Մայր Աթոռը բերանի մի կեսով միասնականություն է քարոզում, մյուսով՝ օրհնում դրա վիժեցումը՝ ընդդիմության վաղվա հավաքը

Գարեգին Երկրորդ Ամենայն հայոց կաթողիկոսի նախագահությամբ նոյեմբերի 1-4-ը Մայր Աթոռ Սուրբ Էջմիածնում Գերագույն հոգեւոր խորհրդի ժողով է գումարվել, որի ժամանակ անդրադարձ է եղել Հայաստանի եւ Արցախի շուրջ ստեղծված ծանր իրավիճակին, հայտնում է Մայր Աթոռի տեղեկատվական համակարգը։

Քննարկումների արդյունքում Գերագույն հոգեւոր խորհուրդը հանդես է եկել հայտարարությամբ, որում, մասնավորապես, կոչ է արվում ՀՀ իշխանություններին՝ «ամենայն ջանք ի գործ դնել՝ ազգային մեր կյանքում բաժանարար գծերը վերացնելու, քաղաքական համոզմունքներով պայմանավորված՝ խտրական մոտեցումները դադարեցնելու, ատելության եւ թշնամանքի մթնոլորտը հաղթահարելու, ազգային բոլոր շրջանակների ներգրավմամբ բովանդակային առողջ երկխոսություն նախաձեռնելու ուղղությամբ, որպեսզի կարելի լինի համազգային համախմբմամբ ապահովել Հայաստանի Հանրապետության եւ Արցախի Հանրապետության անվտանգությունը, վերականգնել տարածքային ամբողջականությունը, կանխել մարդկային ու տարածքային հնարավոր նոր ցավալի կորուստները եւ միջազգային հարթակներում հետեւողականորեն պաշտպանել Արցախի ժողովրդի ինքնորոշման իրավունքը։ Այս մարտահրավերների հաղթահարումը կենսական է ու գոյաբանական եւ պահանջում է անմնացորդ զոհողություն իշխանություններից, Եկեղեցուց, ազգային կառույցներից եւ համայն մեր ժողովրդից»։ 

Հայտարարության մեջբերված պարբերությունն առնվազն մտահոգիչ է կոչի հասցեատիրոջ ընտրության առումով։ Եկեղեցին, փաստորեն, որը կոչված է մերանի դեր ստանձնել, համախմբել հանրությանն ու հաշտարար դառնալ բոլոր անհաշտ կողմերի միջեւ, հայտարարի բերել բոլոր ազգային խնդիրներն ու մտահոգությունները, այս հայտարարության միջոցով որպես մեղավոր «զամենյան փորձանաց» թիրախավորում է մեկ սուբյեկտի՝ իշխանությանը։ Արդարեւ, հարց է ծագում՝ եկեղեցին՝ ի դեմ հոգեւոր խորհրդի, որը բոլոր դեպքերում օբյեկտիվ դատողի դիրքերից պիտի հանդես գա, ինչո՞ւ է  պահանջատեր միայն իշխանության նկատմամբ՝ խորհրդարանում եւ դրանից դուրս գտնվող մյուս կարեւոր դերակատարներին վեհանձնաբար ազատելով ստեղծված իրավիճակի պատասխանատվությունից։

Եկեղեցու հայրերի ամենատես աչքը պետք է հուշեր վերջիններիս՝ դատելիս նվազագույնը լինել արդարամիտ եւ մատնանշել նաեւ այն սուբյեկտներին, որոնք ոչ միայն ատելության եւ թշնամանքի աղբյուրն են, այլեւ այդ աղբյուրն անընդհատ սնուցողները։ Երբ, օրինակ, ընդդիմության հանրահավաքների ժամանակ ժողովրդի մի հատված որակվում է «թուրք» կամ «թուրքի եթիմ», եկեղեցու հայրերը հայհոյողի բերանը մյուրոնով օծել-մաքրելու նախաձեռնությամբ հանդես գալի՞ս են։

Երբ ընդդիմության առաջին դեմքերը ժողովրդի ընտրած իշխանության հասցեին ամենատգեղ ու նողկալի որակումներ են շպրտում՝ «թուրքի առաջ կզած»-ից մինչեւ «ազգակործան պատուհաս», երբ ամիսներ շարունակ խաթարում են ազգային հավաքական կամքն արտահայտող մարմնի՝ ԱԺ-ի աշխատանքները՝ «բովանդակային առողջ երկխոսություն» ծավալելու համար ժողովրդի տված մանդատը, եկեղեցու հայրերը ոչ միայն բոյկոտը դադարեցնելու եւ քաղաքակիրթ, նպատակային բանավեճի վերադառնալու կոչով հանդես չեն գալիս, այլ ախորժաբար, հաճությամբ խրախուսում են նման որոշումը։

Զարմանալի է, որ «ազգային մեր կյանքում բաժանարար գծերը վերացնելու» մասին  դիտողություն է անում մի կառույց՝ եկեղեցին, որի ներկայացուցիչները՝ Մայր Աթոռ Սուրբ Էջմիածինը եւ Մեծի տանն Կիլիկիո կաթողիկոսությունները, ընդամենն օրեր առաջ բոյկոտեցին հոկտեմբերի 28-31-ը Երեւանում տեղի ունեցած Համաշխարհային հայկական գագաթաժողովի աշխատանքները։ 

Նշենք, որ երբ մեկ ամիս առաջ վեհարանում Ամենայն հայոց կաթողիկոսի օրհնությամբ եւ նախաձեռնությամբ տեղի էր ունենում ՀՀ եւ Արցախի նախագահների մասնակցությամբ հավաք, ՀՀ առաջին նախագահ Լեւոն Տեր-Պետրոսյանը Հ1-ի եթերում, խոսելով այդ հանդիպման մասին, ասաց՝ երբ իրեն է այցելել վեհափառ հայրապետը, երկար խոսել են առկա իրավիճակի, վտանգների եւ ելքեր փնտրելու անհրաժեշտության մասին։ «Եվ որոշեցինք, որ արժե հանդիպել, կազմակերպել նման մի հանդիպում»,- ընդգծել էր Տեր-Պետրոսյանը:

Ի դեպ, ըստ Տեր-Պետրոսյանի, վեհափառը նաեւ որոշել էր վեհարանի հանդիպումների շարունակման դեպքում ՀՀ հրավիրել Արամ Ա-ին՝ «ավելի համահայկական բնույթ տալու այս խնդրին»։ «Եվ ես պիտի գնահատեմ վեհափառ հայրապետի ջանքերը, եռանդը՝ այս գործը գլուխ բերելու եւ շարունակելու ուղղությամբ»,- ասել էր առաջին նախագահը:

Լեւոն Տեր-Պետրոսյանը հիշյալ հարցազրույցում գործող իշխանության շուրջ համախմբվելու ուղերձով հանդես եկավ, սակայն, ինչպես հետագա զարգացումներն ու հավաքի անմիջական մասնակիցների ելույթներն ու հայտարարությունները ցույց տվեցին, վեհարանի ֆորմատը միտված էր ոչ թե ազգային կոնսոլիդացիային, այլ Նիկոլ Փաշինյանի շուրջ դեկոնսոլիդացիա ապահովելուն։ Ասվածի վկայությունն այն է, որ հիշյալ ֆորմատով տեղի ունեցած հավաքը եղավ առաջինն ու վերջինը։ Արձանագրենք, որ եկեղեցին չկարողացավ երաշխավորել 5 մարդու՝ ՀՀ եւ Արցախի նախկին նախագահների համախոհությունը մեկ գաղափարի՝ համազգային միասնականության շուրջ։

Իսկ ահա երեկ էլ պարզվեց, որ ընդդիմության հրավիրած վաղվա հանրահավաքին «կազմակերպիչների դիմումին ընդառաջ վեհափառ հայրապետի օրհնությամբ կմասնակցի Բագրատ եպիսկոպոս Գալստյանը»։ Վաղվա հանրահավաքը, ի դեպ, որի ազդագիրը «հանուն համազգային համախմբման» է, իրականում համազգային միասնականությունը վիժեցնող հավաք է, քանի որ չի կարող լինել համախմբում մի միջոցառման ժամանակ, որը ժխտականության ուղերձ է պարունակում՝ օրվա իշխանության հրաժարականի պահանջ։ 

Արդ, ազնիվ ու բարոյակա՞ն է բերանի մի կեսով խոսել միասնականությունից, իշխանությունից պահանջել այդ ուղղությամբ գործուն քայլեր ձեռնարկել, մյուս կեսով էլ օրհնել իր ներկայացուցչի մասնակցությունը մի միջոցառման, որը միասնականության՝ եկեղեցու մատնանշած երաշխավորի՝ իշխանության դեմ է ուղղված։ Հուսանք, երբ համազգային միասնականություն է ասվում, նկատի է առնվում նաեւ այդ միասնականությունը ձեւավորող բոլոր բջիջներին՝ իշխանությանն ու այն ձեւավորած 680 հազար քաղաքացիներին։

Գերագույն հոգեւոր խորհուրդը, նշենք, Ամենայն հայոց կաթողիկոսին առընթեր վարչախորհրդակցական մարմին է, որի անդամներին նշանակում է կաթողիկոսը՝ Ազգային-եկեղեցական ժողովի որոշմամբ։

Հեղինե Մանուկյան

Տպել
1573 դիտում

Զեմֆիրա Միրզոևան սառեցնում է անդամակցությունը «Վերածնունդ Հայաստան» կուսակցությանը, սակայն մանդատը վայր չի դնում

Տեղյակ ենք եղել որոշումից, հարգանքով ենք վերաբերվում դրան. «Հայաստան» խմբակցության հայտարարությունը

Շարունակում ենք մնալ կարծիքին՝ հիմքերը, որոնք ստիպում էին բոյկոտել ԱԺ նիստերը, արդիական են նաև այսօր. Ելենա Կիրակոսյան

Ներողություն եմ խնդրում քաղաքացիներից, ում հույսերը չարդարացվեցին. Ստամբուլյանը՝ մանդատը վայր դնելու մասին

Հայ ռեժիսորի ֆիլմն ընդգրկվել է Իտալիայի միջազգային կինոփառատոնի պաշտոնական մրցութային ծրագրում

Վահե Հակոբյանը, Հռիփսիմե Ստամբուլյանը և Ելենա Կիրակոսյանը պատգամավորական մանդատներից հրաժարվելու դիմում են ներկայացրել

Նիկոլ Փաշինյանը շնորհավորական ուղերձ է հղել Մալայզիայի վարչապետին

Լուսանկարում պատկերված անձը որոնվում է նախաձեռնված քրեական վարույթի շրջանակներում (տեսանյութ)

Վեց ամիս ժամկետով կարգելվի ՀՀ տարածքից սիգի ձկնկիթի արտահանումը

Կեղծ լիցենզիայով և շինծու տվյալներով տարածվում են ներդրումային առաջարկներ. ԿԲ-ն զգուշացնում է

«Մանկական Եվրատեսիլ 2021»-ի հաղթող Մալենան նոր ֆոտոշարք է ներկայացրել

ՀՀ գլխավոր դատախազությունը մեկնաբանել է պատգամավորներին անձեռնմխելիությունից զրկելու վերաբերյալ մամուլի հրապարակումները

Տաշիրում ծեծի ենթարկված տղամարդը 6 օր անց բժշկական կենտրոնում մահացել է. կա կալանավորված (տեսանյութ)

Շուշիի և Մարտունու ուղղությամբ կրակ բացելու մասին Ադրբեջանի ՊՆ հաղորդագրությունն ապատեղեկատվություն է

«Նկատողություն» տույժ է նշանակվել երկու դատախազի նկատմամբ

Ինչու է դատավոր Դավիթ Բալայանը հրաժարվել պաշտոնի առաջխաղացումից

Թուրքիան նախապատրաստվում է ցամաքային գործողության Սիրիայում. թուրքական մամուլ

Վերանորոգվել է մետրոյի «Հանրապետության հրապարակ» կայարանի վերին հատվածի շինությունը (լուսանկարներ)

8 ժամով կդադարեցվի Նոր Խարբերդի և Այնթապի որոշ հասցեների ջրամատակարարումը

Փոխանցել է փաստաթղթեր, ծառայության մասին տվյալներ, ստացել՝ 20 հազար դոլար. պետական դավաճանության նոր դեպք (տեսանյութ)

ԱԽ քարտուղար Արմեն Գրիգորյանը Փարիզում հանդիպել է ֆրանսիացի պաշտոնյաների հետ

Ադրբեջանը Պրահայում պայմանավորվել է շարունակել հանդիպումները քառակողմ ձևաչափով, նշանակում է՝ կազմը պետք է լինի նույնը

«Իմ հոգին». Սաթի Սպիվակովան Մասիս սարի լուսանկարն է հրապարակել

Մայակովսկի գյուղում ամբողջությամբ այրվել է «Մերսեդես» մակնիշի ավտոմեքենա

Բայրամովն ու Ռիքերը քննարկել են Բաքվի և Երևանի միջև խաղաղության պայմանագրի տարրերը և տարածաշրջանային իրավիճակը

Ադրբեջանի ԶՈՒ-ն այս գիշեր ևս կրակ է բացել հայկական դիրքերի ուղղությամբ. կորուստներ չկան

ՀՀ տարածքում կան փակ և դժվարանցանելի ավտոճանապարհներ

Երևանում 9 ժամով փակ կլինի Մաշտոցի պողոտայի՝ Խորենացի-Լուսավորիչ ամբողջ հատվածի երթևեկությունը

«Զինվորի տուն»-ն այսօրվանից աղոթքի սրահ ունի

Եթե Ադրբեջանն Արցախում գործադրի ռազմական ուժ, կնշանակի՝ ունի համաձայնություն, և հակագործողություններ չեն լինի. քաղաքագետ

Վթարային ջրանջատում Արարատի մարզում․ 8 ժամով ջուր չի լինի Նոր Խարբերդի և Այնթապի որոշ հասցեներում

Աննա Հակոբյանն այցելել է «Ուրարտու» ֆուտբոլային ակումբ (տեսանյութ)

Առանց արտահանման լիցենզիայի և պետական վերահսկողական ակտի ՀՀ-ից 3-րդ երկրներ է արտահանվել շուրջ 28տ կերամիկական թափոն

Ոլորտն իրոք կանոնակարգման կարիք ունի. մարզերում հրավառությունների հաճախականությունը և դրա հետևանքով առաջացող խնդիրները

ՃՈ ուժեղացված ծառայություն մարզերում. հայտնաբերվել է 2724 խախտում

Պարահոկեյի Հայաստանի հավաքականը պատրաստվում է աշխարհի առաջնությանը (տեսանյութ)

Վստահ եմ՝ Փաշինյանի մեղադրանքը ՀԱՊԿ-ին տեղին է, անգամ՝ մեղմ. ՀՀ-ին օգնելը Կրեմլի հերթական մանիպուլյացիան է. Միսկարյան

Երիտասարդը ինքնաշեն գրիչ-ատրճանակով անզգուշաբար կրակել է ոտքին

1 ոսկե և 2 արծաթե մեդալ հրաձգության Լեհաստանի բաց առաջնությունից

ՀԱՊԿ-ին ուժի կիրառման հարցում տարածաշրջան ներքաշելը կարող է լուրջ բախման պատճառ դառնալ. Սեյրան Օհանյան