ՊՊԾ գնդում ոստիկանական մեքենայի վրա «ՄԱՀ» գրողը եղել է Հովոն. մեղադրյալ Սողոմոնյանը նկարագրեց գործողությունները

Երեւան քաղաքի ընդհանուր իրավասության դատարանում (Շենգավիթի նստավայր) դատավոր Մեսրոպ Մակյանի նախագահությամբ այսօր շարունակվեց «Սասնա ծռեր» խմբի 10 անդամների գործով դատական նիստը:

Դատարանում այսօր հրապարակվեցին սույն գործի անջատված մասով մեղադրյալների նախաքննության ընթացքում տված ցուցմունքները:

ՊՊԾ գունդ մտած մեղադրյալները, ի տարբերություն «Սասնա ծռեր» խմբի անդամների, ցուցմունքներ են տվել եւ ուշագրավ դրվագներ պատմել:

Անջատված մասով մեղադրյալներ, Սպիտակի բնակիչներ Էդգար Սողոմոնյանը, Ռուբեն Գեւորգյանը եւ Գեւորգ Մելքոնյանը այսօր դատարանում հրաժարվեցին ցուցմունքներ տալուց եւ հարցերին պատասխանելուց:

Նման պայմաններում դատարանը որոշեց հրապարակել Սողոմոնյանի՝ նախաքննության ընթացքում տված ցուցմունքները: Էդգար Սողոմոնյանը ցուցմունք է տվել 2016 թվականի սեպտեմբերի 6-ին: Քննիչի հարցին ի պատասխան նա նշել է, որ պատանդ պահելու դրվագով առաջադրված մեղադրանքը չի ընդունում, իսկ զենք-զինամթերքի մեղադրանքի վեաբերյալ հայտնել է, որ ճիշտ է՝ զենք վերցրել է, սակայն դա արել է առանց հասկանալու:

Քննիչի հարցին՝ ի՞նչ հանգամանքներում է մասնակցել ՊՊԾ գնդի գրավմանը, Սողոմոնյանը պատասխանել է, որ 2016 թվականի հուլիսի 16-ին սպիտակցիներով, որոնց թվում եղել են Արմեն Լամբարյանը, Արմեն Բիլյանը, հավաքվել են Սպիտակում գտնվող զրուցարաններից մեկում, նշել են համաքաղաքացիներից մեկի ծնունդը, հաց են կերել, խմել, զրուցել ցույցերից. «Լամբարյանն ասաց, որ գնալու ենք Երեւան՝ ցույցի, Սեֆիլյանին ազատելու, ես մտածում էի, որ ժողովուրդը հավաքվելու է ցույց անի, Ժիրայր կամ Հայաստան ճվա, որ նրան ազատեն, քանի որ նա կալանավորված էր: Լամբարյանն ասում էր, որ Ժիրայրը հայրենասեր մարդ է, պետք է նրան ցույցերով ազատեն: Գիշերը ժամը 3-ի կողմերը արդեն բոլորը խմած էին, որոշեցին ճանապարհվել Երեւան, «ֆորդը» վարում էր Արմենը (Արմեն Բիլյանը)»,- պատմել է Սողոմոնյանը: Վերջինս իր ցուցմունքում նշել է, որ ավելի ուշ է հասկացել, որ ոստիկանության շենք են մտել: «Հանկարծ ուժեղ հարվածի ձայն լսեցի ու տեսա, որ մի «Կռազ» առաջամասով բախվել է փողոցի աջ կողմի պատին ու մտել ներս, այդ պահին Արմենը կանգնեցրեց «Ֆորդը» ու ասեց՝ իջեք, իջեք: Ես շփոթված էի, չէի հասկանում, թե ինչ է կատարվում, ավելի ուշ եմ հասկացել, որ ոստիկանության շենք ենք մտել»,- իր նախաքննական ցուցմունքում նշել է մեղադրյալը: Նա նաեւ պատմել է, որ հերթապահ մասի միջանցքում Արմեն Բիլյանը կրակոց է արձակել: Սողոմոնյանը նաեւ տեսել է միջանցքի երկու սենյակների հատվածների մոտ լիքը կազմվածքով մի տղամարդ, որը ձեռքը բռնած, կիսակռացած քայլերով դուրս է եկել: Սողոմոնյանը պատմել է, որ Արմեն Բիլյանը եւ մյուսները մի ոստիկանից պահանջել են բացել զինանոցի դուռը, ապա ինչ-որ առարկայով բացել են այն, մտել ներս, եւ այնտեղ եղած ավտոմատները լցրել են ինչ-որ պայուսակի մեջ եւ տեղափոխել վերեւի հարկ:

Ըստ էության, Սողոմոնյանն իր ցուցմունքի այս հատվածում ներկայացրել է սպանված ոստիկան, ՊՊԾ գնդի հերթապահ ծառայության հերթապահի օգնական Գագիկ Մկրտչյանի ենթադրյալ հրազենային վնասվածք ստանալու դրվագը:

Քննիչի հարցին ի պատասխան՝ մեղադրյալը նշել է, որ հաջորդ օրն է իմացել, որ ՊՊԾ գնդում սպանվել է գնդապետ Արթուր Վանոյանը, թե ինչ հանգամանքներում եւ ում կողմից՝ չի իմացել: Նա նաեւ պատմել է, որ ծռերից Սմբատ Բարսեղյանի մոտ եղել է հրացան, որի վրա եղել է հեռադիտակ, ըստ ցուցմունքի՝ նա այդ զենքով միշտ գտնվել է երեք հարկանի շենքի 3-րդ հարկի տանիքում:

Էդգար Սողոմոնյանը նաեւ նշել է, որ ՊՊԾ գունդը գրավելուց հետո Վարուժան Ավետիսյանը, Պավլիկ Մանուկյանը եւ Վարդան Գերավետյանը ասել են, որ սպասելու են ժողովրդին, որ ժողովուրդը հավաքվի, ճեղքի ոստիկանների շղթան, միանա իրենց ու ժողովրդի հետ գնան իշխանափոխության:

Նրա ներկայացմամբ, իրավապահներին հանձնվելուց մի քանի ժամ առաջ երրորդ հարկում քննարկել են՝ հանձնվե՞ն, թե՞ ոչ, ու այդ քննարկման ընթացքում Վարուժանն ասել է, որ արյունահեղությունից խուսափելու համար պետք է հանձնվեն, իսկ Արեգը չի համաձայնվել եւ ասել է, որ կհանձնվեն միայն Ժիրայր Սեֆիլյանի պահանջով: Ապա Վարուժան Ավետիսյանը եւ Մխիթար Ավետիսյանը հայտնել են, որ հանձնվում են, ինչից հետո Սողոմոնյանը ուրախացել է: Ըստ ցուցմունքի՝ նա նաեւ նկատել է, թե ինչպես է Արթուր Սողոմոնյանը գումարները ճղել, իսկ մի մասն էլ կոշիկների մեջ է դրել: Նշենք, որ գնդի տարածքում գտնվող «Ակբա Կրեդիտ Ագրիկոլ» բանկին պատկանող բանկոմատից 14 մլն-ից ավելի դրամի հափշտակություն է եղել: Արթուր Սողոմոնյանը մեղադրվում է նաեւ «Ակբա Կրեդիտ Ագրիկոլ Բանկ» ՓԲ ընկերության բանկոմատից առանձնապես խոշոր չափերով՝ 14.808.000 ՀՀ դրամի գաղտնի հափշտակություն կատարելու համար:

Ապա Էդգար Սողոմոնյանը նկարագրել է՝ ինչպես են այրվել ՊՊԾ գնդի տարածքում գտնվող ոստիկանական մեքենաները։ Քննիչի կողմից ներկայացված տեսագրությունները դիտելով՝ մեղադրյալն ասել է, որ ոստիկանական առաջին ավտոբուսատիպ մեքենան այրելու համար «Վիլիս»-ով մոտեցել են Արամ Մանուկյանը, որը վարել է մեքենան, առջեւում նստած է եղել Աշոտ Պետրոսյանը, իսկ հետեւում նստած է եղել Էդվարդ Գրիգորյանը: Ըստ Սողոմոնյանի ցուցմունքի, հենց նրանք են այդ ավտոբուսատիպ մեքենան հետեւի կողմից այրել ու հեռացել:

Երկրորդ ոստիկանական մարդատար մեքենան «Վիլիս»-ով քաշել եւ մոտեցրել են ավտոբուսատիպ մեքենայի կողմը: Այդ ժամանակ «Վիլիս»-ի աջ կողմից իջել է Գառնիկ Հովակիմյանը, վարորդը Արամ Մանուկյանն է եղել։

Մեքենաների կողքը կանգնած են եղել Էդվարդ Գրիգորյանը, Աշոտ Պետրոսյանը, որոնց մոտեցել է Մխիթար Ավետիսյանը: Հետո մի քանի հոգի, որոնց մեջ ճանաչել է Գառնիկին ու Էդվարդ Գրիգորյանին, ավտոբուսատիպ մեքենայի հետեւում կանգնած կարմիր «ջորին» հրելով՝ մոտեցրել եւ կանգնեցրել են երկու այրվող մեքենաների միջնամասում, որտեղ էլ «ջորին» այրվել է: Այդ ընթացքում նրանց մոտ են եղել նաեւ Պավել Մանուկյանն ու Վարուժան Ավետիսյանը: 4-րդ ոստիկանական մեքենան այրելու նախապատրաստական գործողություններին մասնակցել են Արամ Մանուկյանը, որն այդ մեքենայի ղեկին է նստած եղել, իսկ մեքենան գնդից հրելով՝ հանել են Սեդրակ Նազարյանը, Աշոտ Պետրոսյանը եւ Էդվարդ Գրիգորյանը:

Մեքենայի շուրջ հավաքված են եղել Մխիթարը, Արմեն Լամբարյանը, Էդվարդը, Պավլիկը, Վարուժանը եւ Հովոն՝ Հովհաննես Հարությունյանը: Վերջինը, ըստ Սողոմոնյանի ցուցմունքի, տարայով ինչ-որ բան է լցրել մեքենայի բեռնախցիկի ու սրահի մեջ, իսկ Սեթոն անիվ է դրել մեքենայի մեջ: Սողոմոնյանը նշել է նաեւ, որ մեքենայի դիմապակու վրա ներկով «ՄԱՀ» գրողը Հովոն է եղել։ Արամ Մանուկյանը նստել է մեքենայի ղեկին, իսկ Աշոտն ու Հովոն, մեքենան հրելով, մոտեցրել են այրված երեք մեքենաներին եւ այրել:

Նախագահող դատավոր Մեսրոպ Մակյանը Սողոմոնյանին հիշեցրեց, որ դատական նիստերից մեկի ժամանակ Պավել Մանուկյանը հայտարարել է, որ Արմեն Բիլյանը Գագիկ Մկրտչյանի սպանության հետ որեւէ առնչություն չունի, եւ այն ժամանակ, երբ Մկրտչյանը վիրավորվել է, Արմեն Բիլյանն առհասարակ այնտեղ չի եղել, եւ որ միջադեպի ժամանակ ներկա է եղել ինքը, Արմեն Լամբարյանը եւ Էդվարդ Գրիգորյանը, եւ այդ իրավիճակում Էդվարդ Գրիգորյանի կողմից արձակված մեկ պատահական կրակոցից է վիրավորվել ոստիկան Գագիկ Մկրտչյանը։ Սողոմոնյանը պատասխանեց, որ Պավել Մանուկյանի ասածն իրականությանը չի համապատասխանում: Արեգ Կյուրեղյանն էլ Սողոմոնյանից հետաքրքրվեց, թե նախաքննության ընթացքում ցուցմունք տալու ժամանակ արդյոք իր նկատմամբ ճնշումներ եղե՞լ են կամ առաջարկ եղե՞լ է ցուցմունք տալու դիմաց ազատ արձակվել, ինչին Սողոմոնյանը բացասական պատասխան տվեց, ապա հավելեց, որ հրաժարվում է հարցերին պատասխանել: Կյուրեղյանը հայտարարեց, որ ձերբակալելուց հետո Սողոմոնյանին ոստիկանության Մասիսի բաժնում ծեծել են։ Այս գործով կալանքի տակ գտնվող ամբաստանյալ Արմեն Բիլյանն էլ հայտարարեց, որ բոլորը գիտեն, թե ինչպես է նա ցուցմունք տալուց հետո ազատ արձակվել։ «Բոլորը լավ գիտեն, թե ոնց ես ցուցմունք տվել ու գնացել տուն: Ես ձեզ ներում եմ, այն առումով, որ հասկանում եմ՝ տղա եք, փախաք, գնացիք. ես ձեզ վատ աչքով չեմ նայում: Դու գիտես՝ ինչ ես արել, ով ա քեզ թելադրել, որ գրես, բայց ճշմարտությունը բոլորը պետք է իմանան»,- ասաց Բիլյանը:

Գործի անջատված մասով մյուս մեղադրյալ Գեւորգ Մելքոնյանն էլ թեեւ հրաժարվեց դատարանում ցուցմունք տալ, սակայն նախաքննական ցուցմունքները հրապարակելուց հետո չպնդեց դրանք՝ ասելով, որ հոգեբանական ճնշման տակ է եղել եւ նախաքննության ընթացքում հայտնած որոշ դրվագներ սխալ է ասել:

Մասնավորապես նախաքննության ընթացքում Մելքոնյանը պատմել է, որ ՊՊԾ գնդի գրավման օրը՝ հուլիսի 16-ին, երբ Սպիտակից Երեւան էին գալիս, ճանապարհին մեքենան վարել է Արմեն Բիլյանը, վերջինս մի պահ կանգնեցրել է մեքենան, մի քանի հոգով դուրս են եկել, խոսել ինչ-որ մարդկանց հետ, ապա սպիտակ պարկով ինչ-որ բան դրել մեքենայի բեռնախցիկն ու շարունակել ճանապարհը: Մելքոնյանը կարծիք է հայտնել, որ պարկի մեջ զենք է: Այսօր, սակայն, Մելքոնյանը դատարանում ասաց, որ սպիտակ պարկը մեքենայի բեռնախցիկի մեջ դնելու դրվագը չի տեսել, որովհետեւ Երեւան գալու ամբողջ ճանապարհին քնած է եղել: Նախաքննության ընթացքում նա նշել է, թե լսել է, որ գնդապետ Արթուր Վանոյանին սպանել է Սմբատ Բարսեղյանը, սակայն դատարանոմ ասաց, որ ինքը նման բան չի լսել: Մեղադրող դատախազ Պետրոս Պետրոսյանի հարցին՝ ինչո՞ւ է ստորագրել համակարգչային շարվածքով շարադրված ցուցմունքի տակ, եթե հասկացել է, որ դրա բովանդակությունն իրականությանը չի  համապատասխանում, Մելքոնյանը պատասխանեց, թե այն ժամանակ Հայաստանում այլ մթնոլորտ էր տիրում:

Հարցին՝ ի՞նչ մթնոլորտ էր տիրում, ամբաստանյալ Արեգ Կյուրեղյանը արձագանքեց՝ նշելով թե սահմանադրական կարգը տապալվել էր, եւ Մելքոնյանը նույնությամբ կրկնեց նրա խոսքերը:

Նշենք, որ Էդգար Սողոմոնյանը, Ռուբեն Գեւորգյանը եւ Գեւորգ Մելքոնյանը փախուստի էին դիմել գնդից: Անդրադառնալով այս դրվագին, մեղադրյալ Մելքոնյանն ասաց, որ իրենք ի սկզբանե էլ գնդի տարածքում մնալու մտադրություն չեն ունեցել, բայց Արմեն Լամբարյանը պարբերաբար իրենց մոտ է եղել, եւ փախուստի դիմելու քայլեր չեն ձեռնարկել. «Բայց ես գիտեի, որ Ռուբենը հեռախոսով կապ էր հաստատել բարձրաստիճան ոստիկանի՝ մասնավորապես՝  ՀՀ ոստիկանապետի տեղակալ Անուբախ Համբարյանի, ինչպես նաեւ տարածքում գտնվող ոստիկանների հետ, եւ հենց այդ տղաների օգնությամբ էլ մեզ հաջողվեց դիմել փախուստի»,- գրել է Մելքոնյանը:

Նշենք, որ գործի անջատված մասով մեղադրյալները նախաքննության ընթացքում ազատության մեջ են եղել: Սույն գործով հաջորդ նիստը տեղի կունենա 2019 թվականի հունվարի 9-ին:

Տպել
2993 դիտում

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել