Հատ-հատ կկտրենք բոլորի կեղտոտ թաթիկները, որոնք կմտածեն, թե կարող են կպնել ՀՀ ինքնիշխանությանը․ վարչապետ

Թույլ տվեք վստահ չլինել, որ նշված անձինք շեյխի ներկայացուցիչ են եղել։ Այս մասին այսօր ԱԺ-ում՝ հարց ու պատասխանի ժամանակ, ասաց վարչապետ Նիկոլ Փաշինյանը՝ արձագանքելով «Իմ քայլը» խմբակցության ղեկավար Լիլիթ Մակունցի դիտարկմանը, որ «հիասթափված շեյխ ներդրողների» վերաբերյալ խոսակցություններում շրջանառվում է նաեւ Փաշինյանի անունը, մասնավորապես որ ինքը քաղաքապետի հետ նրանց հանդիպման համար միջնորդություն է ներկայացրել։

Փաշինյանն ասաց, որ եթե նրանք շեյխի ներկայացուցիչ լինեին, Արաբական Միացյալ Էմիրությունների պաշտոնական ներկայացուցիչ, ապա կարիք չունեին Գագիկ Ծառուկյանին խնդրել, որ նա զանգի իրեն եւ խնդրի, որ ինքն էլ Երեւանի քաղաքապետին միջնորդի շեյխերին ընդունելու համար․

«Որովհետեւ եթե նրանք շեյխի ներկայացուցիչ էին, դեսպանատան միջոցով կարող էին դիմել մեզ։ Այո, Գագիկ Ծառուկյանն ինձ զանգել է, խնդրել, ասել՝ խոշոր ներդրողներ են։ Ես Երեւանի քաղաքապետին զանգել եմ, կիրակի օրով նա ընդունել է, ինձ էլ ասել է՝ պարոն Ծառուկյանն ասել է շեյխեր են կամ ներկայացուցիչ, ես հարգանքով ասել եմ՝ թող ընդունեն։ Երեւանի քաղաքապետարանը արարողակարգով ընդունել է նրանց՝ որպես պաշտոնական ներկայացուցչի»,- ներկայացրեց Փաշինյանը՝ շարունակելով, որ տարօրինակ է եղել, որ այդ մակարդակի մարդիկ Երեւանի քաղաքապետի հետ գալիս են հանդիպման՝ «ջինսերով, բոտասներով ու մայկաներով»․

«Սա, կարծում եմ, վերաբերմունք է պետական ինստիտուտի հանդեպ։ Նրանք ասել են՝ Երեւանի կենտրոնում հող ենք ուզում՝ բիզնես դնելու համար։ Քաղաքապետն էլ ասել է՝ ցավոք սրտի, ձեր նշած տարածքներով հող Երեւանի քաղաքապետարանի տիրապետության տակ չկա, մասնավորը գուցե ունենա, պետք է գնել։ Հընթացս պարզվել է՝ երեք հյուրերն էլ հեռախոսներ ունեն, զանգ են ստացել, երբ քաղաքապետը ներկայացնելիս է եղել հնարավորությունները։ Սկզբից մեկն է սկսել խոսել հեռախոսով, քաղաքապետը ընդհատել է իր խոսքը, հետո՝ մյուսը, էլի ընդհատել է խոսքը, բայց որ երրորդին է զանգ եկել, ասել է՝ «ենթադրում եմ՝ խոսակցությունն արդեն հետաքրքիր չէ ձեզ, ես, ըստ էության, ավարտեցի, շնորհակալություն, ցտեսություն»։ Եվ ես կարծում եմ՝ ճիշտ է արել։ Որովհետեւ, եթե մարդիկ կան՝ թույլ են տալիս, որ իրենց էդպես վերաբերվեն եւ էդպես վարվեն, եւ իրենց համար Հայաստանի պետականությունն է դա, որ ջինսով, բոտասով պիտի մտնեն, քաղաքապետին ասեն՝ սա, նա․․․ էդ ժամանակները պրծել են»։

Փաշինյանը նկատեց, որ խորհրդարանական «Բարգավաճ Հայաստան» խմբակցությունն սկսել է ներդրումային միջավայրից բողոքել։ Նա նշեց, որ ժամանակագրորեն բան չի ասում, բայց դա համընկել է այն հանգամանքի հետ, որ Քննչական կոմիտեում մեղադրանք է առաջադրվել «Մուլտի Գրուպ» ընկերության ղեկավարին (Ծառուկյանին պատկանող ընկերություն է,- հեղ․)՝ Հյուսիս-հարավ ծրագրի շրջանակներում շատ խոշոր չարաշահումներ թույլ տալու համար․

«Եվ ես ուզում եմ ասել, որ Հյուսիս-հարավ պրոյեկտը ներդրումային շատ լավ միջավայր է եղել, բայց բռնել էն էդ նախագիծը որպես կթու կովի կթել են, ով հասել է։ Հիմա մենք թաթիկները կտրում ենք հատ-հատ եւ շարունակելու ենք կտրել, եւ որեւէ մեկը չմտածի, որ ՀՀ դրոշին, պետականությանը, ինքնիշխանությանը, պետական արժանապատվությանը կարող է իր կեղտոտ թաթիկներով կպնել։ ԿԿտրենք բոլորի թաթիկները։ Սա՝ ի գիտություն»,- եզրափակեց վարչապետը։

Տպել
3174 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել