Այս տարին գյուղատնտեսության համար սակավաջուր է. ոլորտի պատասխանատուները մի քանի պատճառ են նշում

Հայաստանում այս տարի ոռոգման ջրի սակավություն կա: Պատճառներից մեկն այն է, որ եղանակային պայմանները շատ դեպքերում հավելյալ ջրի պահանջարկ են ստեղծել: Որոշ դեպքերում էլ գյուղացիները քիչ ջուր պահանջող մշակաբույսերից անցել են ավելի շատ ջուր պահանջող մշակաբույսերի, ինչն էլ իր հերթին է ազդել խնդրի խորացմանը:

Հարցն այնքան էր լրջացել, որ վերջին օրերին տարբեր մարզերում գյուղացիները բողոքի ցույցեր էին արել՝ ոռոգման ջուր պահանջելով: Իհարկե, Հայաստանը երբեք էլ ոռոգման ջրի առատությամբ աչքի չի ընկել, սակայն այս տարի իրավիճակն ավելի է բարդացել:

Երեկ վարչապետի պաշտոնակատար Նիկոլ Փաշինյանի գլխավորությամբ տեղի է ունեցել խորհրդակցություն՝ գյուղատնտեսության ոլորտի ընթացիկ խնդիրների, ոռոգման գործընթացի եւ բարեփոխման ծրագրերի վերաբերյալ: Քննարկմանը մասնակցել էին շահագրգիռ գերատեսչությունների ղեկավարները, Արագածոտնի, Արարատի, Արմավիրի մարզպետները, ոլորտային պատասխանատուները:

Փաշինյանը նշել է, որ 2021 թվականի հունիսն ուղեկցվում է աննախադեպ շոգերով, բարձր ջերմաստիճանով, ինչն իր հետ բերում է պրոբլեմներ, առաջին հերթին՝ ջրօգտագործման ոլորտում եւ ոռոգման ջրի ասպարեզում:

Նա հիշեցրել է, որ գլոբալ ռազմավարությունը գյուղատնտեսության ոլորտում պետք է լինի կաթիլային ոռոգման եւ ոռոգման նոր տեխնոլոգիաների կիրառումը: Բացի այդ, Փաշինյանն ասել է, որ մեկ տասնյակից ավելի ջրամբարների շինարարության աշխատանքը պետք է սկսել:

ՀՀ ՏԿԵՆ Ջրային կոմիտեի նախագահ Կարեն Սարգսյանը ՀԺ-ի հետ զրույցում ասաց, որ փորձում են ոռոգման ջրի խնդիրը կառավարելի դարձնել: Նշեց, որ ստեղծված իրավիճակը գլոբալ տաքացման հետ է կապված. «Ջրման ռեժիմները կրճատվել են մոտավորապես 35 տոկոսով: Եթե նախկինում ինչ-որ մշակաբույսի ոռոգումն իրականացվել է 10-ը օրը մեկ, ապա այս տաքացումների հետ կապված՝ պահանջարկը շատացել է, եւ ավելի շուտ են ուզում ջրամատակարարում իրականացվի»:

Սարգսյանի խոսքով՝ Էջմիածնում խնդիրը կապված է եղել վթարավերականգնողական աշխատանքների հետ, աշխատանքներ են իրականացվել, ընդամենը 2 օրով ջուրը դադարեցվել է, բայց հիմա ջրամատակարարումը վերականգնվել է: Ըստ նրա՝ խնդիրը հիմա կարգավորված է, բոլոր մարզերում ոռոգում կա, սակայն հիմա կան նաեւ պոմպերի հետ կապված խնդիրներ:

Հարցին՝ 2 օր ջուր չունենալը վնաս հասցրե՞լ է գյուղացիներին, Սարգսյանը պատասխանեց. «2 օր ջուր չունենալը չէր կարող վնաս հասցնել գյուղացուն, որովհետեւ հայտ ներկայացնելուց հետո 3 օրվա ընթացքում ջրօգտագործող ընկերությունը պարտավորվում է մատակարարել: Այսօրվա խնդիրը տաքացումներն են, բարձր ջերմաստիճանն է, մշակաբույսը ավելի շատ ջուր է պահանջում, քան նորմայով տրված է»:

Խոսելով կաթիլային ոռոգման անցնելու՝ վարչապետի հայտարարության մասին՝ կոմիտեի նախագահն ասաց, որ նախագիծ են մշակել, որը շուտով կիրագործվի. «Մինչեւ 3 հեկտար հողատարածքները, որոնք կանցնեն կաթիլային ոռոգման, 5 տարով կազատվեն ոռոգման ջրի վճարից»:

Սարգսյանը նշեց, որ այս պահին առկա ռիսկերն իրենց վերահսկողության տակ են:

Հարցին՝ այս պահին դարձյալ կա՞ն ջրային մաֆիաներ, որոնց մասին ժամանակին խոսվում էր, նա պատասխանեց. «Մենք փորձել ենք հնարավորինս ամեն ինչ անել, որպեսզի նմանատիպ երեւույթներ գոնե մեր կառավարման ժամանակ չլինեն»:

Անդրադառնալով գյուղացիների կողմից Կառավարությանն ուղղված մեղադրանքներին, որ ջուրը չեն ապահովում՝ նա ասաց, որ դրանք օբյեկտիվ չի համարում. «Ինչ-որ մարդիկ փորձում են քաղաքական ենթատեքստեր դնել սրա տակ՝ չպատկերացնելով դրա իրական վտանգները: Ըստ իս՝ սովորական լուծելի հարցը քաղաքականացվել է: Ինձ այսօր հայտնի դարձավ նաեւ, որ մի քանի խումբ անձինք Արմավիրի մարզում սուտ լուրեր են փորձում տարածել, թե ջրանջատում է լինելու, եւ 4-5 օր ջուր չեն ունենալու, բայց նմանատիպ բան չկա»:

Նիկոլ Փաշինյանի հետ հանդիպմանը մասնակցած Արմավիրի մարզպետ Համբարձում Մաթեւոսյանի խոսքով՝ իրենց մարզում ջրամատակարարումը շարունակվում է: Ըստ նրա՝ ոչ միայն այս տարի, այլեւ առաջիկա տարիներին Հայաստանը ոռոգման ջրի պակաս կունենա, քանի որ ջրի կառավարման խնդիր կա:

«Խնդիրն ավելի խորացավ, քանի որ որոշ ոռոգելի տարածքների համար նախատեսված եւ նոր կառուցվող ջրամատակարարման ցանցերը տարվա սկզբին եղել են վերանորոգման մեջ: Արմավիրում նաեւ ամեն տարի 200-300 հեկտար մշակովի հողատարածքները աճում են, իսկ արդեն մշակվող հողատարածքների մշակաբույսերը անցում են կատարել ավելի թանկարժեք մշակաբույսերի: Օրինակ՝ հացահատիկը Արմավիրի մարզում ոռոգվում էր տարեկան 2 անգամ, իսկ այլ մշակաբույսի դեպքում նույն հողամասում արդեն 3 օրը մեկ է ոռոգման կարիք լինում»,- մանրամասնեց Մաթեւոսյանը՝ հավելելով, որ դա ոռոգման համակարգի վրա 10-ապատիկ, անգամ 100-ապատիկ ավելի մեծ ճնշում է:

Մարզպետը նշեց, որ խնդիր է նաեւ բարձր ջերմաստիճանը, ինչն իր հերթին 3 խնդիր է բերում: Ջրի գոլորշիացումն է շատանում, մշակովի հողի ջերմաստիճանն է բարձրանում, ինչը ջրի ավելի մեծ պահանջարկ է առաջացնում: Երրորդ խնդիրն արդեն Արագածոտնի, Շիրակի եւ Գեղարքունիքի մարզերում է, այնտեղ հացահատիկայի կուլտուրաները հիմնականում անջրդի են եղել, այսինքն նախատեսված չի եղել ջրել, բայց քանի որ այս տարի եղանակն աննախադեպ է, այդ մարզերում հավելյալ ջուր ապահովելու անհրաժեշտություն է առաջացել:

«Այսինքն, խնդիրը շղթայաձեւ տանում է նրան, որ այս տարին սակավաջուր կարելի է համարել, բայց այս պահին բարեբախտաբար ջրամատակարարումը կատարվում է: Նաեւ պարոն Սուրեն Պապիկյանի գլխավորությամբ ստեղծվել է ճգնաժամային կառավարման օպերատիվ շտաբ ու այդ շտաբն արդեն առաջիկայում հայտարարություններով հանդես կգա, եթե հարկ լինի, նաեւ՝ Սեւանից հավելյալ ջուր վերցնելու վերաբերյալ»,- ասաց նա` հավելելով, որ դա ամեն դեպքում խնդրի լուծման միայն մի մասն է:

Մաթեւոսյանը նշեց, որ ըստ էության ՀՀ-ում ոռոգման համակարգ գոյություն չունի եւ իր հաշվարկներով միլիարդավոր դոլարներ են անհրաժեշտ, որպեսզի ամբողջ Հայաստանում ոռոգման ցանց ներդրվի: Հարցին՝ գյուղացիները տեղյա՞կ են այս պատճառների մասին, մարզպետը պատասխանեց, որ մարզպետարանի գյուղվարչության եւ համայնքապետների միջոցով տեղեկացրել են, որ ջրի խնդիր կա:

Նա ընդգծեց՝ պատճառներն օբյեկտիվ են, եւ ամբողջ պետական ռեսուրսը դրվել է, որ խնդիրները չեզոքացնեն. «Ոռոգման խնդիր միշտ կա եւ կլինի, քանի դեռ միլիարդավոր դոլարներ չեն ներդրվել ոռոգման ցանցի ներդրման համար»:

Տպել
688 դիտում

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են արցախի դերասանները

Կոչ եմ անում շինարարությունը տեղափոխել ՀՀ տարբեր հատվածներ. Սուրեն Պապիկյանը մասնակցել է «Build Armenia - 2021» էքսպոյին

Կողոպուտի մեղադրանքով երկու անձ է կալանավորվել

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը