Վարչապետի քվեարկությունը կախված կլինի ԱԺ շենքը շրջապատած քաղաքացիների քանակից. Նազարյան

Հայտնի է, որ ըստ նոր Սահմանադրության եւ ԱԺ կանոնակարգ սահմանադրական օրենքի, ՀՀ վարչապետի ընտրությունն անցկացվելու է բաց քվեարկությամբ՝ ի տարբերություն շատ ավելի թույլ լիազորություններով պաշտոնների:

Ինչպե՞ս են սա մեկնաբանում ԱԺ տարբեր խմբակցությունների պատգամավորները: 

Օրինակ, ԱԺ փոխնախագահ, ՀՀԿ խմբակցության պատգամավոր Արփինե Հովհաննիսյանը վարչապետի ընտրության բաց քվեարկության վերաբերյալ պնդում է, որ անվանական քվեարկությամբ ընտրելը լիովին համահունչ է խորհրդարանական կառավարման ձևի սկզբունքներին։ Վերջինիս խոսքով՝ բաց քվեարկության նպատակը պատգամավորների՝ իրենց ընտրողներից ստացած մանդատը հանրության համար տեսանելի եղանակով, հրապարակայնորեն իրականացնելու երաշխավորումն է։

ԱԺ ԵԼՔ ընդդիմադիր խմբակցության պատգամավոր Լենա Նազարյանն ինչ-որ չափով համաձայն է Արփինե Հովհաննիսյանի մեկնաբանության հետ՝ բաց քվեարկությունների առումով, բայց Նազարյանի համար հասկանալի չէ, թե ինչու է Հովհաննիսյանը բոլոր քվեարկություններից առանձնացնում միայն այս մեկը:

«Հայկական ժամանակ»-ի հարցին՝ ինչպես կմեկնաբանի այն հանգամանքը, որ վարչապետի ընտրությունները բաց քվեարկությամբ են անցկացվելու, Լենա Նազարյանը պատասխանեց․

«Կարծում եմ՝ Ազգային Ժողովում բոլոր քվեարկությունները, առավել ևս վարչապետի ընտրության, պետք է բաց լինեն: Ես չեմ հասկանում գաղտնի քվեարկության իմաստն այդ շենքում, երբ հարցը վերաբերում է քաղաքական պաշտոններում անձերի ընտրությանը: Քաղաքականությունը հանրային գործունեության տեսակ է, և ցանկացած ընտրություն պետք է տեղի ունենա հանրության աչքի առաջ: Խորհրդարանական մոդելի կառավարմամբ երկրում խմբակցությունները, պատգամավորները պետք է հանրության առաջ հաշվետու և պատասխանատու լինեն իրենց քվեարկությունների համար:
Գաղտնի քվեարկության անհրաժեշտությունը հիմնավորվում է պատգամավորի անկաշկանդ գործելու փաստարկով, բայց իրականում գաղտնի քվեարկության դեպքում էլ պատգամավորին վերահսկելու մեխանիզմներ կան, միայն թե այդ վերահսկողությունն արդեն հանրության կողմից չի իրականացվում: ՀՀ նախագահի` հենց վերջերս կայացած ընտրության ժամանակ անվավեր քվեաթերթիկներից մեկի և' կողմ, և' դեմ վանդակներում նշում կար արված: Սա նշանակում է, որ պատգամավորը սկզբում մի վանդակում է նշում արել, լուսանկարել դա ինչ-որ մեկին ցույց տալու համար, հետո մյուսն է նշել և անվավեր դարձրել քվեաթերթիկը: Իբր փորձել է չվերահսկվել, բայց ո՞ւմ է պետք իր անվավեր դարձրած քվեաթերթիկը: Նա լիարժեք չի արտահայտել իր դիրքորոշումը։ Արդյունքում միայն վերահսկվել է: Իսկ եթե հանրության շահի տեսանկյունից նայենք այս իրավիճակին, ապա ստացվում է, որ պատգամավորը, որը պետք է գաղտնի քվեարկության ժամանակ անկաշկանդ գործեր, եւս վերահսկվում է, իսկ հանրությունն այդպես էլ չի տեղեկանում, թե որ պատգամավորն ինչպես քվեարկեց: Այնպես որ բաց քվեարկությունների դեպքում պատգամավորները վերահսկվում են առաջին հերթին հանրության կողմից, մինչդեռ գաղտնի քվեարկությունների դեպքում պատգամավորները կարող են վերահսկվել այլ ուժերի կողմից և, ընդհանրապես չվերահսկվել հանրության կողմից»,- ասաց Նազարյանը։

Ազատ կամք արտահայտելու, փակ, գաղտնի քվեարկություն անցկացնելու սկզբունքների հետ հակասության մասով Լենա Նազարյանը նշում է, որ բաց ընտրությունն օրինական է այնքանով, որ այդպես քվեարկելու կարգը սահմանված է Սահմանադրությամբ, իսկ ժողովրդավարական սկզբունքներին չի հակասում, որովհետև բաց քվեարկություններն ու թափանցիկ գործունեությունն առավել ժողովրդավար մոտեցում են, քան գաղտնի քվեարկությունները:

«Անկեղծ ասած, պատգամավորի՝ բաց քվեարկության դեպքում կաշկանդված լինելու հարցը ինձ բացարձակ չի հուզում, որովհետև պատգամավորի կաշկանդվածությունն իր անձնական խնդիրն է, ոչ թե հանրության, որը պետք է տեղեկացված լինի իր ընտրած պատգամավորի քվեարկությունների մասին: Եթե պատգամավորը կաշկանդված է և չի կարողանում ազատ արտահայտել իր դիրքորոշումն, ապա կամ ինքը սխալ խմբակցությունում է, կամ առհասարակ իր տեղում չէ: Այն պատգամավորները, որոնք դեմ են քվեարկում գաղտնի քվեարկությունների ժամանակ կամ անվավեր են դարձնում իրենց քվեաթերթիկները, բայց միշտ կողմ են քվեարկում մնացած բոլոր բաց քվեարկությունների ժամանակ, ինքնախաբեությամբ ու խղճուկ ինքնահաստատմամբ են զբաղված: Այդ թաքուն դեմը ոչինչ չի որոշում, անվավեր դարձրած քվեաթերթիկը ոչ մեկին պետք չէ, այդպիսի պատգամավորների թաքուն անհամաձայնությունը ոչ մի բանով չի տարբերվում խոհանոցում բողոքող քաղաքացիների վարքից»,- նշում է պատգամավորը։

Մեր հարցին՝ իսկ ինչու՞ նախագահի ընտրություններն անցան փակ քվեարկությամբ, ինչպե՞ս է ստացվել, Լենա Նազարյանը պատասխանեց․

«Գնացել են ամենաուղիղ ճանապարհով։ Ամենայն հավանականությամբ, ՀՀԿ-ի վարչապետի թեկնածու Սերժ Սարգսյանն ուզում է իրեն կողմ քվեարկող պատգամավորների աչքերին նայել (ընդ որում, կարծում եմ, ոչ միայն ՀՀԿ), ովքեր կքվեարկեն նրա օգտին և չեն թարթի: Իսկ եթե ՀՀԿ պատգամավորներից ինչ-որ մեկը մտքում թարթելու ցանկություն ունենա էլ, ապա հավաստիացնում եմ, գաղտնի քվեարկությունը նրան չէր փրկի, որովհետև, արդեն ասացի, գաղտնի քվեարկության վերահսկման մեխանիզմներ կան: ԱԺ ՀՀԿ խմբակցության պատգամավորները պարտադրված կլինեն դեմ քվեարկել Սերժ Սարգսյանի թեկնածությանը, միայն եթե իրենց համար պարզ լինի, որ դրսում ԱԺ շենքը շրջապատած քաղաքացիների քանակը բավարար է, որ նրանք մնան այդ շենքում այնքան ժամանակ, քանի դեռ չեն կատարել հանրության՝ Սերժ Սարգսյանին դեմ քվեարկելու պահանջը: Ի դեպ, աշխարհում ընդունված միջոց է՝ հանրության կողմից պատգամավորների քվեարկություններն իրենց կամքին ենթարկելու համար»,- հավելեց Նազարյանը։   

Մեր դիտարկմանը,  թե հնարավոր է բաց քվեարկությունը դեմ քվեարկածների հետ «հաշվեհարդար» տեսնելու նպատակ է հետապնդում, Նազարյանն ասաց, որ հերթը դրան չի հասնի:

«Քանի դեռ հանրությունն այդպիսի պահանջ չունի պատգամավորներից, ՀՀԿ-ականները Սերժ Սարգսյանի թեկնածությանը դեմ լինելու որևէ նշույլ անգամ չեն ցուցաբերի: Իսկ պահանջ ունենալու դեպքում իսկապես պետք է մտածեն՝ Սերժ Սարգսյանի՞, թե՞ հանրության «հաշվեհարդարն» է առավել ցավալի»,- եզրափակեց ԵԼՔ խմբակցության պատգամավոր Լենա Նազարյանը։

ՀայԱրփի Բաղդասարյան

Նյութը տպագրվել է «Հայկական ժամանակ» օրաթերթի մարտի 15-ի համարում:

Տպել
7063 դիտում

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)

«Կրթությունից աշխատանք՝ մեկ քայլ». «Ապագա» հիմնադրամը նոր ծրագիր է սկսում (տեսանյութ)

Զելենսկին ժամանել է Շվեյցարիա․ նա մասնակցելու է խաղաղության գագաթնաժողովին

Իր արած գրառումը սեփական գրպանին կպավ, մարդիկ դադարում են օգտվել «Ջիջի»-ի ծառայությունից. Միսկարյանը ևս բոյկոտում է

Սեր Դիլիջանի երկնքում․ Գագիկ Սուրենյանը լուսանկար է հրապարակել

Պաշարները կշարունակեն փոքրիկների կյանքեր փրկել․ Երևանի փոխքաղաքապետը և առողջապահության վարչության պետը արյուն են հանձնել

Մխիթար Հայրապետյանը Վաշինգտոնում այցելել է Starlink-ի գրասենյակ․ համագործակցության հարցեր են քննարկվել

Երևանում իրանական առևտրի տուն է բացվելու․ Հայաստանը մտադիր է նման կենտրոն ունենալ Թեհրանում

Կայացել է սուբվենցիոն հայտերի գնահատման հանձնաժողովի նիստը․ համայնքներից ստացված 49 ծրագիր է քննարկվել

Խուզարկություններ են արվել, ՀՅԴ 10 ղեկավար անդամ է ձերբակալվել․ Սաղաթելյան

Երևան-Քիշնև ինքնաթիռը չնախատեսված վայրէջք է կատարել Բուխարեստում․ ինչ են հայտնել Մոլդովայի իշխանությունները

Երկուսս էլ առանց անուն տալու հասկացանք՝ ով է այն տերտերը, որի առջև դրախտի դարպասները հաստատ փակ են լինելու․ Կոնջորյան

Հայաստանում կիրականացվի 130 մլրդ դրամի ներդրում, կստեղծվի մոտ 1000 աշխատատեղ․ Գևորգ Պապոյանը խոսել է առաջիկա ծրագրերից

Կոմիտասի շենքերից մեկում հրդեհ է բռնկվել, կրակը տեսանելի է մի քանի հարյուր մետրից․ ըստ տանտիրոջ՝ պայթել է գազաբալոնը

5 հա և ավելի մակերեսով գյուղատնտեսական նշանակության հողերի միավորման դեպքում կտրամադրվի պետական աջակցություն

Գյուղի սկզբնամասում դարանակալել, հետո կրակել է․ Ամբերդի բնակչի սպանության կասկածանքով ձերբակալվել է համագյուղացին

Վարչապետը օտարերկրյա պետություններում Սփյուռքի գործերի հանձնակատար է նշանակել

Մեկ ամիս առանձին ժամերի միակողմանի փակ է լինելու Էրեբունու փողոցից Այվազովսկի ճանապարհահատվածը

Հայ-ադրբեջանական սահմանում արտառոց տեղաշարժ կամ միջադեպ չի նկատվել․ ԵՄ դիտորդական առաքելություն

Ոստիկանության բաժանմունքում կանայք հարձակվել են օպերլիազորի վրա, հարվածել, հայհոյել․ մեկի մոտ դանակ է հայտնաբերվել

ՌԴ-ն պատրաստ է «հենց վաղն» էլ նստել բանակցության սեղանի շուրջ․ Պուտինը հայտնել է Ուկրաինայի հետ խաղաղության պայմանները

ԱԳՆ շենքի դիմաց Գալստանյանի ակցիայի ժամանակ խուլիգանության դեպքի վարույթով նախաքննությունը, երեք անձի մասով, ավարտվել է

Գերմանիայում ռեկորդային քանակով՝ 35 տոննա կոկային է առգրավվել․ արժեքը գնահատվում է 30 միլիարդ եվրո

Քարկոփը Մ-6 ավտոճանապարհին միացնող հետիոտնային կամրջի աշխատանքներն ավարտվել են

Ռուսաստանից տուրիստական հոսքը կրճատվել է․ որ երկրներից են ավելի շատ զբոսաշրջիկներ այցելել Հայաստան

Երկրի ապագայի մասին մտածող ղեկավար ունենալու մաղթանք հղողն ինքը պետք է սեփականն ունենա․ ԱԳՆ բողոքի նոտան Բելառուսին

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան

Օգտատերերը ֆլեշմոբ են սկսել՝ կոչ անելով չօգտվել «Ջիջի» տաքսի ծառայությունից. պատճառը սեփականատիրոջ գրառումն է