Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Ո՞վ կարող է ասել՝ Հայաստանում այսօր քանի՞ ընտրող կա: Եկեք մոնիթորինգ անենք ու տեսնենք վերջին տարիների ընտրություններից հետո ինչ է խոսվել ու շեշտվել այն օրերի ընդդիմության, միջազգային կառույցների կողմից: Այն, որ այդ թիվը բացակա ընտրողներն են, մահացած ընտրողներն են, մարդիկ են, որ երկրում չեն:

Այս մասին քիչ առաջ՝ «Իմ քայլը» դաշինքի շտաբում, լրագրողների հարցերին ի պատասխան ասաց ՀՀ վարչապետի պաշտոնակատար, դաշինքի առաջին համար Նիկոլ Փաշինյանը՝ անդրադառնալով հարցին, թե ինչու՞ է գրանցվել ընտրությունների մասնակցության ցածր ցուցանիշ:

«Ի վերջո, չմոռանանք, որ մարդիկ իրենց կամքով գնացել են ընտրության, նրանց չեն տարել: Եւ հետո, մարդիկ ինտրիգ չեն տեսնում այս ընտրություններում, որովհետեւ տան անդամը, հարեւանը, բարեկամը, վերեւի հարեւանը, աշխատանքի գործընկերները, կուրսեցին, ընկեր ընկերուհիները քվեարկում են Իմ Քայլը դաշինքի օգտին, ասում է՝ դե էսօր ցուրտ է, ես էլ կմնամ տանը»:

ՀՀԿ-ի շանսերի մասին խոսելիս, Ն. Փաշինյանն ասաց, որ անկախ ամեն ինչից, ՀՀԿ-ն այս ընտրություններում կունենա այնքան ձայն, որքան կհավաքեր վերջին 18 տարում, եթե իսկապես արդար ընտրություններ անցկացվեին.

«Չմոռանանք, որ գյուղապետերի ու համայնքների ղեկավարների, պետական կառավարման համակարգի մեծ մասը ՀՀԿ-ականներ են, մենք այդ մարդկանց տեռորի չենք ենթարկել, վենդետա չենք իրականացրել, չենք ահաբեկել եւ պատկերը ձեզ պարզ է»,-ասաց նա:

Ն. Փաշինյանը վստահ է՝ իրենց ամենամեծ ռեսուրսն ընտրություններում, ազատ քաղաքացիներն են եւ ազատ մամուլը:

«Ընտրական օրենսգրքի փոփոխությունը մեր օրակարգում կա, բայց ամենակարեւորը՝ մենք նոր ընտրական ցուցակներ պետք է ունենանք, որ իմանանք ընտրություններին քանի ընտրող ունենք, մենք գիտենք, որ այսօր չկա այդքան ընտրող, որքան գրված թիվն է: Մարդկանց մեծ մասը դրսում է, գրանցված լինելն ու երկրում ապրելը նույն բանը չի:

Չե՞ք հիշում, մարդկանց բնակության գրանցման վայրերն էին փոխում անգամ նախկինում՝ արմավիրցուն տանում էին Տավուշ, տավուշեցուն տանում էին Կոտայք եւ այլն, անգամ պատգարակներով էին մարդկանց բերում ընտրություն կատարելու, կան 70-ն անց ընտրողներ, ովքեր տեղափոխման խնդիր ունեն, հաշմանդամների համար ընտրատեղամասերը հարմարեցված չեն»:

Ռուս լրագրողի հարցին, թե այս ընտրություններով կարելի՞ է հեղափոխությունն ավարտված համարել, Ն. Փաշինյանը պատասխանեց.

«Այդքան էլ այդպես չէ, հեղափոխության առաջին փուլն է ավարտվել, բայց մենք դեռ բավական անելիքներ ունենք, հիմա ամեն օր եւ՛ տնտեսության, եւ՛ դեմոկրատիայի եւ արտաքին քաղաքականության առումով Հայաստանն օր օրի ավելի ուժեղ է դառնում: Մեր թիմը դեռ ունի հնարավորություն՝ երկիրն ավելի լավը դարձնելու, մենք ունենք նման մանդատ, մեզ ժողովուրդն այդ մանդատը տվել է, բայց երբ այլեւս ի զորու չլինենք երկիրն առաջ տանել, ՀՀ քաղաքացին այդ մանդատը մեզնից կվերցնի ու կտա մեկ ուրիշին:

Լրագրողները նկատեցին, որ ֆինանսական ծախսերը դաշինքի քարոզչության վրա բավական մեծ են եղել, հնչեց հարց, թե հնարավոր չէ՞ր, արդյոք, միայն վարչապետի հեղինակությամբ այսպիսի արդյունք գրանցել, ավելի քիչ ծախսերով, որովհետեւ դաշինքը ծախսերի մասով առաջատարն է բոլոր ուժերի մեջ:

Ն. Փաշինյանը պատասխանեց.

«Կարելի էր ավելի քիչ ծախսել, կամ ավելի շատ ծախսել, միայն ծախսերով չենք առաջատարը, արդյունքներով էլ ենք առաջատար»:

Ռոբերտ Քոչարյանի թիմակիցների այն հայտարարությանը, թե ի պաշտպանության վերջինիս հանրահավաքներ են կազմակերպվելու առաջիկայում, Ն. Փաշինյանը նշեց, որ Հայաստանը ժողովրդավարական երկիր է, յուրաքանչյուր մարդ կարող է հավաքներ կազմակերպել, պետք է նայել հավաքների ազատության մասին օրենքը: «Իսկ վենդետա կազմակերպելու մասին ոչինչ չեմ ուզում ասել, ամեն ինչ պարզ է, ինչու՞ չի խոսվում այն մասին, որ Մարտի 1-ի գործով քննչական խմբի ղեկավարը առաջին տվյալներ կեղծողն է, ինչու՞ է մամուլը լռում, ուրեմն 10 մարդու սպանելը վենդետա չէ, իսկ այդ սպանությունների համար պատժելը վենդետա՞ է»:

Այսօրվա արդյունքների ու քվեարկության մասին խոսելիս էլ Ն. Փաշինյանը նշեց, որ դեռեւս վաղ է անուններ հնչեցնել, դեռ պատկերն այդքան էլ պարզ չէ, բայց ինչ էլ որոշվի, կլինի բաց ու հրապարակային:

Տպել
3676 դիտում

Վրաստանում ընթանում է բողոքի յոթերորդ ցույցը. մնացել է 1 պահանջի կատարում (տեսանյութ)

Մինսկ-2019․ Կարեն Տոնականյանը դուրս եկավ կիսաեզրափակիչ՝ ապահովելով բրոնզե մեդալ

Ուկրաինայի պատվիրակությունը լքել է ԵԽԽՎ-ն

Երեւանում տարածքը գնել են 1 միլիոն դրամով, մեկ տարի անց վաճառել 247 միլիոնով. Հայկ Մարության

Բռնցքամարտիկ Հովհաննես Բաչկովը Մինսկ 2019-ում 5-րդ մեդալն ապահովեց Հայաստանի համար

Լրջագույն ռազմական մատակարարումներ կլինեն ՀՀ տարեվերջին. Դավիթ Տոնոյան (տեսանյութ)

Բռնցքամարտիկ Բարեղամ Հարությունյանը դուրս մնաց Մինսկ 2019-ի հետագա պայքարից

Բռնցքամարտիկ Գուրգեն Հովհաննիսյանը դուրս մնաց Մինսկ 2019-ի հետագա պայքարից

Խարբերդի ամառանոցների տարածքում հրդեհի բարդության ԲԻՍ-1 կանչով մեկնել է 4 մարտական հաշվարկ

Շիրակի մարզը հունիսի 4-ին 560 մլն դրամի վնաս է կրել

Բռնցքամարտիկ Անուշ Գրիգորյանը դուրս մնաց Մինսկ 2019-ի հետագա պայքարից

Մոնումենտի այգիներում գտնվող դղյակների վճարած գույքահարկը որոշ դեպքերում 3 մլն-ից 27 մլն կդառնա. Պապոյան

Օպերային թատրոնը բողոքարկել է ԿԳՄՍ-ի հրամանները. դեմ են նախկին աշխատակիցներին թատրոնում վերականգնելուն

Ջիգարխանյանը, Միշա Գալուստյանը եւ Ռուսաստանում մյուս հայ հայտնիները հորդորում են այցելել Հայաստան (տեսանյութ)

Վլադիմիր Պուտինն ընդունել է Ինգուշեթիայի ղեկավարի հրաժարականը

Թումանյանի թանգարանի տնօրենի մրցույթը կկայանա հուլիսի 12-ին. մասնակիցներից երկու թեկնածու է հայտնի

Ռումյան Հովսեփյանը կխաղա բուլղարական թիմում

Աշտարակում ոստիկանները բերման են ենթարկել մի երիտասարդի՝ հորը պատկանող գազային ատրճանակով

Արտակ Դավթյանն այցելել է կենտրոնական հավաքակայան

Դա ձեր խնդիրն է․ «Իմ քայլ»-ի պատգամավորի շփման ձեւը լրագրողների հետ (տեսանյութ)