Պետք չի հիմա այդպիսի գնումներ անել, որեւէ խնդիր չկա. վարչապետ

Իմ կարծիքով գնաճի դեմ ամենաարդյունավետ պայքարը կարող ենք մենք՝ սպառողներս վարել, երբ որ ի վերջո պայմանավորվենք, որ այսպես խուճապային գնումներ չենք իրականացնում: Այս մասին այսօր Ազգային ժողովում՝ արտակարգ դրություն հայտարարելու քննարկման ժամանակ ասաց ՀՀ վարչապետ Նիկոլ Փաշինյանը՝ պատասխանելով «Իմ քայլը» խմբակցության պատգամավոր Արուսյակ Ջուլհակյանի այն հարցին, թե արդյո՞ք պետությունը որեւէ կերպ վերահսկում է կամ պատրաստվում է միջամտել տնտեսվարողների կողմից վարվող գնային քաղաքականությանը, քանի որ երեկվանից տարբեր խանութներում գնաճ է նկատվում՝ սպիրտի եւ առաջնային սպառման ապրանքների:

«Իհարկե՝ տնտեսական մրցակցության պաշտպանության հանձնաժողովը պայքարում է այդ երեւույթի դեմ: Բայց իմ կարծիքով գնաճի դեմ ամենաարդյունավետ պայքարը կարող ենք մենք՝ սպառողներս վարել, երբ որ ի վերջո պայմանավորվենք, որ այսպես խուճապային գնումներ չենք իրականացնում: Հիշում եք չէ՞, որ Խորհրդային միության ժամանակներում մեր պապիկները մի անկյուն ունեին՝ օճառ, լուցկի, ձեթ, այդպես ահագին բաներ կար: Պետք չի հիմա այդպիսի գնումներ անել: Ես իսկապես հարցրել եմ, պահանջել եմ, որ ճշմարտությունը ասվի, ոչ մի բան չթաքցվի: Եվ ասում են, որ որեւէ խնդիր չկա: Բայց մյուս կողմից մարտի 8-ի համեմատ՝ երեկ 20 տոկոսով մեր առեւտրային ցանցերում առեւտուրն աճել է: Եթե հաշվի առնենք, որ մարտի 8-ն էլ տոնական օր է եւ այսպես թե այնպես առեւտրի ծավալը տոնի կապակցությամբ մեծացել էր, երեկ եւ նախօրեին էլ շաբաթ-կիրակի էր ու 20 տոկոսով առեւտուրը մեծացել է, այնուամենայնիվ դուք այսօր խանութներում կտեսնեք, որ ցուցափեղկերում դատարկություն չկա»,- ասաց վարչապետը:

Ջուլհակյանը հետաքրքրվեց, արդյո՞ք եթե քաղաքացիները նկատեն որոշակի ապրանքների գնաճ կարող են ահազանգել ՏՄՊՊՀ, որպեսզի նրանք զբաղվեն այդ հարցով, Նիկոլ Փաշինյանը պատասխանեց. «Այո, իհարկե: Բայց եկեք ասվածով հանդերձ չմոռանանք, որ գնաճի մեջ կա նաեւ օբյեկտիվության խնդիր: Նույն դիմակների հետ կապված իրավիճակը. երբ մենք բոլորս ահազանգում էինք, որ Հայաստանում դիմակներ չկան, դիմակներ չկար նաեւ ամբողջ աշխարհում: Գործարարներ կային, ովքեր կառավարությանն էին դիմել հետեւյալ հարցով՝ ասում էին գտել ենք տեղ, որտեղ կա դիմակ, կարող ենք գնալ եւ բերել, բայց եթե բերենք այդ դիմակը կարժենա 150 դրամ: Հիմա կարո՞ղ է մենք բերենք այդ դիմակը վաճառենք 150 դրամով, ամբողջ կառավարությունն ու հանրությունը հարձակվի մեզ վրա եւ ասի այ սրանք սպեկուլյացիա են անում: Էդ որ ասում են Հայաստանում դիմակ չկա, պատրաստ չէր Հայաստանը, ոչ մի տեղ էլ չկար: Երկրներն արգելք են դրել դիմակների արտահանման վրա: Այնպես չի, եթե գինն աճում է, ապա պարտադիր սպեկուլյացիա է: Այն դեպքում, երբ ոչ մրցակցային պայմանների արդյունքում կլինի՝ իհարկե, հանձնաժողովը դրանով կզբաղվի: Հիմա օրինակ՝ բենզինի գինը պետք է նվազի, դիմակի գինը պետք է ավելանա: Եվ մենք պետք է միջոցներ ձեռնարկենք, որպեսզի անտրամաբանական բաներ շուկայում տեղի չունենան: Դրա համար առողջապահության նախարարությունն ասում է փողոցներում դիմակ կրելու անհրաժեշտություն չկա: Դիմակ կրելու անհրաժեշտություն ունեն այն մարդիկ, ովքեր վիրուսակիր են եւ ովքեր շփվում են այդպիսի անձանց հետ»:

Տպել
799 դիտում

Ուկրաինայի հայ համայնքում COVID-19-ով վարակված մեկ ներկայացուցիչ կա

Երեւանում հողագործական աշխատանքներ իրականացնելիս հայտնաբերվել է նռնակի պայթուցիչ

Բորիս Ջոնսոնը վերակենդանացման բաժանմունքից տեղափոխվել է հիվանդասենյակ

Գյումրիի թաղամասերից մեկում իր տանը հայտնաբերվել է բնակչի դին

Արցախի «Աղավնո» հսկիչ անցակետում ծառայող 4 ոստիկաններ ինքնամեկուսացել են՝ ապահովության նկատառումներով

Տավուշի մարզում կորոնավիրուսով վարակված 6 մարդ կա. մեկուսացած է 96, ինքնամեկուսացած՝ 188 մարդ. մարզպետ

Գյումրիում բժշկական դիմակով անձինք կողոպտել են ՀՀ ՊՆ N զորամասի կին զինծառայողին

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը