Քոչարյանը Մարտի 1-ի երեկոյան ելույթ ունեցավ, ասաց՝ մեր կողմից էլ զոհեր կան․ իմ որդին այդ ժամանակ դեռ ողջ էր

«Իմ որդին 18 տարեկան էր, ծառայում էր ոստիկանության ներքին զորքերում։ Իր ջոկատը գտնվել է Լեո փողոցի վրա, որտեղ ոչ մի ցուցարար չի եղել»։ Այս մասին այսօր Մարտի 1-ի գործով նիստի ժամանակ հայտարարեց մարտիմեկյան դեպքերի ժամանակ դիպուկահարի կրակոցից սպանված Տիգրան Աբգարյանի մայրը՝ Ռուզաննա Հարությունյանը։

«Ոչ մեկը ՀՀ քաղաքացուն կյանքից զրկելու իրավունք չունի, երկու կողմերի ելույթներից հասկացա, որ ՍԴ-ն ոչինչ էլ չի որոշել։ Մեղադրյալ Քոչարյանը Մարտի 1-ի երեկոյան, ժամը 21։30 հեռուստացույցով ելույթ ունեցավ, ասաց՝ մեր կողմից էլ զոհեր կան։ Իմ որդին դեռ կենդանի էր, կանգնած էր Լեո փողոցի վրա։ Ինչո՞ւ սպանվեց իմ որդին, որպեսզի ասեն՝ երկու կողմից էլ զոհե՞ր կան։ Իմ որդին զինվոր էր, 18 տարեկան։ Ո՞վ սպանեց իմ զինվորին։ Պարոն Քլոյանը ճիշտ է ասում՝ Սամվել Նիկոյանը տարիուկես մեզ համոզում էր, որ դա պատահական գնդակ էր։ Սնայպերը ո՞նց կարա պատահական կրակի։ Հետո ասում են՝ պարոն Քոչարյանը չի իմացել ոչ մի բան։ Մի ընտանիքում եթե խժդժություններ են լինում, մեղավորն ընտանիքի մեծն է։ Էդ ժամանակ դուք էինք հանրապետության նախագահը»,- ասաց Աբգարյանի մայրը`դիմելով ամբաստանյալ Քոչարյանին։

Նա պատմեց, որ իր որդին 40 օր անգիտակից պառկած էր հիվանդանոցում, բայց այդ ընթացքում նախագահի, կամ դատախազի կողմնակիցներից որեւէ մեկը չգնաց տեսության․

«11 տարի ա՝ չեմ կարողանում պարզել՝ ով խփեց իմ որդուն։ Նա հիվանդանոցում պառկած էր, պարոն Սեյրան Օհանյանը եկավ հիվանդանոց, ես էլ զարմացա, ասեցի՝ երեւի եկել է որդուս տեսության, բանից պարզվեց՝ իր հայրն էլ է հիվանդանոցում։ Ես մոտեցա իրեն, ասեցի՝ եկել եք որդուս տեսությա՞ն, ձեր զինվորին, նա նույնիսկ չբարեհաճեց մտնել սենյակ՝ տեսնել էդ ի՞նչ զինվոր ա, որ պառկած ա էդտեղ»։

Ավելի ուշ լրագրողների հետ զրույցում Սեյրան Օհանյանն արձագանքեց, որ ինքը Տիգրան Աբգարյանի մոր պատմած դրվագը չի հիշում․

«Կարծում եմ` մեր հանրությունը գիտի, որ այն ժամանակահատվածում, երբ զինվորները, տարբեր անձինք եղել են հիվանդանոցներում, ես երբեւէ անտարբեր չեմ եղել: Ես կպարզեմ»:

Օհանյանը նշեց, որ ինքն այդ ժամանակ Գլխավոր շտաբի պետն է եղել եւ չի կարծում քաղաքացիական հագուստով լիներ, ինչպես պնդել էր Աբգարյանի մայրը:

Օհանյանն ասաց նաեւ, թե չի հիշում, որ իր հայրն այդ հիվանդանոցում եղած լինի: Անդրադառնալով Ռոբերտ Քոչարյանի խափանման միջոցը փոխելու պաշտպանական կողմի միջնորդությանը՝ Սեյրան Օհանյանը ասաց, որ ինքը կողմ է, որպեսզի խափանման միջոցը փոփոխվի.

«Իրականում պետք է փոխվի խափանման միջոցը եւ Ռոբերտ Քոչարյանը պետք է ազատության մեջ լինի»,- եզրափակեց Օհանյանը:

Հիշեցնենք, որ Սեյրան Օհանյանը նույնպես մեղադրվում է սամանադրական կարգը տապալելու մեջ: Գործով ամբաստանյալներից միայն Ռոբերտ Քոչարյանն էլ գտնվում կալանքի տակ»:

Տպել
1454 դիտում

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա

Ըմբշամարտի Աշխարհի առաջնություն. Արթուր Ալեքսանյանը հաղթեց թուրք ըմբիշին և դուրս եկավ 1/4