Հարուստ հոգով, մտքով, ձեռքբերումներով. Գյումրու դրամատիկականը 5 «Արտավազդ» մրցանակ է ստացել

2022-ին նայել են միշտ առաջ, քայլել են հստակ, արել են առավելագույնը, երբեմն էլ՝ ուժերը ներածից ավելին: Արդյունքում՝ թատերաշխարհի կարևորագույն մրցանակաբաշխությանը Գյումրու դրամատիկականը տուն է վերադարձել միանգամից 5 «Արտավազդ» մրցանակով:

 զզզզզզզզզզզզզզզզզզզզզզ.jpg (260 KB)

Տարվա «Լավագույն երիտասարդ դերասանուհի» անվանակարգում «Արտավազդ 2023»-ում մրցանակը շնորհվել է Ջեմմա Ադամյանին: Ներկայացումը՝ «Սպասում»:

«Լավագույն դերասանուհի» կոչումը Տաթև Ղազարյանինն է, ներկայացումը՝ «Միզերի»:

Գոռ Մարգարյանը միանգամից երկու մրցանակ է ստացել՝  «Լավագույն երիտասարդական ներկայացում»  և«Լավագույն ռեժիսուրա» անվանակլարգերում ՝ համապատասխանաբար «Միզերի» և «Բովանդակություն» ներկայացումների համար:

«Արտավազդ 2023»-ի «Լավագույն երաժշտության հեղինակ» անվանակարգը գյումրեցի երիտասարդ երաժիշտ Նարեկ COSMOS-ինն է՝ «Միզերի» և «Բովանդակություն» ներկայացումների համար գրված երաժշտության համար:

Եվս մեկ մրցանակ Գյումրու դրամատիկականին բերել է «Տարվա թատերախոսություն» անվանակարգը, որը գրվել է «Հրաշագործը» ներկայացման համար:

 8.jpg (87 KB)

Դրամատիկականի տնօրեն Լյուդվիգ Հարությունյանն ասում է՝ իհարկե, սպասում էր մրցանակի, բայց ոչ միանգամից 5 «Արտավազդ»-ի: Սա աննախադեպ էր, առավել պարտավորեցնող ու ոգևորող: Բայց եթե մրցանականեր էլ չլինեին, միևնույնն է, դրանից իրենց եռանդն ու մղումները չէին պակասելու: Իսկ մրցանակները երջանկություն են յուրաքանչյուր թատրոնի համար, դրանք նոր լիցքերի, նոր գաղափարների ու մեծ քայլերով առաջ գնալու ցանկությունների ծնունդ են տալիս:

«Շատ ուրախ եմ բոլորի համար, հատկապես, որ այդ մրցանակները երիտասարդներին, նոր մտիքն ու գաղափարներին են շնորհվում: Ջեմմա Ադամյանը Կապանից է, բայց երկար տարիներ աշխատում է այստեղ, Տաթևը Համազգային թատրոնում է աշխատում, Գոռը մայրաքաղաքում է ստեղծագործում, բայց տվյալ դեպքում մրցանակները Գյումրունն են, քանի որ իրենք ներկայացնում են Գյումրու դրամատիկական թատրոնը: Եվ, որ ամենակարևորն է, 5 անվանակարգերում էլ հանձնախմբի բոլոր անդամների դրական գնահատականն են ունեցել»,-ասում է թատրոնի տնօրենը:

q.jpg (181 KB)

«Հենց մրցանակը ստացա, միանգամից տարբեր թատրոններից հրավեր ստացա համագործակցության: Բայց ես ասացի, որ դա իրենց հետ երկար ճանապարհ է, իսկ Գյումրու դրամատիկականի համար միշտ պատրաստ եմ»,-ասում է  «Միզերի»-ում խաղացած դերի համար իր 4-րդ «Արտավազդ» մրցանակը ստացած Սոս Սարգսյանի Համազգային թատրոնի դերասանուհի Տաթև Ղազարյանը:

ոոոո.jpg (136 KB)

2022-ը Գյումրու թատրոնի համար եղել է նոր մտքերի ու գաղափարների, հրավիրված ռեժիսորների ու դերասանների մուտքի և մեծ հաջողությունների տարի: 2023-ը նախորդին ոչ միայն չի զիջի, այլ մի քանի քայլ էլ առաջ կանցնի:

Արդեն խաղացանկում առկա և լեփ-լեցուն դահլիճում խաղացվող ներկայացումների շարքը նորերը կհամալրեն:

ԿԳՄՍՆ-ի դրամաշնորհային ծրագրով թատրոնը պատրաստվում է բեմադրել Լևոն Շանթի «Ինկած բերդի իշխանուհին»: Առաջնախաղը տարեվերջին է սպասվում:

Հրավիրված ռեժիսոր Տաթև Մելքոնյանը մեկ բեմադրություն կանի: Հանդիսատեսի դատին կհանձնվի նաև 2 պիես:

զզզզզզզզզզզզզզզզզզզզզզ.jpg (260 KB)

Բացի Գյումրիում ներկայանալուց, դրամատիկականն այս տարի շեշտը կդնի հյուրախաղերի վրա: Կլինեն շրջագայությունների ինչպես հայաստանյան թատրոններում, այնպես էլ արտերկրում:

Նպատակ կա 2022-ին հայ-ֆրանսիական մշակութային համագործակցության շրջանակներում Գյումրիում հանդիսատեսի դատին հանձնված «Սպասում» ներկայացումը խաղալ Ֆրանսիայում: Այս ներկայացման ռեժիսորը ֆրանսաբնակ Սաթէ Խաչատրյանն է, որը հրավիրվել էր Գյումրու թատրոն և հարուստ խաղացանկն ավելացրել նաև այս գործով:

«Միզերի»-ն ևս միջազգային փառատոնի կմասնակցի: Լյուդվիգ Հարությունյանը վստահ է, հաջողությամբ կանցնեն այդ փուլը ևս:

 վ.jpg (267 KB)

Այլ կարևոր ձեռնարկ էլ կա: Գյումրու թատրոնի երիտասարդ ռեժիսոր Արտուշ Միքայելյանը հունիսին կմասնակցի Չեխովյան փառատոնին, որին հայտ ներկայացնելը հեշտ է, մասնակցության իրավունք ստանալը՝ բարդ, երբեմն անհնար:

2014-ին «Արտավազդ» մրցանակաբաշխությանը մեկ ներկայացման համար միանգամից 6 մրցանակ ստացած Գոռ Մարգարյանն էլ  նոր ասելիք է կունենա այս տարի: Ձևաչափը գտել է, հարմար բեմ՝ դեռ չի տեսնում: Ասում է, եթե ամեն ինչ լավ ընթացք ունենա, հավանաբար հենց Գյումրու հանդիսատեսը ձևաչափով բացառիկ ներկայացման ականատեսը կլինի:

 334775371_762511158617975_9119905851426077767_n.jpg (152 KB)

2023-ին Գյումրիում անցկացվելիք միջազգային փառատոնին դրամատիկականը ներկայացմամբ չի մասնակցի, սակայն մեծ սիրով կհյուրընկալի բոլոր թատերախմբերին:

«Մեր մասնակցությունը տրամաբանական չէր լինի, քանի որ փառատոնի հիմնական նպատակը պետք է լինի Գյումրու հանդիսատեսին ծանոթացնելՀՀ-ում և արտերկրում գործող թատերախմբերի հետ: Տվյալ դեպքում մեր մասնակցությունն այնքանով էր լինելու, որ մեր հերթական ներկայացումն էինք ընդգրկելու: Մեր մասնակցությունը կլինի ջերմ ընդունելությունն ու սրտաբացությունը: Սա մեզ համար լավ դաս ու փորձի փոխանակման հնարավորություն կլինի, որի համար շատ ուրախ եմ»,-ասաց Հարությունյանը:

2022-ին 5 ներկայացում է ունեցել Գյումրու դրամատիկականը, ոչ մեկը կոմերցիոն չի եղել, և ի սկզբանե վտանգված է համարվել հաջողությունը՝ պայմանավորված տարակարծություններով, թե արդյո՞ք հանդիսատեսին կհետաքրքրեն դրանք:

«Բոլորն էլ ունեցան հաջողություններ, բայց օրինակ «Սպասում»-ը հանդիսատես կա, որ չի հասկացել, չի ընկալել: Դա նորմալ, բնական երևույթ է, մենք ընդունում ենք ցանկացած կարծիք, բայց չենք համարում ուղղորդիչ: Ես կարծում եմ, որ թատրոնը ինչքան էլ հասանելի, միևնույնն է՝ գետնից կտրված պետք է լինի»,-վստահ է Լյուդվիգը:

Դրամատիկականը մատը կյանքի ու աշխարհի զարկերակին դրած է քայլում, վարում այնպիսի քաղաքականություն, որ դերասաններից ոչ մեկը թատրոնի դռնից դուրս նայելու ոչ ցանկություն ունի, ոչ ժամանակ: Չեն լճանում, անգամ հանգստանալու հնարավորություն չեն ունենում: Եվ այլ թատրոնների հետ իրականացվող համագործակցություններն օդ ու ջրի նման են անհրաժեշտ: Այս մասին էլ բարձրաձայնում է թատրոնի դերասան, ՀՀ վաստակավոր արտիստ Տիգրան Գաբոյանը:

«Օրինակ Երևանում «Հրաշագործը» ներկայացման տոմսերն այն արագությամբ են սպառվում, ինչպես սովի տարիներին սև հացն է սպառվել, մեկ հրավիրատոմս կամ տոմս եթե ուզես, չես ճարի: Սա խոսում է արվեստի ճիշտ կառավարման, ժամանակի ոգին հասկանալու մասին»,-ասում է Գաբոյանը:

 ևևևև.jpg (186 KB)

Արդեն վաղը՝ ապրիլի 1-ին 2023 թվականի առաջնախաղը կհանձնվի հանդիսականի դատին: Մրոժեկի «Տունը սահմանին» քաղաքական սատիրան կլինի բեմում:

Սամսոն Մատինյան

Լուսանկարները՝ «Հայկական ժամանակ»-ի

Տպել
5247 դիտում

Տեղի է ունեցել «Քաղաքացիական պայմանագիր» կուսակցության վարչության նիստ․ ով է հեռացվել

Հանդիպել են Ադրբեջանի և Թուրքիայի պաշտպանության նախարարները․ ինչ է քննարկվել

Հայաստանը կընդունի հրաձգության Եվրոպայի 2026 թվականի մեծահասակների առաջնությունը

Ինչպես կարող են ԼՂ-ից բռնի տեղահանվածները բնակարան ձեռք բերել․ Արթիկում ներկայացվել է պետական աջակցության ծրագիրը

Ալեն Սիմոնյանի գլխավորած պատվիրակությունը կգործուղվի Լյուբլյանա․ ովքեր են կազմում

Լոռու մարզպետն ու Ալավերդու համայնքապետը եղել են ջրհեղեղից տուժած բնակավայրերում, զրուցել բնակիչների հետ (լուսանկարներ)

Առկա է երկկողմ համագործակցության զգալի ներուժ․ Վահան Կոստանյանն ընդունել է Սաուդյան Արաբիայի դեսպանին

Կրեմլյան զգացմունքները գրգռվել են, «5-րդ շարասյունը» պատերազմի ժամանակ կմտնի տատիկների թումբանների մեջ. Կոռնիձորի Արո

Գնել Սանոսյանը մասնագետների հետ դիտարկել է հեղեղից վնասված կամուրջները

Վթարավերականգնողական, ջրահեռացման աշխատանքներ Ալավերդիում և Քարկոփում (լուսանկարներ, տեսանյութ)

Հորդառատ անձրևների պատճառով Մուսայելյանում տներ ու անասնագոմ է ջրալցվել

Միրզոյանը հեռախոսազրույց է ունեցել Ալի Բաղերի Քանիի հետ․ անդրադարձ է կատարվել երկկողմ և տարածաշրջանային օրակարգին

Բրազիլիայի նախագահը պաշտոնապես հետ է կանչել Իսրայելում իր դեսպանին

Առողջապահության նախարարության և ԱՀԿ Եվրոպայի տարածաշրջանային գրասենյակի միջև համագործակցության համաձայնագիր է ստորագրվել

Հեռացվում են ըստ կարիքի անհրաժեշտության․ ինչու է Գյումրու քաղաքապետարանը որոշ կրպակ-տաղավարները շրջանցել

Ինչին պետք է ուշադրություն դարձնել արագ սննդի կետերից օգտվելիս․ ինչ է հորդորում ՍԱՏՄ-ն

17 երգչախումբ՝ 500 մասնակցով․ Գյումրիում կայացավ «Հայաստան» երգչախմբային հանրապետական երրորդ մրցույթ-փառատոնը

ԱՄՆ Թմրամիջոցների դեմ պայքարի վարչության և ՆԳՆ ոստիկանության միջև համագործակցության հուշագիր է ստորագրվել

Խաղաղարար առաքելություն իրականացնող հայ զինծառայողները միշտ աչքի են ընկել կամային և մասնագիտական բարձր որակներով․ Ասրյան

Աշխատանքներն ինտենսիվ շարունակվում են, սննդի և ջրի կարիք չկա․ կայացել է օպերատիվ շտաբի ընդլայնված կազմով նիստը

Վազգեն Գալստանյանի հավաքը Սուրբ Աննա եկեղեցու բակում (լուսանկար)

Զորամասի հրամանատարի տեղակալը վրաերթի է ենթարկել հեծանվորդին, հետո բախվել այլ մեքենայի և հայտնվել դաշտում․ կա 5 վիրավոր

Հունիսի 1-ից կփոխվի D տեսակի ազգային մուտքի արտոնագրի դիմում-հայտի համար նախատեսված գումարի չափը

Սարդարապատում սադրանքը չգիտեմ՝ ըստ նախապես ծրագրվածի՝ ստացվե՞ց, թե՞ ոչ, հայրաբար պետք է այցելել Լոռի, Տավուշ․ Բաբաջանյան

Քարկոփն ամբողջությամբ տարհանվել է․ Գնել Սանոսյանը ներկայացրել է աղետի գոտում իրականացվող աշխատանքները

Ուսումնասիրություններ են իրականացվում աղետի գոտում․ Քաղաքաշինության կոմիտեում ստեղծվել են աշխատանքային խմբեր

Հրապարակը զբաղեցրած սառցազանին ասեք, որ շոգերը եկան, հալելու է. Հովհաննես Ազոյան

Հայաստանում արտաքին անվտանգային մարտահրավերները ունեն թե՛ ներքին, թե՛ արտաքին դերակատարներ․ Գրիգորյան

ՀՀ ՆԳ նախարարն իր տեղում է, հրաժարականի մասին խոսք լինել չի կարող․ Սարգսյան

Աղետի պատճառը «ՁորաՀԷԿ»-ի ջրընդունիչից ջրի բացթողումը չէ, շրջանառվող լուրերը կեղծ են․ պարզաբանում

ՀՀ անկախության, սուվերենության, տարածքային ամբողջականության վտանգները գալիս են տարբեր երկրներից․ Գրիգորյան

Խստորեն դատապարտում ենք Ադրբեջանի նախագահի քստմնելի ելույթները․ Գարդման-Շիրվան-Նախիջևան համահայկական միություն

Զավթել և պահել է շենքը․ նռնակով Աբովյանի «Արդշինբանկ»-ի մասնաճյուղ ներխուժած 49-ամյա տղամարդը կալանավորվել է

Ձերբակալվածներ կան․ Աբրահամյանը՝ «Արմավիր» ԲԿ-ի խուզարկության լուրերի մասին

«Բարեկամություն»-ից հեքիաթային գնացքը կուղևորվի «Հանրապետության հրապարակ․ ինչպես կաշխատի մետրոպոլիտենը հունիսի 1-ին

Անհնար է մեկ շաբաթում լուծել ոլորտում տարիներ շարունակ կուտակված խնդիրները․ ՆԳ փոխնախարար

Քննարկման ենթակա չէ. ՔՊ-ից արձագանքել են Ալիևի՝ Խոջալուի ցեղասպանությունը ճանաչելու պահանջին

ՆԳ փոխնախարարը անդրադարձել է Սարդարապատում կաթողիկոսի հետ տեղի ունեցած միջադեպին

Վստահ եմ, որ տրված տարածքները Հայաստանինը չեն, դա պնդում է սահմանը, որն արտացոլված է մեր քարտեզների վրա․ Ասրյան

Լոռու և Տավուշի տարբեր բնակավայրերից փրկվել ու տարհանվել է 443 մարդ․ 141 բնակիչ շարունակում է մնալ Սանահին կայարանում