ԵԿՄ նախագահը հայտարարեց՝ իշխանության կցորդ չեն դառնա, բայց պատրաստ են աջակցել Փաշինյանին, հեղափոխությունը վերջին հասցնել

Վազգեն Սարգսյանի ծննդյան 61-ամյակի առիթով ԵԿՄ-ում միջոցառում է կազմակերպվել, որին մասնակցում է նաեւ ՀՀ վարչապետ Նիկոլ Փաշինյանը:

Միջոցառումն սկսվեց ՀՀ պետական օրհներգի հնչյունների ներքո: ԵԿՄ նախագահ Սասուն Միքայելյանը ողջունեց բոլոր հյուրերի ներկայությունը՝ իր խոսքերով սպարապետի ստեղծած Երկրապահների ընտանիքում՝ նշելու նրա ծննդյան 61-րդ տարեդարձը: Այնուհետեւ հավաքվածները 1 րոպե լռությամբ հարգեցին Վազգեն Սարգսյանի եւ նահատակված մյուս հերոսների հիշատակը:

«Հարգելի՛ մարտական ընկերներ, պատերազմի ծանր ժամանակաշրջանում ամենածանր բեռն ընկավ ԵԿՄ-ի վրա: Գիտակցելով դա՝ մենք բոլորս Արցախի հերոսական ժողովրդի եւ համայն հայության համախմբման շնորհիվ կարողացանք տանել այդ հաղթանակը: Պատերազմից հետո բոլորս լծվեցինք մեր առօրյա կյանքին, բայց, ցավոք, Հայաստանում տեղի ունեցան Հոկտեմբերի 27-ի դեպքերը, եւ ՀՀ օրենսդիր մարմնում գնդակահարվեցին մեր երկրի օրենսդիր եւ գործադիր իշխանության ներկայացուցիչներ: Այդ օրվանից սկսած, հարգելի՛ մարտական ընկերներ, նախորդ ռեժիմը փորձեց Երկրապահը ծառայեցնել իրեն՝ իր հանցավոր ռեժիմը ամրապնդելու համար: Կասեի, որ մասնակի հաջողվեց: Բայց  շնորհիվ մեր այն ընկերների, որ երազում էին ունենալ հզոր պետություն, սպարապետի գաղափարակից ընկերների, չհաջողվեց դա իրագործել»,- իր խոսքում նշեց Միքայելյանը:

Այնուհետեւ դիմելով վարչապետին՝ նա տեղեկացրեց, որ ԵԿՄ 12-րդ արտահերթ համագումարից հետո կարճ ժամանակահատվածում իրենք կարողացան համախմբել Երկրապահը, մաքրել երկրապահի շարքերը եւ կամաց-կամաց գնալ դեպի արմատներ: Միքայելյանի խոսքով՝ այսօր դա հնարավորինս հաջողվել է, իրենք շարունակում են ընթանալ այդ ուղղությամբ եւ ցանկանում են այդ գործը տանել դեպի փայլուն ավարտ:

Տեղեկացնելով, որ ներկա է Երկրապահ կամավորականների միության ամբողջ վարչությունը, մարզային նախագահները, փոխնախագահները, տարածքային բաժանմունքների նախագահները՝ ԵԿՄ նախագահն ասաց, որ իրենց են միացել նաեւ այն հասարակական կազմակերպությունները, որոնք պատերազմի հետ առնչվել էին: Խոսքը «Մեծն Տիգրան» աշխարհազորային գնդի, «Արաբո» ջոկատի, «Հաշմանդամ օդաչուներ» ՀԿ-ի, «Աֆղանցիներ» կամավորական ջոկատի եւ «Դիրքապահ» քառօրյա պատերազմի մասնակիցների միավորման մասին է: Միքայելյանն ասաց, որ այդ բոլոր կազմակերպություններից ընդգրկվել են վարչության կազմում: Նրա խոսքերով՝ կամաց-կամաց ավելի են ընդլայնում ԵԿՄ շարքերը:

«Մենք գիտակցում ենք այսօրվա խոշոր տերությունների վերադասավորումները, որ տեղի են ունենում մեր տարածաշրջանում, եւ մենք՝ երկրապահներս, վերջին խորհրդակցության ժամանակ որոշել ենք հանդես գալ Երկրապահ ուժի ձեւաչափով, համալրել Երկրապահը եւ դառնալ մի կուռ կառույց բանակի ռեզերվում՝ չխանգարելով բանակի ռեսուրսին»,- ընդգծեց ԵԿՄ նախագահը:

Խոսելով թավշյա հեղափոխության եւ հետհեղափոխական դժվարությունների մասին՝ Միքայելյանն ասաց, որ ԵԿՄ-ում այժմ այն մարդիկ են, որ կարողացան վերջին իրադարձություններից հետո համախմբվել, ճիշտ գիտակցել հարցի լրջությունը եւ պահել ԵԿՄ-ն, թույլ չտալ, որ այն քանդվի:

«Եվ այս թավշյա հեղափոխությունից հետո, պարո՛ն վարչապետ, որ առաջնորդեցիք դուք, գրեթե 20 տարի մեր ժողովուրդը միշտ եղել է պայքարի, բայց ինչ-որ առաջնորդների թերացումների, թե ինչ-որ քաղաքական նկատառումներով մեր ժողովրդին չկարողացան տանել դեպի հաղթանակ: Դա ձեզ հաջողվեց»,- ասաց Սասուն Միքայելյանը եւ ընդգծելով, որ չեն պատրաստվում դառնալ որեւէ իշխանության կցորդ, բայց լինելու են այն իշխանությունների հետ, որոնք ընտրվել են ժողովրդի կողմից, իրենց գործունեությամբ աջակցելու են իշխանություններին, որ մեր պետությունը գնա դեպի հզորացում:

«Նորանկախ պետության ձեւավորման գործում ամենամեծ դերակատարությունն ունեցել եք դուք: Մենք պարտավոր ենք սկիզբը վերջին կապել եւ գնալ դեպի ամուր պետականություն… Անկախ քաղաքական ինչ-որ հայացքներից՝ ձեր կողքն ենք լինելու, որ այն, ինչ արվել է թավշյա հեղափոխության ժամանակ, հասցնենք ավարտին եւ ունենանք հզոր պետություն: Հետագա սերնդին հնարավորություն տանք ապրելու անկախ պետությունում»,- հավելեց Միքայելյանը:

Միքայելյանից հետո ելույթ ունեցավ նաեւ ՀՀ վարչապետ Նիկոլ Փաշինյանը: Փաշինյանի ելույթը՝ այստեղ:

Տպել
856 դիտում

Անի Սմբատյանն արձագանքել է կոճապղպեղի թանկացումների մասին ահազանգերին

«Փյունիկն» ստացել է 107 հազար, «Ուրարտուն»՝ 84 հազար, «Շիրակը»՝ 56 հազար եվրո. ՀՖՖ-ն բաշխել է համերաշխության վճարները

Կներդրվի էլեկտրոնային միջոցների եւ թվային տեխնոլոգիաների կիրառման միջոցով համաճարակի կանխարգելման նոր մեխանիզմ. Բադասյան

Ոստիկանների նկատմամբ բռնություն գործադրելու մեջ մեղադրվող 28-ամյա քաղաքացին գրավի դիմաց ազատ է արձակվել

Երկրաշարժ է գրանցվել Քարվաճառ քաղաքից 33 կմ դեպի հյուսիս-արևելք. էպիկենտրոնում ցնցման ուժգնությունը կազմել է 3 բալ

Հաստատվել են օլիմպիական խաղերի ժամկետները. պաշտոնական

Արմեն Սարգսյանը նամակ է հղել ՉԺՀ նախագահ Սի Ծինփինին

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

«Մենք որոշեցինք դիտորդական առաքելությունը չկասեցնել». Արցախ մեկնած դիտորդները թեստեր են հանձնել եւ անվտանգ են

ՀԱՊՀ-ն գործարկել է iUniversity հայկական առաջին համալսարանական առցանց հարթակը

ԱԺ-ն առաջին ընթերցմամբ ընդունեց անձնական տվյալներին հասանելիություն ունենալու մասին օրինագիծը

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Արցախ մեկնող պատգամավորներից որեւէ մեկի մոտ կորոնավիրուսի առկայություն չի հաստատվել․ Արարատ Միրզոյան

Դորտմունդի «Բորուսիան» վերսկսում է մարզումները. The Daily Mail

Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին (տեսանյութ)

Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Ի՞նչ կլիներ, եթե ընդհանրապես միջամտություններ չիրականացվեին․ մանրամասնում է Ռուստամ Բադասյանը

Ա. Սարգսյանը ՀՀ-ում Հնդկաստանի դեսպանի հետ տեսակապով քննարկել է նոր կորոնավիրուսի հետևանքով ստեղծված իրավիճակը

Հնարավոր է ուղղակի բիզնեսին դրամաշնորհներ տրամադրել, բայց դա ժամանակավոր եւ անարդյունավետ է․ փոխվարչապետ