Երևան
12 °C
Ռեժիսոր Արմեն Դալլաքյանն Արցախյան պատերազմներում զոհված տղաների հիշատակին նվիրված ֆիլմ է նկարել: Այն իրական փաստերի հիման վրա է, կոչվում է «Արյան կանչը»: Աշխատանքներն սկսել են 2020 թվականի օգոստոսից, փետրվարի 10-ին կլինի պրեմիերան:
Դալլաքյանը «Հայկական ժամանակ»-ի հետ զրույցում պատմեց, որ նախքան այս ֆիլմը ստեղծելը՝ Ապրիլյան պատերազմում նահատակված տղաներին նվիրված ներկայացում է բեմադրել, որը կոչել է «Ախպերս ու ես»: Ներկայացմանը հրավիրել է պատերազմում զոհվածների ծնողներին: Հետագա շփումների ժամանակ դիտելով նրանց որդիների լուսանկարներն ու տեսանյութերը՝ գաղափար է առաջացել այդ տեսանյութերի իրական պատմությունները վերափոխել, ցուցադրել գեղարվեստական ֆիլմի տեսքով:
Թե ինչո՞ւ է ֆիլմն անվանել «Արյան կանչը», ռեժիսորն ասաց. «Պատմությունից, դարավոր պայքարից ու մեր պապերի թափած արյան հետքերն անջնջելի են, այդ հողը, մեր պապերի արյունը մեզ կանչում է»:
Ֆիլմում նկարահանվել են դերասաններ Ալինա Ավետիսյանը, Իվետա Եդիգարյանը, Աշոտ Վարդանյանը, Արթուր Վաթյանը եւ այլք: Տղամարդ դերասանները իրական հերոսների անուններ են կրում, իսկ կին դերասանուհիներից Իվետա Եդիգարյանը մարմնավորում է կամավոր մարտի դաշտ մեկնած հերոսի կնոջ կերպարը: Ֆիլմում Իվետան խնամում է իր ու սիրելիի երեխային՝ մինչեւ ամուսինը կվերադառնա ռազմի դաշտից:
Մեզ հետ զրույցում նա հայտնեց, որ առաջարկին միանգամից համաձայնել է՝ չնայած նրան, որ թեման շատ ցավոտ է: Դերասանուհու խոսքով՝ հեշտ համաձայնելուն նպաստել է նաեւ ռեժիսորի դերակատարությունը, քանի որ նախկինում առիթ ունեցել են միասին աշխատելու: «Շատերին ես ավելի հայտնի եմ որպես կատակերգական դերեր մարմնավորող, բայց նաեւ դրամատիկ սյուժեներով գործերում եմ հանդես եկել: Իսկ այս կերպարը շատ դժվար էր, որովհետեւ ամեն մի նրբություն պետք էր հաշվի առնել»,- ասաց նա:
Ֆիլմում կան տեսարաններ, թե ինչպես է Ապրիլյան պատերազմում որդի կորցրած մայրը փորձում աջակցել եւ սփոփել 44-օրյա պատերազմում զոհված տղաների հարազատներին: Դերասանուհի Մարգարիտա Խաչատրյանը Ապրիլյան պատերազմում զոհված հերոսի մոր կերպար է մարմնավորում: Ալինա Ավետիսյանն էլ կամավոր հերոսի մոր կերպարում է լինելու:
Ռեժիսորի խոսքով՝ չնայած ֆիլմը մեր կյանքի ցավալի իրադարձությունների արտացոլումն է, սակայն այն ցույց է տալիս նաեւ կյանքի շարունակությունը, հույսը, հարազատի կորուստ ապրած մարդկանց հզոր կամքն ու հայրենանվեր վարքը:
«Կան նաեւ նրբերանգներով արտահայտված հումորային դրվագներ, երբ զինվորները խրամատներում կատակում են ու միմյանց հետ շփվում: Կա սիրո գեղեցիկ պատմություն, սեր, որ ծնվում է հենց պատերազմի օրերին»,- ասաց ռեժիսորը: Դալլաքյանը նկատեց՝ այդ ամենի կողքին կա նաեւ շատ ծանր իրական պատմության նկարագիր, թե ինչպես են երկու եղբայր զոհվում: «Նրանցից մեկը զոհվում է սկզբում, եղբայրը փորձում է գոնե եղբոր դիակը փրկել ու տուն հասցնել, սակայն այդ ընթացքում մեջքից հրազենային վիրավորում է ստանում, ու նա էլ է զոհվում»,- հայտնեց ռեժիսորը՝ հավելելով, որ ֆիլմի ավարտից հետո ցուցադրվելու են իրական կադրեր, որոնք տրամադրել են զոհվածների ծնողները։
Նկարահանումները տեւել են հինգ ամիս, իրականացվել՝ Երեւանում եւ Արմավիրի մարզում։ Փետրվարի 10-ի պրեմիերայից հետո ֆիլմը ցուցադրվելու է նաեւ մարզերում, այնուհետեւ՝ Վրաստանում եւ Ռուսաստանում։
Ֆիլմի հիմնական նպատակն է ցույց տալ հերոս տղաների սխրագործությունները: «Ցավոք սրտի, մենք չենք տեսել, թե տղաներն այնտեղ ինչ են արել, ինչերի միջով են անցել, բայց իրենց հեռախոսազանգերի ու տեսանյութերի միջոցով որոշակի պատկերացում ենք կազմել նրանց սխրագործությունների մասին»,- եզրափակեց ռեժիսորը:
«Հայկական Ժամանակ»-ը Telegram-ում
Բացահայտվել է վառելիքի ոլորտում տնտեսվարող սուբյեկտի կողմից չստուգաչափված սարքավորումների շահագործման դեպք
Վարչապետ Նիկոլ Փաշինյանը շարունակում է սար բարձրանալու ընթացքից կարճ տեսանյութեր հրապարակել
Իրանական ռեժիմի նկատմամբ պատժամիջոցները չեն վերացվի, քանի դեռ այն չի հրաժարվել իր միջուկային ծրագրից
Նախորդ շաբաթ փրկարարներն օգնություն են ցուցաբերել 97 քաղաքացու, հայտնաբերել 51 օձ. մանրամասներ
ԵՄ-ն Հայաստանում կտեղակայի հիբրիդային uպառնալիքների դեմ պայքարին ուղղված առաքելություն․ Կայա Կալաս
Կասեցվել է «Հեքիաթային կիրճ» ճամբարի խոհանոցի արտադրական գործունեությունը. ՍԱՏՄ
Հայաստան կներթափանցեն համեմատաբար սառը օդային հոսանքներ, կլինեն տեղումներ. Սուրենյանը մանրամասնում է
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 2 հողատարածք
Մարդու իրավունքների պաշտպանի միջամտությամբ վերականգնվել է քաղաքացու անապահովության նպաստ ստանալու իրավունքը
«Ամպերի տակ». վարչապետը շարունակում է տեսանյութեր հրապարակել սար բարձրանալու ընթացքից
«Արարատցեմենտ»-ում ՊԵԿ-ը բացահայտել է առանձնապես խոշոր չափի խախտումների դեպքեր. տեսանյութ
Հերացի փողոցում բախվել են «Մերսեդես» և «Նիսսան» մակնիշի ավտոմեքենաները. մեկ հոգի տեղափոխվել է հիվանդանոց
«Սարեր». Նիկոլ Փաշինյանը տեսանյութ է հրապարակել
Պարզվել են չորացած ծառի տապալման հետևանքով մահացած մոպեդավարի և վնասված «Հոնդա»-ի վարորդի ինքնությունները
Ջրային մոտոցիկլետներ են շրջվել. ջրափրկարարները բոլոր քաղաքացիներին անվտանգ դուրս են բերել ափ
«Վերելք». Նիկոլ Փաշինյանը սար է բարձրանում. տեսանյութ
Դավիթ Խաժակյանը լքում է «Լուսավոր Հայաստան» կուսակցությունը
«Եռաբլուր»-ի մուտքի դիմաց բախվել է 3 մեքենա. կան վիրավորներ
«Գնացինք». Նիկոլ Փաշինյանը տեսանյութ է հրապարակել
Ներկայումս, երբ երկրները վառելիքի պակասի են բախվում, ՀՀ-ն ունի վառելիքի հուսալի աղբյուր. դա Ադրբեջանն է. Ալիև
Հայաստանը ինքնիշխան պետություն է, որի հետ մեզ կապում են առանձնահատուկ հարաբերություններ. Զախարովա
Երևանի և մարզերի բազմաթիվ բնակավայրերում էլեկտրամատակարարման անջատումներ կլինեն. ՀԷՑ-ից հայտնել են հասցեները
ՀՀ տարածքում ավտոճանապարհներն անցանելի են
ՏԿԵՆ-ը հայտարարում է Երևան-Եղվարդ-Արագյուղ-Հարթավան ճանապարհի վերականգնման աշխատանքների մրցույթ. մանրամասներ
Անձրև, ամպրոպ և քամու ուժգնացում. եղանակը՝ առաջիկա օրերին
Հայ-կորեական հարաբերությունները զարգացման մեծ ներուժ ունեն. ԿՀ-ում ՀՀ դեսպան
Վարդավառը՝ Երևանի կենտրոնում. լուսանկարներ
Կատարն իրեն իրավունք է վերապահում Իրանի hրթիռային հարվածներին պատասխան գործողություններ ձեռնարկել
Մոսկվայից դեպի Հայաստան ավտոբուսային երթուղի է գործարկվել
Սերը՝ միասնություն, ջուրը՝ ազատություն․ Կողբ-Վարդավառը միավորեց հազարավոր մարդկանց. լուսանկարներ
Զելենսկին հայտարարել է Ուկրաինայի վարչապետի հրաժարականի մասին
Իտալացի հանրահայտ DJ Alex Gaudino-ն՝ Հանրապետության հրապարակում. տեսանյութ
Վարդավառը՝ Հանրապետության հրապարակում. համերգային հատվածն ապահովում են հայ աստղերն ու իտալացի DJ-ը
Հանրապետության հրապարակում նշում ենք Վարդավառը. Ավինյանը տեսանյութ է հրապարակել
Արման Ծառուկյանը ջախջախել է ղազախստանցի ըմբիշին. Համիտովը ռևանշ է պահանջում
Հայաստանի պատվիրակությունն ակտիվորեն մասնակցում է HLPF 2026 թվականի աշխատանքներին
Բջնիի Սուրբ Աստվածածին եկեղեցում մասնակցեցի սուրբ և անմահ պատարագի. վարչապետ
Մ-20 ԵԱ. ըմբիշ Նարեկ Նիկողոսյանը հաղթանակ է տարել Ադրբեջանի ներկայացուցչի նկատմամբ
Վարդավառը՝ Կողբում․ ավանդական շրջայց գյուղում, գաթայի և քաղցրավենիքի հյուրասիրություն․ լուսանկարներ
Սոչիի, Կրասնոդարի և Գելենջիկի օդանավակայաններում 55 չվերթ է հետաձգվել
