Գագիկ Ծառուկյանը բարեգործություններ անելով՝ օրենք է խախտել. «դեմն ուզում են առնել»

Հուլիսի 19-ին Կառավարության նախաձեռնությամբ Ազգային ժողովն արտահերթ նիստ է հրավիրելու, որտեղ մի շարք օրենսդրական նախագծերի հետ քննարկվելու է «Բարեգործության մասին» օրենքում փոփոխություններ եւ լրացումներ կատարելու հարցը: Փոփոխության նպատակը, ըստ հիմնավորման, այն է, որ օրենքը համապատասխանեցվում է 2015 թվականին փոփոխված Սահմանադրությանը:

Մասնավորապես, օրենքի նախագծում ասվում է, որ վարչապետի որոշմամբ ստեղծվելու է բարեգործական ծրագրերի համակարգման խորհրդակցական հանձնաժողով, որը լիազորված մարմնին առաջարկություններ է ներկայացնելու օրենքով սահմանված լիազորված մարմնի գործառույթների իրականացման վերաբերյալ: Խորհրդակցական հանձնաժողովի կազմը եւ կանոնադրությունը հաստատվում է վարչապետի որոշմամբ:

Ստացվում է, որ վարչապետի որոշմամբ ստեղծված հանձնաժողովը կարող է բարեգործին թույլ չտալ կատարել իր բարեգործությունը, քանի որ այն կարող է այլ իրավական հիմքեր ունենալ: Հանձնաժողովը կարող է օրենքով նախատեսված դրույթներով սահմանափակել բարեգործության համար տրվող գումարը կամ լրիվ չեղարկել։ Հարկ եղած դեպքում հանձնաժողովը կարող է դիմել իրավապահներին։

Այս նախագիծը դեռ ԱԺ չի հասել, բայց բուռն քննարկումների առիթ է դարձել: Հատկապես նախագծի ԱԺ բերելը մտահոգել է Ծառուկյան խմբակցության պատգամավորներին: Մասնավորապես, Նաիրա Զոհրաբյանը կարծում է, որ սա հենց ուղղված է Գագիկ Ծառուկյանի դեմ եւ այս կառավարությունը շարունակում է նախորդի սկսած գործը:

«Գագիկ Ծառուկյանը նախորդ իշխանության թիրախն էր, դա փաստ էր, եւ նախորդ իշխանության վերջին Հանրապետական վարչապետ Կարեն Կարապետյանը, իհարկե, ելնելով Բարեգործության մասին այս օրենքը,  որպես թիրախ ուներ միմիայն Գագիկ Ծառուկյանին։ Սա հասկանալի էր։ Անհասկանալի է, թե ինչու է այս կառավարությունը, որպես առաջին օրենսդրական նախաձեռնություն, բերում մի երկրում մի օրենք, որտեղ 30 տոկոս պաշտոնական աղքատությանը գումարվում է եւս 30-40 տոկոս աշխատող աղքատների թիվը եւ փորձում դրանով կրկին թիրախ սարքել Գագիկ Ծառուկյանին»,- ասաց նա եւ հարց բարձրացրեց, թե ո՞վ ու ինչպե՞ս է որոշելու՝ դա բարեգործությո՞ւն է, թե՞ ոչ:

«Այդ ո՞նց եք որոշելու, գիր-ղուշո՞վ, թե՞ ըստ ձեր քաղաքական նպատակահարմարության եւ ըստ ձեր քաղաքական ճաշակի։ Ի տարբերություն ձեզ, այս տարիների ընթացքում ինչ արել է Գագիկ Ծառուկյանը, որպես բարեգործ, որեւէ քաղաքական ենթատեքստ չի եղել։ Հարցրեք ուսանողներին, ովքեր ուսման վարձեր են ստացել Գագիկ Ծառուկյանից, նրանցից ովքե՞ր են եղել «Բարգավաճ Հայաստանի» անդամ, հարցրեք խաղողագործներին, հարցրեք հաշմանդամներին, հարցրեք անօթեւաններին։ Անհարմար է, չի կարելի։ Պետություն, արա քո պարտականությունը՝ ապահովիր անօթեւաններին բնակարաններով, լուծիր անապահովության խնդիրը, իսկ եթե չես կարող, մի խանգարիր բարեգործներին, ովքեր դա կարող են ու ովքեր դա անում են։ Եթե ոմանց թվում է, թե բերելով այս օրենքը, իրենք վատություն են անում Գագիկ Ծառուկյանին, ապա պետք է ասեմ, որ դուք խորապես սխալվում եք։ Դուք վատություն պետք է անեք սոցիալական այն խավերին, ովքեր օգտվում են այդ բարեգործությունից։ Այդուհանդերձ, եթե այս օրենքը բերվի ու ընդունվի, ես լինելու եմ այն մարդկանցից մեկը, որը հորդորելու է Գագիկ Ծառուկյանին հուլիսի 1-ից դադարեցնել բոլոր բարեգործական ծրագրերը եւ բոլոր շահառուներին, ովքեր կդիմեն Գագիկ Ծառուկյանին, մենք ուղղորդելու ենք դեպի կառավարություն»,- ասաց Նաիրա Զոհրաբյանը։

Առաջիկայում ԱԺ արտահերթ ընտրություններ են եւ ընտրակաշառքի գործոնը Նիկոլ Փաշինյանը խոստացել է ընդհանարապես բացառել: Սա ենթադրում է, որ շատ քաղաքական ուժեր, որոնք տասնյակ հազարներով քվեներ էին խփում ու խորհրդարանում տեղեր ամրագրում, այլեւս նրանց դա չի հաջողվելու: Միանգամայն պարզ է նաեւ Ծառուկյան խմբակցության պատգամավորների սրտնեղած դիրքորոշումը այս հարցի շուրջ: Բանն այն է, որ առաջիկա ընտրություններին քարոզարշավի շրջանակներում, ինչպես 2017 թվականին տեղի ունեցավ, ԲՀԿ առաջնորդ Գագիկ Ծառուկյանն աջ ու ձախ բարեգործություններ կանի:

Միանշանակ պարզ է, որ «բարեգործությունը» իր էական ազդեցությունն է ունենալու ընտրողի ընտրության վրա, երբ հասնի քվեախցիկի մոտ: Այս օրենքի ընդունումը հերթական կարգավորումներից մեկը կլինի, որ առաջիկայում արդար ընտրություններ անցկացվեն:

Մեր այս դիտարկումների շուրջ, սակայն ԱԺ պատգամավորները չէին շտապում մեկնաբանություններ տալ: Մասնավորապես, ՀՀԿ-ից Էդուարդ Շարմազանովը նշեց, որ կսպասի մինչեւ նախագիծը հասնի խորհրդարան:

ՀՅԴ-ից Արմեն Ռուստամյանն էլ ասում է, որ  «Բարեգործության մասին» օրենքի նախագիծն ընտրակաշառքը բացառելու մեխանիզմ է:

«Ընտրությունների ժամանակ ընդհանրապես բարեգործություն ասվածը մենք արդեն տեսել ենք, որ չարաշահվում է եւ օգտագործվում՝ որպես ընտրակաշառքը թաքցնելու ձեւ: Դրա դեմ, այո՛, պետք է պայքարել, ես կարծում եմ՝ բարեգործության դաշտը պետք է ավելի լիարժեք դարձնել, որ դա լինի իսկապես բարեգործություն: Բարեգործությունն այն է, որ անում ես՝ իրապես ոչինչ չակնկալելով եւ սա պետք է սահմանվի»,- նշեց նա:

Նախագծի շուրջ հնչող մտահոգություններին անդրադառնալով՝ Ռուստամյանը նշեց, որ դեմ արտահայտվողների փաստարկները խորապես չի ուսումնասիրել, բայց որ բաց կա եւ այն պետք է կարգավորվի, դրա անհրաժեշտությունը տեսնում է:

Ի դեպ, հիշեցնենք, որ 2017 թվականի մարտի 8-ին Կենտրոնական ընտրական հանձնաժողովը հայտարարել էր, որ դրամական ու նյութական խոստումներով մարտի 7-ին քարոզարշավը սկսած Գագիկ Ծառուկյանը խախտել է օրենքը։

Հանձնաժողովի նախագահ Տիգրան Մուկուչյանը լրագրողների հետ զրույցում այդ օրերին ասել էր, որ Գագիկ Ծառուկյանը պաշտոնական զգուշացում է ստացել՝ օրենքը խախտելու համար:

«Նման խոստումներ տրվել չեն կարող, դա օրենքի խախտում է: Ինչի վերաբերյալ մենք արդեն կուսակցության ներկայացուցիչներին նաեւ իրազեկել ենք, որպեսզի դադարեցվի եւ հետագայում նման օրենքի խախտումներ չթույլատրվեն: Շարունակվելու դեպքում արդեն Կենտրոնական ընտրական հանձնաժողովը համապատասխան վարույթ կհարուցի, միջոցներ կձեռնարկի, որոնք ամրագրված են Ընտրական օրենսգրքում»,- ասել էր Տիգրան Մուկուչյանը:

Ընտրական օրենսգրքի համաձայն, նախընտրական քարոզչության ժամանակ կուսակցություններին արգելվում է ընտրողներին անհատույց կամ արտոնյալ պայմաններով տալ կամ խոստանալ դրամ, սննդամթերք, ապրանքներ: Արգելվում է նաեւ մատուցել կամ խոստանալ ծառայություններ:

Չի բացառվում, որ ԲՀԿ-ն հետագայում հենց նման զգուշացումներից խուսափելու համար է, որ այժմ «դիվերսոն» հարձակման է ենթարկում օրենքի նախագիծը: Մասնավորապես, օրենք խախտած ուժը կարող է անգամ զրկվել ընտրություններին մասնակցելու հնարավորությունից:

Տպել
10999 դիտում

Սպասելու եմ, որ այդ ուժերը հիմնավորեն Գրիգորյանի խոսքերը և պնդեն՝ նա ազգամիջյան թշնամանք չի սերմանել. Խաժակյան

Երևանում կրկին անհնազանդության ակցիաներ են. բերման են ենթարկվել Էդուարդ Շամազանովը, Լևոն Քոչարյանը, Արմեն Աշոտյանը

Երկար ժամանակով լույս չի լինելու Երևանում և 4 մարզերում

ՌԴ փոխվարչապետի գլխավորած պատվիրակությունն այսօր մեկնում է Թուրքիա. օրակարգում տնտեսական հարցեր են

Երևան-Մեղրի ավտոճանապարհին մեքենան դուրս է եկել երթևեկելի հատվածից և մոտ 20 մ սահել ձորը. կա տուժած

Իշխան Սաղաթելյանը հայտարարել է, թե այսօր կազմակերպված երթին մասնակցել է 40-50 հազար մարդ, բացահայտ ստում է. Չախոյան

Իշխանափոխության հանրային պահանջ չկա. Գարեգին Միսկարյանը՝ ներքաղաքական իրավիճակի և ընդդիմության գործողությունների մասին

Տղամարդը մեղվի փեթակները գողացել է ու վաճառել

Յուրաքանչյուր տնկված ծառ ներդրում է ավելի կանաչ ապագայի համար. Հակոբ Սիմիդյան

Որքան մարդ է մասնակցել ընդդիմության այսօրվա հանրահավաքին. ԻՔՄ

Ընտանիքում բռնության ենթարկված անձանց ապաստարանի ծառայությունների տրամադրումը շարունակվում է

Թուրքի բալեքը իրենք են, ոչ թե ոստիկանը, որի արժանապատվությունը փորձում են նվաստացնել. Մելքոնյանը՝ ընդդիմության մասին

Մինչև 2026 թ. Գյումրիում, Արարատում և Սյունիքում արդյունաբերական 3 գոտի կստեղծվի. Վահան Քերոբյանն այցելել է Շիրակի մարզ

Ականի պայթյունի հետևանքով պայմանագրային զինծառայողը վիրավորում է ստացել. ՊՆ

Թմրանյութ՝ կոնֆետներում. «Արթիկ» ՔԿՀ-ում քրեական գործ է հարուցվել

Ազգային արժանապատվությունը նվաստացնելու դեպքով հարուցված քրգործով ձերբակալվել է Արմեն Գրիգորյանը. ԱԱԾ (տեսանյութ)

Անցկացվել է գումարտակի մարտավարական զորավարժություն՝ հարձակողական մարտի իրականացմամբ

Մեկնարկել է ընդդիմության հանրահավաքը

Վահագն Խաչատուրյանը պետական պարգև է հանձնել Հայաստանում Սուրբ Աթոռի առաքելական նվիրակին (տեսանյութ)

ՀՀ գլխավոր դատախազ Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Արցախի Հանրապետության ճանապարհային ոստիկանությունը ծառայությունն իրականացնում է խստացված ռեժիմով

Ձերբակալվել է КВН-ի նախկին անդամ Արմեն Գրիգորյանը

Կյանքը խաթարող խառնակիչները շարունակում են չհասկանալ՝ աղբարկղները գրկած վազվզելը անհնազանդության ակցիա չէ. Դավոյան

ՎՏԲ-Հայաստան բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ

Սևանա լճում որոնողական աշխատանքները շարունակվում են

Երկրաշարժ Խաշթառակ գյուղից 3 կմ արևմուտք. զգացվել է նաև Տավուշի մարզի որոշ գյուղերում

Ամերիաբանկն ստացել է «Տարվա գործարքը 2021–Կանաչ առևտուր» մրցանակը ՎԶԵԲ-ի Առևտրի խթանման ծրագրի շրջանակում

ՀՀ մարդու իրավունքների պաշտպանի աջակցությամբ զինծառայողը ստացել է անհրաժեշտ վիրահատական բուժում

Ռուստամ Բադասյանը կմեկնի արձակուրդ

ՀՀ վարչապետն ընդունել է Ռոբին վան Պույենբրոքին. ներկայացվել է Երևանում համաշխարհային առևտրի կենտրոն հիմնելու նախագիծը

Ոստիկանի նկատմամբ բռնություն գործադրելու կասկածանքով ձերբակալվել է Յուրի Խաչատուրովի որդին՝ Իգոր Խաչատուրովը. ՔԿ

Նախագահ Վահագն Խաչատուրյանը շնորհավորական ուղերձ է հղել Կասիմ-Ժոմարտ Տոկաևին՝ ծննդյան տարեդարձի առթիվ

Ավտոմեքենան դուրս է եկել երթևեկելի գոտուց, ընդհարվել սյանը, վարորդը մահացել է. կատարվում է նախաքննություն (տեսանյութ)

Նիկոլ Փաշինյանին ձերբակալելու մասով միջնորդությունը մերժվել է. ՀՀ գլխավոր դատախազության պարզաբանումը

Ոստիկանության ստորաբաժանումները մեկ օրում բացահայտել են հանցագործության 66 դեպք, որից 7-ը՝ նախկինում կատարված

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)