Երևան
12 °C
Ֆրանսիայի նախագահ Էմանուել Մակրոնը երեկ պաշտոնական այցով Ուկրաինայում էր: Սա վերջին 24 տարիների ընթացքում Ֆրանսիայի առաջնորդի մակարդակով արված առաջին այցն էր Կիև:
Հանդիպումը, սակայն, դժվար թե հստակ բեկում բերի երկկողմ հարաբերություններում կամ էլ Ուկրաինայի շուրջ լարվածությունը թուլացնելու հարցում, սակայն, փորձագետների կարծիքով, այն խոստումնալից է անվտանգային իրավիճակի կարգավորման առումով։
Էմանուել Մակրոնը, ինչպես հայտնի է, Կիև էր մեկնել անմիջապես Մոսկվայից, որտեղ այս այցի նախօրեին բանակցություններ էր վարել իր ռուս գործընկեր Վլադիմիր Պուտինի հետ։ Այս հանդիպման արդյունքում նա ընդունել էր Ռուսաստանի Դաշնության իրական մտահոգության առկայությունն անվտանգության ոլորտում մի շարք հարցերի վերաբերյալ և հանդես եկել փոխզիջումների շուտափույթ որոնման օգտին՝ համաեվրոպական անվտանգության նոր ուղի ստեղծելու համար։ Ավելի ուշ՝ արդեն Մոսկվա կատարած այցի ավարտին, նա հայտարարել էր, որ իր նպատակն էր «էսկալացիայի դադարեցումը և նոր հնարավորությունների ստեղծումը», և այդ նպատակն իրականացվել է։
Պուտինի հետ համատեղ ասուլիսում Ֆրանսիայի ղեկավարը խոստացել էր, որ Կիևում քննարկումների ժամանակ կբարձրացնի մինսկյան պայմանավորվածությունների հարցը, որոնք, ինչպես ընդգծել է Մակրոնը, պետք է խստորեն իրականացվեն։ Մակրոնն իր ուկրաինացի գործընկերոջ հետ զրույցից հետո պատրաստվում էր հեռախոսով նոր մտքերի փոխանակում ունենալ Պուտինի հետ։
Կարծիքների համընկնում
Ըստ «Տասս»-ի՝ Մակրոնի հետ հանդիպումից հետո կայացած մամուլի ասուլիսում Ուկրաինայի առաջնորդ Վլադիմիր Զելենսկին ասել է, որ ինքը և Ֆրանսիայի նախագահը կիսում են նույն տեսակետներն Ուկրաինայի և Եվրոպայի առջև ծառացած մարտահրավերների վերաբերյալ։ «Մենք մեծապես գնահատում ենք Ֆրանսիայի աջակցությունը Դոնբասի խաղաղ կարգավորման գործընթացում: Ֆրանսիայի նախագահը և ես ընդհանուր տեսակետներ ունենք Ուկրաինայի և ամբողջ Եվրոպայի առջև ծառացած մարտահրավերների վերաբերյալ»,- ասել է նա։
Մակրոնն էլ նշել է, որ Փարիզի նպատակն է առաջիկա շաբաթներին հասնել Ուկրաինայի շուրջ իրավիճակի կայունացմանը, հայտարարել է իր հավատարմությունը Մինսկի պայմանավորվածություններին, կոչ արել պահպանել պայմանավորվածությունները, որոնք միակ հիմքն են ուկրաինական ճգնաժամի կարգավորման համար՝ ընդգծելով, որ և՛ Փարիզը, և՛ Բեռլինը՝ որպես «Մինսկ-2»-ի երաշխավորներ, պատրաստ են շարունակել միջնորդի դեր կատարել։ Նա նշել է, որ Ուկրաինայի նախագահը հաստատել է իրեն՝ «հրադադարը հարգելու հանձնառությունը»։
Միևնույն ժամանակ, Կիևում, ինչպես ասել է Զելենսկին, ակնկալում են բանակցություններ «նորմանդական ձևաչափով» պետությունների ղեկավարների (Գերմանիա, Ռուսաստան, Ուկրաինա և Ֆրանսիա) մակարդակով, ինչպես նաև ակնկալում են քաղաքական պատվիրակների հանդիպում, որը կարող է տեղի ունենալ փետրվարի 10-ին։
Ասուլիսի մեծ մասն այս կամ այն կերպ շոշափում էր Մակրոնի ու Պուտինի հանդիպմանն արված հայտարարությունները։ Մասնավորապես՝ լրագրողները շատ էին ուզում իմանալ Զելենսկու արձագանքը մինսկյան պայմանավորվածությունների մասին ՌԴ առաջնորդի խոսքերին և Կիևի կողմից դրանք իրականացնելու անհրաժեշտությանը.
Զելենսկին պատասխանել է, որ «Ուկրաինան շատ համբերատար է», և դա, նրա կարծիքով, հաստատվում է նրանով, որ երկիրը «չի պատասխանում սադրանքներին»։
Ֆինանսական օգնությունը հաստատվեց
BBC-ի փոխանցմամբ՝ Մակրոնը հայտարարել է Ուկրաինայի համար նախատեսված 1,2 միլիարդ եվրոյի աջակցության մասին, սակայն դա անվանել է ոչ թե մակրոֆինանսական օգնություն, այլ ֆրանսիական ընկերությունների՝ ուկրաինական նախագծերի ֆինանսավորման պետական երաշխիքներ։ Սրա շուրջ համաձայնություն էր ձեռք բերվել դեռ մայիսին, իսկ հիմա, երբ Մակրոնն անձամբ եկել էր Կիև, ստորագրվեց 1,2 միլիարդ եվրոյի երկու պայմանագիր։
Մանրամասնելով Զելենսկին ասել է, որ Կիևն ու Փարիզը պայմանավորվել են Ուկրաինային մատակարարել 900 միլիոն եվրո արժողությամբ լոկոմոտիվներ (երկաթուղային շինարարության համար) և 300 միլիոն եվրո արժողությամբ հրշեջ տեխնիկա։
Բացի այդ, ներկայումս իրականացվում է Ուկրաինայի սահմանային ծառայության համար պարեկային նավերի կառուցման համատեղ նախագիծ։ Զելենսկու խոսքով՝ «Ուկրօբորոնպրոմը» Ֆրանսիայի հետ համատեղ հայտարարություն է ստորագրել Ուկրաինայի ռազմարդյունաբերական համալիրի բարեփոխման վերաբերյալ, նաև ֆրանսիացի մասնագետները Ուկրաինյում ռազմական գործի դասընթացներ կունենան:
Քննարկումները տեղափոխվում են նոր մակարդակ
Ֆրանսիայի նախագահի այցերը Մոսկվա և Կիև շատ փորձագետների կողմից քաղաքական սրված իրավիճակի համատեքստում խոստումնալից են ընկալվել։ Եթե անգամ այցը շոշափելի ու միանգամից արդյունքներ չգրանցի, Ֆրանսիայի նախագահի՝ Ռուսաստանի և Ուկրաինայի մայրաքաղաքներ կատարած այցի փաստն ինքնին խորհրդանշական նշանակություն ունի, քանի որ նա միակ ու առաջին առաջնորդն էր, որը հեռակա սպառնալիքների ու նախազգուշացումների փոխարեն գերադասեց իրավիճակը տեսնել ներսից ու միանգամից նայել «մեդալի երկու կողմերն» էլ:
Financial Times թերթը, հղում անելով ֆրանսիական աղբյուրներին, նշում է, որ այցն արդյունավետ է, քանի որ Մոսկվան պարտավորվել է չսկսել ռազմական գործողություններ և քայլեր չձեռնարկել, որոնք կարող են հանգեցնել հակամարտության սրման և խոստացել համատեղ զորավարժություններից հետո դուրս բերել ռուսական զորքերը Բելառուսից։
Կարելի էր FT-ի հոդվածը ինֆորմացիոն արտահոսք որակել, եթե Կրեմլում այն մեծ արագությամբ չհերքվեր։ Պուտինի մամուլի քարտուղար Դմիտրի Պեսկովը նշել է, որ զորավարժություններից հետո Բելառուսում ռուսական զորքերի մնալու մասին խոսք չի եղել։
«Financial Times»-ը, իհարկե, ըստ էության, սխալ է գրել: Մոսկվան և Փարիզը չեն կարողացել որևէ պայմանավորվածություն կնքել, դա ուղղակի անհնար է»,- ասել է Պեսկովը լրագրողներին:
Ելիսեյան պալատը ավելի ուշ, սակայն, հայտարարություն է տարածել, որը նաև անդրադարձել է Բելառուսից ռուսական զորքերի դուրսբերմանը, եվրոպական անվտանգության վերաբերյալ կառուցվածքային երկխոսություն վարելու համաձայնությանը և նորմանդական ձևաչափի (Գերմանիա, Ռուսաստան, Ուկրաինա և Ֆրանսիա) մակարդակով հանդիպմանը:
Բուն Ֆրանսիայում այցերը նույնպես դրական են գնահատվել։ Ներքին գործերի նախարար Ջերալդ Դարմանինը մասնավորապես ասել է, որ Մոսկվա կատարած այցը «նպաստել է Ռուսաստանի նախագահի հետ երկխոսության հաստատմանը»։ «Բացառիկ կարևոր իրադարձություն է տեղի ունեցել. Հանրապետության նախագահը Ֆրանսիան վերադարձրել է համաշխարհային պատմության կենտրոն»,- ասել է նա։
Ուկրաինա կատարած այցից հետո Մակրոնը մեկնել է Գերմանիա՝ Նորմանդական քառյակի մեկ այլ երկիր։ Այնտեղ Գերմանիայի կանցլեր Օլաֆ Շոլցի և Լեհաստանի նախագահ Անջեյ Դուդայի հետ հանդիպմանը քննարկվել են նաև Մոսկվայում և Կիևում նրա բանակցությունների արդյունքները։
Հիշեցնենք՝ վերջին ամիսներին Ռուսաստանի և Արևմուտքի հարաբերություններն է՛լ ավելի են սրվել։ Վաշինգտոնն ու Բրյուսելը Մոսկվային մեղադրում են Ուկրաինա «ներխուժում» նախապատրաստելու համար և այս ֆոնին ուժեղացնում իրենց ներկայությունը Արևելյան Եվրոպայում։
Ռուսաստանում մերժում են բոլոր պնդումները և հիշեցնում, որ Կիևը չի կատարում մինսկյան պայմանավորվածությունները. ուկրաինական իշխանությունները բանակի անձնակազմի կեսը կենտրոնացրել են շփման գծի մոտ և արգելված զենքերից կրակում են աշխարհազորայինների վրա։
«Հայկական Ժամանակ»-ը Telegram-ում
Դավիթ Խուդաթյանը հանդիպել է Թուրքիայի տրանսպորտի ու ենթակառուցվածքների նախարարի հետ․ ինչ է քննարկվել
Ճանապարհաշինական նոր էջ է բացվում Գյումրիում․ վարչապետի հանձնարարականի պատշաճ կատարումը առաջնահերթություն է
Ալեն Սիմոնյանը հրապարակել է պատգամավորի երդման առաջարկվող նոր տեքստը․ այն շուտով կդրվի քվեարկության
Օդի ջերմաստիճանը կնվազի 4-5, այնուհետև կբարձրանա 2-3 աստիճանով․ առանձին շրջաններում հորդառատ տեղումներ կլինեն
Շիրակի մարզպետն ու Ճանապարհային դեպարտամենտի տնօրենը շրջայցով եղել են Գյումրու Շիրակացի փողոցում
Ուրսուլա ֆոն դեր Լայենը պլանավորում է այցելել Հայաստան. Politico
Իջևան համայնքի սեփականության իրավունքն է վերականգնվել 2,4 մլն դրամ արժեքով հերթական հողամասի նկատմամբ
Սաղաթելյանի հայտարարագրի գույքը եղել է առգրավման ենթակա. նրա կնոջ մեքենաներում հայտնաբերվել են զարդեր և փողեր
Յունիբանկը և Unisport ակումբը մասնակցել են «Tricolor» Yerevan Beat Run վազքին
Վերջին 3 ամսում ՀԷՑ-ի վթարային անջատումների միջին տևողության ցուցանիշը բարելավվել է շուրջ 36,7%-ով. Պետրոսյան
Հաստատվել է Առողջության համընդհանուր ապահովագրության հիմնադրամի հոգաբարձուների խորհրդի կազմը
BSTDB-ն և IDBank-ը ստորագրել են 10 մլն եվրոյի ֆինանսավորման փաթեթ՝ ՀՀ-ում ՓՄՁ-ներին և առևտրին աջակցելու համար
ՊՆ-ն հայտարարում է լսումներ և դիտումներ՝ ԶՈՒ-ն երաժիշտ և պարող մասնագետ զորակոչիկներով համալրելու նպատակով
Մեր սուր ելույթին պետք է սուր ելույթով պատասխանել. Գրիգորյանը՝ քաղաքապետարանում ծեծկռտուքի մասին
Ռուս-հայկական համալսարանը փոխել է պաշտոնական անվանումը
Կաշիներդ քերթվելու է, բոլորինդ՝ բոլոր ընտրակաշառք բաժանողներինը. չեք պատկերացնում՝ ինչ է սպասվում. Ավինյան
300 հազար ադրբեջանցու թեզի տակից դուրս չեք գալու, քաղաքական պատասխանատվության ճանապարհ եք անցնելու. Սիմոնյան
Բագրատունյաց 16 հասցեում վերաբացվեց Ucom-ի Վաճառքի և սպասարկման կենտրոնը
Ազնիվ տարբերակով չեն կարողանում ասել, որ վազելով գալու են խորհրդարան, հիմա փորձում են դա փաթեթավորել կեղծիքով
Երևանի Արզումանյան փողոցի չորրորդ կարգի վթարային 2 շենքի փոխարեն նոր բազմահարկ շենքեր կկառուցվեն. Ավինյան
Յուրայիններին կհավատացնեն, թե թեժ պայքար են տանում հայրենիքի համար, ՀՀ տեղափոխվող կոկորդիլոսների դեմ. Չախոյան
Բաքվում պահվող հայ գերիների բանտարկության 1000-րդ օրվա կապակցությամբ ԱՄՆ Կոնգրեսում ասուլիս կկայանա
Հունիսի 28-ին Երևանի կենտրոնական մի շարք փողոցներում ժամանակավորապես կսահմանափակվի երթևեկությունը
Ստեղծվել է կարկտահարությունների դեպքերի ուսումնասիրման աշխատանքային խումբ
Իրավապահները առգրավել են Իշխան Սաղաթելյանի զարդերը, գումար. նա ԴԱՀԿ պարտավորությունները չի կատարել
Վառելիք տեղափոխող բեռնատարը Դալարիկի մոտ բախվել է գնացքին. կա տուժած
Ժաննա Անդրեասյանը հետևել է «Հայոց լեզու և հայ գրականություն» առարկայի միասնական քննության ընթացքին
Աշխարհի առաջատար համալսարանների փիլիսոփայության դեպարտամենտների պրոֆեսորները Երևանում են. Աննա Հակոբյան
Հուլիսի 1-ից որոշ ապրանքների ներմուծման համար մաքսային մարմնին պետք է ներկայացվի համապատասխանության փաստաթուղթ
Նիկոլ Փաշինյանի Մոսկվա այցի վերաբերյալ դեռևս կոնկրետություն չկա. Ուշակով
«Արան դու ես, դավայ ստուց». վիճաբանություն ու ծեծկռտուք Երևանի ավագանու նիստի ժամանակ
Վարչապետի որոշմամբ՝ նշանակվել է Լոռու փոխմարզպետ
Փամբակում վարժանքների ժամանակ զինծառայող է վիրավորում ստացել
Ամիրյան փողոցն այսուհետև կրելու է Պապ թագավորի անունը
Ադրբեջանի տարածքով ռուսական պարարտանյութ կուղարկվի Հայաստան
Կատարվում են գործողություններ. ՔԿ-ն՝ Իշխան Սաղաթելյանի տան խուզարկության մասին
Իրավապահները մտել են Իշխան Սաղաթելյանի տուն
Սևանա լճի մակարդակը կրկին բարձրացել է՝ արդեն գերազանցելով նախորդ տարվա նույն օրվա ցուցանիշը
Արմավիրի մարզի քրեական և համայնքային ոստիկանները թմրամիջոց պահելու, օգտագործելու դեպքեր են բացահայտել
Արմավիրի մարզի Ակնաշեն բնակավայրի համայնքային փոքր տունը կառուցված է. վարչապետ
