Վարչապետի հանձնարարականով ստուգումներ են սկսվել Զանգեզուրի պղնձամոլիբդենային կոմբինատում

Մեր տեղեկություններով՝ ՀՀ կառավարությանն առընթեր բնապահպանության եւ ընդերքի տեսչական մարմինը ստուգումներ է անցկացնում Զանգեզուրի պղնձամոլիբդենային կոմբինատում: Տեղեկությունը մեր զրույցում հաստատեց տեսչական մարմնի ղեկավարի օգնական Վրույր Պեպանյանը:

Հարցին՝ ի՞նչ ստուգումներ են, Պեպանյանը պատասխանեց. «Բնապահպանական մասով տեսչական մարմինը ստուգում է իրականացնում տվյալ ընկերությունում»:

Մեր հարցին՝ բոլո՞ր հանքարդյունաբերական ընկերություններում են ստուգումներ իրականացվում, Պեպանյանը արձագանքեց. «Միանգամից բոլորը բնականաբար հնարավոր չի իրականացնել: Կա տարեկան ստուգման պլան, որի համաձայն՝ տեսչական մարմինը իր ստուգումներն իրականացնում է: Նաեւ, ինչպես գիտեք, վարչապետը հանձնարարել է մետաղական հանքերում ստուգումներ սկսել, եւ դա այդ շրջանակներում է: Նախորդը «Լիդիան Արմենիա» ընկերությունում ստուգում իրականացվեց, իսկ հիմա Զանգեզուրի պղնձամոլիբդենային ընկերությունում ենք իրականացնում»:

Մեր հարցին՝ եթե պարզվի՝ ԶՊՄԿ-ում էլ բնապահպանական ռիսկեր կան, հնարավո՞ր է այդտեղ էլ դադարեցվեն աշխատանքները, Պեպանյանը պատասխանեց. «Մենք չենք դադարեցրել եւ առհասարակ մենք օրենքով սահմանված կարգով իրականացնում ենք ստուգում եւ վեր ենք հանում այդտեղ առկա իրավախախտումները եւ այդ իրավախախտումների համաձայն` կախված դրանց չափից, համապատասխան որոշում է կայացվում մեր կողմից եւ առաջարկության տեսքով ներկայացվում այլ լիազոր մարմիններին, որոնք էլ որոշում են:

Այնպես, չի որ տեսչական մարմինը նպատակ ունի որեւէ ընկերության գործունեությունը դադարեցնել: Նպատակը ընկերության գործունեության համապատասխանեցումն է օրենքին, այդ սկզբունքով ենք մենք առաջնորդվում», - պատասխանեց Պեպանյանը:

Պեպանյանը նշեց, որ ամեն խախտման համար օրենսդրությունը ունի համապատասխան որոշում: 

Հիշեցնենք, որ մայիսի 22-ին կառավարության նիստի ժամանակ վարչապետ Նիկոլ Փաշինյանը հանձնարարական էր տվել՝ ստուգումներ սկսել 28 մետաղական հանքարդյունաբերող ընկերություններում: Տեսչական մարմինն առաջին ստուգումն իրականացրել էր Ամուլսարի հանքավայրում:

Տպել
5666 դիտում

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին

Վարդենյաց լեռնանցքը կցորդիչով բեռնատարների համար դժվարանցանելի է

Առանձնատնից գողություններ կատարածներն անչափահասներ էին. նրանք ձերբակալվել են

Զինծառայողները եւս մասնակցել են համապետական շաբաթօրյակին

Ոստիկանությունը հայտնաբերել եւ բերման է ենթարկել ավտոլվացման կետից ավտոմեքենա փախցրած անձին