Առաջիկայում իրավիճակը դեռ լարվելու է, սա լարվածության նոր կայծ է. Տիգրան Աբրահամյան

Լեռնային Ղարաբաղի պաշտպանության բանակի մամլո ծառայության այսօր տարածած հայտարարությունից տեղեկացանք, որ հունվարի 15-ին և լույս 16-ի գիշերը արցախա-ադրբեջանական հակամարտ զորքերի շփման գծի ողջ երկայնքով հակառակորդը ինտենսիվ արկակոծման է ենթարկել ՊԲ արևելյան և հյուսիսարևելյան հատվածներում տեղակայված մարտական հենակետերը: Նշվում էր նույնիսկ, որ ՊԲ առաջապահ ստորաբաժանումները հակառակորդի ակտիվությունը ճնշելու համար որոշ հատվածներում դիմել են պատասխան գործողությունների:

Տարածված հաղորդագրությունում, սակայն, մեկ այլ, ավելի ուշագրավ հատված կար. «Առաջնագծում իրադրության հետագա լարման հետևանքների ողջ պատասխանատվությունը ընկնելու է ադրբեջանական կողմի վրա: Հակառակորդ կողմի նման պահվածքի շարունակման դեպքում ՊԲ-ի կողմից ձեռնարկվելիք գործողությունները կլինեն ավելի խիստ»:

Հայտարարության այս հատվածը շատ նման էր ապրիլյան պատերազմին նախորդող հաղորդագրություններին: Ռազմական փորձագետ Տիգրան Աբրահամյանին խնդրեցինք պարզաբանել, թե իր դիտարկմամբ ինչի հետեւանք է այս նոր լարվածությունը եւ առաջիկայում այն կարո՞ղ է շատ մեծանալ:

- Պարոն Աբրահամյան, դեռ դեկտեմբերին կանխատեսվել էր, որ հունվարին սահմանին լարվածություն է սպասվում: Կանխատեսումները ցավոք սրտի իրականանում են: Ըստ ձեզ, ինչի՞ հետեւանք է այս նոր լարվածությունը:

- Ըստ այն տեղեկատվության, որ ես տիրապետում եմ, այս պահին իրավիճակը սահմանին կայուն է, վերահսկելի է: Լարվածության այն չափաքանակը, որ ունեցել ենք կիրակի լույս երկուշաբթի գիշերը, այս պահին չկա, այդ լարվածությունը լիցքաթափվել է: Ինչ վերաբերում է անցած մի քանի օրերի հետ համեմատած լարվածության աճին՝ ես կարծում եմ, որ սա հերթական լարվածության կայծ է: Ես չեմ կարծում, որ այս միջադեպը թույլ կտա, որ լարվածությունը շատ աճի: Ասել ենք, որ այս տարվա ընթացքում նմանատիպ միջադեպերը անընդհատ լինելու են, ուստի չեմ կարծում, որ սա անակընկալ է Պաշտպանության բանակի, առաջապահ զորքերի համար: Ըստ էության հակառակորդի քայլերը կանխատեսելի են, սպասելի են: Եթե նկատել եք, վերջին շրջանում Ադրբեջանի նախագահ Իլհամ Ալիեւը մի քանի առիթներով անդրադառնալով Ղարաբաղի հիմնախնդրին՝ արտահայտվեց շատ կոշտ բառապաշարով՝ ցույց տալով, որ վերջին երկու-երեք ամիսներին էականորեն կոշտացրել է քաղաքականությունը բանակցության գործընթացում:

- Ո՞րն է այդ կոշտացման պատճառը. դա կարո՞ղ է լինել այն, որ հայկական կողմը չի վերադարձնում ադրբեջանցի զինվորի դին: Կամ արդյոք սրանով Ադրբեջանն ուզում է Հայաստանին ստիպել՝ վերադառնալ բանակցությունների սեղան:

- Նախ, բանակցություններից ըստ էության Հայաստանը չի հեռացել, հեռացել է Ադրբեջանը: Երկրորդ, պետք է արձանագրենք, որ որքան բանակցությունների բացակայության պրոցեսը շարունակվի, այնքան Ադրբեջանի նախագահի հռետորաբանությունը աճելու է: Երրորդ. որքան Ադրբեջանում սոցիալ-տնտեսական իրավիճակը լարվի, որքան խնդիրներ առաջանան, անընդհատ հռետորաբանությունը կոշտանալու է: Ես երեք գործոն նշեցի, որոնց պարագայում Ադրբեջանի նախագահը կամ այն պաշտոնյաները, որ իշխանության անունից հանդես են գալիս, կարող են կոշտացնել իրենց դիրքորոշումը: Հիմա տեսանելի է, որ այդ դիրքորոշումը կոշտանում է ոչ միայն  քաղաքական հայտարարությունների առումով, այլեւ քարոզչական մասով: Այն լրատվական խայծերը, որ ադրբեջանցիները կիրառում են մի կողմից միջազգային հանրության, մյուս կողմից ներքին լսարանի վրա, փոխկապակցված են շփման գծում ակտիվացումների հետ:

- Առաջիկայում իրավիճակը մինչեւ որքա՞ն կարող է լարվել:

- Առաջիկայում, պայմանավորված իմ նշած առկա իրողություններով, իրավիճակը տարբեր մասշտաբներով դեռ լարվելու է: Ընդ որում, եթե նկատեցիք, այսօր գիշերը տեղի ունեցած առճակատման ժամանակ կիրառվել են վերջին շրջանի համեմատ շատ մեծ թվով ականանետեր: Ակտիվություն դեռ կտեսնենք նաեւ դիպուկահարների կրակոցների, փոքր հրետանու կիրառման տեսքով: Կլինեն նաեւ դիվերսահետախուզական փորձեր: Այն գործոնները, որոնք  կարող են նպաստել դրան՝ մենք այսօր տեսնում ենք: Առաջիկայում դա կարող է հստակ երեւալ:

Տպել
13103 դիտում

Շիրակի մարզի Բավրա և Եղնաջուր գյուղերում բուք է. Լարսը շարունակում է փակ մնալ 286 մեքենայի համար

«Էրեբունի» թանգարանի տնօրենի մրցույթին 5 թեկնածու է մասնակցել, բայց ոչ ոք չի հաղթել

«Բավական ծանոթ եմ մարզի խնդիրներին». Հայկ Չոբանյանը Տավուշի մարզպե՞տ կնշանակվի

Միքայել Մինասյանը կենդանության նշաններ է ցույց տալիս. Սերժ Սարգսյանի փեսայի հետ ԱԺ-ում համաձայն չեն

Ավան հոգեկան առողջության կենտրոնում հետազոտվող զինակոչիկները տակնուվրա են արել հիվանդասենյակը

Ֆրանսիայում հայկական մաֆիայի անդամներ են ձերբակալվել

Արարատի մարզի Ոստան գյուղում հայտնաբերվել է 82 մմ-անոց ականանետի արկ՝ չպայթած վիճակում

Մանկապարտեզի 6 դաստիարակները, թողնելով 103 երեխաներին, եկել են համայնքապետարան. պարզաբանում

Եռալեզու տարբերակով տպագրվել է հոգեբուժարանների խնդիրների վերաբերյալ Պաշտպանի զեկույցը

Սփյուռքի հետ հարաբերությունները պետք է համակարգի վարչապետի աշխատակազմը, 2 նախարարություն մի հարցով չպետք է զբաղվեն

Հունվարի 19-23-ը սպասվում է առանց տեղումների եղանակ

Մհեր Գրիգորյանը նախագահել է ԵԱՏՀ խորհրդի այս տարվա անդրանիկ նիստը

Ռոբերտ Քոչարյանի պաշտպանները մինչ դատարանի որոշումը Վերաքննիչ բողոք են ներկայացրել

Լրատվամիջոցների ներկայացուցիչներն այցելել են ԶՈՒ կենտրոնական պարենային և իրային բազաներ

Սերժ Սարգսյանը ե՞րբ է հեռացել ակտիվ քաղաքականությունից. Էդուարդ Շարմազանով

Freedom House-ը գնահատել է համացանցի ազատությունը. ՀՀ-ն «մասամբ ազատից» դարձել է «ազատ»

Մարզերում ձյան շերտում արգելափակված տասնյակ մեքենաների ու քաղաքացիների է օգնություն ցուցաբերվել

Հայաստանյան և բրիտանական քաղաքները համագործակցության մեծ ներուժ ունեն. հանդիպում դեսպանի հետ

«Նեմրան» հերքում է, որ կիրակիներին նվագում է ինչ-որ կրոնական կազմակերպության համար

Ծառայողական անփութությու՞ն, թե՞ ռազմաքաղաքական հանցագործություն