Մոնոպոլիստները նվազեցրել են պետբյուջե վճարվող հարկերը. ստվերը խորանում է ու ընդլայնվում

ՀՀ պետեկամուտների կոմիտեի երեկ հրապարակած խոշոր հարկատուների վերաբերյալ ցանկը այս անգամ էլ շատ ուշագրավ է: Ինչպես հայտնի է, 2016 թվականին ՀՀ պետական բյուջեն հարկային եկամուտների մասով  թերակատարվեց մոտ 50 միլիարդ դրամով:

2016 թվականի պետական բյուջեի մասին օրենքով սահմանված էր, որ պետք է հավաքվի 1 տրիլիոն 129 միլիարդ դրամ, այնինչ, պաշտոնական տվյալներով՝ հավաքվեց միայն 1 տրիլիոն 79 միլիարդ դրամ: Որ տնտեսվարողները որքան հարկ են վճարել, ովքեր են ավելացրել եւ ովքեր են պակասեցրել հարկերը...: Այս հարցերի պատասխանները կան նշված ցանկում: Սկսենք ամենահայտնի խոշորներից: ԱԺ պատգամավոր Սամվել Ալեքսանյանի հետ մեղմ ասած փոխկապակցված «Ալեքս Գրիգ» ընկերությունը, դատելով այս ցանկից շատ վատ ֆինանսական վիճակում է գտնվում: 2016 թ. այս ընկերությունը վճարել է 14.8 միլիարդ դրամի հարկ: 2015-ին այդ ցուցանիշը կազմում էր 18.2 միլիարդ դրամ: Այսինքն մեկ տարվա ընթացքում այս ընկերությունը նվազեցրել է պետբյուջե վճարվող հարկերը մոտ 3.4 միլիարդ դրամով, կամ մոտ 7 մլն դոլարով: Տոկոսային արտահայտությամբ՝ դա կազմում է 18.6 տոկոս: Սա ահռելի ցուցանիշ է: Եթե այլ երկրներում որեւէ խոշոր ընկերության հարկերը նվազեին 18.6 տոկոսով, լուրջ կասկածներ կարող էին առաջանալ, որ այդ տնտեսվարողի գործերը վատ են` շատ վատ:

Ալեքսանյանին պատկանող մեկ այլ ընկերություն` արտասահմանյան նշանավոր օղիների կեղծմամբ ու նմանակմամբ հայտնի «Ա եւ Գ»-ն անցած տարվա ընթացքում վճարել է 2 միլիարդ դրամի հարկ այն դեպքում, երբ 2015 թ. այդ ցուցանիշը 2.6 միլիարդ դրամ էր: Այս դեպքում նվազումը 23 տոկոս է: Հարկերի 23 տոկոս նվազումը ընդհանրապես` աղետի նշաններ է պարունակում:

Ասել, թե ուր են «կորչում» այդ գումարները, կարող է թերեւս միայն Սամվել Ալեքսանյանը եւ պետեկամուտների կոմիտեն, եթե ցանկանա: Բայց ինչպես ցույց է տալիս փորձը, Ալեքսանյանն այդ մասին լռում է, իսկ ՊԵԿ-ին դա այնքան էլ չի հետաքրքրում: Կա տարածված կարծիք այն մասին, որ «Ալեքս Գրիգի» վճարած հարկերի նվազումը պայմանավորված է առեւտրի ծավալների անկմամբ, քանի որ այդ ընկերության կազմի մեջ է մտնում «Երեւան Սիթի» սուպերմարկետների ցանցը: Բայց դա միֆ է: Ըստ ՀՀ ԱՎԾ-ի հրապարակած տվյալների՝ առեւտրի ծավալները 2016 թ. ոչ միայն չեն նվազել, այլեւ աճել են` 1 տոկոսով 2015 թվականի համեմատ: Ճիշտ է` մանրածախ առեւտուրը նվազել է 2.6 տոկոսով, բայց 4.5 տոկոսով աճել է մեծածախ առեւտուրը: Իսկ ով ով, բայց «Ալեքս Գրիգը» մեծածախ առեւտրի հիմնական մասնակիցներից է: Այսինքն առեւտրի ծավալների անկման վարկածը տվյալ դեպքում չի աշխատում:

Ի դեպ, մեծածախ առեւտրի մասին: Նույն «Ալեքս Գրիգ» ընկերության կազմում է գործում նաեւ Սպիտակի շաքարի գործարանը: Իսկ շաքարի շուկայում, կարելի է ասել, միակ գործող անձը հենց Ալեքսանյանն է: 2016 թվականի առաջին կեսին, երբ շաքարի համաշխարհային գները շատ ցածր էին, նա ներկրեց շաքարի ահռելի քանակություն: Երկրորդ կեսին, երբ շաքարը աշխարհում կտրուկ թանկացավ, խանութներում կտրուկ բարձրացավ նաեւ Ալեքսանյանի ներկրած շաքարի մանրածախ գինը: Ակնհայտորեն դա լրացուցիչ ահռելի եկամուտներ պարգեւեց մեր հայտնի մոնոպոլիստին, սակայն, ինչպես երեւում է հարկատուների ցանկից, հարկերը ոչ թե աճել են, այլ նվազել: ՊԵԿ-ին դա նույնպես չհետաքրքրեց:

Սա տարօրինակ է նրանով, որ այլ դեպքերում ՊԵԿ-ը լավ էլ հետաքրքրասեր է: Օրինակ, մի 10 օր առաջ ՊԵԿ-ին խիստ հետաքրքրել էր «ՍԱՍ» սուպերմարկետների ցանցը: Այնքան էր հետաքրքրել, որ ցանցի մի քանի սուպերմարկետներ ՊԵԿ-ի ստուգումների պատճառով ժամեր շարունակ փակվել էին: Եվ դա այն դեպքում, երբ նույն` առեւտրի ոլորտում գործող այս ցանցի վճարած հարկերը 2016 թվականին աճել էին 44 տոկոսով: Թե ինչու են ՊԵԿ-ին հետաքրքրում այն տնտեսվարողները, որոնք ավելացրել են հարկերը 44 տոկոսով, բայց բոլորովին չեն հետաքրքրում նրանք, ովքեր նվազեցրել են հարկերը 18 տոկոսով, մնում է հանելուկ: 

2016 թվականին 1000 խոշոր հարկատուների ցանկում է հայտնվել ամենայն հավանականությամբ Ալեքսանյանին պատկանող մի նոր ընկերություն` «Ալեքս Հոլդինգը», որը 2016 թվականին բյուջե է վճարել 1.2 միլիարդ դրամ: Թե ինչ նոր ընկերություն է սա, դեռ հայտնի չէ: Հայտնի է միայն, որ վերջերս Կենտրոնական բանկը այս ընկերության կազմում գտնվող տարադրամի փոխանակման կետերին լիցենզիա տվեց: Դատելով հասցեներից, դրանք բոլորը «Երեւան Սիթիներում» գտնվող չենջերն են: Չի կարելի բացառել, որ անցած տարեվերջին Ալեքսանյանը որոշել է սուպերմարկետները հանել «Ալեքս Գրիգի» կազմից եւ դրանք տեղավորել մեկ այլ` «Ալեքս Հոլդինգ» ընկերության կազմում: Ամփոփելով Ալեքսանյանին պատկանող ընկերությունների վճարած հարկերը, ներառելով նաեւ «Ալեքս Հոլդինգը», ստացվում է հետեւյալ պատկերը: 2015 թվականին այդ ընկերությունները միասին վճարել են 20.8 միլիարդ դրամ, իսկ 2016-ին 18.1 միլիարդ: Նվազումը` 2.7 միլիարդ դրամ, կամ 13 տոկոս:

Մեկ այլ մոնոպոլիստ` ԴԱՀԿ նախկին պետ Միհրան Պողոսյանի հիմնադրած «Քեթրին գրուպի» գործերը նույնպես վատ են` շատ վատ: 2015 թվականին այս ընկերությունը պետական բյուջե էր վճարել 1.2 միլիարդ դրամ, 2016-ին ընդամենը 958 միլիոն դրամ: Անկումը` 25 տոկոս է: Ի՞նչ է պատահել բանան ներկրող այս ընկերությանը: Ոչինչ էլ չի պատահել: Ինչպես 2015 թվականին, այնպես էլ 2016-ին սա բանան ներկրող, կարելի ասել, միակ ընկերությունն է: Խոսակցություններ կան, որ «Քեթրին գրուպին» զուգահեռ գործում է նաեւ մեկ այլ ընկերություն, որի իրական սեփականատերերը նույն մարդիկ են: Բայց նույնիսկ սա հաշվի առնելով, ըստ մեր ունեցած հավաստի տեղեկությունների, միեւնույն է` բանանի ներկրումից հարկերը նվազել են:

Այս տվյալները հաշվի առնելով կարո՞ղ ենք կասկածել, որ Հայաստանում ստվերային տնտեսությունը ընդլայնվում ու ամրապնդվում է: Իհարկե կարող ենք: Ընդ որում, կարող ենք պնդել, որ խորանում է ստվերային տնտեսության այն հատվածը, որը վերահսկում են հենց մոնոպոլիստները:

«Հայկական Ժամանակ»-ը Telegram-ում
Տպել
10371 դիտում

Հայաստանը՝ Wizz Air-ի ամսագրի հատուկ թողարկման մեջ

Իսկական տղամարդը չի կարող լինել խոսող-թռնող, կանանց մեջքի հետևում հայհոյող, Լևոն Քոչարյանը ֆեյք է. տեսանյութ

Կառավարությունը կկարողանա օտարել ռազմական նշանակության արտադրանքը ռազմարդյունաբերական ընկերություններին

Ռուսական պատվիրակությունը չի գնացել Թուրքիայի նախագահի նստավայր

Կյանքից հեռացել է ճանաչված արվեստագետ, նկարիչ Արման Գրիգորյանը

Հիմնանորոգվում է Ջրվեժից Գառնի տանող 14.7 կմ երկարությամբ ճանապարհը. տեսանյութ

ԵՊՀ-ն՝ որպես Հայաստանի Մայր բուհ, եղել և մնում է մեր գիտական ու մտավոր ներուժի հենասյուներից մեկը. ՀՀ նախագահ

Ալեն Սիմոնյանն այցելել է քաղաքական բռնաճնշումների և տոտալիտարիզմի զոհերի «Ալժիր» հուշահամալիր

Սրիկաները երես են առել, որովհետև դալաններում չենք ծեծում, մայկա-տրուսիկով չենք թողնում. տեսանյութ

Ընդգծվել է խաղաղության համաձայնագրի ստորագրման կարևորությունը. Տիրանայում հանդիպել են Փաշինյանն ու Էդի Ռամայը

Վայր եմ դնելու մանդատս ու այլևս չեմ զբաղեցնելու համայնքի ղեկավարի պաշտոնը. Դիանա Գասպարյան

Ավանդական գյուղատնտեսությունից՝ նորարարական. հզորացնել գյուղական ընտանիքների գիտելիքներն ու կարողությունները

Հանձնաժողովը մերժել է ԱԺ «Պատիվ ունեմ» խմբակցության հեղինակած հայտարարության նախագծի ընդունումը

Հանդիպում ունեցա Ալբանիայի վարչապետ Էդի Ռամայի հետ. Նիկոլ Փաշինյանը տեսանյութ է հրապարակել

Թուրքիայում երկրաշարժ է տեղի ունեցել

ԱՄԷ-ում Դոնալդ Թրամփին հատուկ արարողակարգով են դիմավորել. տեսանյութ

Նախարարությունը շրջաբերականներ է ուղարկել դպրոցներ, հորդորել դրամահավաքներից զերծ մնալ

Էրդողանն Անկարայում ընդունել է Զելենսկուն. նրանք փակ հանդիպում են ունեցել

Դիլիջանի թունելի հիմնանորոգման փոխարեն նոր թունելի կառուցման նախագիծ կմշակվի

«Հորիզոններ» ծրագրի մասնակիցները ուսումնասիրում են ջերմատնային և ինտենսիվ այգեգործություն. «Իմ քայլը»

Թագուհի Ստեփանյանն ազատվել է «Թիվ 4 պոլիկլինիկա» ՓԲԸ տնօրենի պաշտոնից

Դպրոցներում թմրանյութերի շրջանառության հարցը մտահոգիչ է, նախատեսվում է անցակետեր տեղադրել․ փոխնախարար

Երևանում երթևեկության կազմակերպման փոփոխություններ կլինեն

Դոլարն էժանացել է. ինչ փոփոխություններ է արձանագրել տարադրամի շուկան մայիսի 15-ին

Կայծակի հուժկու հարվածը Գեղարքունիքի Գագարին գյուղում. տեսանյութ

Զելենսկիի ինքնաթիռը վայրէջք է կատարել Անկարայի օդանավակայանում. տեսանյութ

Լավրովի այցը Հայաստան նախապատրաստման փուլում է. ՌԴ ԱԳՆ

ՀՀ վարչապետի հետ Ալբանիա է մեկնել նաև Արարատ Միրզոյանը

Զախարովան մեկնաբանել է Ալիևի՝ մայիսի 9-ին Մոսկվա չմեկնելու որոշումը

Մերձավանի միջնակարգ դպրոցի ուսուցչուհու նկատմամբ վերաբերմունքը խիստ դատապարտելի է և ամոթալի. Բաքոյան

Կոնվերս Բանկը և ՎԶԵԲ-ը ստորագրել են 2 վարկային համաձայնագիր՝ 8 մլն դոլարի չափով

Սիմոնյանը Ղազախստանի խորհրդարանի Սենատի նախագահի հետ քննարկել է տարածաշրջանային զարգացումների մասին հարցեր

Հայկական կոնյակի արտահանման խնդիրն անհասկանալի է․ նախարարը կայցելի Վրաստան

«Ռազմարդյունաբերական համալիրի մասին» օրենքում լրացում կատարելու նախագիծն ընդունվել է առաջին ընթերցմամբ

Լևոն Քոչարյանը չի կարող հանդիսանալ պառլամենտարիզմի օրինակ․ Վահագն Ալեքսանյան

Վարժական հավաքներից խուսափելը կպատժվի տուգանքով

ՀՀ-ում 10 տարի իշխանության են եղել, ծակ կոշիկներից բացի՝ ոչինչ չեն ունեցել, դարձել են միլիարդատեր․ Պապոյան

Հորդառատ անձրևներ, ամպրոպ, կարկուտ, քամի. ի՞նչ եղանակ է սպասվում առաջիկա օրերին

Ուժեղ անձրևի հոսքից հակակարկտային կայաններից մեկի հետ խնդիր է եղել, կողքի 63 համակարգերն աշխատել են. նախարար

Ձերբակալված աշխատակիցը դեռևս ապրիլին ազատվել է աշխատանքից. քաղաքապետարան