Բանավեճ է, եւ կարգավորումներ կլինեն. Արայիկ Հարությունյանը՝ Սասուն Միքայելյանի եւ Ռոմանոս Պետրոսյանի կոնֆլիկտի մասին

Կրթության, գիտության, մշակույթի եւ սպորտի նախարար Արայիկ Հարությունյանն այսօր ուղեկցում էր Մոսկվայի Լոմոնոսովի անվան պետական համալսարանի երեւանյան մասնաճյուղ այցելած վարչապետ Նիկոլ Փաշինյանին: Լրագրողները նախարարին մի քանի հարց ուղղեցին, որոնք վերաբերում էին «Քաղաքացիական պայմանագիր» կուսակցության ներսում հնարավոր խմորումներին, վարչության կազմում Սասուն Միքայելյանի չընտրվելուն ու դրա շուրջ նրա հնչեցրած գնահատականներին: 

- Պարոն նախարար, Սասուն Միքայելյանն անդրադարձավ Աբովյանի ընտրություններին եւ հայտարարեց, որ եթե դասեր չքաղեք, թավշյա հեղափոխությունը կարող է վերածվել թավշյա հեռացման: Ինչ դասեր պետք է քաղեք:

- Առհասարակ կուսակցությունը սիրում է ցանկացած իրավիճակում վերլուծել եւ դասեր քաղել: Դա էր պատճառը, որ նախորդ տարի կուսակցությունը հաջողություն ունեցավ քաղաքական դաշտում: Եվ ցանկացած իրավիճակում կուսակցությունում քննարկում կա եւ լուծումներ կան, ու ես չեմ կարծում, որ մենք ունենք մի իրավիճակ, որտեղ կան անլուծելի խնդիրներ:

- Այդ դեպքում ինչու Ռոմանոս Պետրոսյանի եւ Սասուն Միքայելյանի այդ քննարկումները կուսակցությունից դուրս եկան եւ դարձան հրապարակային:

- Իշխանական քաղաքական ուժ է, մեծացող քաղաքական ուժ է: Քաղաքական ուժն էլ միշտ եղել է հրապարակային, այնպես որ խնդիր չեմ տեսնում: Բանավեճ է, եւ կարգավորումներ կլինեն:

- Դա կարծում եք ժողովրդավարության դրսեւորո՞ւմ է այսպես հրապարակավ միմյանց մեղադրելը: Ռոմանոս Պետրոսյանն էլ այսօր գրել էր, որ Սասուն Միքայելյանը…

- Մենք դա կուսակցությունում կքննարկենք: Ես այսքանը կարող եմ մեկնաբանել:

- Հակասություններ կա՞ն կուսակցության ներսում, որովհետեւ ներքին խմբերի մասին էր ակնարկում պարոն Միքայելյանը:

- Ներքին խմբեր, հատկապես ընտրությունների ժամանակ, ես չեմ նկատել: Եղել են ընտրություններ: Պարոն Միքայելյանն ունի մտահոգություններ, մենք այդ մտահոգությունները կքննարկենք:

- Ինտրիգներ, պայմանավորվածություններ, որի արդյունքում ինքը դուրս մնաց վարչության կազմից, չե՞ն եղել:

- Մենք զերծ ենք դրանցից:

- Այսինքն՝ իր մեղադրանքներն անհի՞մն են:

- Պարոն Միքայելյանի արտահայտած մտքերը եւ մտահոգությունները անպայման կքննարկենք: Մենք չենք քննարկել դրանք:

- Իսկ ձեր եւ վարչապետի այցելությունը բուհ ինչո՞վ է պայմանավորված, հայ-ռուսական հարաբերությունների ջերմության դրսեւորո՞ւմ է:

- Մենք պարբերաբար այցելում ենք շատ տարբեր բուհեր, եւ նաեւ պայմանավորված է հայ-ռուսական հարաբերություններով, իհարկե: Ես անձամբ գրեթե բոլոր համալսրաններում եղել եմ՝ Ֆրանսիական, Ամերիկյան: Ես ինքս Ֆրանսիական եւ Ամրիկյան համալսարանների խորհրդի անդամ եմ:

- Իսկ այս բուհը մրցակցությունը սրո՞ւմ է, ձեր գնահատականով:

- Ցանկացած որակյալ բուհ եւ դպրոց մրցակցությունը ավելացնում է դաշտում:

Տպել
6991 դիտում

Երևանը նոր «կանաչ բնակիչներ» ունի. բուսատեսակները միմյանց հաջորդելով կծաղկեն և քաղաքը միշտ կանաչ կլինի

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին

Հայաստանի ֆուտբոլի հավաքականի իսպանացի գլխավոր մարզիչ Կապառոսը հետեւում է ՀՀ Գավաթի եզրափակչին

Բուժումն ավարտած և տուն վերադարձած Էլենը կաջակցի քաղցկեղ և արյան հիվանդություններ ունեցող երեխաներին

Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին

«Առինջ մոլում» գտնվող շինանյութերի, հագուստի և տնտեսական ապրանքների վաճառքի կետերում հայտնաբերվել են մի շարք խախտումներ

Ժամանակավորապես կասեցվել է Աշտարակի հաշվառման-քննական ստորաբաժանման աշխատանքը

ԱՀ նախագահն ընդունել է Հայաստանի պաշտպանության նախկին նախարար Սեյրան Օհանյանին

Հակոբ Արշակյանն ու Լին Թրեյսին քննարկել են ներդրումների ներգրավման հնարավորությունները

Արտակարգ դրությամբ պայմանավորված՝ Լարսը բաց է միայն բեռնատարների համար

72 և 48 ժամով կասեցվել է Ազատության պողոտայում գտնվող «Նոր Զովք»-ի և Շենգավիթի հրուշակեղենի արտադրամասի գործունությունը

ՀՀ նախագահ Արմեն Սարգսյանը հանդիպել է Բակո Սահակյանի հետ

IDBank-ի և Idram-ի համատեղ հարթակում՝ մի շարք նոր առավելություններ

Գլխավոր դատախազի տեղակալը թոշակի է անցնում. նա ազատման դիմում է գրել

Այսօր նաեւ քննարկվել է Ազգային անվտանգության ռազմավարությանը հավանություն տալու մասին հարցը. Արմեն Գրիգորյան

Անցկացվել է պայմանագրային զինծառայողների երդման արարողություն

Կոտայքում կմեկնարկեն 5 դպրոցի կառուցման և վերակառուցման աշխատանքները

Լիլիթ Մակունցը եւ ՀՀ-ում ՌԴ դեսպանը քննարկել են հայ-ռուսական հարաբերությունների զարգացմանն առնչվող օրակարգային հարցեր

Սևանա լճում սիգի արդյունագործական որսի մասին «Սևան» ազգային պարկ»-ում աշխատանքային քննարկում է տեղի է ունեցել