Երևան
29 °C
Երեւանի քաղաքապետարանի տրանսպորտի վարչության պետի պաշտոնակատար Հայկ Սարգսյանի խոսքով՝ քաղաքապետարանը չի գնում ամեն ինչ համայնքային տիրապետության տակ վերցնելու ուղղությամբ: Հասարակական երթուղիները, բնականաբար, կշարունակեն սպասարկել նաեւ մասնավոր տնտեսվարողները, որոնք ցանկություն կհայտնեն մասնակցել մրցույթներին եւ ուղեւորափոխադրում իրականացնել Երեւան քաղաքում:
«Հայկական ժամանակ»-ի հետ զրույցում Սարգսյանը խոսել է, թե մինչ օրս որքան համալրում է եղել մայրաքաղաքի տրանսպորտային համակարգում, առաջիկայում որքան կլինի, նաեւ անդրադարձել տրանսպորտի ուշացումներին, դրանց սանիտարական վիճակին եւ այլ հարցերի:
- Պարոն Սարգսյան, վերջին տարիներին մայրաքաղաքի հասարակական տրանսպորտի ոլորտում տեսանելի փոփոխություններ են արձանագրվում. թարմացվում է շարժակազմը, համալրվում նոր ավտոբուսներով, տրոլեյբուսներով եւ միկրոավտոբուսներով: Խնդրում ենք մանրամասնել՝ այս տարի ընդհանուր առմամբ որքա՞ն համալրում է եղել հասարակական տրանսպորտի շարժակազմում:
- 2018 թվականից մինչ օրս Հայաստան ենք ներկրել 211 միջին դասի եւ 100 փոքր դասի ավտոբուս: Այս տարի շահագործման են հանձնվել այն տրանսպորտային միջոցները, որոնք մինչեւ 2021-ի վերջ էին ներկրվել: Ըստ նախատեսվածի՝ մենք մինչեւ այս տարեվերջ կունենանք եւս 150 միջին դասի ավտոբուս, 15 տրոլեյբուս: Պայմանագրով մինչեւ 2023 թվականի առաջին եռամսյակի ավարտն էլ ունենալու ենք 87 հատ 12 մետրանոց «MAN» գերմանական բարձր դասի ավտոբուս, սակայն պայմանագրից մի փոքր էլ առաջ ենք ընկել:
- Նկատել ենք, որ հաճախ ավտոբուսների վարորդների եւ ուղեւորների միջեւ խոսակցություն, երբեմն վիճաբանություն է առաջանում այն բանի համար, որ գերծանրաբեռնված ավտոբուսում դժվար է հետեւի կամ մեջտեղի դռնից դուրս գալը: Ծանո՞թ եք արդյոք այս խնդրին, եթե այո, ապա որեւէ քայլ ձեռնարկվո՞ւմ է դրա լուծման համար:
- Ծանոթ եմ խնդրին, բայց շատ անհասկանալի է, թե ինչու է այն բարձրաձայնելիս հանրությունը կապում նոր ավտոբուսների կամ հասարակական տրանսպորտի մեր կատարած բարեփոխումների հետ: Երկար ավտոբուսները Հայաստանում՝ Երեւանում, նորույթ չեն. երկար տարիներ է՝ մենք ունենք այդ մեծ ավտոբուսները, նույն կերպ պիկ ու մի բան էլ ավելի աշխատել են: Հայաստանից դուրս՝ այլ երկրներում, ուղեւորները բարձրանում են ավտոբուս դիմացի դռնից, վճարում եւ ետնադռնից իջնում: Սակայն նշեմ, որ երբ անցնենք միասնական տոմսային համակարգի, դրանց միջին դռների մոտ էլ կահավորված կլինեն վճարման համակարգերը: Ամեն դեպքում մեր ազգաբնակչությունը պետք է սովորի, որ սկզբում պետք է վճարել, հետո նոր օգտվել ծառայությունից:
- Դժգոհություններ կան նաեւ ավտոբուսների հաճախականության հետ կապված: Քաղաքացիները նշում են՝ երբ բաց են թողնում «իքս» համարի տրանսպորտը, հաջորդը գալիս է 30-40 րոպե ուշացումով:
- Հասարակական տրանսպորտի ուշացման կամ միջակայքի ավելացման պատճառները մի քանիսն են Երեւանի դեպքում: Առաջնահերթ գործոնն այն է, որ համայնքը չունի բավարար շարժակազմ, որով կհամալրի ու կփակի այդ բացը: Երկրորդը ճանապարհատրանսպորտային պատահարների թիվն է: Կարծում եմ՝ տեղյակ եք, որ յուրաքանչյուր երկուշաբթի գործակարգավարականի ժամանակ զեկուցվում է ՃՏՊ-երի թիվը. օրվա ընթացքում կարող է գրանցվել մեկ եւ ավելի, մի քանի ՃՏՊ հասարակական տրանսպորտի մասնակցությամբ, ինչը թույլ չի տալիս այլեւս այդ փոխադրամիջոցը շահագործել: Իսկ մենք չունենք բավարար շարժակազմ, որ միանգամից նորը դուրս գա դրան փոխլրացնելու:
Հանրային տրանսպորտին զիջելու հետ կապված խնդիրը եւս շատ տարածված է: Այսօր վարորդների 80 տոկոսից ավելին չի զիջում հասարակական տրանսպորտին, թեկուզ օրենքով նախատեսված է, որ կանգառի կետից դուրս եկող տրանսպորտային միջոցին պարտավոր են զիջել: Այսինքն՝ միանշանակ ասել, որ բավարար շարժակազմ չունենալու պատճառով է միայն առաջանում խնդիրը, սուտ կլինի:
Բացի դա, մայրաքաղաքում այլընտրանքային ճանապարհի խնդիր կա. մի հանգույց, որը եւս պետք է կառուցվի, Արշակունյաց պողոտան Իսակովի պողոտայի հետ կապող հատվածն է լինելու: Ուշացումները մեղմելու նպատակով առաջիկայում նախատեսել ենք ավտոբուսների համար առանձնացված երթեւեկելի գոտի ունենալ, բայց դա էլ բնակիչների մեկ այլ հատվածի մոտ կառաջացնի դժգոհություն: Այն մարդիկ, որոնք օգտվում են կայանատեղիներից, երթեւեկելի գոտու աջ կողմի կայանատեղիները պետք է վերացվեն: Այժմ մենք քննարկում ենք, թե որ հատվածում կարելի է ունենալ ավտոբուսների համար առանձնացված գոտիներ: Քննարկվում է նաեւ խելացի խաչմերուկներ ու լուսացույցներ ունենալու հարցը: Շուտով կունենանք մի քանի խելացի լուսացույց, եւ դրանց արդյունավետության վերլուծությունից ելնելով՝ կշարունակենք հետագա աշխատանքները:
- Կրկին դժգոհությունների մասով. քաղաքացիները դժգոհում են նաեւ հին ավտոբուսների եւ գազելների հակահիգիենիկ վիճակի հետ կապված: Մենք եւս կարող ենք փաստել, որ երբեմն նստատեղերն այնքան են կեղտոտ, որ փայլում են կեղտից: Ինչ եք կարծում. հնարավոր չէ՞ տարբերակ գտնել եւ թեթեւ միջամտություններով փոքրիշատե պատշաճ տեսքի ու սանիտարական վիճակի բերել դրանք:
- Հաճախ ինձ էլ են ուղարկում վնասված, պատռված նստարանների նկարներ: Տեսեք, ավտոբուսները առավոտյան դուրս են գալիս շահագործման հիմնականում մաքուր վիճակում, ընթացքում մեր քաղաքացիները սկսում են կեղտոտել, ու, ցավոք սրտի, շատ հաճախ այդ անձինք են հենց դժգոհողները: Վարորդը իր երկրորդ շրջապտույտից հետո պետք է գնա, ժամանակ ծախսի ու ավտոբուսի մեջը կարգի բերի, սա եւս խոսում է պակաս շարժակազմի մասին: Ափսոսանքով եմ նշում, բայց մեր նոր բերած ավտոբուսները, որ 6 ամսի է, ինչ շահագործվում են, արդեն ածելիով կամ այլ գործիքով դիտավորությամբ վնասել են: Պարզապես բոլորս պետք է մտածենք այնպես անել, որ չվնասենք ու չկեղտոտենք հասարակական տրանսպորտը: Իհարկե, չի բացառվում, որ տարիներ շարունակ շահագործման հետեւանքով էլ են վնասվում ու թարմացման կարիք ունեն:
Նշեմ նաեւ, որ կան մասնավոր երթուղիներ, որոնց մենք զգուշացնում ենք հաճախ, որ մաքրեն, տեսքի բերեն: Մասնավորին էլ թե՛ բանավոր, թե՛ գրավոր զգուշացումներ են ուղարկվում: Ոչ հեռու ապագայում տրանսպորտի հարցը կկարգավորվի:
- Ընդհանուր քանի՞ շարժակազմով պետք է համալրվի տրանսպորտային համակարգը, որպեսզի մայրաքաղաքում գոնե մասամբ լուծվեն առկա խնդիրները:
- Նախ եւ առաջ անպայման ուզում եմ շեշտել, որ Երեւանի քաղաքապետարանը չի գնում ամեն ինչ համայնքային տիրապետության տակ վերցնելու ուղղությամբ: Հասարակական երթուղիները, բնականաբար, կշարունակեն սպասարկել նաեւ մասնավոր տնտեսվարողները: Համայնքային պարկը կհամալրվի 165 միջին եւ 87 բարձր դասի ավտոբուսով, կլինի նաեւ 30 նոր տրոլեյբուս: Բայց սա չի նշանակում, որ սրանից հետո դադարեցնելու ենք ներկրումը կամ շարժակազմի թարմացումը: Դրան զուգահեռ կունենանք մասնավոր կազմակերպություններ, որոնք ցանկություն կհայտնեն մասնակցել մրցույթներին եւ ուղեւորափոխադրում իրականացնել Երեւան քաղաքում: Համայնքային միջոցներով նախատեսվող տրանսպորտային միջոցների քանակը 840 է, դրա մեջ մտնում են բարձր դասի եւ 18 մետրանոց ավտոբուսները: Սակայն հնարավոր է՝ մասնավորը չմասնակցի, եւ մենք նորից շարժակազմ ավելացնենք:
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
© 2024 Հայկական ժամանակ