Արցախում հիմա էլ պահանջում են Բակո Սահակյանի հրաժարականը

Արցախի ԱԺ նախկին պատգամավոր, ռազմական-քաղաքական գործիչ Վահան Բադասյանը երեկ ֆեյսբուքյան իր էջում գրառում կատարեց այն մասին, որ ինքը եւ «Լույս Արցախին» նախաձեռնությունը հավատարիմ մնալով իրենց սկզբունքներին, շարունակելու են քաղաքական պահանջների իրականացման ուղղությամբ աշխատանքներն ու պայքարը։ Բադասյանը նշել էր, որ հարցի հանգուցալուծման երկու տարբերակ կա:

Առաջինը, «Բակո Սահակյանը հրաժարական է տալիս եւ քաղաքական հարթակի առկա քաղաքական ուժերը (խորհրդարանային եւ արտախորհրդարանային) ներկայացնում են համաձայնեցված նախագահի թեկնածու, որից հետո ԱԺ-ն ընտրում է նախագահ։ Նորընտիր նախագահը կազմավորում է ժամանակավոր կառավարություն և կազմակերպում արտահերթ նախագահական ու ԱԺ ընտրություններ՝ Ընտրական օրենսգրքի և Սահմանադրության հակասական և թերի դրույթների փոփոխմամբ։
Երկրորդը, «Բակո Սահակյանի հրաժարական չտալու դեպքում Նախաձեռնող խումբը ձեռնամուխ է լինում այցելել ԱՀ-ի բոլոր բնակավայրեր և հարցը ներկայացնելով հանրությանը, ստանալ աջակցություն, ապա ճնշումներով հասնել հրաժարականին»։

Մեզ հետ զրույցում Վահան Բադասյանը մանրամասնեց, թե ինչպիսին է այս պահին Արցախի ներքին եւ սահմանային իրավիճակը:

- Պարոն Բադասյան, այս պահին, ո՞րն է ձեր նպատակը եւ ի՞նչը չի բավարարվել ձեր պահանջներից:

- Ես մանրամասն գրել եմ այդտեղ երկու տարբերակ: Առաջին տարբերակը, որ քաղաքական հարթակ պիտի ստեղծենք, մենք առաջարկել ենք արդեն բանավոր, եւ այն քաղաքական ուժերի կողմից ընդունվել է: Մենք պետք է միասին առաջարկենք, որպեսզի Բակո Սահակյանը հանդարտ պայմաններում հրաժարական տա եւ ԱԺ-ն համաձայնեցված թեկնածու ընտրի, որպես ժամանակավոր նախագահ, որը պետք է ոչ թե մինչեւ 2020 թվականը, այլ սահմանված կարգով հնարավորինս ողջամիտ ժամանակահատվածում մինչեւ 2019 թվականը ամենաուշը կազմակերպեն նոր ընտրություններ:

- Այսինքն, գրեթե նույն մեխանիզմով, ինչպես Հայաստանո՞ւմ:

- Մոտավորապես, բայց այստեղ պետք է բնական ձեւով անենք ամեն ինչ: Արցախում ռեժիմը հոգեբանորեն տապալված է, սակայն նրանք գործում են՝ լինելով Սերժ Սարգսյանի ռեժիմի շարունակողները: Սակայն ժողովուրդը չի հանդուրժում դա եւ դրա համար ստեղծվում է տնտեսական եւ քաղաքական ճգնաժամ: Փողոցով գալը սխալ է, առաջին հերթին մենք հորդորում ենք, այստեղ ստեղծվող երիտասարդ, ճանաչում չունեցող եւ անփորձ խմբերին, որ փողոցով գալը սխալ է, եթե փողոցով լինի, ցնցումների կգնա երկիրը:

Պետք է մենք գյուղ առ գյուղ գնանք եւ ապացուցենք Բակո Սահակյանին, որ ժողովուրդը չի ուզում այս ձեւով ապրել, իսկ ինքն էլ հակառակ դրան չի ուզում հրաժարվել ղեկավարման իր հին մեթոդներից: Ուստի, մենք առաջարկում ենք, որպեսզի 1 տարով ժամանակավոր նախագահ նշանակվի եւ նա կազմի կառավարություն` քաղաքական հարթակի հետ համաձայնեցված ձեւով, որպեսզի երկիրը չտանենք ցնցումների: Այս դեպքում արդեն կարելի է շեշտել` ոչ թե շահարկել, որ ունենք առաջնագիծ: Սակայն, եթե շարունակվի այսպես մնալ, առաջնագծի պահը ավելի վտանգավոր է Բակո Սահակյանի պաշտոնավարման շարունակումով, քան ցնցումներով այն փոխելով:

- Այսինքն, ցանկանում եք ամեն ինչ խաղաղ ձեւով կազմակերպել, որպեսզի առաջնագծում լարվածություն չառաջանա՞:

- Այո, իհարկե: Հնարավոր է, որ եթե քաղաքական հարթակը չկարողանա համոզել Բակո Սահակյանին հրաժարական տալ, դիմենք ՀՀ իշխանություններին, որպեսզի նրանք հորդորեն, որ Բակո Սահակյանը գնա:

- Այս պահին սահմանային իրավիճակը ինչպիսի՞ն է Արցախում:

- Եթե այս ամենը կատարվի, մենք պետք է դրանից հետո մեր բոլոր ուժերը ուղղենք տնտեսությանը: Այս պահին պաշտպանության ամրապնդման հարցերը շատ կարեւոր են: Ապրիլին այս նույն իշխանությունները չեն կարողացել հետեւել իրավիճակին եւ լավ է, որ տեղում կրտսեր հրամանատարական կազմը եւ զինվորները կարողացել են անձնական նախաձեռնությամբ այնպես անել, որպեսզի առաջխաղացում չլինի: Դիրքերը հետ վերցնելու օպերացիան չմշակվեց, ինչո՞ւ, որովհետեւ անկարող էին իշխանությունները:

Ես սա արդեն երկու տարվա պատմություն եմ ասում, սակայն չպետք է այսպես շարունակվի: Ես չգիտեմ, թե ինչպես ասեմ, որ ժողովուրդը չհուսահատվի եւ հակառակորդը չիմանա այս մասին, բայց սա իրողություն է: Մեր ժողովրդի մի մասը 2016 թվականից հետո գիտակցելով, որ մի բան պատահելուց հետո այս իշխանությունը չի կարող բան անել, սկսեց արտագաղթել երկրից: Այս ամենը, ինչ-որ ձեզ ասում եմ, ես տեղեկանքով զեկույցի նման ներկայացրել եմ նախագահին, ինչ-որ բան ընդունել են, ինչ-որ բան չեն ընդունել: Հիմա, այո, առաջնագիծը այնպիսին չէ, ինչպես առաջ, հիմա արդեն կա 2-րդ գիծ, 3-րդ գիծ, բայց սա բավարար չէ:

Այսօր մեր խնդիրը չի, թե ինչպես է ուզում Բակո Սահակյանը իր աթոռը երկարացնել: Մենք էլ աթոռի խնդիր չունենք: Ես կոնկրետ չեմ հավակնում որեւէ պաշտոնի, բայց ինձ երբեք չեմ ների, եթե այդ իրավիճակը շարունակվի եւ արկածախնդիրներ գան իշխանության: Կան իշխանատենչներ, որ ազատ աթոռ են տեսնում եւ ուզում են վազել դրա հետեւից:

- Վերջին երկու օրվա ընթացքում Արցախի ՊԲ-ն սահմանային լարված իրավիճակի մասին հայտարարություններ է տարածում, ունենք զոհ, այժմ ինչպիսի՞ վիճակ է սահմանում:

- Սահմանային վիճակը միշտ էլ լարված է եղել: Միշտ էլ, երբ մեր զինվորը նկատվել է հակառակորդի կողմից վիրավորվել կամ սպանվել է: Սա առանձին թեմա է, որ հետագայում մենք պետք է այս մասին մտածենք, բայց երկրում ներքին խաղաղություն է պետք, որ այս մասին մտածենք:

Մենք ունեցել ենք այդ առաջարկությունները, թե ինչպես պետք է անենք, որ սահմանում զոհ չլինի, ինչ պետք է անենք, որպեսզի Ադրբեջանը երբեք չհոխորտա պատերազմով, ինչ պետք է անենք, որ ամրապնդվենք եւ զոհեր չլինեն: Մենք չպետք է ամեն ինչ գցենք Նիկոլ Փաշինյանի վրա, մենք պետք է բոլորս մեր առաջարկություններով, մեր նախաձեռնություններով մասնակցենք: Համոզված եմ, որ ազգ-բանակը հենց սա է: Եթե մենք ունենանք հզոր տնտեսություն, ուրեմն մենք կունենանք նաեւ ներդրումներ բանակի վրա: Բանակի վրա ներդրումներ ունեցանք, արդեն ամեն ինչ կանենք:

Բայց առաջին հերթին պետք է կարողանանք ունենալ վստահության իշխանություն, որը պետք է պահպանի երկրում արդարության հավասարակշռությունը եւ հասարակական համերաշխությունը, սա է ճանապարհը միայն, ուրիշ ճանապարհը չկա, ուրիշ ճանապարհը տանում է դեպի փակուղի:

Տպել
4589 դիտում

Անձնագրային և վիզաների վարչությունում քաղաքացիները սպասարկվելու են էլեկտրոնային հերթագրումով․ ինչպես դիմել (տեսանյութ)

Տաթևի վանքից Սատանի կամուրջ տանող ճանապարհահատվածը փակ է

Նորագավիթի գերեզմանատան մոտ 2 անձի րազենային վնասվածքներ պատճառած տղամարդը ձերբակալվել է

Գեղարքունիքի և Սյունիքի մարզերում ավտոմեքենաներ են արգելափակվել

Շենգավիթ վարչական շրջանում հրազենով կատարված սպանության և սպանության փորձի դեպքի առթիվ նախաձեռնվել է քրեական վարույթ

Հայտնաբերվել է նոյեմբերի 22-ից անհետ կորած համարվող տղամարդու դին

1991-ի այս օրը Արցախի բնակչությունը ԼՂՀ անկախության հանրաքվեով արտահայտեց անկախ պետություն ունենալու իր կամքը․ Թովմասյան

Մարդու անօտարելի արժանապատվությունն իր իրավունքների և ազատությունների անքակտելի հիմքն է․ ՄԻՊ-ն ուղերձ է հղել

Սյունիքի մարզի բարձրադիր գոտիներում մառախուղ է․ կան փակ ավտոճանապարհներ

Բանկի կառավարիչը 2 քաղաքացուց խարդախությամբ շուրջ 50 մլն դրամ է հափշտակել. վարույթի նյութերն ուղարկվել են դատարան

31 խորքային հորի տանիք ամբողջությամբ վերանորոգված է․ աշխատանքների իրականացման համար 50 մլն դրամ է տրամադրվել

Երգչուհի Սիրուշոն ԱՄՆ-ից տեսանյութ է հրապարակել, որտեղ երգում է «Սարերով-ձորերով» երգը (տեսանյութ)

Չլինի այնպես՝ ԼՂՀ-ն ինքնուրույն խաղա, բայց պատասխանատվությունը կրի Հայաստանը. Խալաթյանը՝ Արցախի պաշտոնյաների մասին

Կենդանաբանական այգում երկու մասի է բաժանվում վագրերի ազատավանդակը

«Իմ ժամանակի մեծերը»․ բացվել է ՀՀ ժողովրդական նկարիչ Անատոլի Ավետյանի աշխատանքների ցուցահանդեսը

Ստեփանավանում ավտոմեքենա է այրվել

Տարածաշրջանում գլխավոր հարցը շարունակում է մնալ ԼՂ հարցի կարգավորումը․ հանդիպել են Նիկոլ Փաշինյանը և Պուտինը (տեսանյութ)

Նա կարողացավ բոլորին համոզել, որ գեղեցիկը փարթամ մարմինն է. լույս է տեսել Քիմ Քարդաշյանի մասին գրքի հայերեն տարբերակը

Հեղափոխությունը միայն այսօր մտավ Անի համայնք․ Նազելի Բաղդասարյանը ներկայացրել է համայնքապետի պաշտոնակատարին

Վարդենիսի և Նորատուսի ջրային տարածքներից դուրս են բերվել լողամիջոցները, որսագործիքներն ու ժամանակավոր կացարանները

Աննա Հակոբյանն Արմավիրի մարզում այցելել է «Ոսկենի գինիներ» գինեգործարան, Գետաշենի ագրոէկո դպրոց (լուսանկարներ)

Աշտարակի թիվ 4 և Ուշիի միջնակարգ դպրոցներն արդեն հիմնանորոգված մարզադահլիճներ ունեն

Ստեփանավանի ոլորաններում թույլ ձյուն է տեղում

Տեղի է ունեցել «ԿԱՆԱՉ Հայաստան» հարթակի քաղաքականությունների երկխոսության շարքի երկրորդ հանդիպումը

Ստեղծվելու է «ԵՊՀ ՍԹԵՄ դպրոց»․ նպատակ կա ապահովել ԵՊՀ-ում հանրակրթության ու բարձրագույն կրթության անընդհատությունը

Կալանքի տակ գտնվող Վերմիշյանն ու նրա ընտանիքի անդամները ապօրինի գույքի գործով կանչվել են դատախազություն

Գալչյանի աշխատանքները գնել են «Քրիստիան Դիոր», «Վերսաչի» նորաձևության տները․ Աննա Հակոբյանը այցելել է Արմավիրի մարզ

Բրյուսովի ռեկտորը, ՀԺ-ի հրապարակումը խեղաթյուրված համարելով, չի հերքում, որ ՊՎԾ-ի հետ ունեն անհամաձայնություն

Վահան Քերոբյանը ընդունել է Grid Dynamics ընկերության գործադիր տնօրենի գլխավորած պատվիրակությանը

Ադրբեջանի կողմից նոր սադրանքների հավանականությունը շարունակում է բարձր լինել․ Արարատ Միրզոյան

44-օրյա պատերազմի ժամանակ Մարտունու ուղղությամբ արձակված հրթիռը ֆոսֆորային ռազմամթերք է․ փորձաքննությունն ավարտվել է

Շենգավիթ վարչական շրջանում նոր կանգառասրահներ են տեղադրվել (լուսանկարներ)

ՔԿ-ն պարզաբանում է ներկայացրել Է․ Վանեսքեհյանի նկատմամբ նախաձեռնված քրեական վարույթների առնչությամբ

Ես վստահ էի, որ «Snap»-ը մեծ հաջողություններ կունենա և այդպես էլ եղավ ․ Ռոզա Լին

ՀՀ ոստիկանության պետը պարգևատրել է դատաբժշկական գիտագործնական կենտրոնի աշխատակիցների և ոստիկանների

Լաչինի միջանցքը վերջերս արգելափակվել էր, և ԼՂ-ում մեծ մտահոգություն կա այդ հարցում․ կայացել է Փաշինյան-Պուտին հանդիպումը

Մեկնարկում է «Տարվա 10 լավագույն մարզիկներ» մրցույթը․ որ մարզիկները կարող են առաջադրվել, ովքեր և ինչպես են քվեարկելու

Հալիձորից Տաթև մառախուղ է, տեսանելիությունը՝ 20-30 մետր

Ռանչպար գյուղի ջրատարում դի է հայտնաբերվել

Ծառայության նկատմամբ վարչապետը հիմա էլ ունի նույն լիազորությունը. պատգամավորը՝ անվտանգային համակարգի բարեփոխման մասին