Հրայր Թովմասյանի լիազորությունները դադարեցնելու մասին դիմումը լավ փորձաքար է ՍԴ անդամների համար․ Արուսյակ Ջուլհակյան

Հայաստանի խորհրդարանը երեկ ընդունեց Սահմանադրական դատարանի անդամ Հրայր Թովմասյանի լիազորությունները դադարեցնելու մասին ԱԺ որոշման նախագիծը Սահմանադրական դատարան ուղարկելու մասին հարցը։ Փակ, գաղտնի քվեարկության արդյունքներով՝ քվեարկությանը մասնակցած 101 պատգամավորներից նախագծին կողմ էր եղել 98-ը, դեմ՝ մեկը։ Ըստ այդմ՝ դիմումն ուղարկվելու է Բարձր դատարան։

Հաջորդ գործողություններն այլեւս Դատարանի տիրույթում են։ Սահմանադրական դատարանի մասին օրենքի 83-րդ հոդվածի համաձայն՝ ԱԺ խմբակցության դիմումը քննության ընդունելու պահից ՍԴ անդամ Հրայր Թովմասյանի լիազորությունները կասեցվելու են մինչեւ դատաքննության ավարտը: Թովմասյանը դատավարությանը ներգրավվելու է բացառապես որպես պատասխանող:

Դիմումի մուտքագրման օրվանից 30 օր հետո ՍԴ-ն ընդունելու է կամ Հրայր Թովմասյանի լիազորությունները դադարեցնելու կամ դիմումը մերժելու մասին որոշում։ Սահմանադրական դատարանի պատճառաբանված աշխատակարգային որոշմամբ նշված ժամկետը կարող է երկարաձգվել, բայց ոչ ավելի, քան 50 օրով:

Իսկ եթե օրենքով սահմանված ժամկետում Ազգային ժողովը հրաժարվի դիմումից, եւ Սահմանադրական դատարանի դատավորը եռօրյա ժամկետում չառարկի դրա դեմ, ապա գործի վարույթը ենթակա է լինելու կարճման:

Թեմայի վերաբերյալ մեր մի քանի հարցերին է պատասխանել «Իմ քայլը» խմբակցության պատգամավոր, պետաիրավական հարցերի մշտական հանձնաժողովի անդամ Արուսյակ Ջուլհակյանը։

- Տիկին Ջուլհակյան, ՍԴ նախագահի պաշտոնը զբաղեցնող Հրայր Թովմասյանն իր վերջին հարցազրույցում, ըստ էության, քաղաքական հայտարարություններ էր անում՝ մասնավորապես նշելով, թե իշխանությունը փորձում է չեզոքացնել խանգարող մարդկանց, կամ որ ինքն այս պահին ունի նույն հոգեվիճակը, ինչ սահմանին կանգնած զինվորը, եւ այլն։ Ձեր կարծիքով՝ այդ հայտարարությունները կարո՞ղ են ճնշում կամ ազդեցություն ունենալ ՍԴ մյուս անդամների որոշումների վրա։

- Իմ խորին համոզմամբ՝ Հրայր Թովմասյանի ամբողջ հարցազրույցն էր ինքնին քաղաքական։ Եւ նա դա խոստովանեց, երբ ասաց, թե մենք իրավական գործընթացում ենք, դրա համար իրավական գնահատականներ չի հնչեցնի՝ հետագայում ՍԴ անդամների վրա ճնշում չգործադրելու համար։ Սրանից հետո Թովմասյանը սկսեց քաղաքական հայտարարությունների շարանը՝ հերթական անգամ ապացուցելով մեր այն թեզը, որ նա՝ որպես ՍԴ անդամ, չի պահպանում քաղաքական չեզոքություն պահելու օրենքի պահանջը։ Չեմ բացառում, որ այդ հայտարարությունները կարող են ազդեցություն ունենալ Դատարանի մյուս անդամների վրա, բայց միաժամանակ կարծում եմ՝ նրանք շփման ավելի ուղիղ եւ արդյունավետ խողովակներ ունեն, հետեւաբար, եթե ազդեցություն լինելու է, ապա կլինի անկախ այդ հարցարզույցից։

- ԱԺ նախագահ Արարատ Միրզոյանը երեկ հայտարարեց, որ ձեր խմբակցությունը կընդունի ՍԴ-ի կայացրած ցանկացած որոշում։ Ի՞նչ երաշխիքներ ունեք, որ Դատարանի անդամները կողմ կքվեարկեն նախագծին։ Բացի այդ, հայտնի է, որ դատավոր Վահե Գրիգորյանը չի մասնակցում որեւէ դիմումի քննության, իսկ Հրայր Թովմասյանի լիազորությունները քննության ընթացքում կասեցվելու են, կարող է նաեւ քվորում չապահովելու խնդիր առաջանալ։

- Երաշխիք իհարկե չկա, բայց միեւնույն ժամանակ չենք կարող բացառել, որ գուցե ՍԴ անդամներից առնվազն ոմանց մոտ ողջախոհությունը գլուխ կբարձրացնի եւ նրանք կհասկանան, որ պետք է լրջորեն զբաղվեն Դատարանի հեղինակությամբ, անաչառության եւ անկողմնակալության ապահովմամբ, որը նրանց ուղիղ պարտականությունն է․ ՍԴ մասին օրենքով եւ Սահմանադրույթամբ՝ ՍԴ դատավորի վրա դրված է ուղղակի պարտականություն՝ իրականացնել այնպիսի գործունեություն եւ կատարել այնպիսի գործողություններ, որոնք որեւէ պարագայում չեն վնասի դատարանի հեղինակությանը եւ որ իրենց գործունեությունն ուղղված կլինի անաչառության ապահովմանը։ Կարծում եմ՝ մեր ներկայացրած դիմումը լավ փորձաքար է նրանց համար։ Հետագայում Դատարանի որեւէ որոշման փաստարկներին ծանոթանալով կտեսնենք, թե որքան էր ՍԴ անդամներին իրականում հուզում իրենց անմիջական պարտականությունների կատարումը եւ Սահմանադրական դատարանի՝ որպես պետության բարձր դատարան՝ հեղինակությունը։ Եզրակացություններ կկարողանանք անել միայն կայացվելիք որոշման հիմքերին ծանոթանալուց հետո։ Ինչ վերաբերում է քվորում ապահովելուն՝ չեմ կարծում, թե անդամներից որեւէ մեկն այս գործին մասնակցելու անհամատեղելիություն ունի, բայց եթե որեւէ մեկը ունի շահագրգռվածություն կամ շահերի բախում եւ չի կարողանա անաչառ որոշում կայացնել, դրա մասին պետք է հայտարարի։

- Տիկին Ջուլհակյան, անկախ պատգամավոր Արման Բաբաջանյանը երեկ դիմում է ներկայացրել ՀՀ գլխավոր դատախազություն՝ պահանջելով քրեաիրավական գնահատական տալ Թովմասյանի կողմից 2018 թվականին այդ պաշտոնին հասնելու ճանապարհին թույլ տրված կոպտագույն օրինախախտումներին։ Նա նաեւ ԱԺ-ում է պատրաստվում նախագիծ շրջանառել։ Հետաքրքիր է՝ կմիանա՞ք Բաբաջանյանի նախաձեռնությանը, եւ ձեր կարծիքով նշյալ հանգամանքին պե՞տք է տրվի քրեաիրավական գնահատական։

- Ես անպայման կմիանամ պարոն Բաբաջանյանի նախաձեռնությանը։ Ինչ վերաբերում է հանցագործության մասին հաղորդմանը, իմ կարծիքով՝ իրավապահներն առնվազն պետք է ուսումնասիրեն այն փաստական հանգամանանքները, որոնք ընկած են նրա ներկայացրած դիմումի հիմքում, եւ տան համապատասխան գնահատական։ Այդ դիմումը պարտադիր պետք է քննարկվի, որովհետեւ բոլորիս աչքի առաջ է եղել գործընթացը, որով ՍԴ նախագահի պաշտոնը զբաղեցնող անձը, ըստ էության, զավթել է Դատարանի նախագահի աթոռը՝ մինչեւ 2035 թվականը։ Հիշում ենք՝ ինչպես որոշեցին, որ ՍԴ նախկին նախագահ Գագիկ Հարությունյանը պետք է գնա վաստակած հանգստի եւ նա թոշակի տարիքը լրանալուց մի քանի օր առաջ հրաժարական ներկայացրեց, գնաց Բարձրագույն դատական խորհուրդ, ապա Թովմասյանը նախորդ Սահմանադրության նորմերի համապատասխան հապճեպ ընտրվեց ՍԴ նախագահ։ Եթե սպասեին Գագիկ Հարությունյանի թոշակի տարիքը լրանալուն, ապա Թովմասյանի նկատմամբ տարածվելու էին նոր Սահմանադրության նորմերը եւ նա ՍԴ նախագահ էր ընտրվելու վեց տարի ժամկետով, այլ ոչ թե մինչեւ 2035 թվականը։ Ընդ որում, սպասելու դեպքում նա չէր կարող ընտրվել խորհրդարանում, ՍԴ նախագահին ընտրելու էին ՍԴ դատավորները։ Սա էր պատճառը, որ Թովմասյանը իր կուսակցապետ Սերժ Սարգսյանի հետ համագործակցությամբ նման աճպարարությամբ գործուղվեց ՍԴ։ Այստեղ, իհարկե, կարող ենք քննարկել հանգամանքը, որ եղել է դատական իշխանության նպատակաուղղված զավթում․ այդ հարցը պետք է անպայման քննարկվի։

Տպել
2815 դիտում

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են արցախի դերասանները

Կոչ եմ անում շինարարությունը տեղափոխել ՀՀ տարբեր հատվածներ. Սուրեն Պապիկյանը մասնակցել է «Build Armenia - 2021» էքսպոյին

Կողոպուտի մեղադրանքով երկու անձ է կալանավորվել

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը