Գյումրու հրապարակում արված լուսանկարն «Ինստագրամ»-ում հրապարակելը Վիեննային հավասար է դարձել. Դավիթ Առուշանյան

«Հիմա Գյումրի գալը մոդա է, թրենդ: Գյումրու հրապարակում արված լուսանկարը «Ինստագրամ»-ում հրապարակելը Վիեննային հավասար է»: Ասում է Գյումրու համայնքապետի տեղակալ Դավիթ Առուշանյանը:

«Հայկական ժամանակ»-ի հետ զրույցում նա տեղեկացնում է՝ Գյումրին առաջիկայում զբոսաշրջային նոր մշակույթ կառաջարկի: Համայնքապետարանը դուրս կգա՝ մինչ այս որդեգրած պասիվ վիճակից:  

Ինչո՞ւ է կառույցը եղել պասիվ: Հարցն ուղիղ ու կարճ պատասխան ուներ: Առուշանյանը նկատում է՝ համայնքապետարանը չեզոք է եղել, քանի որ մինչ այս տուրիզմի բաժին չեն ունեցել, հիմա են ձևավորում:

«Քաղաքապետարանը նաև վերահսկողական գործառույթ պետք է ունենա: Երկիրը գործ է անում տուրիստ բերելու համար, համայնքը գործ է անում տուրիստին պահելու համար, ու եթե դա չի վերահսկվում, ապա մի գիդ, հյուրանոցի տեր կամ ռեստորանատեր՝ իր սպասարկումով ու մոտեցումով, ամբողջ համակարգի՝ պետություն-քաղաք համագործակցությունը ջուրն է լցնում: Մենք ուզում ենք հնարավորինս վերահսկելի, կառավարելի դարձնել տուրիզմի ոլորտը»,- առաջիկա անելիքներն է մանրամասնում համայնքապետի տեղակալը:

Վերահսկողություն ասվածը, ըստ Առուշանյանի, պետք չէ վատ իմաստով ընկալել: Իրենք ուզում են զբոսաշրջության հարցերով զբաղվողների հոգսը համակարգված աշխատանքով թեթևացնել: «Այն, ինչ տուրիզմ եղել է, անկազմակերպ տուրիզմ է, ինքնահոսի մատնված»,- ընդգծում է Դավիթ Առուշանյանը:

Զբոսաշրջային բում Գյումրին ունեցավ 2018-ին, նաև 2019-ը վատ տարի չի համարվում այս առումով: Սակայն շատ կարևոր ենթակառուցվածքներ ու զբոսաշրջիկին անհրաժեշտ ծառայություններ քաղաքը մինչ օրս չունի: Փողոցները, պատմական նշանակության շենք-շինությունները, հայտնի մարդկանց տները չունեն ցուցանակներ: Անգամ տեղեկատվական կենտրոններ չկան: Սրանք խնդիրներ են, որոնց անընդհատ բախվում են քաղաք այցելած հյուրերը:

«3-4 տարի առաջ շատ դժվար էր մարդկանց ոչ թե գիշերակացով, այլ ընդհանրապես բերել Գյումրի: Հետո եկանք այն կետին հասանք, որ մարդիկ գոնե մեկ գիշերով գալիս էին: Հիմա գնում ենք այն կետը, որ մարդիկ գոնե 2-3 օր մնան: Ի՞նչ ենք անում դրա համար: 2018-ից հետո Գյումրու տուրիզմը նման է մեծ կրակի, բայց եթե մենք կրակի մեջ փայտ չավելացնենք, կմարի: Հայաստանի բնակչներն ինչքան գան-գնան, մի օր Ծաղկաձորի պես կհոգնեն»,- ասում է համայնքապետի տեղակալը:

Բոլոր հարցերը ստեղծման փուլում գտնվող զբոսաշրջության բաժինը հաշվի կառնի: Այս պահին զբաղված են Կումայրի արգելոց թանգարանի և Գյումրու պատմական միջուկի պատմության ամբողջացմամբ: Նաև հստակեցվում են աշխատանքներն ու առկա հնարավորությունները: Ստեղծվում է տեղեկատվության ընդհանուր ճշտված բազա:

«Մշակույթի բաժնի հետ հիմա Կումայրի արգելոցի պատմամշակութային շենքերի պատմությունն ենք վեր հանելու: Գյումրիում է գտնվում Հայաստանի առաջին դեղատունը, որի մասին պետք է խոսել: Այստեղ է առաջին թատրոնը, բայց արդյո՞ք ինֆորմացիան միշտ ճիշտ է տեղ հասնում: Քաղաքը միայն ֆիզիկապես չպետք է զարգացնել, նաև՝ հոգեպես, քաղաքի բնակչության կենսամակարդակը, ֆինանսական միջոցները պետք է լինեն համապատասխան: Մեր պարտականությունների մեջ միայն աղբահանությունն ու փողոցաշինությունը չէ: Մեր պարտականությունների մեջ նաև բնակիչների բարեկեցիկ կյանքի ապահովման հնարավորությունների ստեղծումն է»,- կարծում է նա:

Գյումրու պատմական միջուկում պատմաճարտարապետական նշանակության տներ ու շինություններ կան, որոնց մասին զբոսավարները պատմում ու ներկայացնում են զբոսաշրջիկներին, սակայն դրանցից շատերի անխնամ վիճակը կոտրում է պատմության իրական լինելու փաստը:

Համայնքապետարանի զբոսաշրջության բաժինը այս խնդրին լուրջ ուշադրություն է դարձնելու: Բոլոր պատմական փողոցների տներն ունենալու են պատմական շունչ ունեցող միանման ցուցանակներ, միանման տեսքով են ներկայանալու: Այդ փողոցները, մասնավորապես՝ Շիրազն ու Ռուսթավելին, նաև հնարավոր է շաբաթը 3 օր դառնան ճեմափողոցներ: Քննարկվում է երկու տարբերակ. ուրբաթ, շաբաթ, կիրակի օրերին ընդհանրապես արգելել մեքենաների կա՛մ մուտքը, կա՛մ կայանումը:

Սա, ըստ Առուշանյանի, ինքնանպատակ չի արվելու: Երբ մեքենայի ու մուտքի արգելքը լինի, զբոսաշրջիկն ավելի երկար ոտքով քայլելու հնարավորություն կունենա, ավելի շատ բան կտեսնի ու կնկատի, դրանից նաև քաղաքն ու տնտեսվարողը կշահեն: Եվրոպայում կա նման պրակտիկա: Առուշանյանն ասում է՝ այդ փողոցների բնակիչներն ուրախ են տվյալ փաստից, քանի որ իրենք ևս ներգրավված են զբոսաշրջային պահանջների բավարարման գործում, և զբոսաշրջիկին իրենց առաջարկներն ունեն՝ սննդի, հուշանվերի կամ մեկ այլ ծառայության մատուցման տեսքով:

Նաև տարբերակ է քննարկվում Գյումրու Վարդանանց հրապարակը կայանատեղի չդարձնելու համար: Զբոսաշրջային սեզոնի ակտիվ փուլում հրապարակում հնարավոր բոլոր սանտիմետրերում ավտոբուսներ ու մեքենաներ են կայանվում, ինչն անթույլատրելի է, քանի որ զբոսաշրջիկին ներկայացնելու պատմությունն այդ վայրում ուղղակի անհնար է դառնում:

Այս աշխատանքներից զատ, առաջիկայում Գյումրիում փառատոներ ու ցուցադրություններ են նախատեսվում: Հնարավոր է՝ Հայաստանի պատմության թանգարանի ցուցանմուշները մեկ ամիս ցուցադրվեն Գյումրիում: Նաև մասնավոր նոր թանգարան է հիմնվելու:

«Ամբողջ Հայաստանում չկա նման բան: Մոտ տարբերակը միայն Թբիլիսին է, որ ունի: Ուզում են իլյուզիայի մասնավոր թանգարան բացել հենց Գյումրիում: Երևանում չեն ուզում»,- տեղեկացնում է համայնքապետի տեղակալը:

Օգոստոսին Գյումրին բոլորին կհրավիրի գարեջրի փառատոնի, մեծ միջոցառում է լինելու՝ հստակ ասելիքով: Գյումրիում է գտնվում Հայաստանի առաջին գարեջրի գործարանը:

Ներկայացված և դեռ քննարկման մեջ գտնվող բոլոր ծրագրերը համայնքապետարանի նորաստեղծ բաժինը նպատակ ունի իրականացնել ոլորտի մասնագետների հետ համատեղ աշխատանքի արդյունքում: Կարվի ամեն ինչ, որպեսզի այդ գործում հնարավոր բոլոր կողմերն ընդգրկված լինեն, հակառակ պարագայում, ըստ Դավիթ Առուշանյանի, հաջող ընթացք չեն ունենա:

Սամսոն Մատինյան

Տպել
6870 դիտում

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման հայկական կողմի դիրքորոշումը (տեսանյութ)

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ

Վրաստանի ՊՆ ներկայացուցիչներն այցելել են Վազգեն Սարգսյանի անվան ռազմական համալսարան

Ալեն Սիմոնյանն ընդունել է Գիտանաս Նաուսեդային. անդրադարձ է կատարվել տարածաշրջանային անվտանգության խնդիրներին

Վահագն Խաչատուրյանը հյուրընկալել Լիտվայի Հանրապետության նախագահին. նրանք հանդես են եկել հայտարարություններով (տեսանյութ)