Հետախուզման մեջ գտնվող Արամ Հարությունյանը հրապարակել է իր տարեկան հայտարարագիրը

Հետախուզման մեջ գտնվող ԱԺ նախկին պատգամավոր Արամ Հարությունյանը (Բուլկի) երեկ՝ հունիսի 17-ին բարձրաստիճան պաշտոնատար անձանց էթիկայի հանձնաժողով է ներկայացրել իր եւ ընտանիքի անդամների՝ 2018-ի տարեկան հայտարարագիրը:

Հայտարարագրից պարզ է դառնում, որ 2018-ին Հարությունյանը 11 հողամաս եւ 1 հասարակական նշանակության շինություն է օտարել: Ըստ հայտարարագրի՝ շինությունն օտարվել է 20 հազար դոլարով, իսկ 11 հողամասերն իրար հետ միասին օտարվել են 1 մլն 160 հազար դրամով:

2018-ին Հարությունյանը օտարել է նաեւ իր՝ «MERCEDES-BENZ S500L 4 MATIC» ավտոմեքենան՝ 12 մլն դրամով:

Տարեսկզբում Հարությունյանն ունեցել է 1178 դրամ, 1 մլն 531 հազար 718 դոլար եւ 4202 եվրո, իսկ տարեվերջում այն դարձել է 534 հազար 671 դրամ, 1 մլն 703 հազար 555 դոլար եւ 11 հազար 683 եվրո:

2018-ին Հարությունյանն ունեցել է 161 մլն 866 հազար 840 դրամի չափով եկամուտ, որից՝ 6 մլն 94 հազար 340 դրամը գոյացել է աշխատավարձից, 153 մլն 72 հազար 500 դրամը գոյացել է շահաբաժնից, իսկ 2 մլն 700 հազար դրամը գոյացել է վարձակալության դիմաց ստացված վճարից:

Հարությունյանի կինը՝ Հասմիկ Աբգարյանը, տարեսկզբում ունեցել է 127 հազար 381 եվրո, որը տարեվերջում դարձել է 771 եվրո:

Աբգարյանը 2018-ին ունեցել է 2 մլն 700 հազարի եւ 15 հազար 900 դոլարի չափերով եկամուտներ՝ վարձակալության դիմաց ստացված վճարներից:

Հարությունյանի դուստրը՝ Ռիմա Հարությունյանը, 2018-ին ունեցել է 1 մլն 48 հազար 647 դրամի չափով եկամուտ, որը գոյացել է աշխատավարձից:

Նշենք, որ ներկա եւ նախկին պաշտոնատար անձինք իրենք են մուտք գործում էթիկայի հանձնաժողովի կայք՝ իրենց տրված մուտքանունով եւ գաղտնաբառով, ու լրացնում իրենց հայտարարագրերը:

Այսինքն, ստացվում է, որ հետախուզման մեջ գտնվող Հարությունյանը ցանկացել է կատարել իր պարտքը եւ լրացնել՝ իր 2018-ի տարեկան հայտարարագիրը:

Նշենք, որ ըստ ՀՔԾ-ի հաղորդագրության Արամ Հարությունյանը 2007թ-ին, երբ բնապահպանության նախարար էր, իր հետ մտերիմ հարաբերությունների մեջ գտնվող անձանց օժանդակությամբ առանձնապես խոշոր չափերով կաշառք է ստացել, ապա՝ օրինականացրել հանցավոր ճանապարհով ստացված առանձնապես խոշոր չափերով գույքը:

Ըստ մեղադրանքի` Արամ Հարությունյանը, 2007թ. հունիսի 8-ից զբաղեցնելով ՀՀ բնապահպանության նախարարի պաշտոնը, միաժամանակ հանդիսանալով ռազմավարական նշանակություն ունեցող օգտակար հանածոներ պարունակող ընդերքի տեղամասերի նկատմամբ հանքային իրավունքի ձեւավորման միջգերատեսչական մրցութային հանձնաժողովի նախագահ, գործարար Սիլվա Համբարձումյանին հանքերեւակումների ուսումնասիրության 10 լիցենզիա տրամադրելու, հետագայում դրանց ժամկետները երկարացնելու եւ հանքերի շահագործման թույլտվություն տալու համար պահանջել եւ ստացել է 4.2 մլրդ ՀՀ դրամին համարժեք 14 մլն ԱՄՆ դոլար կաշառք:

Իսկ 2008թ-ին Սյունիքի, Լոռու եւ Գեղարքունիքի մարզերում հանքերեւակումների լիցենզիաների տրամադրմանը զուգահեռ Սիլվա Համբարձումյանն իր բանկային հաշվեհամարներից կանխիկացրել եւ Արամ Հարությունյանի մտերիմի միջոցով նրան է տվել 6 մլն ԱՄՆ դոլար կաշառքի գումարը:

Պահանջած կաշառքի մյուս մասը` 8 մլն ԱՄՆ դոլարը, Արամ Հարությունյանն իր մտերիմների օժանդակությամբ ստացել է Արաբական Միացյալ Էմիրություններում բացված տարբեր հաշվեհամարներին փոխանցումներ կատարելու եղանակով, այնուհետեւ գումարի ծագման իրական աղբյուրը քողարկելու եւ դրանց օրինական տեսք հաղորդելու նպատակով գումարները փոխանցել է միջազգային ընկերության՝ Շվեյցարիայի Համադաշնությունում գտնվող բանկային հաշվեհամարին, որտեղից էլ պարբերաբար փոխանցումներ է կատարել  իր հետ մտերիմ հարաբերությունների մեջ գտնվող անձին պատկանող եւ ՀՀ տարածքում ձեռնարկատիրական գործունեություն իրականացնող ընկերության հաշվեհամարին:

Արամ Հարությունյանի նկատմամբ հայտարարվել էր հետախուզում եւ միջնորդություն էր ներկայացվել դատարան` նրան կալանավորելու համար: Հունվարի 18-ին դատարանը որոշում կայացրեց կալանավորել Հարությունյանին:

Տպել
6597 դիտում

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն

ՍԴ-ն մերժել է Ռոբերտ Քոչարյանի դիմումի հիման վրա գործի քննությունը

Եթե փոփոխություններն ուշացրել ենք, չի նշանակում՝ պետք է հաշված շաբաթների ընթացքում հապճեպ լուծել հարցը․ Սուրեն Սահակյան

Սուրեն Պապիկյանը Լիտվայի նորանշանակ դեսպանին ներկայացրել է ենթակառուցվածքների ոլորտի զարգացման առաջնահերթությունները

ՀՀ հավաքականից Եվրո 2020-ի եզրափակիչ փուլի ուղեգի՞ր էինք սպասում. օբյեկտիվորեն դա հնարավո՞ր էր

Բերդ համայնքում այրվել են մոտ 4 հա անտառամիջյան տերևներ և 20 ծառ

Երեւանում վթարի է ենթարկվել 67 համարի ավտոբուսը. տուժածներ չկան, վնասը նյութական է

Երևանում կանցկացվի Հնդկաստան-Հայաստան դեղագործական գործարար համաժողով- ցուցահանդեսը

Նկարչուհին ուզում է մանկատան երեխաներին արվեստի տարբեր ճյուղեր սովորեցնել, միայն թե պետությունն օգնի նյութերը ձեռք բերել

ԱՀ նախագահը մասնակցել է Դիլիջանի միջազգային դպրոցի հիմնադրման 5-ամյակին նվիրված տոնակատարությանը

Հարկեր հավաքելն այլեւս չի իրականացվում բիզնեսի «կաշին քերթելու» միջոցով. Արտակ Մանուկյան

Ոստիկանի սպանության գործով անչափահաս եղբորը մեղադրանք առաջադրվեց 4 հոդվածներով, մյուսին՝ 2. ՔԿ

Քաղաքապետարանը պարզաբանել է, թե ինչու են մանկապարտեզում երեխաներին կապել աթոռներից

Արմեն Սարգսյանին հավատարմագրերն է հանձնել Հայաստանում Զամբիայի նորանշանակ դեսպանը

Հաստատված 19 դրվագ խարդախության դեպքով մեղադրանք է առաջադրվել 23-ամյա կնոջ