Սպիտակի քաղաքապետը բաց նամակով դիմել է վարչապետին (լուսանկարներ)

Սպիտակի քաղաքապետ Գագիկ Սահակյանը օրեր առաջ բաց նամակով դիմել է վարչապետ Նիկոլ Փաշինյանին՝ խնդրելով ուշադրություն դարձնել աղետի հետեւանքով սեփական բնակարանները կորցրած ընտանիքների խնդիրներին: Նամակում Սահակյանը հայտնել է, որ ներկայումս Սպիտակ քաղաքում հաշվառված է երկրաշարժի հետեւանքով անհատական բնակելի տուն կորցրած ու փոխհատուցում չստացած ավելի քան 430 ընտանիք, որոնք շարունակում են ապրել կենցաղային պայմաններից զուրկ, շահագործման համար ոչ պիտանի վագոն-տնակներում: Քաղաքապետը նաեւ հայտնել է, որ չնայած նշված անօթեւան ընտանիքների թիվը ենթակա է ճշգրտման, սակայն այդ ամենը չի արվում, քանի որ նախ ֆինանսական լրացուցիչ միջոցներ են անհրաժեշտ, եւ հետո՝ նոր ուսումնասիրությունները կառաջացնեն բնակչության դժգոհությունը, քանի որ տարիներ շարունակ ուսումնասիրություններ են արվել, սակայն ոչինչ չի փոխվել:

Քաղաքապետը անդրադարձել է նաեւ քաղաքի տնակային ավաններում ապրող ավելի քան 300 ընտանիքների խնդրին ու հայտնել. «…Հավատալով նոր ձեւավորված կառավարության՝ կուտակված խնդիրներին լուծում տալու պատրաստակամությունը, խնդրում եմ քննարկել աղետի գոտու քաղաքային համայնքների անօթեւան ընտանիքներին բնակարանով ապահովելու հարցը եւ 1988թ-ի երկրաշարժի տարելիցին ընդառաջ, հնարավորության դեպքում, առաջիկայում խորհրդարան ներկայացվող կառավարության ծրագրում անդրադառնալ այդ խնդրին»:

Մեզ հետ զրույցում Գագիկ Սահակյանն ասաց, որ յուրաքանչյուր տարի վերը թվարկված խնդիրների վերաբերյալ ինքը դիմումներ է գրել կառավարություն, որտեղից, սակայն, նշել են, թե բյուջեում գումարներ չկան, ու այսպես խնդիրները մնացել են չլուծված այսքան տարի. «Վարչապետին դիմեցինք, քանի որ ցանկանում ենք, որ երկրաշարժի տարելիցին ընդառաջ հարցը գոնե կառավարության ծրագրում ընդգրկվի»- ասաց նա՝ նշելով, որ նամակին պատասխան դեռեւս չեն ստացել:

Գագիկ Սահակյանի խոսքով, մարդիկ 30 տարի է՝ ապրում են 5 տարի ժամկետով կառուցված ժամանակավոր կացարաններում: Նախորդ տարի քաղաքաշինության նախարարությունից իրենց հայտնել էին, որ խնդրին կանդրադառնան 2020թ-ին: Քաղաքապետի ակնկալիքները նոր կառավարությունից մեծ են: Նա հույս ունի, որ հարցը եթե չլուծվի, գոնե կներառվի ծրագրում:

Տպել
8448 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում