր կնքելու, Ռուսաստանից անջատվելու մասին

«Ազատ Հայրենիք» դաշինքը առաջիկա խորհրդարանական ընտրություններին մասնակցում է 5 կուսակցությունների հետ դաշինքով: Այդ կուսակցություններն են «Հայ կառուցողական կուսակցությունը», «Ազգային ժողովրդավարների դաշինքը», «Հայաստանի կանաչների կուսակցությունը», «Հայաստանի պահպանողական» ու «Ազգային ինքնորոշման միավորում» կուսակցությունները:

Նախընտրական քարոզարշավի ընթացքում դաշինքի անդամները եղել են Երևանի արդեն 21 քաղաքներում, ինչպես նաև այցելություններ են ունեցել Հայաստանի տարբեր մարզեր: Քաղաքացիների հետ երկխոսության, հարց ու պատասխանի, պարզաբանումների միջոցով նրանք ներկայացնում են իրենց դաշինքի ծրագրերն ու անելիքները:

Դաշինքը գլխավորում է Հայաստանի պահպանողական կուսակցության նախագահ Միքայել Հայրապետյանը: Երկրորդ համարը Անդրիաս Ղուկասյանն է, որն էլ դաշինքի վարչապետի թեկնածուն է:

Մեր զրույցը նրա հետ ստորեւ.

- Պարոն Ղուկասյան, ինչպե՞ս որոշեցիք մասնակցել հունիսի 20-ին սպասվող խորհրդարանական արտահերթ ընտրություններին և հանդես գալ դաշինքով: Ինչպե՞ս որոշվեց, որ դաշինքում վարչապետի թեկնածուն դուք պետք է լինեք: Որո՞նք են այն երեք կարևորագույն հարցերը, որ ձեր դաշինքն առաջինն է ուշադրություն դարձնելու:

- Մենք դեռ դեկտեմբեր ամսից մի շարք քաղաքական նախաձեռնություններով էինք հանդես եկել: Նախընտրական փուլում որոշեցինք միավորել մեր ուժերը, որովհետև տեսնում ենք՝ Հայաստանը կարիք ունի իրականացնել արտաքին անկախ քաղաքականություն՝ հիմնվելով իր ինքնիշխանության վրա: Իմ թեկնածությունը ընտրվեց, որովհետև իմ գործընկերները համարեցին, որ ես համապատասխանում եմ վարչապետի այդ չափանիշներին, մրցունակ եմ և՛ Նիկոլ Փաշինյանի և՛ Ռոբերտ Քոչարյանի հետ, որովհետև մեր նպատակն է պայքարել երկրորդ փուլ անցնելու համար:

Մեր կարծիքով՝ առաջին փուլով այս ընտրությունները չեն կարող ավարտվել, ոչ մի քաղաքական ուժ չի կարող հավաքել անհրաժեշտ ձայները: Մեր կարևորագույն հարցն է մինչև այս տարվա վերջ Ֆրանսիայի հետ կնքել ռազմաքաղաքական համագործակցության պայմանագիր՝ հայկական բանակի վերազինման, վերապատրաստման համար: Տնտեսական ոլորտում հնարավորություններ կան Հայաստան բերել խոշոր միջազգային ներդրումներ: Այս տարվա սեպտեմբերին ՄԱԿ-ի գլխավոր վեհաժողովում բարձրացնել Արցախի ճանաչման հարցը, ինչը բեկումնային փոփոխություն կմտցնի Արցախի կարգավիճակի շուրջ:

Մենք համարում ենք, որ Հայաստանը պետք է վերադառնա Ֆրանսիայի, ԱՄՆ-ի և Մինսկի խմբի մյուս համանախագահների հետ համագործակցությանը: Մենք գտնում ենք, որ թե՛ ԵԱՀԿ-ի, թե՛ ՄԱԿ-ի հարթակում Հայաստանը պետք է կտրուկ քայլեր ձեռնարկի և արձանագրվի, որ Թուրքիան և Ադրբեջանը խախտել են միջազգային կարևորագույն սկզբունքները: Մեր դաշինքում առկա կուսակցությունները և նրանց առաջնորդները կախում չունեն ո՛չ Մոսկվայից, ո՛չ հայկական օլիգարխիայից, դրա համար ի վիճակի են հօգուտ հայ ժողովրդի իրականացնել այդ քաղաքականությունը:

- Այսինքն՝ այն կարծիքին եք, որ Հայաստանը պետք է անջատվի Ռուսաստանից և համագործակցի եվրոպական երկրների հետ: Չեք կարծո՞ւմ, որ ԵԱՀԿ-ն ուժը կորցրած կազմակերպություն է:

- Մենք գտնում ենք, որ Հայաստանը ունի Եվրամիության հետ համապարփակ և համագործակցության՝ արդեն իսկ ուժի մեջ մտած համաձայնագիր, որի պահանջն է հայկական ազգային օրենսդրությունը բերել եվրոպական չափանիշների: ՌԴ-ի հետ ռազմական համագործակցությունը չի գործում. ռուսական զորախումբը պետք է արդեն գտնվեր հայկական ռազմական հրամանատարության ներքո, որովհետև ադրբեջանական զինվորները գտնվում են Հայաստանի տարածքում: 2022 թ.-ին լրանում է ռուս-հայկական պայմանագիրը՝ կապված ռուսական զորախմբի հետ, նույն թվականին լրանում է օդային պաշտպանության համատեղ պայմանագիրը: 2024 թ.-ին լրանում է ՀԱՊԿ-ում մեր անդամակցության պայմանագիրը: Մենք անիմաստ ենք համարում այս պայմանագրերը շարունակելը, քանի որ ՀԱՊԿ-ից անհրաժեշտ օգնություն չստացանք: Թուրքիան, Ադրբեջանը և Ռուսաստանը համատեղ շահեր ունեն տարածաշրջանում, այդ շահերը հակասում են մեր ազգային շահերին, ուստի գտնում ենք, որ դրա համար ՀՀ-ն պետք է միջազգային կոալիցիա ձևավորելու քայլեր ձեռնարկի: Պետք է սթափ գնահատել. ՌԴ-ի շահերը ՀՀ-ի շահերի հետ չեն համընկնում:  

- Կարծում եք՝ Ռուսաստանը նաև խոչընդոտո՞ւմ է մեր ինքնիշխանությանը:

- Այսօր ՌԴ-ին իր պետական շահերը թելադրում են դաշինք կազմել Թուրքիայի և Ադրբեջանի հետ: Թուրքիան ռազմավարական գործընկեր է ՌԴ-ի համար: ՌԴ-ի և Եվրոպայի հարաբերություններում օր օրի աճում է ճգնաժամը: Եվրոպան ՌԴ-ից սպառնալիք է տեսնում իր անվտանգության համար և համապատասխան քայլեր է ձեռնարկում: ՌԴ-ն կրկին Թուրքիայի հետ իր համագործակցությունը ամրապնդելու համար մեր շահերը Արցախում զիջեց, որևէ քայլ չարեց Ադրբեջանին կարգի բերելու համար և շարունակում է նպաստել, որ այդ պատերազմը ավարտվի մեզ ոչ ձեռնտու պայմանագրով: Արևմուտքն արդեն իր ձեռքն է ուղղել Հայաստանին: Նոյեմբերի 25-ին Ֆրանսիայի սենատը հանդես եկավ Արցախի ճանաչման օգտին բանաձևով, այնուհետև ՀՀ տարածքից ադրբեջանական զորքերի դուրս բերման օգտին:                                                                                                                   

 - Այդ բոլորը կանաչ ազդա՞կ են Հայաստանի համար, որպեսզի դիմենք Ֆրանսիային՝ դաշնակցային հարաբերություններ հաստատելու համար: Արդյոք դա չի՞ բերի ռուսական զորքերի Արցախից դուրս բերմանը: Եվ նաև ի՞նչ կասեք ռուսական ռազմաբազայի մասին:

- Ակնհայտ է, որ Ֆրանսիան անմիջապես կընդունի առաջարկը, քանի որ արդեն ցուցաբերել է քաղաքական իր դիրքորոշումը: Այսօր գնդակը գտնվում է ՀՀ-ի ձեռքում: Հայաստանը պետք է քայլ անի: Ֆրանսիան այն ամենանպաստավոր երկիրն է, որի օժանդակությունը էական դեր կխաղա մեր բանակը եվրոպական չափանիշներով վերապատրաստելու համար: Մեր երկրների միջև դաշնակցային հարաբերությունները կհաջողվեն մեր դաշինքի հաղթանակի դեպքում: Դա չի հակասում ՀԱՊԿ-ում մեր ունեցած պարտավորություններին: Չկա որևէ ակնարկ, որ ռուսական զորքերը ուզում են դուրս գալ Արցախից:

Ռուսական ռազմաբազայի հետ մեր պայմանագիրը ավարտվելու է 2042 թ.-ին: Եթե Հայաստանը ընտրում է ուղի, որ սեփական ուժերով պետք է պաշտպանի մեր երկիրը, այդ դեպքում ռազմաբազայի տեղակայումը ՀՀ-ում դառնում է ՌԴ-ի որոշման հարցը: Եթե ՌԴ-ն գտնում է, որ իր անվտանգության տեսակետից ՀՀ-ում պետք է պահի զորքերը, ապա պետք է վճարի դրա համար: Մենք իրավունք ունենք վերանայել նաև պայմանագրի պայմանները: Տեղակայման այդ գործընթացը հիմա անհրաժեշտ է, որովհետև մայիսի 12-ից առ այսօր ադրբեջանական ոտնձգությունը մեր սահմանների նկատմամբ առիթ չդարձավ, որ ռուսական զորքերը անցնեն մեր ռազմական ղեկավարության հրամանատարության ներքո, դա նշանակում է, որ իրենց ներկայությունը Հայաստանում մեր անվտանգության համար չէ:

- Ինչպե՞ս եք գնահատում ձեր դաշինքի շանսերը: Ըստ ձեզ՝ որոնք կլինեն այն ուժերը, որ կձեւավորեն նոր խորհրդարան:

- Իրավիճակը պարզ կլինի հունիսի 20-ի քվեարկությունից հետո: Մենք տեսնում ենք, որ բավականին ընտրողներ կողմնորոշված չեն: Կիրակի օրը հարցում անցկացրինք Երևանում: Ըստ մեր հարցման՝ մենք գտնվում ենք 3-րդ տեղում, զիջում ենք «Հայաստան» դաշինքին և ՔՊ-ին: 20 տոկոսը երևանցիների կողմնորոշված չէ: Մենք համարում ենք, որ Երևանը ընդդիմադիր տրամադրություն ունի Փաշինյանի նկատմամբ, տեսնում ենք՝ Քոչարյանը փորձում է Փաշինյանից դժգոհ քաղաքացիներին բերել իր կողմ: Դրա համար այս ընտրություններում մեր դերակատարությունը շատ կարևոր նշանակություն ունի: Այսօր մեր առաքելությունն այն է, որ նախկինները իրենց հետ վերադարձի ցանկությունները պահեն իրենց և երբևիցե չմտածեն, որ Հայաստանում կարող են հին կարգերը վերականգնել:

- 26 քաղաքական ուժերը մոլորեցնո՞ւմ են մարդկանց:

- Քարոզարշավ անցկացնում են 10-11 կուսակցություններ, մյուսները զբաղեցնում են եթերաժամ՝ խոչընդոտելով քաղաքական բովանդակություն ունեցող ուժերին իրենց խոսքը մեծ լսարանին հասցնելու համար: Դա քաղաքական տեխնոլոգիայի արդյունք է: Մեր կարծիքով՝ նրանցից մի քանիսը ստեղծված է իշխող իշխանության կողմից, քանի որ նախընտրական փուլից օրեր առաջ ձևավորված կուսակցությունները միանգամից կուտակեցին անհրաժեշտ գումարները: 2007թ.-ին նմանատիպ տեխնոլոգիա կիրառվել է. 21 ուժ է մասնակցել, ինչի հետևանքով 25 տոկոս ձայներ փոշիացվել են և անցել 5 տոկոս շեմը անցած կուսակցություններին: Վտանգ կա, որ այս ընտրություններում նույն վիճակը կարող է լինել. քաղաքացիների մեծ մասը, ձայն տալով այս կամ այն ուժին, իրականում իրենց ձայները հայտնվելու են լիովին ուրիշ, նույնիսկ ոչ գաղափարական հակադարձ ուղղվածություն ունեցող կուսակցությունների օգտին:

- Պարոն Ղուկասյան, ձեր դաշինքին է միացել նաև «Ազգային ինքնորոշում միավորում» կուսակցությունը, որի նախագահ Պարույր Հայրիկյանը, սակայն, չկա ընտրացուցակում: Ինչո՞ւ:

- Հայրիկյանն առաջադրվել է մեր դաշինքի կողմից՝ որպես սահմանադրական բարեփոխումների հանձնաժողովի նախագահի թեկնածու: Նա մշակել է սահմանադրական բարեփոխումների այնպիսի նախագիծ, որը երաշխավորում է ինքնիշխանության տարանջատումը: Մենք անվանում ենք այդ նախագիծը ժողովրդավարության բացարձակ հաստատման սահմանադրական դրություն: Դա նաև հայրենադարձության հարթակ է մեր քաղաքացիների համար, քանի որ երաշխավորվելու է նրանց իրավունքները:

- Որևէ ուժի հետ համագործակցության եզրեր տեսնո՞ւմ եք:

- Այս պահի դրությամբ մենք բացառում ենք Փաշինյանի և Քոչարյանի հետ կոալիցիա կազմելը: Մենք ընդդիմությունն ենք և՛ Փաշինյանին, և՛ Քոչարյանին, և՛ Սերժ Սարգսյանին, ընդհանրապես նախկիններին և ներկաներին, որովհետև նրանք բոլորը իրականացնում են Հայաստանում ռուսամետ քաղաքականություն, որին մենք դեմ ենք, քանի որ այդ միակողմանի արտաքին քաղաքականությունը պատերազմում մեր պարտության գլխավոր պատճառն էր:

Մերի Խաչատրյան

Տպել
1149 դիտում

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ

Չաուշի փողոցում մեքենա է այրվել. վարորդը հոսպիտալացվել է

Ադրբեջանցին հեռացավ առանց ձեռքսեղման. Հովհաննես Բաչկովի հաղթական մենամարտի տեսագրությունը (տեսանյութ)

Տոկիո-2020 Հովհաննես Բաչկովը հաղթեց ադրբեջանցուն ու դուրս եկավ քառորդ եզրափակիչ

Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Տեսչական մարմինը դիտարկումներ է իրականացրել հանրային տրանսպորտի հավաքակայաններում

Տիգրան Ավինյանն աշխատանքային շրջայց է կատարել Երևանի 33-րդ (Ֆիրդուսի) թաղամասում

Արմեն Սիմոնյանը Երկաթուղայինի օրվա առիթով պատվոգրեր է հանձնել համակարգի մի շարք աշխատողների

Արմեն Շեկոյանի հոգեհանգստի արարողությունը տեղի կունենա հուլիսի 31-ին, հուղարկավորությունը՝ օգոստոսի 1-ին

ԳԹԿ-ն նախաձեռնում է ստեղծել հայոց լեզվի ավարտական և միասնական քննությունների թեստերի նոր առաջադրանքների պաշարներ