Հայոց լեզվից անբավարար է ստացել քննություն հանձնածների 21.1%-ը, հանրահաշվից՝ 25.1 %-ը. որոշ մարզերում 9-10 միավոր չկա

ՀՀ հանրակրթական դպրոցների ընթացիկ գնահատմամբ 6 825 աշակերտից 1 440-ը, այսինքն՝ 21.1%-ը հայոց լեզվի քննությունից անբավարար է ստացել: Հանրահաշվի դեպքում պատկերն այսպիսին է. քննություն հանձնած 6 784 աշակերտներից դրական գնահատական չի ստացել 1703-ը կամ 25.1 %-ը: Սրանք Գնահատման եւ թեստավորման կենտրոնի անցկացրած վերջին գնահատման ամփոփված արդյունքներն են:

Նշենք, որ ԳԹԿ-ն հանրակրթական դպրոցներում հայոց լեզու եւ հանրահաշիվ առարկաներից պարբերաբար անցկացնում է գնահատումներ: Կենտրոնի աշխատակիցները հսկում են ողջ գործընթացը, որպեսզի աշակերտներն ինքնուրույն կատարեն առաջադրանքները: Վերջին գնահատումը եղել է 2019 թվականի հոկտեմբերի 7-ից մինչեւ դեկտեմբերի 6-ը՝ 9-րդ դասարանցիների շրջանում: Ինչպես մեզ հետ զրույցում հայտնեց ԳԹԿ մամուլի քարտուղար Խաչանուշ Գրիգորյանը, ընթացիկ գնահատում անցկացվել է շուրջ 235 կրթական հաստատությունում՝ 113 միջնակարգ եւ 110 հիմնական դպրոցներում, 3 կրթահամալիրներում, 1 ավագ դպրոցում, 1 վարժարանում, 1 հատուկ դպրոցում, 1 միջնակարգ մասնագիտական եւ 4 ոչ պետական ուսումնական հաստատություններում:

ԳԹԿ մամուլի քարտուղարը մեզ տրամադրեց գնահատման արդյունքները՝ ամփոփված ըստ վարչատարածքային միավորների, որոնք ցույց են տալիս, թե որ մարզում որ գնահատականներն են առավել շատ կամ պակաս եղել: 

Ըստ այդ տվյալների՝ հայոց լեզվից 1-3 գնահատական, այսինքն՝ անբավարար, ամենաքիչը ստացել են Երեւանում՝ 12.04 % եւ ամենաշատը Գեղարքունիքի մարզում՝ 30.7 %:

4-5 գնահատականներն ամենաքիչը ստացել են Արարատի մարզում՝ 40.5%, ամենաշատը՝ Լոռու մարզում, տոկոսը հասնում է 52.4-ի:

6-8-ը միավորներն ամենաքիչը գրանցվել են Վայոց Ձորի մարզում՝ 23.1 %, առավել շատ՝ Սյունիքի մարզում՝ 40.4 %:

9 եւ 10 գնահատականներ չեն արձանագրվել Սյունիքի մարզում, իսկ առավել շատ գրանցվել են Շիրակի մարզում՝ 2.6 %:

Հանրահաշվի դեպքում եւս անբավարար գնահատականը՝ 1-3, ամենաքիչն արձանագրվել է Երեւանում՝ 17.5 %, համեմատաբար շատ է եղել Արարատի մարզում՝ 40.2 %:

4-5 գնահատականները քիչ են եղել Սյունիքում՝ 40.8 % եւ շատ Վայոց Ձորում՝ 58.3 %:

6-8-ի դեպքում պատկերն այսպիսին է. քիչ են Արարատի մարզում՝ 10.1 % եւ շատ՝ Երեւանում՝ 29.3 %:

9 եւ 10 բալեր չեն արձանագրվել Արագածոտնի, Արարատի, Լոռու եւ Կոտայքի մարզերում, սակայն շատ են եղել Սյունքի մարզում:

Նշենք, որ քննությունը տեւել է 60 րոպե: Յուրաքանչյուր առարկայի գնահատման համար օգտագործվել է թեստերի 8 տարբերակ: Դրանք կազմվել են աշակերտների նախորդ տարիների ուսումնասիրած թեմաներից:

Թեստերի պատասխանների ձեւաթղթերը տեղափոխվել են ԳԹԿ, որտեղ առաջադրանքները ստուգվել, գնահատվել են մասնագետների կողմից: Այնուհետեւ դրանք նաեւ ստուգվել են համակարգչով: Արդյունքները փոխանցվել են ուսումնական հաստատություններ, գրանցվել դասամատյաններում:

Խաչանուշ Գրիգորյանի խոսքով՝ ընթացիկ գնահատումը հնարավորություն է տալիս հասկանալու՝ աշակերտներն ինչքան են տիրապետում առարկաներին: Դրա միջոցով դպրոցականները ծանոթանում են կենտրոնացված ավարտական քննության անցկացման ձեւաչափին, սովորում՝ ինչպես լրացնել թեստը եւ պատասխանները ճիշտ անցկացնել ձեւաթուղթ: Աշակերտներն այսպես նաեւ վարժվում են՝ առաջադրանքները կատարել սահմանված ժամանակահատվածում:

Փորձեցինք ճշտել անցած տարի իրականացած գնահատումից համեմատական տվյալներ, սակայն ԳԹԿ մամուլի քարտուղարի խոսքով՝ մինչեւ այս ուսումնական տարին արտաքին ընթացիկ գնահատումն անցկացվել է ավագ դպրոցներում, իսկ 2019-ին արդեն հիմնական դպրոցի 9-րդ դասարանններում, այդ պատճառով համեմատելու տվյալներ չկան:

ԳԹԿ-ում ընթացիկ գնահատման վերաբերյալ մի շարք ծրագրեր կան, որոնք, դեռեւս քննարկումների փուլում են: Դրանցից մեկն էլ ընթացիկ գնահատումն ավագ դպրոցում շարունակելն է՝ 10, 11, ապա նաեւ 12-րդ դասարաններում: Ծրագիրը նպատակ ունի ստուգել նույն երեխաների գիտելիքի փոփոխությունը տարիների ընթացքում:

Տպել
5495 դիտում

Ստուգվել են եռամսյա վարժական հավաքներում ընդգրկված պահեստազորայինների սոցիալ-կենցաղային պայմանները

Երևանում կայացել է «Armenian Business Forum» գործարար համաժողովը

ՔՈԱՖ-ն ու ԱՄԱԱ-ն նոր զարկ են տալիս Լոռու մարզում կաթնամթերքի արտադրությանը

Վաղը միջոցառմանը մասնակցելու նպատակով Ագարակ քաղաքից բնակիչներին տեղափոխող միկրոավտոբուսներ կշարժվեն Մեղրի

Արամ Առաջինը պատգամ է հղել Հայաստանի Հանրապետության անկախության 30-ամյակի առթիվ

Եթե վաղը չհաջողվի լինել Հանրապետության հրապարակում, ժամը 21։20-ից հայացքն ուղղեք դեպի Հրապարակի երկինք․ Հարությունյան

Հետախուզական խմբերը հարձակողական մարտ են վարել (լուսանկարներ)

«Արևիկ» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Վարչապետը ցավակցական հեռագիր է հղել Անահիտ Թոփչյանի մահվան կապակցությամբ

ԱԹՍ փորձակայանում տեղի է ունեցել «Հաւք 2021» ԱԹՍ առաջին մրցույթը, մասնակցել է 27 թիմ

Նիկոլ Փաշինյանը ցավակցական հեռագիր է հղել ՀՀ ժողովրդական արտիստ Ժենյա Ավետիսյանի մահվան կապակցությամբ

Բախվել են Ոսկեվազ-Երևան երթուղին սպասարկող ГАЗель-ն ու Nissan X-Trail-ը, կան վիրավորներ. shamshyan.com

Նիկոլ Փաշինյանը ցավակցական հեռագիր է հղել Վլադիմիր Պուտինին

2022-ին կապիտալ ծախսերի ծավալը կլինի աննախադեպ. վարչապետը մասնակցել է Հայկական գործարար ֆորումի բացման արարողությանը

Առաջիկա օրերի եղանակի կանխատեսումը

Կայացել է Արցախի Հանրապետության և Հայաստանի Հանրապետության հռչակման 30-րդ տարեդարձին նվիրված միջազգային գիտաժողովը

Նախագահ Սարգսյանը ցավակցել է Հայաստանի ժողովրդական արտիստուհի Ժենյա Ավետիսյանի մահվան կապակցությամբ

Տիտանից աճեցված առաջին պրոթեզները՝ վիրավոր զինվորին․ Ջումայանը ներկա է գտնվել «Հիբրիդ» լաբորատորիայի բացմանը

Armenia Business Forum-ի բացման ելութում Գրիգորյանը կարևորել է թվայնացման և նորագույն տեխնոլոգիաների դերը մեր կյանքում

Հրդեհ է բռնկվել Եղեգնավան գյուղի տներից մեկի տանիքում

Գյումրու «Շիրակ» օդանավակայանից մեկնարկել են Մոսկվա-Գյումրի-Մոսկվա երթուղով չվերթները

Լիահույս եմ, որ մեր բարեկամության ավանդական կապերը կշարունակեն ամրապնդվել. Եգիպտոսի նախագահի շնորհավորական ուղերձը

Ուսապարկերով ջուրը հրդեհի օջախներ է հասցվում. «Արևիկ» ազգային պարկում հրդեհաշիջումը շարունակվում է (տեսանյութ)

30 տարի առաջ Լիտվան առաջինն էր, որ ճանաչեց ՀՀ անկախությունը. Անկախության օրվա առթիվ շնորհավորել է Լիտվայի նախագահը

L’Œuvre d’Orient-ը պահանջում է Լեռնային Ղարաբաղին վերադարձնել ողջ պատմական տարածքը՝ ապահով սահմաններով. Արցախի ՄԻՊ

ԱՀ նախագահի մեդալներով են պարգևատրվել արարատցի զինծառայողները. անմահացած տղաներինը հանձնվել են ծնողներին (լուսանկարներ)

Զոհված և անհետ կորած համարվող զինծառայողների աճյունների որոնողական աշխատանքներն այսօր Հադրութում արդյունք չեն տվել

Հակակոռուպցիոն կոմիտեն ինչով է տարբերվում ՀՔԾ-ից, ինչ գործառույթ է իրականացնելու. մանրամասնում է ՀՔԾ-ի բաժնի պետը

Վահան Քերոբյանը վստահեցրեց՝ Գորիս-Կապան ճանապարհին ստեղծված իրավիճակը շուտով կլուծվի

Այսօր ստորագրվեց հայ-ռուսական համագործակցության շրջանակային հզոր համաձայնագիր. Վահան Քերոբյան

Արցախում ընդլայնվել է անվճար կամ արտոնյալ պայմաններով տրամադրվող դեղերի ցանկը

Էրդողանը կայցելի Ռուսաստան. Պուտինի հետ հանդիպման օրակարգը երբևէ եղածներից ամենաընդարձակն է. Պեսկով

Հայաստանի Անկախության 30-ամյակի առթիվ Արմեն Սարգսյանին շնորհավորել է Թուրքմենստանի նախագահ Բերդիմուհամեդովը

Անկախության 30-ամյակի միջոցառումների շրջանակում քայլերթ կիրականացնեն ԶՈՒ ստորաբաժանումները. ժամանակացույց

Մահացել է ՀՀ ժողովրդական արտիստուհի Ժենյա Ավետիսյանը

Նիկոլ Փաշինյանը շնորհավորական ուղերձ է հղել Վլադիմիր Պուտինին Պետդումայի ընտրությունների հաղթանակի կապակցությամբ

Այցելություն «Եռաբլուր», պարգևատրումներ, քայլերթ. հայտնի է վաղվա միջոցառումների օրակարգը (տեսանյութ)

Ղազախստանի առաջին նախագահ Նազարբաևը շնորհավորել է ՀՀ անկախության 30-ամյակը

Իշխող կուսակցությունը կրկին հաղթում է. ՌԴ ԿԸՀ-ն հաշվարկել է Պետդումայի ընտրությունների քվեաթերթիկների 99 տոկոսը

Հայաստանը շահագրգռված է կոմունիկացիաների բացմամբ. վարչապետն ընդունել է Ռուսաստանի փոխվարչապետին (լուսանկարներ)