Ընդդիմությունը վախենում է իշխանությունից, դրա համար էլ վարչապետին հարց չի կարողանում տալ. Գևորգ Գորգիսյան

ՀՀ 7 գումարման Ազգային ժողովի պատգամավոր, «Լուսավոր Հայաստան» կուսակցության անդամ Գևորգ Գորգիսյանի կարծիքով՝ ներկա խորհրդարանական ընդդիմությունն այնքան է սրել հռետորաբանությունն ու իրավիճակը, որ այժմ չեն կարող այս ամենին վերջ տալ ու կրկին գնալ խորհրդարան: Վերջինս շեշտում է՝ փողոց դուրս գալով՝ ընդդիմադիր ուժերը գնացին վա բանկ:

«Մի քանի հազար մարդով մի օր մի տեղ են, մեկ օր՝ այլ, սակայն իրենց շարքերը օրեցօր մաղվելու են: Քաղաքացիների զանգված կա, որը դժգոհ է իշխանություններից, ցանկանում է պայքարել, բայց այդ մարդկանց էլ են հիասթափեցնելու ու խաբելու: Իշխանությունն էլ նախկին իշխանությունների նման է իրեն պահում. թողնում է շարժումն ինքն իր հունով գնա ու մարի: Իսկ փողոցի առաջնորդների համար օդ ու ջրի նման պետք է, որ իրենց նկատմամբ բռնություն կիրառեն, հետո էլ արդարանան, թե ինչու դադարեցրին ակցիաները»,- ասում է նախկին պատգամավորը:

Գորգիսյանը նկատում է՝ այն մարդիկ, որոնք պետք է բանտերում լինեին՝ գործած զանազան հանցանքների համար, սակայն այժմ փողոցում են:

«Այո, մեր երկիրը ժողովրդավար է, բայց հիմա անարխիա է տիրում: Չի կարող մարդը լինել հանցագործ, բայց հետո պլստալ արդարադատությունից: Եթե այդպես լինի ժողովրդավարությունը, չի աշխատի: Այո՛, պետք է լինի ժողովրդավարություն, այո՛, մարդիկ պետք է իրավունք ունենան՝ իրենց բողոքը ներկայացնելու, այո՛, մարդիկ պետք է իրավունք ունենան դատարանում պաշտպանվել, բայց եթե պետությունը չի կարող իր շահերը պաշտպանել ու պատժել հանցագործներին, ժողովրդավարությունը դառնալու է ամենաթողություն: Անպատժելիության մթնոլորտն ամենավատ բանն է, որ կարող է լինել, դրա հաջորդ փուլը դիկտատուրան է լինելու: Մեկը փողոցում ինչ-որ մեկին «գլխից խփելու է» և ասի՝ ես եմ երկրի ղեկավարը»,- կարծում է քաղաքական գործիչը:

Ըստ նրա՝ ընդդիմադիրների շարժումը թափ չի հավաքում, քանի որ դրա առաջնորդները անլուրջ են ընկալվում. «Օրինակ՝ այն, որ Իշխան Սաղաթելյանը հայտարարում է՝ եթե գան իշխանության, թալանը հետ են բերելու: Ո՞ւմ թալանածն են հետ բերելու, իրենց թիմակից Ռոբերտ Քոչարյանի՞»:

Դիտարկմանը՝ գուցե գործող իշխանությանն է նկատի ունեցել Սաղաթելյանը, Գորգիսյանը երկմտում է՝ միգուցե:

«Չեմ կարող ասել, բայց փաստ է՝ թալանչիները դատված չեն: Քանի դեռ մարդը թալանում է պետությունը ու մնում անպատիժ, էլի թալանելու են: Մարդը բանակը թալանում է, Վահագնի թաղամասում տուն է գնում, բայց այժմ նորմալ, իր համար կյանքն է վայելում: Մյուսն էլ թալանել է մեկ ամբողջ մարզ, բայց այսօր ցույցերին է մասնակցում: Այս ամենը դարձել է նորմալ երևույթ: Դրա համար էլ ինչ ուզում, անում են, իշխանություններին էլ թալանի մեջ են մեղադրում»,- ասում է ԼՀԿ անդամը:

Նրա կարծիքով՝ խորհրդարանական ընդդիմությունն այնքան է իրեն գովազդել սեփական ԶԼՄ-ներով, որ այլ՝ ավելի հասուն, պետականամետ ուժերի համար դաշտում տեղ չի մնացել:

«Եթե իրենք իսկապես մտածեին երկրի մասին, եթե իրոք մտածեին, թե Նիկոլ Փաշինյանը վատ վարչապետ է, չէին մասնակցի նախորդ ընտրություններին, կթողնեին՝ դաշտը մաքրվեր, ԱԺ-ում լիներ 7-8 քաղաքական ուժ, կազմվեր կոալիցիոն քաղաքական ուժ, որը իշխանությանը կփոխզսպեր, և ամեն բան կդառնար լեգիտիմ: Ամենամեծ խնդիրը այժմ այն է, որ ընդդիմությունը լեգիտիմ չէ: Այդ պատճառով էլ կրկին չեն ցանկանա գնալ ընտրությունների, քանի որ գիտեն, որ այս անգամ չեն անցնելու, վերջին ընտրություններին ժամանակ էլ փող բաժանելով՝ հասան խորհրդարան»,- կարծում է զրուցակիցը:

Հարցադրմանը՝ իսկ իշխանությունները լեգիտի՞մ են, Գորգիսյանն ընդգծում է՝ իշխանությանն ընտրել են, իսկ արդյունքները որևէ քաղաքական ուժ չի բողոքարկել:

«Բոլորը հաշվի են նստել այս ընտրությունների հետ, նույն այդ ընդդիմությունն էլ է հաշվի նստել: Դիմեցին Սահմանադրական դատարան, ձևական բողոքարկեցին, բայց հետո խելոք  մանդատները վերցրին, դարձան հանձնաժողովների նախագահ, ԱԺ փոխնախագահ, գնում են գործուղումների, ստանում պարգևավճարներ: Հիմա էլ չեն կարողանում կանգնել վարչապետի առջև ու ասել՝ դուք սխալ եք անում: Որովհետև յուրաքանչյուր այդպիսի արտահայտությունից հետո վարչապետը պատասխանում է և ասում՝ ես այս բաները սխալ եմ արել, որովհետև դուք էլ այ սրանք եք սխալ արել: Մի բան են ուզում վարչապետին ասել, հետո հիշում են, որ թալանած գումարներ ունեն, սուսուփուս թողնում, դուրս են գալիս ԱԺ դահլիճից: Ընդդիմությունը վախենում է իշխանություններից, իսկ վախենալով չեն կարող փոխզսպել իշխանությանը»,- ասում է Գորգիսյանը:

Վերջինիս կարծիքով՝ այժմ ՀՀ-ում չկա քաղաքական ճգնաժամ, և, ըստ այդմ, չկա նոր ընտրություններ անցկացնելու անհրաժեշտություն:

Խոսելով ընդդիմադիր ուժերի միասնական լինել-չլինելու մասին՝ նախկին պատգամավորը նկատում է՝ խորհրդարանական ընդդիմության շարքերում կան տարբեր խմբավորումներ:

«Այստեղ կա դաշնակցություն՝ Ռոբերտ Քոչարյանի գլխավորությամբ, ՀՀԿ-ն՝ Սերժ Սարգսյանի գլխավորությամբ, և Արթուր Վանեցյանը՝ իր թիկնազորով: Եվ մի քանի քաղաքական ուժ, որոնք միշտ ցանկանում են երևալ: Իրենք երկար չեն գնալու, մեկ պարզ պատճառով՝ չունեն հանրային աջակցություն, որն ամենակարևորն է: Արդեն երկու անգամ մերժվել են, պատերազմից հետո էլ Նիկոլ Փաշինյանը մնաց երկրի ղեկավար, դրանից էլ դաս չքաղեցին»,- ասում է Գորգիսյանը՝ հավելելով՝ խորհրդարանական ընդդիմությունն իր ռեսուրսներով պղծում է քաղաքական դաշտը:

Անյուտա Աթանեսյան

Տպել
1592 դիտում

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը

Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Արտակ Ջումայանը հանդիպել է Վիենի քաղաքապետի հետ, եղել Լիոնի հիվանդանոցում

Վիեննայում կողմերը կրկին ընդգծել են պայմանավորվածությունը՝ շարունակելու կարգավորման գործընթացն առանց նախապայմանների

Դեսպան Տիգրան Մկրտչյանն ու Հունաստանի ՄԻՊ-ը անդրադարձել են Հունաստանում բնակվող ՀՀ քաղաքացիների իրավունքներին

ՄԱԿ-ում ՏԿԵ փոխնախարարը ներկայացրել է Հայաստանի ճանապարհային անվտանգության ոլորտում առկա մարտահրավերները

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Տնտեսվարողներին տրամադրվող օժանդակության ժամկետը կերկարաձգվի

Վարչապետն ընդունել է Գերմանիայի տնտեսական համագործակցության և զարգացման դաշնային նախարարին

Շիրակի մարզում փրկարարները մարել են պատշգամբում բռնկված հրդեհը

Պետք է բոլորս Արթուր Վանեցյանից հետո հրաժարվեինք պատգամավորական մանդատից. Թագուհի Թովմասյանը պաշտոնից հրաժարական չի տա

Ազգային ժողովը պարզաբանել է, թե ինչու է հանվել ԱԺ շենքի ՀՀ պետական զինանշանը

Սյունիքում ազատել են ցանկապատի մեջ արգելափակված արջի քոթոթին

Դոլարն ու եվրոն երկար անկումից հետո աճել են. ՀՀ կենտրոնական բանկը հրապարակել է նոր փոխարժեքներ

Ընտրել ենք ժողովրդավարության ուղեգիծը, ինչը բացառում է իրավական արկածախնդրությունը. Արթուր Դավթյան

Մեկնարկել է Հայաստանի և Թուրքիայի հատուկ ներկայացուցիչների հանդիպումը

Գագիկ Ջհանգիրյանը հրաժարական է տվել ԲԴԽ անդամի պաշտոնից

Ամփոփվել է «Դասարան+Դասական» թատերական կրթական ծրագրի հերթական փուլը

Իրազեկման այց զորակոչային և զորահավաքային համալրման ծառայության տարածքային ստորաբաժանում

Հայկ Մամիջանյանը, Թադևոս Ավետիսյանը և Արթուր Խաչատրյանը ԱԺ հանձնաժողովների փոխնախագահի պաշտոններից հրաժարվել են

ՇՄ նախարարը մասնակցել է «Ջանքերի միավորում՝ հանուն Սևանա լճի էկոհամակարգի պահպանման» միջազգային համաժողովին

Անձը ոչ սթափ վիճակում կոտրել է ԵՊՀ ֆակուլտետներից մեկի մուտքի դռան և մոտակայքում տեղադրված սուրճի ապարատի ապակիները

Մեկնարկում է անկանխիկ գործարքների դեպքում կենսաթոշակի և նպաստի 10% հետվճարի ծրագիրը

Կեսօրից հետո առանձին շրջաններում կդիտվի կարճատև անձրև. ինչ եղանակ է սպասվում առաջիկայում

Արցախում նշվում է Քննչական կոմիտեի ծառայողի մասնագիտական տոնը (լուսանկարներ)

Կյանքիս ամենահուզիչ շնորհավորանքը․ Հարութ Փամբուկչյանը «Զինվորի տան» տղաների հետ փչում է ծննդյան մոմերը (տեսանյութ)

Քաջարանի համայնքապետ Մանվել Փարամազյանը մասնակցելու է առաջիկա ընտրություններին

Հայաստանի բասկետբոլի տղամարդկանց հավաքականը կիսաեզրափակչում է

Դատախազությունը վերջապես ունեցավ իր թանգարանը, շնորհավորում եմ պատմությունը կերտած աշխատակիցներին. Գոռ Աբրահամյան