Գյումրիում Սուրբ Զատկի տոնին կանցկացվի հավկիթակռիվ, հաղթողը կշահի Երուսաղեմի ուղեգիր. վիճաբանություն ավագանու նիստում

Գյումրու ավագանու այսօրվա արտահերթ նիստի օրակարգային հարցերից մեկը վերաբերում էր Սուրբ Զատկի տոնը ժողովրդական տոնախմբության վերածելուն:

Համայնքապետարանի Մշակույթի և երիտասարդության հարցերի բաժնի պետ Լիլիթ Թովմասյանը հարցը զեկուցելիս նշեց՝ ազգայինի պահպանման և ազգային տոների իրականացման, դրանք հնարավորինս ընդլայնելու և ժողովրդական ոգին բարձրացնելու առաջնահերթություն ունեն իրենց առջև դրված: Սրանից ելնելով էլ՝ առաջարկում են ապրիլի 17-ին Գյումրու կենտրոնական հրապարակում կազմակերպել մեծ հավկիթախաղ՝ տոնի ժողովրդական ընկալման բոլոր բաղադրիչները պահպանելով՝ զուգակցված տոնածիսական խաղերով, ժողովրդական երգ ու պարով, հոգևոր բոլոր բաղադրիչներով:

Քաղաքապետարանն այս տարի Սուրբ Հարության տոնին որոշել է ներկայանալ ինքնատիպ: Ժամը 13:00-ին՝ Սուրբ Պատարագից հետո, հրապարակում համաժողովրդական հավկիթախաղ է կազմակերպելու՝ 2 մլն 300 հզր դրամի շրջանակներում: Հավկիթաղախում հաղթողը կստանա Երուսաղեմի ուղևորության տոմսեր:

Ըստ Մշակույթի և երիտասարդության հարցերի բաժնի պետի՝ միջոցառման հաղորդավարին ներկայացվող հատուկ պահանջներ ունեն:

«Այս պահին ընտրությունը կանգ է առել, կամ մեր մտապատկերում այնպիսի մեկն է, որն ունի բացօթյա, մասշտաբային միջոցառումներ վարելու փորձ և, ամենակարևորը,  խաղարկություններ վարելու: Որովհետև սա բեմական միջոցառում չէ, և հազարավոր մարդկանց կառավարելու վարպետությունը մեզ համար շատ կարևոր է»,- ասաց Լիլիթ Թովմասյանը:

Հարցի քննարկումը մինչ քվեարկություն, սակայն, հարթ չընթացավ: Գյումրու ավագանու «Քաղաքացիական պայմանագիր» խմբակցության ղեկավար Քնարիկ Հարությունյանը խնդրեց հստակեցնել՝ ինչո՞ւ է այս հարցը արտահերթ նիստում քննարկվում, երբ Զատկի օրը ոչ թե նոր հայտնի դարձավ, այլ վաղուց էր պարզ, որ այն ապրիլի 17-ին է նշվելու: Եվ ինչո՞ւ են Երևանից հրավիրվում հաղորդավարն ու մշակութային մասն ապահովողներին, երբ կարելի էր տեղի ներուժն օգտագործել:

«Քանի որ մենք ուղիղ եթերում ենք, չեմ ուզենա հարցն անձնական դաշտ տանել ու որոշ որակումներից կխուսափեմ՝ էթիկայի նորմերից ելնելով: Բայց ես հասկանում եմ, թե ինչու է ընտրությունը կատարվել կոնկրետ մարդու համար, և ինչու է ընտրվել կոնկրետ մարդը»,- նկատեց ավագանու ՔՊ խմբակցության ղեկավարը:

Համայնքապետարանի պատասխանատուն էլ ուղղեց՝ նման ընտրություն արված չէ, դիտարկվում են տարբերակներ:

Քնարիկ Հարություննյանին արձագանքեց համայնքապետ Վարդգես Սամսոնյանը: Նա ասաց՝ հնարավոր է՝ լինի արմատներով գյումրեցի, որն աշխատում է Երևանում:

Թովմասյանն իր հերթին մանրամասնեց՝ գիտեին, թե Զատիկը երբ է նշվելու, և համապատասխան տողով բյուջեում հատկացում արված է, իհարկե, սովորական, ավանդական միջոցառում անցկացնելու համար, այնպես, ինչպես ամեն տարի է եղել: Իսկ համաժողովրդական տոնախմբության գաղափարը նոր է ծագել:

«Այս առաջարկն այն մասին է, որ ունենք հնարավորություններ, երկրի խաղաղ իրավիճակը թույլ է տալիս, հուսանք՝ մինչ այդ էլ թույլ կտա: Օրենք չենք խախտում, չենք հակասում որևէ ընթացակարգի: Եթե ավագանին գալիս է համաձայնության, կանցկացնենք, եթե չի քվեարկվում, տոնը զուտ սիմվոլիկ ձևով կանցկացվի՝ այնպես, ինչպես միշտ անցկացվել է: Իսկ ընդհանուր առմամբ ցանկացած առաջարկի այլընտրանքը միշտ էլ կա»,- ասաց Թովմասյանը:

Վիճաբանության ընթացքում Քնարիկ Հարությունյանը նշեց՝ այս հարցն առանց համապատասխան հանձնաժողովի առկայության լուրջ բացթողում է, քանի որ ներկայացվող նախագիծը որոշակիորեն լրամշակելու կամ փոփոխությունների ենթարկելու հնարավորություն չունեն: Նաև հստակ չէ, թե պատվիրակված ծառայությունները, որոնց համար վճարվելու է համայնքի բյուջեից, ո՞ւմ և ինչի՞ դիմաց են տալու: Ավագանուն ներկայացված փաստաթղթում առկա գումարների չափերի հետ «Քաղաքացիական պայմանագիր»-ը համաձայն չէր:

Պատասխանատուն էլ ասաց, որ փաստաթղթում գումարի չափերը նշված են, սակայն այս պահին որևէ ընկերություն և կազմակերպություն ընտրված չէ: Լիլիթ Թովմասյանը նաև ասաց՝ քանի դեռ չունեն ավագանու որոշումը, չեն բանակցել որևէ մեկի հետ, հիմնվել են մինչ այս առկա փորձի վրա: Եթե կլինեն առաջարկներ, որևէ մեկը դրանք քննարկելուն դեմ չի լինի:

Ընթացքում թեժացող վիճաբանությամբ էլ հարցը դրվեց քվեարկության: Տարբեր խմբակցություններ հայտնեցին, որ աջակցում են նախաձեռնությանը, եթե այն իսկապես յուրօրինակ է անցկացվելու:

«Քաղաքացիական պայմանագիր»-ը, սակայն, հարցին դեմ քվեարկեց՝ հստակ ընդգծումով՝ դեմ են ոչ թե Սուրբ Զատկի տոնակատարության անցկացմանը, այլ այդ տոնի կազմակերպչական անհստակություններին: Մասնավորապես, ըստ ՔՊ-ի, ոչինչ չի ասում հետևյալ հաշվարկը. բեմի տեղադրում, մոնտաժ-ապամոնտաժ՝ 400.000 դրամ, ձայնային տեխնիկայի համար հաշվարկված 700.000 դրամը, համերգային ծրագիրը՝ 700.000 դրամ, հաղորդավարին վճարվելիք գումարի չափը՝ 100.000 դրամ: Նախատեսվում է նաև գովազդային արշավ, դիզայն, վիդեոտեսանյութեր՝ 400.000 դրամի շրջանակներում: Ընդհանուր գումարի չափը 2 մլն 300 հզր դրամ:

Ի դեպ, քվեարկության ժամանակ ՔՊ-ն 9 դեմ, 1 ձեռնպահ ձայներ ուներ: Համայնքապետը, երբ պահանջեց նշել ձեռնպահի անունը, խմբակցությունն արձանագրեց 10 դեմ արդյունք:

«Հայկական Ժամանակ»-ը Telegram-ում
Տպել
1940 դիտում

Կաթողիկոսը ի՞նչ պետք է անի, որ չհեռանա. կուսակցություն բացի, երեխաներ ունենա, թոռներ մեծացնի. Սիմոնյան

Վարչապետի գլխավորությամբ քննարկվել են կարկտապաշտպան ցանցերի և ապահովագրության գործիքների կիրառման աշխատանքները

ԵՄ անդամ երկրների կողմից ՀՀ քաղաքացիներին տրվող վիզաների գործընթացն իսկապես մտահոգիչ է. ԱԳ նախարար

Մենք և ԱՄՆ վարչակազմը համարում ենք՝ պատմական հնարավորություն կա Հվ․ Կովկասում ունենալու խաղաղություն․ նախարար

Վերականգնվել է պետությանը պատճառված վնասից 205 մլն դրամը

Սոցիալական հարթակներում ձայնը նմանակելով գումար են խնդրում. ՆԳՆ-ն զգուշացնում է նոր խարդախության մասին

Չունենալով Թուրքիայի հետ դիվանագիտական հարաբերություններ՝ ունենք ակտիվ երկխոսություն. Միրզոյան

Եկեղեցականների ձեռքը համբուրում են, այդ ձեռքը դրանից առաջ որտե՞ղ էր, արժե՞ր համբուրել, թե՞ չէ. Սիմոնյան

Երբեք հայ մարդն այնքան շատ իրավունքներ չի ունեցել, որքան այսօր, այնքան ազատ չի եղել, որքան այսօր. Կոնջորյան

Ստուգվում են շուկայում առկա պաղպաղակները. որոշներում եղել են աղիքային ցուպիկներ, մանրէներ. հայտնի է 2 արդյունք

Պտղնի համայնքի նախկին ղեկավարն ու ևս 3 անձ ձերբակալվել են. մեղադրանքը հայտնի է

Տեղի է ունեցել Նիկոլ Փաշինյանի և Ռեջեփ Թայիփ Էրդողանի հեռախոսազրույցը

Կալաձեն 3-րդ անգամ կառաջադրվի Թբիլիսիի քաղաքապետի պաշտոնում

Մոռացել են, որ Աստծո ծառա են, գիտեն՝ գողական են, հարց լուծող քավոր, բիզնեսմեն. Սիմոնյանը՝ հոգևորականների մասին

Վերականգնվել է 2 տնտեսվարողի կողմից պետությանը պատճառված ավելի քան 5 մլրդ դրամի վնասը

«Դոմփել» բառը հայհոյանք չէ, հայհոյանքը սեռական բնույթի բառեր արտաբերելն է. Ալեն Սիմոնյան

Եկեղեցին ժողովուրդն է, հիերարխիկ վերնախավը չէ, և քննարկումները չեն կարող հարված հասցնել եկեղեցուն. Սինանյան

Ադրբեջանի և Իրանի նախագահները քննարկել են փոխադարձ չվերթերի վերաբերյալ հարցեր

Ապագայի մասնագետների կողքին՝ որպես վստահելի գործատու

Ընկերություններից մեկը Հայաստանին շուրջ 30 մլն դրամի ավիացիոն տեխնիկա կնվիրի. որոշման նախագիծն ընդունվել է

Ապօրինի ծագում ունեցող գույքի բռնագանձման 152 հայցով շուրջ 600 մլն դրամի պահանջ է ներկայացված. դատախազ

Պետական և համայնքային շահերի պաշտպանության շրջանակում ինչ անշարժ գույքեր են վերադարձվել պետությանը

«Մանկան» խանութից գնված խաղալիքների բացահայտումն անելուց հետո նոր սենսացիոն բացահայտում են արել. Ալեն Սիմոնյան

Ասել եմ՝ ոչ մի մուկ չի պլստալու, արդեն չի պլստում, դրանից էլ երկիրը անկանոն շարժումներով է լցվել․ վարչապետ

Սա է փայլուն արտաքին քաղաքականության արտացոլումը. Ազարյանը՝ Օսկանյանի ընտանիքին պատկանած մանկապարտեզի մասին

Որտեղ ելույթ ունենամ, անունը հնչի, ասելու եմ՝ Ռոբերտ Քոչարյանը կաշառակեր է․ վարչապետ

Մեկը կարո՞ղ է բացատրել՝ Վարդան Օսկանյանն ու իր կինն ինչ կապ ունեն, որ Դիլիջանում մանկապարտեզ վերցնեն․ վարչապետ

Հայաստանում մեկնարկում են Վրաստանի մշակույթի օրերը. ինչ միջոցառումներ են նախատեսված

Այգեպար գյուղի գետում «ՈՒԱԶ» է արգելափակվել

Կամավորական մշակույթի զարգացումը՝ առաջնային․ հերթական հենակետը բացվել է Մեղրաձորում. տեսանյութ

«ՔոնթուրԳլոբալ Հիդրո Կասկադ» ՓԲ ընկերությունը գնանշման հարցում է հայտարարում

Թրամփն արգելել է 12 երկրի քաղաքացիների մուտքն ԱՄՆ. ովքեր կարող են ունենալ բացառություններ

Էլեկտրական ծխախոտի խանութ-սրահի մասնաճյուղերից առանձնապես խոշոր չափերով գողություն կատարած անձը կալանավորվել է

Դոլարն էժանացել է. ինչ փոփոխություններ է արձանագրել տարադրամի շուկան հունիսի 5-ին

«Մայր Հայաստան» ռազմական պատմության թանգարանը կդառնա «Հայաստանի պատմության թանգարանի» մասնաճյուղ

Վաճառե՞լ եմ Ղարաբաղը, մեր ինքնությունը թրքացնելու հանձնարարությո՞ւն ունեմ. վարչապետը հանդիպման է հրավիրում

Աշտարակի մայրուղին խցանված է. ավտոմեքենա է այրվում

ԱՄՆ-ն վետո է դրել Գազայում հրադադարի շուրջ ՄԱԿ-ի Անվտանգության խորհրդի բանաձևի վրա

Տարածքային պահանջ՝ միանգամից 6 պետության. այսպես են սովորեցնում միջազգային հարաբերություններ կառուցել. Եղոյան

Ամառային զորակոչի ընթացքում քաղաքացիների իրավունքների հետ կապված հարցերը գտնվում են ՄԻՊ-ի ուշադրության ներքո